အစမ်းသပ်ခံ ပညာရေးနှင့် မောင်မိုးသူ
မောင်မိုးသူမှာ သားသမီးသုံးယောက်ရှိပါတယ်။ အကြီးဆုံးမှာ မောင်ပန်းသီးဖြစ်ပြီး သူနဲ့နှစ်နှစ်အကွာ မှာသမီးအေးသီတာ ဖြစ်ပါတယ်။ အေးသီတာနဲ့ ဆယ်နှစ်အကွာမှာ ညီညီမိုးသူဖြစ်ပါတယ်။ မောင်မိုးသူ ဟာစာရေးစာဖတ် ဝါသနာကြီးသူ ဖြစ်ပါတယ်။ ငယ်ငယ်ကတည်းက မောင်မိုးသူရသမျှမုန့်ဖိုးနဲ့ အများ ဆုံးဝယ်ယူတာက စာအုပ်များဖြစ်ပါတယ်။ မောင်မိုးသူရသမျှသော မုန့်ဖိုးအပါအဝင် ဝင်ငွေအားလုံးရဲ့ ရာခိုင်နှုန်းအများဆုံး သုံးစွဲခဲ့ခြင်းမှာ စာအုပ်စာတမ်းများဝယ်ယူဖတ်ရှုခြင်း ဖြစ်ပါတယ်။ မြန်မာစာအုပ် စာတမ်းတွေကိုစာကြည့်တိုက်တွေမှ ဖတ်ရှုခြင်းလုပ်နိုင်ခဲ့ပေမဲ့ အင်္ဂလိပ်စာအုပ်စာတမ်းတွေကိုတော့ မောင်မိုးသူတို့ခေတ်မှာ အမေရိကန်ပြန်ကြားရေးလောက်သာရှိပြီး အင်္ဂလိပ်စာကြည့်တိုက်မရှိလို့ အင်္ဂ လိပ်စာအုပ်စာတမ်းတွေကို ကောမစ်၊ ပုံပြင်၊ ဝတ္ထုကဗျာတွေကအစ သဘောတရားရေးရာတွေ၊ အနု ပညာရပ်ဆိုင်ရာ ဘာသာရပ်ဆိုင်ရာ စာအုပ်စာတမ်းတွေဝယ်ယူခဲ့ပါတယ်။ ဒါကြောင့်လည်း မောင်မိုး သူရဲ့အိမ်မှာ အချမ်းသာဆုံးပစ္စည်းမှာ စာအုပ်စာတမ်းတွေဖြစ်ပါတယ်။ မောင်မိုးသူတို့ခေတ်နိုင်ငံခြား အဂ်လိပ်ဝတ္ထုတွေ တန်ဖိုးမှာနှစ်သျှီလင်ခြောက်ပဲနီ၊ မြန်မာဈေးနှုန်းနဲ့ နှစ်ကျပ်ခွဲနဲ့ဝယ်ယူရရှိရာ မုန့်ဖိုးရ သမျှစာအုပ်များ ဝယ်ယူနိုင်ခဲ့လို့ အင်္ဂလိပ်ဝတ္ထုပေါင်းများစွာ ဝယ်ယူနိုင်ခဲ့ပါတယ်။ ခုအချိန်ထိ အင်္ဂလိပ် ဝတ္ထုတွေပဲရှေးတုန်းက ဝယ်ထားလို့အများကြီးရှိနေတုန်းပါပဲ။ သည်ဘက်ခေတ်ကျတော့ ဝတ္ထုတစ်အုပ် ကို နှစ်သောင်း၊ သုံးသောင်း၊ ကျမ်းစာအုပ်ဆိုရင်လေးသောင်း၊ ငါးသောင်း၊ မဝယ်နိုင်တော့ပါ။
အဲသည်လိုအိမ်မှာအပေါဆုံးဖြစ်တဲ့ အင်္ဂလိပ်စာအုပ်စာတမ်းတွေကို သားသမီးများကိုဖတ်စေချင်တာ ပေါ့။
ကံမကောင်းအကြောင်းမလှတာပဲထင်ပါရဲ့၊ သားကြီးနဲ့သမီးလတ်တို့ ကျောင်းနေစဉ်ကာလက ငါးတန်း ကျမှအင်္ဂလိပ်စာသင်ကြားရပါတယ်။ သာကြီးရောသမီးပါတက္ကသိုလ်ကဘွဲ့ရကြပေမဲ့ အင်္ဂလိပ်စာလုံးဝ မတတ်ကြပါ။ အားမနာတမ်းပြောရရင် အင်္ဂလိပ်စာမှမဟုတ်ပါဘူး။ ဘွဲ့သာရကြတာ ဘာဘာရပ်မှ မတတ်ကြပါဘူး။ သူတို့ဘဝမှာ အစမ်းသပ်ခံပညာရေးနဲ့ ကြုံကြိုက်ခဲ့ရလို့ပါ။
အင်္ဂလိပ်စာကိုငါးတန်းကျမှ စသင်ရမယ်လို့ ဘယ်ပညာရှင်က စမ်းသပ်တီထွင်လိုက်သလဲ မသိပါဘူး။ မောင်မိုးသူသားနဲ့သမီး အင်္ဂလိပ်စာမတတ်ရှာတော့ပါ။ မောင်မိုးသူသားကြီး၊ သမီးတို့နဲ့ခေတ်ပြိုင်ဘွဲ့ရ တွေအားလုံးနီးပါးလည်း အင်္ဂလိပ်စာသာမတတ်တာ မဟုတ်ပါ။ ဘွဲ့သာရပြီးဘာ ဘာသာရပ်မှ မတတ် ကျွမ်းတော့ပါ။ တစ်ချိန်တစ်ခါက မြန်မာနိုင်ငံရဲ့ ပညာရေးဟာပေမီဒေါက်မီစံချိန်မီဖြစ်ရာက ၁၉၆၂ နောက်ပိုင်းပညာရေးဟာ အစမ်းသပ်ခံပညာရေးဖြစ်လာလို့ အမိန့်ပေးတာတစ်မျိုးပဲလုပ်တတ်ပြီး အမိန့် နာခံတာကလွဲရင် ဘာမှလုပ်ခွင့်မရှိတဲ့သင်ကြားရေးစနစ်အောက်မှာ ရောက်လာပြီးသုံးမရအောင် ယိုယွင်းပျက်စီးလာတော့တာ။
မောင်မိုးသူလည်း ပညာနဲ့သညာအကြောင်းရေးဖူးပေါင်းများပါပြီ။ ပညာဆိုတာထိုးထွင်းသိမြင်မှု၊ မိမိတို့ ကိုယ်တိုင်စူးစမ်းရှာဖွေ လေ့ကျင့်သိမြင်မှ ပညာဖြစ်တာလေ။
အစမ်းသပ်ခံပညာရေး၊ အမိန့်ပေးပညာရေး၊ အလွတ်ကျက်ပညာရေးနဲ့ ချီတက်လာခဲ့ကြတာ နှစ်ပေါင်း ၅၀ ရှိလာပါပေါ့။ ယခုပြင်ကြမယ်။ လုပ်ကြမယ်ဆိုတဲ့အခါမှာ အဖေကယ်ပါ၊ အမေကယ်ပါ၊ ဟိုနိုင်ငံ ကယ်ပါ၊ ဒီနိုင်ငံကယ်ပါ၊ လုပ်နေကြရတော့တာပေါ့၊ တစ်ခေတ်တစ်ခါက တတ်ကျွမ်းတဲ့ပညာရှင်တွေက လည်း နိုင်ငံရပ်ခြားမှာအသက်မွေးကြ၊ ပြည်တွင်းပညာရေး သင်ကြားရေးစနစ်နဲ့ အံမဝင်ခွင်မကျ ထော် လော်ကန့်လန့်တွေ ဖြစ်နေကြတာ။
မောင်မိုးသူဥပမာတစ်ခုပြပါရစေ၊ သိပ္ပံပညာခေတ်မှာ သိပ္ပံဘာသာရပ်တွေဖြစ်တဲ့ ဓာတု၊ ရူပ၊ ဇီဝ အစရှိ သည့် ဘာသာရပ်တွေအတွက် ဘယ်အထက်တန်းကျောင်းမှာများ ဓာတ်ခွဲခန်းရှိပါသလဲ၊ စမ်းသပ်လုပ် ကိုင်နိုင်တဲ့ ပစ္စည်းပစ္စယရှိကြပါသလဲ၊ ဒါ့ကြောင့်သိပ္ပံဘာသာရပ်များကို ကြက်တူရွေးလို အာဂုံဆောင်၊ စာမေးပွဲအောင်၊ ဘွဲ့တွေရဘာမှမတတ်၊ ဘာမှစိတ်မဝင်စားဖြစ်ခဲ့ပြီး၊ သိပ္ပံဘာသာရပ်ဆိုရင် ဆရာဝန်နဲ့ စက်မှုလောက်မှပဲ အသုံးကျတဲ့ဘဝ ဖြစ်လာတော့တာပါပဲ။ ဓာတု၊ ရူပ၊ ဇီဝ၊ သင်္ချာနဲ့ဘွဲ့ရသူတွေဟာ ဘာမှဘာသာရပ်အပေါ်မှာ အာရုံမရှိတော့တာ ဖြစ်ပါတယ်။ ရှားရှားပါးပါး ဘာသာရပ်ဆိုင်ရာ ပါရမီရှိ သူ၊ ကြိုးစားသူများ၊ ဝါသနာပါသူတွေအတွက် သိပ္ပံပညာရပ်တီထွင်ထူးချွန်တဲ့နေရာမှာ အသုံးချခွင့်မရှိ ဘဲကျူရှင်ဆရာအဖြစ်နဲ့ အသက်မွေးနာမည်ကြီးချမ်းသာလာကြတာ ဖြစ်ပါတယ်။
ပြောရတာတော့ အားနာပါတယ်။ အားနာနာနဲ့ပြောရရင် ဒီရက်ပိုင်းဆယ်တန်းစာမေးပွဲနီးလာချိန်မှာ တက္ကသိုလ်ကဘာသာရပ်ဆိုင်ရာ ပါမောက္ခတွေ၊ အပြင်မှကျူရှင်လောက နာမည်ကြီးကျူရှင်ဆရာကြီး တွေကစာနယ်ဇင်းတွေမှာ၊ ရုပ်မြင်သံကြားတွေမှာ၊ ရေဒီယိုအသံလွှင့်ချက်တွေမှာ၊ ဆယ်တန်းစာမေးပွဲ မှာဘယ်လိုအောင်မှတ်ရအောင် ဖြေနိုင်ကြဖို့၊ ဘယ်လိုဂုဏ်ထူးရအောင် ဖြေနိုင်ကြဖို့တစ်ပွဲတိုးပို့ချချက် စာမေးပွဲအောင်နည်း နိဿရည်းသင်ကြားပို့ချနေကြလေရဲ့။
အင်္ဂလိပ်စာဆိုပါစို့၊ တကယ်သိနားလည်တဲ့၊ ကျွမ်းကျင်တဲ့ဆရာနဲ့သင်ရရင် တပည့်ဖြစ်သူဟာ နှစ်ကြာ ကြာမသင်ရပါဘူး။ တတ်ပါတယ်။ တတ်နိုင်ပါတယ်။ ပြဿနာကသင်တဲ့ဆရာကမှ မတတ်တာ၊ သူက လည်းစာမေးပွဲအောင်ပြီး စာကျက်လာတဲ့သူ၊ သူ့ဘာသာ ဘာသာရပ်ဆိုင်ရာအတိမ်အနက်၊ အလှအပ ကိုထဲထဲဝင်ဝင်မှမသိတာ၊ သူမသိတော့သူမှ မတတ်တာဘယ်လို သင်မှာလဲ။
နောက်ဥပမာတစ်ခုပေးရရင် သင်္ချာဖြစ်ပါတယ်။ သင်္ချာဆိုတာအပေါင်းအနုတ်၊ တွက်နည်းပုစ္ဆာစတာ တွေကအရေးပါတာ မဟုတ်ပါဘူး။ စဉ်းစားသိမြင်တတ်တဲ့ သော့ချက်ကိုသိမြင်မှ သင်ကြားရာမှာ တပည့်ဖြစ်သူတွေ သင်္ချာပညာပျော်စရာဖြစ်အောင် သင်နိုင်တယ်၊ လေ့လာနိုင်တယ်။ တပည့်ဖြစ်သူ တွေသင်္ချာမှာ ပျော်ပိုက်နိုင်ပါတယ်။ ထိုနည်းတူဓာတုပဲဖြစ်ဖြစ်၊ ရူပပဲဖြစ်ဖြစ်၊ ဇီဝပဲဖြစ်ဖြစ်၊ ဘောဂပဲဖြစ် ဖြစ် စိတ်ဝင်စားအောင် ပညာရပ်ရဲ့တကယ့်လှပတဲ့၊ ပျော်စရာကောင်းတဲ့ဘာသာရပ်ဖြစ်အောင် သင် ကြားပေးနိုင်ဖို့ အဲဒီလိုသင်ကြားနိုင်တဲ့ ဆရာလည်းလိုအပ်တာပဲဖြစ်ပါတယ်။
ပညာရေးစနစ်ကို ပြုပြင်ပြောင်းလဲဖို့အတွက် ပညာသင်ကြားရေးစနစ်ကို အမျိုးမျိုးအဖုံဖုံ လက်တည့် စမ်းပြင်နေကြလို့ မဖြစ်နိုင်ပါဘူး။ 'ဆေးသမားမထောင်းတာ လူနာမခံချည့်' ဆိုသလိုဆေးဝါးကုသရာ မှာဆေးဆရာက အမျိုးမျိုးအဖုံဖုံ ဆေးများစမ်းသပ်ကုနေလို့ရှိရင် လူသာအသက်ဆုံးဖို့ပဲ ရှိပါတယ်။
အစမ်းသပ်ခံပညာရေးမျိုးတွေ မလုပ်ကြပါနဲ့တော့၊ ပညာသင်ရတပည့်များသေဖွယ်ပဲ ရှိပါတယ်။
ပညာရေးစနစ်ပြင်ရမှာက အလွတ်ကျက်စနစ်မှသည် တပည့်နဲ့ဆရာအပြန်အလှန် မေးမြန်းလေ့လာပြီး တပည့်မေးသမျှကို ဖြေဆိုနိုင်တဲ့ဆရာတွေရှိဖို့၊ တပည့်တွေကစာသင်ခန်းထဲက ပို့ချသင်ကြားလိုက်တဲ့ ပညာရပ်တွေ စာသင်ခန်းပြင်ပ လေ့လာဆည်းပူးနိုင်ခွင့် ရှိကြဖို့၊ အုပ်ချုပ်တဲ့အစိုးရက အမိန့်ပဲပေးတတ် သလို၊ ဆရာကလည်းငါသင်ပေးတာပဲ အလွတ်ကျက်ဆိုတာမျိုးတွေကအစ မြေလှန်ပြီးပြုပြင်ရမှာ ဖြစ်ကြောင်းပါ။
မော်ဒန်သတင်းဂျာနယ်
အမှတ်(၃၉၇)၊ ဖေဖော်ဝါရီ ၂၁ ရက်၊ ၂၀၁၄၊