'စကား စကား' သတိထား
လူလူချင်းဆက်ဆံရေးမှာ စကားကအဓိကကျတဲ့ ဆက်သွယ်ရေးသဏ္ဌာန်တစ်ခုဖြစ်တယ်။ ဒါကြောင့် မြန်မာ့ထုံးတမ်းစဉ်လာယဉ်ကျေးမှုရေးရာမှာ လူကြီးမိဘတွေက လူငယ်တွေကို 'စကားအပြောအဆို' နဲ့ပတ်သက်ပြီး-
စကားကိုဆိုခဲစေ၊ မြဲခဲစေ
စကားစကားပြောဖန်များ စကားထဲက ဇာတိပြ
စကားကျွံသော် နုတ်မရ
စကားနောက်တရားပါ စသည်ဖြင့်စကားပုံနဲ့တစ်မျိုး၊ ဆိုရိုးစကားနဲ့တစ်သွင်၊ ပုံပြင်နဲ့တစ်ဖန် အတန်တန် ဆုံးမသွန်သင်ခဲ့ကြပါတယ်။
ဒါပေမဲ့ကနေ့အချိန်မှာ အသိအလိမ္မာပညာဉာဏ်မရင့်သေးတဲ့ လူငယ်ကလေးတွေသာမက အသိ ဉာဏ်၊ အတွေ့အကြုံရင့်ကျက်ပြီး လူကြီးတွေပါ-
ငါ့စကားနွားရ
တုတ်ထိုးအိုးပေါက်
ပြောချင်ရာပြော ကိုယ့်စကားကိုတာဝန်မယူဘဲ နောင်ခါလာနောင်ခါဈေးဖြစ်ချင်ရာဖြစ်လို့ သဘောထား ပြီး ပြောချင်တာတွေပြောနေကြပါတယ်။ တချို့ကဘာမှအထောက်အထားမရှိဘဲ 'ဒါ . . . ဘယ်သူ တွေလုပ်နေကျပဲ။ အဲဒီတော့တရားခံသူတို့ပဲဖြစ်မှာပေါ့' ဆိုတာမျိုး၊ တချို့ကလည်း 'ကျားကျားမီးယပ်၊ ဗေဒင်မမေးနတ်မမေးနဲ့။ ဒါဘယ်သူတွေ ဘယ်ဝါတွေလက်ချက်ပဲ။ သူတို့ပဲနေမှာပေါ့' စသည်ဖြင့် လက် လွတ်စပယ်ပြောဆိုနေတာတွေ့ရပါတယ်။ ဆိုးတာက ဒီစကားတွေ ဟာ တောစကားတောပျောက်၊ တောင်စကားတောင်ပျောက်မဟုတ်ဘဲ အဖြူပေါ်အမည်းတင် စက်တင်ပုံနှိပ်ဖော်ပြတော့ ပိုပြီးဆိုးရွား တော့တာပေါ့။ ဒီ့ထက်ဆိုးရွားတာက ဒီစကားတွေကိုပြောဆိုသူတွေ ဟာ သာမန်လူတွေ၊ လမ်းပေါ်က လူတွေ မဟုတ်ဘဲတကယ်တာဝန်ရှိတဲ့ အစိုးရခေါင်းဆောင်ပိုင်းက လူကြီးတွေဖြစ်နေတာပါပဲ။
တချို့ကလည်း အများကဝိုင်းဝေဖန်တော့မှ ထမင်းရည်ပူလျှာလွှဲ၊ ဆင်ဝှေ့ရန်ရှောင်လုပ်တတ်ကြပါ တယ်။ ဥပမာ-ကျွန်တော်ပြောတာက ခလုတ်တိုက်လို့ပြောတာကို သူကနားကြားလွဲပြီး တရုတ်ရိုက်လို့ လီဆယ်ပြောတာပါဆိုပြီး လက်တစ်လုံးခြားလုပ်ပစ်တတ်ကြပါတယ်။ ဒါပေမဲ့ 'ဆိုလေကဲလေ မန်းလေ ပြဲလေ' ဆိုသလိုပြန်ရှင်းမှပိုရှုပ်ပြီး ပုတ်သင်ဥတွေပေါ်လာတတ်ပါတယ်။ တချို့ကလည်း ငါ့လှေငါထိုး ပဲခိုး(ပဲခူး)ရောက်ရောက် အဓိပ္ပာယ်ဘယ်လိုပေါက်မှန်းမသိ ပြောနေကြသူတွေက စင်မြင့်ပေါ်ကနေ ငါ့စကားနွားရ မိန့်ခွန်းခြွေနေကြတဲ့ ပုဂ္ဂိုလ်ကြီးတွေပါပဲ။ ဘယ်သူတွေက ဘယ်လိုစကားမျိုးတွေကို အရမ်းကာရော လက်လွှတ်စပယ်ပြောနေကြတယ်ဆိုတာကို အဖြူပေါ်အမည်းတင်ပြီး အများပြည်သူ သိပြီးတာမို့ ဥပမာထုတ်မပြတော့ပါ။ ၁၈ ရာစုပြင်သစ်ပြည်သူဝီ(၁၈)ရဲ့ မိဖုရား 'မာရီမင်တွိုင်းနတ် ဟာ ပေါင်မုန့်မရှိရင် ကိတ်မုန့်စားကြပေါ့' ဆိုတဲ့စကားတစ်ခွန်းကို ပေါ့ပေါ့တန်တန်ပြောခဲ့လို့ ကနေ့ထက် တိုင် လူကဲ့ရဲ့စရာဖြစ်နေတာကိုလည်း သတိချပ်သင့်ပါတယ်။
ပြီးတော့မြန်မာ့ခေတ်သစ်သမိုင်းမှာ '. . . ကိုစိတ်နဲ့တောင်မပြစ်မှားနဲ့' တို့၊ 'ခွေးကတက်ကပဲဖြစ်ဖြစ် အလုပ်အကျွေးပြုပါ့မယ်' လို့ပြောခဲ့တဲ့ ပုဂ္ဂိုလ်ကြီးတွေဟာ နေ့ချင်းညချင်း 'ဟီးရိုး' ဘဝကနေ 'ဇီးရိုး' ဖြစ်ကုန်တာ အများအသိပါ။
နိုင်ငံခြားကပညာရှင်တွေ၊ ပညာရှိတွေ၊ ခေါင်းဆောင်တွေဟာ ဘယ်စကားကိုမှ အထောက်အထား အခိုင်အလုံမရှိဘဲ တုတ်ထိုးအိုးပေါက်ပြောဆိုလေ့မရှိကြပါဘူး။ ဥပမာ-လူတွေကိုရောဂါတွေဖြန့်ဖြူး၊ ယားယံအောင်ကိုက်ခဲနေတဲ့ခြင်တွေဆိုရင် လူတိုင်းမုန်းတီးကြမှာ အမှန်ပါ။ ဒါပေမဲ့ ကမ္ဘာ့ပြည်သူသန်း ၆၀၀၀ စလုံးကို အင်တာဗျူးမလုပ်ရသေးဘဲနဲ့ 'ခြင်တွေကိုဘယ်သူကမှ မနှစ်သက်ကြဘူး' (No one Likes mosquitoes) လို့မပြောကြပါဘူး။ သူတို့ပြောတဲ့စကားက ပညာသားပါပါတယ်။ 'ခြင်ကိုနှစ်သက် သူဆိုလို့ နှစ်သက်သူရှားပါတယ်'တဲ့ (Few people Likes mosquitoes) ပါတဲ့။ ဘယ်လောက်အတုယူ စရာကောင်းသလဲ။ ပြီးတော့ 'It is claimed that Prepacked meat and Vegetables are hygienic' တဲ့(ကြိုတင်ထုပ်ပိုးထားသော သားငါးနှင့်ဟင်းသီးဟင်းရွက်တို့သည် ကျန်းမာသန့်ရှင်း သည်ဟု အခိုင်အမာဆိုကြသည်။) ဒီစကားတွေရဲ့ အကိုးအကားကတော့ ဝေးဝေးလံလံမှာမရှိပါ။ တက္ကသိုလ်ဝင်တန်းမှာ ပြဋ္ဌာန်းထားတဲ့ English Text Book ထဲက Unit(5) နဲ့ Unit(11) မှာပါပါတယ်။
နောက်တစ်ခုက စကားနဲ့ပတ်သက်ပြီး သတိပေးချင်တာ တစ်ခုရှိပါသေးတယ်။ အဲဒါကတော့ 'နိုင်ငံခြား သားတွေမှန်သမျှ မြန်မာစကားမတတ်ဘူးထင်ပြီး လက်လွတ်စပယ်ပြောတတ်ကြတာကိုပါပဲ။ ဒါနဲ့ပတ် သက်လို့တစ်ချိန်က နာမည်ကျော်စာရေးဆရာ တင့်တယ်ရေးတဲ့ ဆောင်းပါးလေးတစ်ပုဒ်ကို မှတ်မိပါ သေးတယ်။ ဆရာတင့်တယ် (ဦးဝင်းစိန်) ငယ်ရွယ်စဉ်အင်္ဂလန်နိုင်ငံ လန်ဒန်မြို့ဘီဘီစီမှာ အမှုထမ်း နေတုန်းက ဖြစ်ပါတယ်။ တစ်နေ့တော့ ဆရာတင့်တယ်အပါအဝင် လန်ဒန်မှာပညာသင်ကြားနေတဲ့ မြန်မာကျောင်းသားတစ်သိုက်ဟာ လန်ဒန်မြို့ပတ်ဘတ်စ်ကားစီးရာ ဘတ်စ်ကားပေါ်မှာ အင်္ဂလန်နိုင်ငံ သားနိုင်ငံခြားသားတွေချည်းမို့ မြန်မာစကားမတတ်လောက်ဘူးထင်ပြီး ဘတ်စ်ကားပေါ်တက်လာတဲ့ လန်ဒန်သူအဖြူမလေးတွေ ကို မြန်မာလိုပယ်ပယ်နယ်နယ် ဝေဖန်နေကြပါ သတဲ့။ အဲဒီအချိန်မှာ နောက် နားမှာထိုင်နေတဲ့ အသက်ကြီးကြီး အင်္ဂလိပ်လူမျိုးကြီး တစ်ယောက်က 'မောင်ရင်တို့က လန်ဒန်ဂျပိုးတွေ နဲ့တူတယ်' လို့ မြန်မာလိုပီပီသသကြီးပြောလိုက်ပါသတဲ့။ ဆရာတင့်တယ်တို့လူစု ပါးစပ် အဟောင်းသား ဖြစ်နေတုန်းမှာ အင်္ဂလိပ်ကြီးကပဲဆက်ပြီး 'ငါမြန်မာပြည်မှာ အနှစ် ၂၀ လောက်တာဝန်ထမ်းလာတာ ကွ။ မန္တလေးကိုလည်းလွမ်းတယ်။ မန္တလေးမြီးရှည်ကိုလည်း လွမ်းသကွာ' လို့ပြောလိုက်ပါသတဲ့။
ကျွန်တော်ကိုယ်တိုင်ကြုံတွေ့ခဲ့ရတဲ့ အတွေ့အကြုံတစ်ခုကိုလည်း ရှက်ရှက်နဲ့ဖောက်သည်ချပါရစေ။ ၁၉၈၅ ခုနှစ်က တက္ကသိုလ်ရိပ်သာလမ်းက နိုင်ငံခြားဘာသာသိပ္ပံမှာ ရုရှားဘာသာအချိန်ပြည့် သင် တန်း တက်နေတုန်းပါ။ တစ်နေ့တော့ ကျွန်တော့်ကို အဲဒီအချိန်ရုရှားဘာသာ (ယာယီ) ဌာနမှူး ဦးထွန်းထွန်းမင်း (ယခုကားအက်ဆီးဒင့်နဲ့ကွယ်လွန်) ကခေါ်ပြီးဒေါ်အန်းညာ (Anna) လို့ခေါ်တဲ့ အသက် (၅၀) အရွယ်ရုရှားမကြီးတစ်ဦးနဲ့ မိတ်ဆက်ပေးပါတယ်။ ဒေါ်အန်းညာဟာ ၁၉၅၀ ပြည့်ပတ် ဝန်းကျင်က ရန်ကုန်တက္ကသိုလ်မှာတက်ရောက်ပြီး မြန်မာဘာသာတွဲနဲ့ မဟာဝိဇ္ဇာဘွဲ့ရခဲ့သူဖြစ်ပါ တယ်။ မြန်မာပြည်မှာလည်း သံရုံးအမှုထမ်းအဖြစ်နဲ့ ၁၉၅၀ ကနေ ၁၉၆၀ လောက်အထိ နေသွားခဲ့ဖူး ပါတယ်။ သူကလာမယ့်စနေနေ့မှာ ရွှေတိဂုံဘုရားကိုသွားဖူးချင်လို့ ဆရာဦးထွန်းထွန်းမင်းက ကျွန် တော့်ကိုလမ်းပြအဖြစ် လိုက်သွားခိုင်းပါတယ်။ ဘာသာစကားအခက်အခဲကြောင့် မဟုတ်ပါ။ ဘတ်စ် ကားတွေက သူရှိစဉ်တုန်းက နဂါးတို့၊ ကျားတို့မဟုတ်တော့ဘဲ နံပါတ်တွေနဲ့ဖြစ်နေတဲ့အတွက် ဘတ်စ် ကားမစီးတတ်လို့ပါ။
ဒီလိုနဲ့စနေနေ့နံနက် ၉ နာရီလောက်မှ ရွှေတိဂုံဘုရားကို ဒေါ်အန်းညာနဲ့သွားကြပြီး တစ်နာရီလောက် ကြာအောင် လှည့်ပတ်ဘုရားဖူးပြီး စောင်းတန်းတစ်ခု (ဘယ်စောင်းတန်းက ဘယ်ဆိုင်ဆိုတာ ကနေ့ တိုင်မှတ်မိနေပေမယ့် မဖော်ပြလိုတော့ပါ။) ကပြန်ဆင်းလာခဲ့ပါတယ်။ ဘုရားဈေးသည်တွေရှိ တဲ့ စောင်းတန်းပါ။ ပန်းပုရုပ်တွေရောင်းတဲ့ ဆိုင်တစ်ဆိုင်ရှေ့အရောက်မှာ ပန်းပုရုပ်တစ်ရုပ်ကို ဒေါ်အန်း ညာကကျွန်တော့်ကို ရုရှားလိုပြောပြီးဆိုင်ရှင်ကို ဈေးမေးခိုင်းပါတယ်။ ကျွန်တော့်ကို ရုရှားစကားပြော လေ့ကျင့်ပေးတာပါ။ အဲဒီအရုပ်ကို ဈေးမေးကြည့်တော့ ပိုင်ရှင်က ၁၀၀ လို့ဆိုပါတယ်။ အဲဒီခေတ်က ကျပ် ၁၀၀ ဆိုတာထမင်းအဝစား ငါးကျပ်ခေတ်ကပါ။ အဲဒီတော့ ကျွန်တော်ကဆိုင်ရှင်ကို ခင်ဗျားဟာ ကလည်း ဈေးများလိုက်တာ၊ ဟိုတစ်နေ့က ကျွန်တော့်မိတ်ဆွေ တစ်ယောက်ဝယ်လာတာမှ ၂၅ ကျပ်ပဲ ပေးရတယ်လို့ပြောတော့ ဈေးသည် ကကျွန်တော့်ကို Guide မှတ်ပြီး၊ '၁၀၀ လို့သာပြောလိုက် ကိုယ့်လူ။ မောင်ရင့်အတွက်လည်း ကော်မရှင် အစိတ်ထည့်ထားလို့ကွ' လို့ ကျယ်ကျယ်လောင်လောင်ကြီးပြော လိုက်တော့ ဒေါ်အန်းညာက မကြားဘဲနေမှာမဟုတ်။ အဲဒီအချိန်မှာ ကျွန်တော့်မှာရှက်လွန်းလို့ ထူပူသွားပါတယ်။ 'ဟေ့လူဒီဆရာမကြီးက မြန်မာစာနဲ့ MA ဘွဲ့ရထားတဲ့သူ။ ခင်ဗျားလျှောက်ပြောမနေ နဲ့။ ရော့ ၂၅ ကျပ် (အစိတ်)' ဆိုပြီးငွေအစိတ်တန်ကို ချပေးခဲ့ပြီးအရုပ်ယူခဲ့ပါတယ်။ ပြန်အထွက်မှာ ဒေါ်အန်းညာက 'ကြံတိုင်းအောင်ဆောင် တိုင်းမြောက်ပါစေ၊ ရောင်းပန်းဝယ်ပန်းလှပါစေ' ဆိုပြီးမြန်မာ လိုပီပီသသကြီး ပြောလိုက်တော့ ဆိုင်ရှင်ရဲ့ 'ငို၍ရယ်၍မရသော မျက်နှာကြီး' ကိုကနေ့ထက်တိုင် ပြန် လည်မြင်ယောင်နေမိပါတယ်။
ဒါကြောင့် စကား စကားပြောပါများ၊ စကားထဲက ဇာတိပြ၊ နေ့ပြောနောက်ကြည့်၊ ညပြောအောက် ကြည့် စကားအပြောအဆို ဆင်ခြင်ကြပါလေ။
စံတော်ချိန်သတင်းစာ
အတွဲ(၁)၊ အမှတ်(၂၉၀)၊ ဇန်နဝါရီ ၂၈၊ ၂၀၁၄