သူ့အတွေး ကိုယ့်အတွေး...
(မိန်းမက သူ့ယောကျ်ားအကြောင်း စဉ်းစားနေတယ်....)
"သူ ဘာလို့ ငါ့ကို စကားမပြောတာလဲ...???"
"သူ တခြားအမျိုးသမီးအကြောင်း စဉ်းစားနေတာလား...???"
"သူ အသစ်တစ်ယောက် တွေ့ထားပြီလား...???"
"ငါက စွဲဆောင်မှု မရှိတော့လို့လား...???"
"သူက ငါ့ကို စွန့်ပစ်ဖို့ ကြိုးစားနေတာလား...???"
"သူ့မျက်စိထဲမှာ ငါ့က ရုပ်တော်တော်ဆိုးလာလို့လား...???
"ငါ အလှပြင်တာက မလှလို့လား...???
"သူ အိပ်ခန်းထဲ ဝင်လာပြီးကတည်းက ခုထိ ငါ့ကို စကားမပြောသေးဘူး...???
မိန်းမဖြစ်သူက ဒီလိုအတွေးနယ်ချဲ့ပြီးနောက် သူမရဲ့ ရှိသမျှသတ္တိတွေကို စုစည်းလိုက်တယ်။ ဒီနောက် ယောကျ်ားဖြစ်ကို...
"ဟန်နီ...! ရှင် ကျမကို ဘာဖြစ်လို့ စကားမပြောတာလဲ ဟင်...? ကျမ ရှင့်အပေါ် ဘာအမှားတွေ လုပ်ခဲ့လို့လဲ...?" ဆိုပြီး ငိုမဲ့မဲ့နဲ့ မေးလိုက်တယ်။
ဒီအခါ ယောကျ်ားဖြစ်သူက မိန်းမကို မျက်ထောက် နီနီကြီးနဲ့ စိုက်ကြည့်လိုက်ပြီး ဒေါသတကြီးနဲ့ တုံ့ပြန်လိုက်တယ်။
"လီဗာပူးက အာဆင်နယ်ကို ၃-၁ နဲ့ ဘယ်လိုနိုင်ခဲ့တာလဲ... စဉ်းစားလို့ကို မရဘူးကွာ... တောက်!!!"
(တခါတရံမှာ မိန်းမတွေက အဲဒီလို အတွေးနယ်ချဲ့တတ်ပါတယ်။ နောက်တစ်ခါ ခင်ဗျား အားပေးနေတဲ့ အာဆင်နယ်ကြီး အောင်ပွဲခံနိုင်ပါစေ...)
