အသပြာမပါတဲ့ ကျောင်း
မန္တလေးမြို့မြောက်ပြင်၊ မိဘဈေးရဲ့မြောက်ဘက်က ဥပုသ်တော်ရပ်ကွက်ရဲ့ လမ်းကြိုလမ်းကြားလေး ထဲ ဝင်သွားလိုက်ရင် အခြေခံလူတန်းစားတွေနေတဲ့ အိမ်လေးတွေရှိတယ်။
အိမ်ကလေးတစ်လုံးရဲ့ အခန်းတစ်ခန်းကိုကန့်ပြီး စာသင်ခန်းလေးလုပ်ထားတယ်။ ကျောင်းသားထိုင်ခုံ တွေ ကလည်း (အားနာနာနဲ့ ကိုယ်မြင်သလို ပွင့်ပွင့်လင်းလင်း ပြောရရင်) နည်းနည်းတော့နုပ်တာအမှန် ပါ။ အခန်းလေးကလည်း ဝါးကပ်ထရံကာထားတာ။ စာသင်ခန်းလေးရဲ့ ပြတင်းပေါက်တံခါးရွက်က ပျက်နေ တယ်။ ပြတင်းတံခါးရွက်က ပျက်နေတယ်။ ပြတင်းတံခါးက အပြင်ဘက်ကိုကြည့်လိုက်ရင် ပတ်ဝန်းကျင်မြင် ကွင်းက မသားနားပါဘူး။ ခြံစည်းရိုးယိုင်နဲ့နဲ့မှာ ထဘီဟောင်းတွေလှန်းထားတယ်။
သည်စာသင်ခန်းလေးကို အနေစုတ်ပေမဲ့ ရွှေထုပ်မယ့်မြပဝါလို့ ကျွန်တော့်စိတ်မှာခံစားမိတယ်။
စာသင်ခန်းလေးရဲ့ ပိုင်ရှင်ဆရာကိုတင်မျိုးနိုင်ဦးကို ကျွန်တော်တွေ့ဖူးတာကြာပြီ။ သူ့မှာတစ်ခါက တစ်ဘဝတွေ့ရှိဖူးတယ်။ သူကဆေးမင်ကြောင်ထိုးတာ ဝါသနာပါတယ်။ လွန်ခဲ့တဲ့ ၁၀ နှစ်လောက်၊ ဆေးမင်ကြောင်ခေတ်ဦးမှာ လူငယ်တွေ ဆေးမင်ကြောင်ရူးသွပ်ကြတဲ့အကြောင်း သတင်းဆောင်းပါး ကို ကျွန်တော်ရေးဖူးတယ်။ (အဲသည်တုန်းက စာပေစိစစ်ရေးက ဆေးမင်ကြောင် သတင်းဆောင်းပါး ကို ဖော်ပြခွင့်မပေးခဲ့ဘူး။) ကိုတင်မျိုးနိုင်ဦးကို တစ်ကိုယ်လုံးဆေးမင်ကြောင်ထိုးသူ လူငယ်အဖြစ် ကျွန်တော်ဗျူးဖူးတယ်။
နောက်တစ်ခါကျတော့ အလှငါးမွေးသူအဖြစ် သူနဲ့ကျွန်တော်ဆုံကြပြန်ရော။ လက်ကောက် ဝတ် လောက်ကြီးတဲ့ ဂျပန်ငါးကြီးတွေ သူမွေးထားတယ်။ ငါးရဲ့ကိုယ်ကအရောင်စုံ။ လှသည်ထက်လှအောင် ငါးကိုဆေးမင်ကြောင်ထိုးတာ တွေ့ရပါတယ်။
ဆေးမင်ကြောင်ဝါသနာရှင် အလှငါးမွေးသူက ယခုတော့ ပရဟိတကျောင်းဆရာ ဖြစ်နေပါတယ်။ သူ့စာသင်ခန်းလေးကို ကျွန်တော်သွားလည်တော့ ကိုတင်မျိုးနိုင်ဦးက ကျောင်းသူလေးတစ်ယောက်ကို ကျွန်တော်တို့နဲ့ တွေ့ပေးဖို့ အဆင်သင့်ခေါ်ထားတယ်။ ကလေးမလေးအမည်က စန္ဒာချို။ သူက ဆရာမျိုးရဲ့ကျောင်းကလေး ဘာသာဂုဏ်ထူးနဲ့ ၁၀ တန်းအောင်ပြီး နိုင်ငံခြားဘာသာသင်တက္ကသိုလ် မှာ ပြင်သစ်ဘာသာသင်ယူနေသူပါ။ ပြင်သစ်တိုးဂိုက်လုပ်ဖို့ ရည်ရွယ်ထားသူဖြစ်တယ်။ ရှစ်တန်းက တည်းကဆရာမျိုး တပည့်။
ဆရာမျိုးတစ်ယောက်ဘယ်လိုကဘယ်ပုံ ပရဟိတကျောင်းဆရာဖြစ်လာရတာလဲ ကျွန်တော်မေးခွန်း ထုတ်တယ်။
ကိုတင်မျိုးနိုင်ဦး။ ။ လွန်ခဲ့တဲ့ငါးနှစ်လောက်က သူငယ်ချင်း ကိုသန့်ဇင်နဲ့ လက်ဖက်ရည်ဆိုင်ထိုင် ရင်းသူက တိုက်ခန်းတစ်ခုငှားပြီး အခမဲ့စာသင်ပေးနေတာတဲ့။ ကျွန်တော်လည်း စိတ်ဝင်စားတယ်။ ၂၀၀၉ ဇူလိုင် ၁ ရက်နေ့မှာ ကျွန်တော်ကလေး ၄၅ ယောက်ကို စာစသင်ပေးတယ်။ ကျွန်တော်သင်ပေး တာက သုံးတန်း၊ လေးတန်းနဲ့ ခြောက်တန်း။
(သူ့ပုံစံက ဘောင်းဘီရှည်နဲ့ ခေတ်လူငယ်ပုံစံ။ သူသင်ပြတာက ဆင်းရဲသားကျောင်းသူ ကျောင်းသား။ အံမဝင်ခွင်မကျ မဖြစ်ဘူးလားမေးတယ်။)
ကိုတင်မျိုးနိုင်ဦး။ ။ ကလေးတွေက ကိုယ့်ကုံကြည့်ပြီး ကြောက်နေတယ်။ နောက်မှရင်နှီးသွား တာ။ (သူကပြောရင်း ရယ်တယ်။)
ကျော်ရင်မြင့်။ ။ စာစသင်တဲ့ အတွေ့အကြုံပြောပြစမ်းပါ။
ကိုတင်မျိုးနိုင်ဦး။ ။ ဒုတိယရက်မှာ သုံးတန်းကလေးတွေကို မနေ့ကသင်လိုက်တဲ့ အင်္ဂလိပ်စာ မီးနင်းမေးတယ်။ ကလေးတွေက မှားရင်ရိုက်မှာလားလို့ ပြန်မေးတယ်။ ကျွန်တော်စိတ်မကောင်းဘူး။ သူတို့မှာ အကြောက်တရားတွေ တအားကြီးနေတယ်။ ဆရာဆိုတာ တပည့်မှားရင်ပြင်ပေးရမှာ။ မရိုက်ဘူးလို့ ပြောလိုက်ပါတယ်။
(ကလေးတွေက သဘောကျမှာပဲလို့ ကျွန်တော် တွေးလိုက်မိတယ်။)
ကိုတင်မျိုးနိုင်ဦး။ ။ ကျွန်တော်က မီးနင်းကိုအောက်ကနေ ဖောက်မေးတယ်။ ကျောင်းသူလေး တစ်ယောက် က မမေးရသေးဘူး အစဉ်လိုက်ရွတ်နေပြီ။
ကျော်ရင်မြင့်။ ။ ကြက်တူရွေးပေါ့။
ကိုတင်မျိုးနိုင်ဦး။ ။ ကြက်တူရွေးစာကျက်ကို ကျွန်တော်မကြိုက်ဘူး။ ကျွန်တော်တစ်ခါတုန်းက ဂျပန်စာသင်တယ်။ ဂျပန်ဆရာမကို ဓာတ်ဆီဆိုတဲ့ စကားလုံးမသိလို့မေးတယ်။ ဆရာမကမင်းဘာစား လဲတဲ့။ ထမင်းစားပါတယ်လို့ ဂျပန်လိုဖြေလိုက်ရတယ်။ ဒါဘာလဲ၊ ဆိုင်ကယ်။ ဓာတ်ဆီဆိုတာ ဆိုင်ကယ်စားတဲ့ဟာတဲ့။ သူကဂျပန်လို ဓာတ်ဆီကိုဘယ်လိုခေါ်တယ် ပြောပြရင်ခုမေ့ချင်မေ့သွားမယ်။ ဆရာမရဲ့စာသင်နည်းက ကျွန်တော့်တစ်သက် မမေ့တော့ဘူး။ အဲသည်စနစ်ကိုကြိုက်တယ်။ ကလေး တွေကိုအဲသည်စနစ်မျိုးနဲ့သင်တယ်။
ကျော်ရင်မြင့်။ ။ သီးခြားခွဲသင်ဖြစ်ပုံက . . . .။
ကိုတင်မျိုးနိုင်ဦး။ ။ ကိုသန့်ဇင်က အိမ်ထောင်ကျသွားတော့ ဆက်မလုပ်နိုင်တော့ဘူး။ နောက်နှစ် ကျတော့ ကျွန်တော်ထားဝယ် (ရပ်ကွက်) ထဲမှာအခန်းလေးငှားပြီး သင်တယ်။ အခန်းငှားခက တစ်လ တစ်သိန်းနဲ့ ၁၂ သိန်းပေးရတယ်။ နောက်နှစ်ကျတော့ ကျွန်တော့်မှာ ဘတ်ဂျက်မရှိတော့ဘူး။ မသင် တော့ဘူးလို့။
(ကျွန်တော်မသိမသာ သက်မချမိတယ်။)
ကိုတင်မျိုးနိုင်ဦး။ ။ သည်နေရာပိုင်ရှင် အမေကြီးရဲ့ မြေးကလေးကလည်း ကျွန်တော့်တပည့်။ ဆရာ အခန်း ခပေးပေး မပေးပေးသည်မှာသင်ပါတဲ့။ ၁၅,၀၀၀ တော့ ကန်တော့မယ်ဆိုပြီး သည်နေရာ လေးမှာ စာသင်ခန်းလုပ်ထားတာ။ သည်နှစ်ရောသုံးနှစ်တော့ ရှိသွားပြီ။
ကျော်ရင်မြင့်။ ။ အခန်းငှားခပေးရမယ်။ စာသင်ခုံကအစလုပ်ရမယ်။ အိတ်စိုက်ပေါ့။
ကိုတင်မျိုးနိုင်ဦး။ ။ အိတ်စိုက်ပေါ့။ အခန်းခ၊ ကလေးတွေရဲ့စာအုပ်ဖိုး၊ ကုန်ကုန်ပြောရရင် ကျောင်းက သူတို့ကိုကောက်တဲ့ ကထိန်ကြေးကအစ ကျွန်တော်ပေးတယ်။ ဖိနပ်ပြတ်ရင် ဖိနပ်ဝယ်ပေး တယ်။
(သူက အိမ်ထောင်မရှိပါဘူးး။ အတူနေမိဘတွေက သူပရဟိတကို ဇောင်းပေးလုပ်နေတာ ကျေနပ်ရဲ့ လားမေးတယ်။ မဖြေခင်ပြုံးလိုက်ပြီးမှ သူကဆက်ပြောတယ်။)
ကိုတင်မျိုးနိုင်ဦး။ ။ အမေက ကာတွန်းလေးတစ်ခုပြတယ်။ ကာတွန်းထဲမှာ သူကပရဟိတသမား။ သူ့အမေကပြောတယ်။ နယ်လှည့်ပြီး ပရဟိတလုပ်နေတဲ့သားရယ် အမေ့အိမ်ခေါင်မိုးလေး လန်နေတာ လည်း ရိုက်ပေးပါဦးတဲ့။ မင်းလေးလန်နေတာလည်း ရိုက်ပေးပါဦးတဲ့။ မင်းအဲသည်ကာတွန်းလိုဖြစ်နေ ပြီလို့ အမေကပြောတယ်။
(ပြောရင်းသူက ဟက်ဟက်ပက်ပက် ရယ်ပါတယ်။)
ကိုတင်မျိုးနိုင်ဦး။ ။ ပြောမယ့်သာပြောတာပါ မိဘတွေက ကျေနပ်ပါတယ်။
ကျော်ရင်မြင့်။ ။ သည်လိုလုပ်ဖို့ ပိုက်ဆံဘယ်ကရသလဲ။
ကိုတင်မျိုးနိုင်ဦး။ ။ ကျွန်တော်ကားဝယ်ရောင်းလုပ်တယ်။ ရတာလေး သည်ထဲထည့်တယ်။ မဖြစ်ဖြစ်အောင် ကြိတ်မှိတ်လုပ်ရမှာပဲ။ ကျွန်တော်ပရဟိတလုပ်တာ ရှစ်နှစ်ရှိသွားပြီ။
(ကျွန်တော်တို့ စကားပြောနေခိုက် ကျောင်းသူလေးတွေ ဝင်လာတယ်။ သူတို့ကရှစ်တန်းစာမေးပွဲ ဖြေပြီးကြပြီတဲ့။)
ကျော်ရင်မြင့်။ ။ တက္ကသိုလ်ဝင်ခွင့်မှာ အမှတ်နဲ့ဆုံးဖြတ်နေတာ။ ကျောင်းကောင်း၊ ကျူရှင် ကောင်းကို အလု အယက်တက်နေရတဲ့ ခေတ်မှာဆရာ့လို အခမဲ့ပရဟိတကျောင်းက လိုအပ်ရဲ့လား။
ကိုတင်မျိုးနိုင်ဦး။ ။ လိုတယ်။ သင်ပေးတဲ့သူက ပေါ်ပင်ထလုပ်တဲ့သူတော့ မဖြစ်သင့်ဘူး။ ကလေးတွေ အတွက် လိုအပ်နေတဲ့စာကို ကျွမ်းကျွမ်းကျင်ကျင် သင်ပြပေးနိုင်သူတော့ ဖြစ်ရမယ်။ တချို့ကလေးတွေမှာ ကိုယ်စွမ်းကိုယ်စရှိပေမဲ့ ငွေကြေးအခက်အခဲကြောင့် လိုအပ်တဲ့နေရာရောက်မ သွားကြတာ သိပ်နှမြော ဖို့ကောင်းတယ်။ ကလေးတွေစိတ်ထဲမှာ ငွေကြေးတတ်နိုင်တဲ့ မိဘကပေါက် ဖွားမှ ရည်မှန်းချက်ပြည့် ရမှာလား။ ကိုယ်တကယ်ကြိုးစားရင် ဖြစ်နိုင်တယ်လို့ ကလေးတွေ ခံယူစေချင် တယ်။
(ကျောင်းသူလေးတွေရဲ့ မျက်လုံးထဲမှာ မျှော်လင့်ချက်တွေနဲ့ လင်းလက်နေတာမြင်ရတယ်။)
ကိုတင်မျိုးနိုင်ဦး။ ။ အခုဆိုရင် ပုဂ္ဂလိကကျောင်းတွေပေါ်လာပြီ။ တက်ဖို့ပိုက်ဆံတော့လိုမယ်။ တတ်နိုင် ရင်တော့ ကျောင်းရဲ့စည်းကမ်း၊ သင်ပြတဲ့စနစ်တွေအရ ကလေးတွေ အလွယ်တကူ အောင် မယ်။ မတတ်နိုင်တဲ့ ကလေးစာမေးပွဲကျရတော့မှာလား။ ဒါကိုကျွန်တော်မလိုလားဘူး။ ကလေးက သည်လိုနေရာလေးတွေ ရှာဖွေတက်ရောက်ပြီး ကိုယ်ရည်မှန်းရာရောက်အောင် လုပ်စေချင်တယ်။
(သူ့လို ပရဟိတသမားတွေ တကယ်လိုတာပဲလို့ ကျွန်တော့်စိတ်ထဲမှာ လက်ခံမိပါပြီ။)
ကိုတင်မျိုးနိုင်ဦး။ ။ ပညာသင်ပေးနိုင်စွမ်းရှိသူတွေဘက်ကလည်း နေရာအကျယ်ကြီးရှိမှ မဟုတ်ဘူး။ ကိုယ်တတ်နိုင်သလောက် တစ်နိုင်တစ်ပိုင် လေးငါးယောက်ကို အခမဲ့စာသင်ဝိုင်းဖြစ်စေ လုပ်ပေး စေချင်တယ်။ သည်လိုဆရာတွေ အများကြီးထွက်လာဖို့ မျှော်လင့်နေပါတယ်။
ကုမုဒြာသတင်းဂျာနယ်
အတွဲ(၃)၊ အမှတ်(၅၁)၊ မတ်လ(၂၅) ရက်၊ ၂၀၁၄