ထိုင်းတွင် ခရီးသည်တင်ယာဉ် ချောက်ထဲကျ၊ အယောက် ၃၀ သေဆုံး
ထိုင်းနိုင်ငံ တာ့ခရိုင်မြောက်ပိုင်းမှာ မတ် ၂၄ ရက်နေ့ ညဦးပိုင်းက ခရီးသည်တင် ဘတ်စ်ကား တစီး ချောက်ထဲ ထိုးကျလို့ အနည်းဆုံး ခရီးသည်အယောက် ၃၀ သေဆုံးပြီး ၂၀ ဒဏ်ရာရရှိခဲ့ပါတယ်။
တာ့ခရိုင်ထဲက နိုင်ငံဝန် ထမ်းတွေနဲ့ သက်ကြီးရွယ်အိုတွေဟာ အူဘွန်ရက်ဌာသာနီခရိုင်နဲ့ လာအိုနိုင်ငံ ကို လေ့လာရေး ခရီးထွက်ခွာနေကြ တာကြောင့် ထိခိုက်သေဆုံးသူ အများစုဟာ နိုင်ငံဝန်ထမ်းတွေ ပဲ ဖြစ်ဖို့များတယ်လို့ တာ့ခရိုင် မယ်တိုမြို့နယ်ရဲမှူးက ပြောပြီး ကလေး ၂ ဦးလည်း ဒဏ်ရာရသူတွေထဲမှာ ပါဝင်တယ်လို့ ဆိုပါတယ်။
ဘတ်စ်ကားဟာ ဘရိတ်ပေါက်ပြီး ကားလမ်းဘေးက ကွန်ကရစ်အရံအတားကိုပါ ကျော်ပြီး ၁၅၀ မီတာနက်တဲ့ ချောက်ထဲကို ကျသွားတာလို့ ရဲမှူးက ပြောပါတယ်။
မတ် ၂၅ ရက် ဒီနေ့မနက်အထိ သေဆုံးသူ အယောက် ၃၀ ရှိသွားပြီလို့ အတည်ပြုခဲ့ပါတယ်။
ထိုင်းနိုင်ငံက ဟိုင်းဝေးလမ်းမတွေဟာ ကမ္ဘာပေါ်မှာ အန္တရာယ်အရှိဆုံး လမ်းမတွေ ဖြစ်တယ်လို့ ဆိုပါတယ်။
၂၀၁၀ ခုနှစ်က လူ ၁ သိန်းမှာ ၃၈ ဦး ကားတိုက်မှုတွေမှာ သေဆုံးခဲ့တာကြောင့် ထိုင်းနိုင်ငံရဲ့နောက်မှာ ဒိုမိုနီကန်သမ္မတနိုင်ငံနဲ့ တောင်ပစိဖိတ်က နယူဝီ (Niue) ကျွန်းနိုင်ငံတွေပဲ ကျန်ပါတော့တယ်။
အာဆီယံနိုင်ငံတွေရဲ့ ပျမ်းမျှကားတိုက်သေဆုံးနှုန်းဟာ ၁၈ ဒဿမ၊ ၅ ဦးပဲရှိတာ ဖြစ်ပါတယ်။
ပြီးခဲ့တဲ့လကလည်း လေ့လာရေးခရီးထွက်လာတဲ့ ကျောင်းသားတွေရဲ့ ဘတ်စ်ကားနဲ့ ကုန်ကား ၁ စီး တိုက်မိပြီး ကျောင်းသား ၁၃ ဦး သေဆုံးခဲ့ပါတယ်။
ထိုင်းနိုင်ငံတွင်း ကားတိုက်မှုတွေရဲ့ ၆၀ ရာခိုင်နှုန်းဟာ ကားမောင်းသူတွေရဲ့ ပေါ့ဆမှုတွေကြောင့် ဖြစ်တယ် လို့ အစိုးရအာဏာပိုင်တွေက ဆိုပါတယ်။
DVB Burmese