စာကြည့်တိုက်က အမျိုးသမီး

လွန်ခဲ့တဲ့ ၁၆နှစ်ခန့် ကျွန်မ အလယ်တန်း တက်နေတဲ့ အချိန်တုန်းကပေါ့။ တစ်နေ့မှာ စာကြည့်တိုက်မှာ ကျွန်မ စာအုပ် တစ်အုပ်တွေ့လိုက်မိတယ်။ စာအုပ် မျက်နှာဖုံးက အရမ်းလှတဲ့ မြင်းလှည်းပုံလေး.. မြင်းလှည်းဘီးက ရွှေရောင် လက်လက် ထနေခဲ့လို့ အဲဒီစာအုပ်ကို ကျွန်မ ငှားလာခဲ့တယ်။

အိမ်ရောက်တော့ မေမေက စာအုပ်ကိုကြည့်ပြီး ဒါဟာ စိတ်ဆန္ဒကိုနိုးကြွစေတဲ့ စာအုပ်တစ်အုပ်၊ ကျွန်မဖတ်ဖို့ မသင့်တော်ဘူး ဆိုပြီး ကျွန်မကို စာကြည့်တိုက်ဆီ အတင်း ဆွဲခေါ် လာခဲ့ပါတယ်။ ပြီးတော့ စာကြည့်တိုက် ဝန်ထမ်းကို ကျွန်မ အသက်အရွယ်နဲ့ သင့်တော်မယ့် စာအုပ်တစ်အုပ် လဲပေးဖို့ ပြောလိုက်တယ်။ သူတို့ဘေးမှာရပ်ပြီး ကျွန်မအနေကျပ် ခဲ့ပါတယ်။

စာကြည့်တိုက် ဝန်ထမ်းက လူလတ်ပိုင်း အမျိုးသမီး တစ်ဦးပါ.. ပိန်ပိန်ရှည်ရှည်၊ ဆံပင်တိုတိုနဲ့ ဆွယ်တာအင်္ကျီဝတ်ထားပါတယ်။ ကျွန်မကို သူခေါင်းငုံ့ကြည့်ပြီး ရယ်ပြတယ်။ အဲဒီနောက် ကောင်တာနောက်ကနေ သူထွက်လာပြီး သူ့နောက်ကို ကျွန်မလိုက်ခဲ့ဖို့ မျက်ရိပ်ပြပါတယ်။

လေးလံထုံထိုင်းတဲ့ ကွန်ပျူတာတွေကို ကျွန်မတို့ကွေ့ပတ်ပြီး စင်္ကြတစ်လျှောက်ဖြတ်လျှောက်လာ ခဲ့တယ်။ အရွယ်ရောက်သူတွေဖတ်တဲ့ စာအုပ်စင်နား ကျွန်မတို့ရောက်လာ ခဲ့တယ်။

“ဒီတစ်အုပ်ဆိုရင် ဘယ်လိုနေမလဲ.. စာအုပ်နာမည်က I Capture the Castle တဲ့။ စာရေးဆရာမ Dodie Smith ရေးတာ.. သူက 101 Dalmatians (ခွေးနက်ကျား ၁ဝ၁ကောင်) ဆိုတဲ့ စာအုပ်ကို လည်းရေးခဲ့တယ်”

အင်္ဂလန်လေသံပါတဲ့ စကားသံနဲ့ ကျွန်မကို သူပြောပါတယ်။

ကျွန်မကိုယ်ကျွန်မ အရွယ်ရောက်နေပြီလို့ ကျွန်မထင်တယ်။ လိမ်ညာဉာဏ်ဆင်ရေးထားတဲ့ အဲဒီခွေးဇာတ်လမ်းကို မကြိုက်လို့ ကျွန်မ အသံတိတ်နေ လိုက်တယ်။

“ဒီစာအုပ်က ခွေးနက်ကျား ၁ဝ၁ကောင်စာအုပ်နဲ့ လုံးလုံးမတူဘူး”

မျှော်လင့်ချက်မဲ့တဲ့ ကျွန်မပုံစံ ကိုတွေ့သွားလို့ သူက စကားဆက်ပြောပြန်တယ်။ သူ့ကို ကျွန်မလေးစားပေမယ့် ကျွန်မတွေဝေနေပြန်တယ်။ “I Capture the Castle” (ကျွန်မရဲ့လျှို့ဝှက်ရဲတိုက်) ဆိုတဲ့ နာမည်က ဖတ်ရတာ တစ်မျိုးပဲ.. ကလေးတွေကို ချော့သိပ်တဲ့ ဒဏ္ဍာရီ စာအုပ်လိုလို .. ဘာလိုလို..

နောက်ဆုံးတော့လည်း အဲဒီစာအုပ်ကို ကျွန်မ မကျေမနပ်နဲ့ အိမ်ငှားပြန်ခဲ့ပါတယ်။ အိမ်ရောက်တာနဲ့ ပြတင်းပေါက်နားကခုံမှာ ထိုင်ပြီး စာအုပ်ကို ကျွန်မ လှန်လျောဖတ်ကြည့် လိုက်တယ်။ စာအုပ်ပါ အကြောင်းအရာက အသက် ၁၇နှစ်အရွယ်ကောင်မလေး တစ်ယောက်ရဲ့ အတွေ့အကြုံတွေ သက်ဝင် ခံစားရေးဖွဲ့ ထားတယ်။ ဇာတ်လမ်းက ကျွန်မကို ခဏတွင်းချင်းမှာပဲ ဆွဲဆောင် သွားခဲ့ပါတယ်။ စာဖတ်နေရင်း ကျွန်မစိတ်ထဲမှာလည်း “ငါလည်း စာရေးဆရာ တစ်ဦးလုပ်မယ်”လို့ ဆုံးဖြတ်ချက်တစ်ခု တိုးတိုးတိတ်တိတ် ချခဲ့မိတယ်။ ဆန်းကြယ်လျှို့ဝှက်တဲ့ အရေးအဖွဲ့တွေကို ကျွန်မကြိုက်တယ်၊ ကဗျာရေးဖွဲ့ရတာကိုလည်း ကျွန်မနှစ် သက်တယ်၊ ရေးတာ မကောင်းတာပဲ ရှိတာပေါ့လေ။

အဲဒီစာအုပ်ဟာ ကျွန်မအပေါ်ကြီးမားတဲ့ သက်ရောက်မှု ရှိခဲ့တယ်ဆိုတာ စာကြည့်တိုက်က အမျိုးသမီးကို ကျွန်မမပြောပြခဲ့ပါဘူး။ အဲဒီနောက်မှာတော့ ကျွန်မတစ်ကိုယ်တည်း တောအုပ် တစ်အုပ်ကိုဖြတ်ပြီး ကြည်လင်အေးမြတဲ့ စမ်းချောင်းဘေးက သစ်ပင်ကြီးတစ်ပင်ပေါ်မှာ စာရေးဆရာ လုပ်မယ်ဆိုတဲ့ ကျွန်မရဲ့အိပ်မက်ကို ထွင်းထုခဲ့တယ်။ အခုအချိန်မှာ ကျွန်မရဲ့အိပ်မက်ကို အကောင်အထည်ဖော်နိုင်ခဲ့ပါပြီ။ စာအုပ်တော်တော်များများ ကျွန်မထုတ်ဝေနိုင်ခဲ့ပါပြီ။ ကျွန်မငယ်ငယ်က အမြဲသွားခဲ့တဲ့စာကြည့်တိုက်မှာ ကျွန်မရဲ့စာအုပ်တွေ စင်တင်နိုင်ခဲ့ပါပြီ။ ကျွန်မရဲ့ စာအုပ်တစ်အုပ်က အဲဒီစာကြည့်တိုက်မှာ တစ်နှစ်ပတ်လုံး အငှားရဆုံး၊ စာဖတ်သူ အကြိုက်ဆုံး စာအုပ်တွေထဲမှာ တစ်အုပ် အပါအဝင်ဖြစ်ခဲ့ပါတယ်။

လွန်ခဲ့တဲ့နှစ်ပတ်ခန့်က မြို့ကနေ နှစ်နာရီ ခွဲကြာလောက်ကားမောင်းပြီး ရွာကို ကျွန်မပြန်ခဲ့တယ်။ ရွာမှာပဲအမြဲနေနေတဲ့ မေမေကို သွားကြည့်တာပါ။ လက်ဖက်ရည်ဆိုင် တစ်ဆိုင်မှာ နေ့လယ်စာအတူစားဖို့ မေမေနဲ့ချိန်းထားပါတယ်။ ကျွန်မရဲ့သမီးငယ်ကိုလည်း ကျွန်မခေါ်လာခဲ့တယ်။ ခါတိုင်းဆိုရင် သမီးငယ်ကိုခေါ်ပြီး ကျွန်မကားမမောင်းပါဘူး။ သမီးက အိပ်မပျော်မချင်း သူ့ကိုစကားပြောချော့နေရလို့ပါ။

ရွာကို ကျွန်မရောက်လာ ခဲ့ပါတယ်။ လက်ဖက်ရည်ဆိုင်မှာထိုင်ပြီး ကော်ဖီသောက်ရင်း ကျွန်မအပန်းဖြေနေခဲ့တယ်။ ရုတ်တရက် ကျွန်မခေါင်းမော့အကြည့်မှာ စာကြည့်တိုက်ကအမျိုးသမီးကို ကျွန်မတွေ့လိုက်မိပါတယ်။ ၁၆နှစ်ကျော်ကာလအတွင်းမှာ သူ့မျက်ထောင့်ထက် အရစ်အကြောင်းတွေ ပိုလာခဲ့ပါတယ်။ လမ်းလျှောက်ရာမှာလည်း တုံ့နှေးလာခဲ့တယ်။ ဒါပေမယ့် သူ့ရဲ့ကျက်သရေရှိရည်မွန်တဲ့အပြုအမူက နဂိုအတိုင်းပါပဲ။ ဆိုင်ထဲသူဝင်လာပြီး စားပွဲခုံတစ်ခုမှာ ထိုင်ချလိုက်ပါတယ်။

အိုမင်းသွားတဲ့ သူ့ကိုကြည့်ပြီး ကျွန်မရင်ထဲ ဆို့နင့်လာမိတယ်။ သောက်လက်စခွက်ကို ကျွန်မအမြန်ချပြီး ထိုင်ရာက ထလိုက်တယ်။ ပြီးတော့ သူ့ဆီအမြန်လျှောက်သွားလိုက်ပါတယ်။ ပင်ပန်းတဲ့ဒဏ်၊ အံ့သြဝမ်းသာမှုကြောင့် ကျွန်မမျက်နှာထူပူနေပါတယ်။

“အန်တီ စာကြည့်တိုက်မှာ အလုပ်လုပ်ခဲ့တယ်မဟုတ်လား.. “I Capture the Castle”ဆိုတဲ့စာအုပ် ကျွန်မကို အန်တီငှားလိုက်သေးတယ်လေ။ ကျွန်မ အခု စာရေးဆရာဖြစ်နေပါပြီ အန်တီ။ အန်တီမိတ်ဆက်ပေးခဲ့တဲ့ အဲဒီစာအုပ်က အခုထိ ကျွန်မအနှစ်သက်ဆုံးစာအုပ်ပါ” လို့ သူ့ကို ကျွန်မအော်ပြောလိုက်တယ်။

အဲဒီအမျိုးသမီးက ခဏလောက်တွေဝေသွားတယ်။ ပြီးမှ ကျွန်မကိုကြည့်ပြီး ကြင်ကြင်နာနာရယ်ပြတယ်။ ရယ်ပြပြီးတာနဲ့ သူဟာ ခေါင်းတစ်ဖက် လှည့်သွားပြီး အခြားတစ်နေရာကို တူရှုငေးကြည့်နေလိုက်တယ်။ ကျွန်မကို စကားတစ်ခွန်းမှ သူပြန်မပြောပါဘူး။ သူ့ကြည့်ရတာ အသက်အရွယ်ကြီးရင့်သွားလို့ မှတ်ဉာဏ်ကောင်းပုံ မရတော့ပါဘူး။ ကျွန်မဘာပြောလိုက်မှန်းကိုလည်း သူသဘောပေါက်မှာ မဟုတ်ပါဘူး။ ကျွန်မနေမသိထိုင်မသာနဲ့ နောက်ကို ခြေတစ်လှမ်းဆုတ်လိုက်မိပါတယ်။ သူနဲ့ ခပ်ဆင်ဆင်တူတဲ့၊ သူ့ထက် အသက်ငယ်ရွယ်တဲ့ အမျိုးသမီးတစ်ဦး သူ့ဆီလျှောက်လာပါတယ်။ သူ့ညီမဖြစ်လိမ့်မယ်လို့ ကျွန်မခန့်မှန်းလိုက်တယ်။ အဲဒီအမျိုးသမီးငယ်က သူ့လက်မောင်းကိုတွဲပြီး ဖြည်းဖြည်းချင်းထွက်ခွာသွားခဲ့ပါတယ်။

သူထွက်သွားတာကို ကျွန်မငေးကြည့်နေမိတယ်။ သူ့ခြေလှမ်းတွေဟာ ဟိုးတစ်ချိန်တုန်းကလိုပဲ သိမ်မွေ့နေတုန်းပါပဲ။ သူ့နောက်ကျောအရိပ်ကိုကြည့်ပြီး ကျွန်မတို့ဟာ ကျွန်မတို့တစ်သက်မှာ ကောင်းမွန်မြင့်မြတ်တဲ့အလုပ်တွေ ဘယ်လောက်လုပ်ခဲ့ပြီး၊ လူဘယ်နှယောက်ရဲ့ဘဝကို ပြောင်းလဲခဲ့ပြီဆိုတာကျွန်မတို့ကိုယ်တိုင် သတိမထားမိတာပဲရှိမယ်လို့ ကျွန်မတွေးနေခဲ့မိတယ်။ ဒီစာကြည့်တိုက်အမျိုးသမီးလိုပေါ့.. စာအုပ်လေးတစ်အုပ်ကိုပဲ ကျွန်မကို သူမိတ်ဆက်ပေးလိုက်တာပါ။ ဒါဟာ ကျွန်မဘဝတစ်သက်တာအတွက် အရေးပါဆုံး အတွေ့အကြုံတစ်ခုဖြစ်ခဲ့ပါတယ်။

မူရင်းလင့်-- http://www.85nian.net/rensheng/21215.html

နိုင်းနိုင်းစနေ (April. 27. 2015)

https://www.facebook.com/99sanay/posts/10152860682372358:0

-------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+