အပူအပင် မကင်းတဲ့ ကလေးဘဝ- ဒေါက်တာသက်ဦး



လူတခု ပူမှုရယ်တဲ့ ဆယ်ကုဋေဆိုတဲ့ စကားလေးက အလွတ်ပြောခဲ့တာ မဟုတ်မှန်းသေချာလေရဲ့။ လူမှန် ရင် ပူပင်သောက ကင်းတယ်ရယ်လို့မှ မရှိကြလေပဲ။ စိုးရိမ်သောက ပူပင်ရတဲ့ အပေါ်မှာ တုံ့ပြန်ပုံ ကွာခြား တာသာ ရှိမယ်၊ ပုထုဇဉ်လိုင်စင် ရထားသမျှတော့ ကင်းလွတ်ခွင့် မရနိုင်ပေဘူး။ ခန္ဓာကိုယ် အပူက ဖြေ သာနိုင်သေးရဲ့၊ စိတ်အပူက လေအေးစက်နဲ့ ဖြေလို့ရတာမျိုးမှ မဟုတ်တာ။ ဒါကြောင့် လည်း ဆေးပညာမှာ စိုးရိမ်သောက ပူပန်ရခြင်းကို ရောဂါတခုလို သတ်မှတ်ရပြန်ပါတယ်။ ဒီနေရာမှာ လူကြီးတွေက ကိုယ့်ပူပန်မှု မှ ပူပန်စရာထင်တတ်ပြီး ကလေးရဲ့ စိုးရိမ်သောကကို သိပ် အရေးမကြီးသလို ထင်တတ်ကြပါတယ်။ အမှန်တော့ အရွယ်နဲ့ အတွေ့အကြုံအရ စိုးရိမ်သော က ဖြစ်စေတဲ့ အခြေအနေကို ခံနိုင်ရည်က ကလေးတွေမှာ ပိုပြီး ဂရုစိုက်ရမယ်ဆိုတာ သိစေချင်ပါတယ်။

  • စိုးရိမ်ပူပန်ရခြင်းဆိုတာ ဘာလဲ

စိုးရိမ်သောက ဆိုတာ လူသားရဲ့ ပုံမှန်တုံ့ပြန်မှု တခုပါ။ အရေးကြီးတဲ့ ဇီဝလုပ်ငန်းတခုပေါ့၊ အန္တရာယ် ဒါမှမဟုတ် ခြိမ်းခြောက်မှုတခု ကြုံရင် သတိပေးတဲ့ ဖြစ်စဉ်ပါ။ အဲဒီလိုအချိန်မှာ ကိုယ်ရောစိတ်ပါတုံ့ပြန် လာပုံတွေကို ကြည့်ရင် မူးဝေလာတာ၊ နှလုံးခုန် မြန် လာတာ၊ အသက်ရှူကျပ်လာတာ၊ ချွေးစေးတွေပျံပြီး လက်၊ ခြေတွေ တုန်လာတာ ဖြစ်ဖူးကြမှာပါ။ ဒါဟာ ဦးနှောက်က ဒီအခြေအနေမျိုးတွေမှာ ထွက်လာ တတ်တဲ့ စိတ်ဖိစီးမှုဆိုင်ရာ ဟော်မုန်းတွေကြောင့် ဖြစ်လာရတာပါပဲ။ ဒီဖြစ်စဉ်က အလိုအလျောက်ဖြစ် လာတာပါ။ အဲဒါနဲ့အတူ တကယ် ရှောင်လွှဲမရတဲ့ အခြေအနေလို့ လက်ခံပြီးရင်ဘယ်လိုကိုင်တွယ်ဖြေရှင်း မလဲ ဆိုတာကိုပါ ဦးနှောက်က လိုက်ပါဆောင်ရွက် ပါတယ်။ ပြန်ချမလား၊ ထွက်ပြေးမလား ဆိုတာမျိုး ပေါ့။ အဲဒီလို ဆုံးဖြတ်ချက်ချတဲ့အခြေ ရောက်ပြီးရင် တော့ လူက ပြန်လည်တည်ငြိမ်သွားပါတယ်။

  • ပုံမှန် စိုးရိမ်ပူပန်မှု

လူတိုင်းမှာ စိုးရိမ်ပူပန်မှုကို တချိန်မဟုတ်တချိန် ခံစားနေကြရတာပါပဲ။ အသက်အရွယ်မရွေး ကိုယ်နဲ့ အကျွမ်းတဝင်မရှိတဲ့ အခြေအနေတခုခုနဲ့ ကြုံတိုင်း ခံစားရတာမျိုးပါ။ ကလေးတွေမှာလည်း ကြုံရတာ ပါပဲ။
စာမေးပွဲဖြေချိန်၊ ကျောင်းပြောင်းရွှေ့ချိန်တွေ မှာဆို သိသာပါတယ်။ ဒီ အခြေအနေတွေက ပုံမှန် ပူပန် မှုတွေ ဖြစ်စေပါတယ်။ ဘာဖြစ်မှာပါလိမ့်၊ ဘယ် လိုများ ကြုံရမှာပါလိမ့်၊ မျှော်လင့်မထားတဲ့ ကိစ္စ တခုခု ကြုံလေမလား ဆိုတဲ့ အတွေးတွေ ပေါ်လာမှာပါပဲ။ တချို့ စိုးရိမ်ပူပန်မှုတွေကတော့ ပုံမှန်ဖြစ်သလို၊ လှုပ်ရှားတက်ြွကမှုတောင် ဖြစ်စေပါတယ်။ ဂရုစိုက် ပြီး ဘယ်လို အကောင်းဆုံးလုပ်မလဲ ဆိုတာမျိုးကို စဉ်းစားလာတာပေါ့။ ဒါပေမယ့် စိုးရိမ်ပူပန်စရာတွေ က ပြင်းထန်ပြီး မကြာခဏကြုံလာရပြီဆိုရင် လုပ်နိုင် ကိုင်နိုင်တဲ့ အရည်အသွေးတွေပါ ကျဆင်းလာတတ် ပါတယ်။ ပျော်ရွှင်ကောင်းမွန်တဲ့ ဘဝ ပျောက်ဆုံး သွားရတဲ့အထိ ဖြစ်တတ်ပါတယ်။

  • စိုးရိမ်သောက ဝေဒနာ

စိုးရိမ်ပူပန်တတ်ခြင်းက ပုံမှန်ထက် လွန်ကဲပြီး ရောဂါတခု ဖြစ်လာတတ်ပါတယ်။ စိတ်နဲ့ သက်ဆိုင်တဲ့ ရော ဂါတွေထဲမှာ တွေ့ရအများဆုံး ဝေဒနာ တခုပါပဲ။ စိုးရိမ်သောက လွန်ကဲတဲ့ ရောဂါကို ဆေး ပညာအရ အမယ်ကွဲတွေ သတ်မှတ်ထားကြပေမယ့် အခြေခံ တူတာကတော့ ရေရှည် ပြင်းထန်လာရင် နေ့စဉ်ဘဝကို ပုံမှန် မလည်ပတ်နိုင်တော့တာပါပဲ။ ဒီရောဂါရဲ့ လက္ခဏာတွေက တဖြည်းဖြည်းမှ ပေါ်လာတာမျိုးရှိသလို
ရုတ်တရက် လည်း ပေါ်ပေါက်နိုင်ပါတယ်။ ကလေးတွေမှာကျတော့ စိုးရိမ်သောက ရောဂါ ရှိနေပြီလားဆို တာကို အကြောင်း မသိမချင်း ခန့်မှန်းသိရှိဖို့ ခက်ခဲပြန်ပါတယ်။

ကလေးတွေမှာ တွေ့တတ်တဲ့ စိုးရိမ်သောက ဝေဒနာတွေမှာ -

“အထွေထွေ စိုးရိမ်ပူပန်မှု” ဒါကတော့ အတွေ့ များဆုံးပါ။ ကလေးက သာမန်ထက်ပိုကဲပြီး ကျောင်း သွားဖို့ စတဲ့ အထွေထွေတွေကို ပူပန်လွန်နေတာမျိုး ပါ။ အဲဒီအခါမျိုးမှာ ရုပ်ပိုင်းဆိုင်ရာ လက္ခဏာ အနေနဲ့ တွေ့ရ တတ်တာက ခေါင်းကိုက်တယ်၊ ဗိုက် နာတယ်၊ြွကက်သားတွေ တောင့်တင်းတယ်၊ ပင်ပန်း နွမ်းလျ နေ တတ်ပါတယ်။ ဒါကြောင့် ကျောင်းပျက် များ လာတာ၊ လူနဲ့သူနဲ့ လှုပ်ရှား လုပ်ကိုင်တာတွေ လျော့ပါး လာတာ တွေ့ရပါတယ်။ ဒါက ဝန်ထုပ်ဝန် ပိုး ဖြစ်လာပြီး ကလေးရဲ့ ရေရှည် ဘဝကိုပါ ထိခိုက် စေပါတယ်။

“စိတ်စွဲလွန် ဝေဒနာ” စိုးရိမ်ပူပန်မှု လွန်ကဲပြီး တခုခုကို အစွဲလွန်လာတာပါ။ တခုခုကို အမြဲ စိုးရိမ် နေတတ် တာ၊ တခုခုကို ခဏခဏ အဖန်ဖန် လုပ်မိ နေတတ်တာမျိုးပါ။ အလကားနေရင်း အကြိမ်များစွာ ဖုံခါနေ တာတွေ၊ လက် မပြတ်တမ်း ဆေးနေတာတွေ၊ တံခါးကို ဖွင့်လိုက် ပိတ်လိုက် လုပ်နေတာမျိုးတွေပေါ့။

“ကြောက်ရွံ့မှု” ပုံမှန်ကြောက်ရွံ့တာမျိုး မဟုတ်ဘဲ တခုခုကို အကြောက်လွန်တာမျိုးပါ။ အမြင့်ကို ကြောက် တာ၊ ခွေးမြင်တာနဲ့ကြောက်တာ၊ လေယာဉ် စီးဖို့ ကြောက်တာ မျိုးတွေပေါ့။ ဒါကို အားပေးပြီး ဖေးမ လုပ်ဆောင်ပေး တာမျိုး မရှိရင် အဲဒီကြောက် စိတ်က တသက်တာ စွဲနေတတ်ပါတယ်။

“လူရှေ့သူရှေ့ မထွက်ရဲတာ” လူထူရင် ရှေ့ ထွက်ဖို့၊ စကားပြောဖို့ တုန်ရီနေအောင် ကြောက်တာ မျိုးပါ။ အများစု ဖြစ်တတ်ပေမယ့် အလေ့အကျင့် ရှိလာရင် သက်သာလာတတ်ပါတယ်။

“ထိတ်လန့်တကြား ဖြစ်တတ်တာ” ဒါကတော့ မြင်သာတဲ့ အခြေအနေ မဟုတ်ပါဘူး။ ရုတ်တရက် နှလုံး ခုန် မြန်လာတာ၊ အသက်ရှူ ကျပ်လာတာ၊ မူးဝေလာတာ၊ ထုံကျဉ်လာတာ တွေပေါ့။

“ထိခိုက်နာကျင်မှု တခုခုကြောင့် ဖြစ်လာတဲ့ စိုးရိမ်သောကဝေဒနာ” ဒါကတော့ စိတ်ရောကိုယ်ပါ နာကျင် ထိခိုက်စေတာတွေကနေ ဖြစ်လာတာပါ။ အဲဒီအဖြစ်အပျက်ကို ခဏခဏ ပြန်မြင်နေတာ၊ အိပ်မက်ဆိုးတွေ အမြဲမက်တာ၊ အလိုလို ကြောက်နေတာတွေ တွေ့ရပါတယ်။

ကလေးတွေမှာ ပူပန်စရာ အခြေအနေတွေ ကြုံရပေမယ့် အမြဲတမ်းတော့ စိုးရိမ်သောက ရောဂါ သည် ဖြစ်သွားတာမျိုးမဟုတ်ပါဘူး။ စိုးရိမ်သောက ရှိနေပြီလို့ ပြောစရာလက္ခဏာတွေမှာ -

- စိုးရိမ်ပူပန်မှု လွန်ကဲတာတွေက ရက်များစွာ ခံစားရတာ
- ညတွေမှာ အိပ်မပျော်ဘဲ နေ့ဘက်တွေမှာ အိပ်ချင်နေတတ်တာ
- နိုးနေတဲ့ အချိန်တွေမှာလည်း ဂနာမငြိမ်တာနဲ့ အားကုန်ခန်း နွမ်းလျနေတာ
- အာရုံစိုက်လို့ မရတာ
- စိတ်တိုနေတတ်တာ
အစရှိတာတွေ တွေ့ရမှာပါ။

အဲဒါတွေ နိစ္စဓူဝဖြစ်လာရင်တော့ ကလေးရဲ့ နေ့စဉ်ဘဝဖြစ်တဲ့ ကျောင်းမှာ အာရုံစိုက်တာ၊ အိပ်တာ၊ စားတာတွေ ထိခိုက်လာတော့မှာပါ။ ပိုပြီးဆိုးတာက ကလေးတွေခမျာ သူတို့ဘယ်လို ခံစားနေရတယ် ဆိုတာ လူကြီးတွေကို ပြော လေ့မရှိတာပါ။ တခြားသူ၊ အထူးသဖြင့် မိဘ တွေ သူတို့ပြောတာကို နားလည် လက်ခံပေးဖို့ မရွံ့မရဲ ဖြစ်ကြလို့ပါ။ သူတို့ကို “ညံ့လိုက်တာ၊ လူကြောက်၊ ဒါလေးများ” ဆိုတဲ့ မှတ်ချက် တွေပေးမှာ စိုးရွံ့ကြတာပါ။ အဲဒီလို ထုတ် ဖော်ပြောပြဖို့ ဝေးလာရာကနေ ပိုပြီး အထီး ကျန်၊ ပိုပြီးနားလည်ရခက်သူတွေ ဖြစ်ကြ ရတာပါ။ ဒါပေမယ့်လည်း ဒါတွေကို စိတ်ပိုင်းဆိုင်ရာ ကုထုံးတွေနဲ့ ဒီခေတ် အခါမှာ ပြုပြင် ဖေးမပေးနိုင်လာပါပြီ။

  • စိုးရိမ်သောကရဲ့ အကြောင်းရင်းတွေ

ဘာကြောင့်လို့ အတိအကျပြောဖို့ ခက်ပေ မယ့် ပညာရှင်တွေကတော့ ပတ်သက်ဆက်နွှယ်နေ တယ်လို့ ထင်ရတဲ့ အကြောင်းတွေမှာ မျိုးရိုး၊ ဦးနှောက်ရဲ့ ဇီဝကမ္မ ဖြစ်စဉ်၊ ဗီဇအရ တခုခုကို တုံ့ပြန်မှု၊ စိတ်ဖိစိးမှုများ တဲ့ ဘဝအခြေအနေနဲ့ အမူ အကျင့်တွေကို ညွှန်းပါတယ်။ ကလေးတယောက်အဖို့ မိသားစုမှာ စိုးရိမ်သော ကရောဂါ ရှိနေရင် သူလည်း ဖြစ်နိုင်ချေ များတာမျိုးပေါ့။ လူတိုင်း အဲဒီလိုဖြစ်တာ တော့ မဟုတ်ဘူးပေါ့။ ငယ်ရွယ်စဉ်မှာ သူအချစ်ဆုံး မိဘလိုမျိုး တယောက်ယောက် ကွယ်လွန်တာ၊ မိဘ တွေ ကွာရှင်းတာမျိုးတွေ၊ အရမ်းတွယ်တာ နေတဲ့ ဒေသကနေ ပြောင်းရွှေ့ရ တာမျိုးတွေကလည်း အကြောင်းခံတွေပါပဲ။ အကြမ်းဖက် ဆက်ဆံခံရတာ မျိုးတွေလည်း ပါဝင်တာပေါ့။

မိသားစုဝင်ထဲက အကြောက်လွန်၊ အစိုးရိမ် လွန်နေသူတွေ ရှိနေရင်လည်း ကလေးကို ကမ္ဘာကြီး က ထိတ်လန့်စရာလို့ မြင်စေတာပါ။ အဆင်မပြေ ကြမ်းတမ်းဆူပူနေတဲ့ မိသားစု၊ အသိုင်းအဝိုင်းက ပေါက်ဖွား လာတဲ့ ကလေးတွေက ပိုဆိုးတဲ့ အနေ အထားကို ရောက်ကြတာ တွေ့ရပါတယ်။ ကလေးရဲ့ အခြေအနေ ကိုကြည့်ပြီး စိတ်ရောဂါ ပညာရှင်တွေနဲ့ တိုင်ပင်ဆွေးနွေး အဖြေရှာကြည့်တာက အကောင်း ဆုံး ကုထုံးပါပဲ။

  • လုပ်ပေးသင့်တာတွေ

ကလေးတွေအတွက် စိုးရိမ်ပူပန်မှုကို မိသားစု ဝင်၊ အုပ်ထိန်းသူအဖြစ် အကောင်းဆုံး ကူညီပေးနိုင် တဲ့ နည်းလမ်းကတော့ သူတို့ရဲ့ ပြဿနာတွေကို အထောက်အကူ ဖြစ်စေတဲ့၊ ကိုယ်က တစုံတရာ ဆုံးဖြတ်ချက် မပေးဘဲ အသိအမှတ် ပြုပေးခြင်းပါပဲ။
သူ့ရဲ့ နေ့စဉ် အပြုအမူ ခံစားချက်တွေကို နားလည် အောင် ကြိုးစားပေး ရမှာပါ။ တခြား အပေါင်းအသင်း မိတ်ဆွေတွေ၊ သူ့ရဲ့ ဆရာတွေနဲ့ စကားစမြည်ပြော၊ တိုင်ပင်ကြည့်တာလည်း ကောင်းတဲ့နည်းပါပဲ။

သည်းခံတာ၊ အပြုသဘော ဆောင်တာတွေက ကလေးရဲ့ ဝေဒနာကို ကုသရာ ရောက်ပါတယ်။ တခါတရံမှာ ကိုယ့်ရဲ့ ဖိစိးမှုတွေကို ကိုယ်ဘယ်လို ကျော်ဖြတ်နိုင်ခဲ့တယ် ဆိုတာမျိုး ကလေးနဲ့ စကား စမြည် ပြောတာက လည်း အထောက်အကူပါပဲ။ ကလေးကို စိုးရိမ်ပူပန်စရာ တွေထက် ပျော်ရွှင်စရာ တွေ ပိုပြီးနေရာပေးဖို့ အမြဲ သတိပေးလမ်းညွှန်နေတာ လည်း နည်းတခုပေါ့။ နည်းလမ်းမှန်တွေနဲ့ ကလေးကို စိုးရိမ်သောကတွေ ကျော်ဖြတ်နိုင်ဖို့ အထောက် အကူ ပေးတာက သူ့ရဲ့ အနာဂတ်ကို ပေါ့ပေါ့ပါးပါး ရင်ဆိုင်ကျော်ဖြတ်သွားနိုင်စေမှာဖြစ်ပါတယ်။


ဒေါက်တာသက်ဦး ~
ဧရာဝတီ
-------------------------------------------------
ကိုမျိုး (lwanmapyay.blogspot.com)

ဆက်စပ်ဖတ်ရှုရန် အကြောင်းအရာများ...