ဆုံးမမှုတွေ မှန်စေချင်
လွန်ခဲ့တဲ့တစ်ပတ်ခန့်က မြို့ထဲကိုကိစ္စတစ်ခုနဲ့ရောက်ခဲ့တယ်။ ကျွန်တော်စီးတဲ့ကားက ပုဂ္ဂလိကစာသင် ဝိုင်းတစ်ခုရှေ့မှာ ရပ်သွားခဲ့တယ်။ အားလုံးရဲ့မျက်စိတွေက စာသင်ခန်းမရှေ့ကိုကြည့်နေကြလေ ရဲ့။ ကျောင်းသားတစ်ယောက် လူသွားစင်္ကြပေါ်မှာ နားရွက်နှစ်ဖက်ကိုင်ပြီး ထိုင်ထလုပ်နေတယ်။ ကျောင်း သားဆိုပေမယ့် ကိုးတန်း၊ ဆယ်တန်းအရွယ်ပါ။ ဒီဘက်ခေတ်မှာဆို လူပျိုပေါက်အရွယ်လို့ ဆိုရမှာပါ။
ကားပေါ်ကလူတွေက မှတ်ချက်အမျိုးမျိုးပေးကြပါတယ်။ လူမြင်ကွင်းကြီးမှာ မလုပ်သင့်ဘူး။ ဒဏ်မပေး သင့်ဘူး။ ဒဏ်မပေးသင့်ဘူး။ တချို့ကျတော့ ဒါမှမှတ်မှာ၊ အချိုးပြေမှာ။ အဲဒီလိုဒဏ်ပေးသင့်တယ်ဆို တာပါပဲ။ ကျွန်တော်ကတော့ ဘာမှတ်ချက်မှမပေးခဲ့ပေမယ့် "ကြီးကြီးမားမားမဟုတ်တဲ့ ဘဝရဲ့အမှား ငယ်အချို့တွေအတွက် နာကျင်စရာဒဏ်ပေးခြင်းမျိုး လူငယ်ကလေးအရွယ်တွေကို မပေးသင့်ဘူးလို့ စဉ်းစားမိခဲ့တယ်။
ထိလွယ်၊ ရှလွယ်၊ ကြေကွဲခံစားလွယ်တဲ့ လူမမည်အရွယ်တွေကို စိတ်ဒဏ်ရာရမယ့် ဒဏ်ပေးခြင်းအမျိုး အစား တခြားနည်းလမ်းတွေနဲ့ပြုပြင်ဆုံးမပေးတတ်ဖို့ လိုပါတယ်။ ကျွန်တော်တို့ငယ်စဉ်က အပေးခံခဲ့ရ တဲ့ဒဏ်တွေထဲမှာ ကလေးတစ်ယောက်အတွက် "မပေးသင့်တဲ့ဒဏ်တွေ" ရှိခဲ့တယ်ဆိုတာ စဉ်းစားနှိုင်း ချိန်တတ်တဲ့ အရွယ်မှာသိလာခဲ့တယ်။ လွန်ဆန်လို့မရတဲ့အချိန်မှာ လွန်ဆန်လို့မရတဲ့ဒဏ်တွေကို ထမ်း ခဲ့ရပေမယ့် ကိုယ့်ကိုယ်ကိုယ်အဆိုးဆုံးအနေအထား မရောက်အောင်ထိန်းနိုင်ခဲ့တယ်။
စာရေးဆရာမတစ်ယောက် ပြောသွားတဲ့စကားတစ်ခွန်းကို သတိရမိပါတယ်။ "အိုးကောင်းလိုချင် နာနာ ပုတ်" ဆိုတဲ့ စကားရှိတယ်တဲ့။ အဲဒီအိုးကိုကောင်းချင်လွန်းလို့ နာနာပုတ်ရင်းကွဲသွားခဲ့ရင်၊ ဒါမှမဟုတ် အက်သွားခဲ့ရင် ဘာလုပ်ပေးကြမှာလဲတဲ့။ သူ့စကားကိုကျွန်တော်ထောက်ခံခဲ့မိတယ်။ ကောင်းချင်လွန်း လို့နာနာပုတ်တာပဲ။ ဒါပေမဲ့ပုတ်ရင်း၊ ပုတ်ရင်းကွဲသွားတဲ့၊ အလှပျက်သွားတဲ့ "အိုးကောင်းစာရင်းမဝင် သွားတဲ့" ကလေးတွေ၊ လူငယ်တွေလည်း လောကကြီးထဲမှာရှိနေတာပါပဲ။
ရှင်ဘုရင်က သူ့ရဲ့သားတော်ကိုထမင်းခွံ့တဲ့အခါမှာ လူကြီးလက်နဲ့ခွံ့ပေမယ့် ကလေးဖြစ်တဲ့သားတော် ကသူ့ပါးစပ်နဲ့ တန်သလောက်၊ ဆံ့သလောက်ပဲစားလိမ့်မယ်ဆိုတဲ့ ဓမ္မပဒဝတ္ထုထဲက မြတ်ဗုဒ္ဓရဲ့ စကား ရပ်တစ်ခုကိုသတိရမိပြန်တယ်။ တကယ်တော့ ကျွန်တော်တို့လူကြီးတွေဟာ လောဘကြီးစွာနဲ့ ကိုယ် ဖြစ်ချင်တာ၊ ကိုယ်လုပ်ချင်တာ၊ ကိုယ်မြင်ချင်ရာတွေကို ကိုယ့်စိတ်ထဲကရှိတဲ့အတိုင်း ပုံသွင်းချင်ကြ တယ်။ သွင်းလည်းသွင်းကြတယ်။ ကိုယ်ဖြစ်ချင်တဲ့အတိုင်း ဖြစ်လာတာလည်းရှိတယ်။ မဖြစ်ခဲ့တာ လည်းရှိတယ်။ ဘေးထွက်ဆိုးကျိုးအဖြစ် အဆိုးဖြစ်သွားတာလည်းရှိတာပါပဲ။ တန်၏၊ မတန်၏စဉ်း စား နိုင်ဖို့။ တစ်ဖက်လူခံနိုင်ရည်ရှိ၏၊ မရှိ၏စဉ်းစားဖို့တော့ လိုအပ်ပါတယ်။
ကျွန်တော်တို့အိမ်နားမှာလည်း အမြင်မတော်တဲ့ဆုံးမနည်းကို ခဏခဏတွေ့ရတော့ စိတ်ဆင်းရဲမိခဲ့ တယ်။ မြေးဖြစ်သူကို အဘွားလုပ်သူက လက်ကိုကြိုးနဲ့ချည်ပြီး ရိုက်ပြီးဆုံးမလေ့ရှိပါတယ်။ အဘွားကြီး ကွယ်ရာဆိုမြေးလုပ်သူက အဘွားကြီးကို ဆဲလေ့ရှိပါသည်။ နာကျင်အောင်ဆုံးမတဲ့ အဘွားဖြစ်သူရဲ့ စကားကိုအဲဒီကလေးအနေနဲ့ ရှေ့ဆက်ပြီးနားဝင်ဖို့ဆိုတာ မလွယ်တော့ပါဘူး။ ခန္ဓာကိုယ်ကို နာကျင် အောင်ဆုံးမမိတာထက် စိတ်ကိုနာကျင်အောင်ဆုံးမမိတာက အဆိုးဆုံးဆုံးမနည်းပါပဲ။
ကလေးတွေဆိုတာ ကျွန်တော်တို့လူကြီးတွေလို ရှက်တတ်၊ ကြောက်တတ်တယ်ဆိုတာ ရှိတတ်တာပါ ပဲ။ လူကြီးဆိုတာကတော့ အသာရထားတဲ့လူဖြစ်နေတော့ ငါပြောသလိုလုပ်ဆိုတဲ့ အမိန့်မျိုးကပေးနေ ကျပါပဲ။ အမိန့်အာဏာမဆန်တဲ့ဆုံးမနည်းတွေ၊ အပေးအယူဆုံးမနည်းတွေ၊ အပြန်အလှန်နားလည်မှုရှိ တဲ့ဆိုဆုံးမနည်းတွေလည်း လောကကြီးထဲမှာရှိတာပါပဲ။ လူကြီးကဝါးခြမ်းကို ဝါးလုံးပါလို့ပြောနေလည်း လူကြီးပြောတဲ့အတိုင်းလိုက်ပြောရမယ့်ခေတ်၊ လိုက်လုပ်ရတဲ့ခေတ်ဆိုတာ မရှိတော့ပါဘူး။ အဲဒီအချက် ကိုလူကြီးတွေအနေနဲ့ စဉ်းစားသင့်ပါတယ်။
"သားသမီးကိုချစ်ရင် အိပ်ပျော်နေမှနမ်းပါ" ဆိုတဲ့ အဆိုရှိပါတယ်။ အဲဒီအဆိုကို ဆရာမောင်သစ်ဆင်း ကမမှန်ဘူးလို့ သူ့ရဲ့ဆောင်းပါးတွေမှာ ရှင်းပြခဲ့ဖူးပါတယ်။ သားသမီးအပေါ်မှာ ချစ်နေတဲ့ ချစ်ခြင်း မေတ္တာတွေမပေါ်အောင် မျက်နှာကြီးကိုတည်တည်လုပ်၊ လေသံမာမာနဲ့တုတ်ကိုင်ပြီး အတွင်းစိတ်ခံ စားမှုကို ဆန့်ကျင်ပြီးသရုပ်ဆောင်ပြနေရတာ ပင်ပန်းပါတယ်တဲ့။ အဲဒီလိုဖြစ်ရပ်တွေကလည်း မနည်းပါ ဘူး။
ကလေးတွေကို ဘာဖြစ်လို့ကြောက်အောင် လုပ်တတ်ကြသလဲဆိုတော့ လူကြီးတွေကိုယ်တိုင်ကိုယ် က ကြောက်အောင်အလုပ်ခံခဲ့ကြရလို့ပါ။ သူတို့ကိုယ်တိုင်မှာကိုက ကြောက်စိတ်တွေရှိနေလို့ပါ။ သူတို့ ကိုယ်တိုင်မှာလည်း ဘဝဆိုတာကြီးရဲ့ ကြိမ်လုံးနဲ့အရိုက်ခံနေရာတာကိုး။ လောကမှာစွမ်းအင်မဲ့လေ လေ၊ ဘဝရဲ့အရိုက်ကိုပိုခံရလေလေလို့ စွဲမှတ်ယုံကြည်လာကြတဲ့အခါ ကိုယ့်မျိုးဆက်ကို စွမ်းအင်တွေ ပြည့်စေချင်တဲ့စိတ်နဲ့ အဓမ္မကြိုးစားတော့တာပဲ။ အမှန်တကယ်သနားစရာကောင်းနေတာက လူကြီး တွေဖြစ်နေပါလားဆိုပြီး ဆရာမောင်သစ်ဆင်းက တုတ်တစ်ချောင်း၏ အတ္ထုပ္ပတ္တိဆောင်းပါးထဲမှာ လူကြီးမိဘတွေ သတိပြုမိဖို့ရာ ရေးသားထားပါတယ်။
လမ်းမပေါ်မှာ ထိုင်ထလုပ်နေတဲ့ လူပျိုပေါက်အရွယ်ကျောင်းသားလေးအနေနဲ့ ဘယ်လောက်အထိ ရှက်မယ်ဆိုတာ တွေးကြည့်ရင်သိနိုင်ပါတယ်။ သူ့ရဲ့ရှက်စိတ်၊ ကြောက်စိတ်ဟာ သူ့ဘဝအရွယ် မကောင်းတာတွေကို ဆက်လုပ်ဖို့ဒါမှမဟုတ် တစ်ခဏအမှားကိုပြုပြင်ဖို့ဆိုတာ သူ့ရဲ့ခံယူချက်နဲ့ပဲ ဆိုင်ပါ တယ်။ ဒါပေမဲ့နုပျိုသေးတဲ့လူငယ်လူရွယ်တွေအတွက် မှန်ကန်တဲ့အတွေးအခေါ်တစ်ခုရဖို့ဆိုတာ မလွယ်ပါဘူး။ အမှားတွေဖြစ်ဖို့ လမ်းမှားကိုသွားဖို့ဆိုတာ လွယ်ကူနေတတ်ပါတယ်။
လွန်ခဲ့တဲ့နှစ်က ရန်ကုန်တိုင်းအစွန်မြို့နယ်တစ်ခုက ကျောင်းသူလေးရဲ့အဖြစ်ကိုပဲကြည့်ပါ။ ရည်းစား ထားတဲ့အဖြစ်လေးကိုတိုင်ဟယ်၊ ဆူဟယ်လုပ်မိတော့ အဆိပ်သောက်အဆုံးစီရင်တဲ့အထိပါ။ အရင်းခံ ကြည့်တော့ ကောင်မလေးရဲ့ရှက်စိတ်က သူ့ကိုသတ်သွားခဲ့တာပါ။ လူကြီးအချို့ကရှက်သွားရင် အကျင့် တွေပြင်သွားမယ်၊ မှတ်သွားမယ်လို့ ထင်ခဲ့ကြတာပါ။ လူကြီးတွေထင်သလိုမဖြစ်ခဲ့တဲ့ လူငယ်တွေရဲ့ ဘဝအချိုးအကွေ့တွေက အများကြီးပါပဲ။ တရားနည်းလမ်းမကျတဲ့၊ တစ်ဖက်သတ်ဆန်တဲ့ ဆုံးမမှုတွေ နဲ့ကလေးတွေကို မဆုံးမမိစေဖို့၊ အပြစ်မပေးမိစေဖို့ လိုပါတယ်။
လူငယ်တွေ၊ ကလေးတွေကိုတေးဆိုသလို၊ ဖျော်ဖြေမှုပေးသလိုမျိုး ဆိုဆုံးမရမယ်ချည်းလို့ မဆိုလိုပါ ဘူး။ တစ်ဖက်သတ်မဆန်ဖို့နဲ့၊ ကိုယ့်ရဲ့အပြစ်ပေးမှုက သူတို့နဲ့တန်၏၊ မတန်၏၊ သူတို့စိတ်ကိုနာကျင် စေ၏။ မနာကျင်စေ၏ဆိုတဲ့ အတွေးမျိုးနဲ့တော့ ဆင်ခြင်သင့်ပါတယ်။ နာကျင်သွားခဲ့ရင် ဘယ်လိုဖြေ သိမ့်မှုမျိုး၊ ဘယ်လိုနားလည်မှုမျိုးနဲ့ ခရီးဆက်ကြမယ်ဆိုတာကိုလည်း စဉ်းစားဖို့လိုပါတယ်။
အမျက်ကြီးသော် ပျက်စီးရာရောက်ဆိုတဲ့ စကားရှိပါတယ်။ အားလုံးဟာစေတနာဆိုတဲ့ အကောင်းတ ရားနဲ့အရင်းခံဆုံးမကြတာပါ။ ဒါပေမဲ့စေတနာအမှား မဖြစ်ဖို့လိုပါတယ်။ ဝေဒနာအမှားတွေမဖြစ်ဖို့လိုပါ တယ်။ နာကျင်မှုမှတ်တမ်းတွေထဲမှာ လူကြီးမိဘတွေ၊ ဆရာသမားတွေမပါစေချင်ပါဘူး။ သူ့ဘက်၊ ကိုယ့်ဘက်အကျိုးရှိတဲ့ ဆိုဆုံးမမှုကလေးတွေနဲ့ မိဘနဲ့သားသမီး၊ ဆရာနဲ့တပည့်တွေ အရှည်လက်တွဲ သွားမယ်ဆိုရင် အဆင်ပြေသွားမှာပါ။ ဆုံးမမှုတွေမှန်စေချင်ပါတယ်။
7Day Daily
No.304, Feb.22, 2014