ဆေးလိပ်စွဲနေတဲ့ ထူးဆန်းကိုရွှေလိပ်...

တိရိစ္ဆာန်တွေတောင် စွဲလမ်းမူးယစ်စေတဲ့ အရာတွေနဲ့ အကျင့်လုပ်လိုက်မိရင် အလွယ်တကူ ရင်းနှီးကျွမ်းဝင်သွားတာကတော့ အံ့သြစရာပါ... တရုတ်နိုင်ငံ၊ Jilin ခရိုင် Changchun မြို့ အဖြစ်အပျက်လေးတစ်ခုပါ... အလေးချိန် ၄.၃ ကီလိုရှိတဲ့ လိပ်တကောင်ဟာ ဆေးလိပ်စွဲနေပြီးတော့ တရက်ကို စီးကရက် ၁၀ လိပ်နီးပါးခန့် သောက်တယ်လို့ ဆိုပါတယ်... မယုံနိုင်စရာကြီး...၊

ကိုရွှေလိပ် ဆေးလိပ်စွဲသွားရတဲ့ အကြောင်းအရင်းကတော့... တနေ့မှာ သူ့ကို စောင့်ရှောက်နေတဲ့ Mr. Tang ဟာ လိပ်ရဲ့ဝမ်းဗိုက်မှာ ဆူးနေတဲ့ ကြက်ရိုးကိုတွေ့သွားတယ်... ဒါနဲ့ အဲဒီအရိုးကို ဆွဲထုတ်ဖို့လုပ်နေစဉ်မှာပဲ ကိုရွှေလိပ်က Tang ကို ပါးစပ်နဲ့ လှမ်းဟက်လိုက်တယ်... တချိန်တည်းမှာပဲ Tang ကလည်း စိတ်ကူးပေါက်ပြီး လိပ်ပါးစပ်ထဲကို သူသောက်နေတဲ့ စီးကရက်ထိုးထည့်လိုက်တယ်လို့ ဆိုပါတယ်...၊

အဲဒီနောက်ပိုင်းကစလို့ ဆေးလိပ်စွဲသွားပြီး၊ Mr. Tang ပြောကတော့ ကိုရွှေလိပ်ခင်မျာ  ဆေးလိပ်မသောက်ရရင်  ဟိုသွားဒီလာ မရပ်မနားနဲ့ ဂဏာမငြိမ် ဖြစ်နေပြီး သူဆေးလိပ်သောက်နေတဲ့အချိန်ဆိုရင် အနောက်ကနေ တကောက်ကောက် လိုက်နေတယ်လို့ ဆိုပါတယ်...၊

အစလုပ်လိုက်မိတဲ့ Mr. Tang ကြီးကတော့ သူနဲ့ သူရဲ့ကိုရွှေလိပ်အတွက် စီးကရက်ဖိုး ကုန်ကျစရိတ်အတွက် ညည်းငြူနေပြီး... ဘိန်းစားကိုရွှေလိပ်ကြီးကို ဘယ်လိုဆေးလိပ်ဖြတ်ပေး ရမယ်ဆိုတာ အကြံညဏ်လေးများရှိရင်လည်း ကူညီကြပါအုံးတဲ့ဗျား....။ သင်ခန်းစာလေးပေါ့...။

ကဲ...အောက်က ဗွီဒီယိုလည်း ကြည့်လိုက်ပါအုံး...

oddstuffmagazine/internet

http://lwanmapyay.blogspot.com/

ဆက်စပ်ဖတ်ရှုရန် အကြောင်းအရာများ...