ခြေသလုံး ကြွက်တက်ရခြင်း အကြောင်း သိကောင်း စရာလေးများ
လူ့ ခန္ဓာကိုယ်မှာ (၁) ထိန်းချုပ်နိုင်သော ကြွက်သားနှင့် (၂) မ ထိန်းချုပ်နိုင်သော ကြွက်သား ဟူ၍ ကြွက်သား နှစ်မျိုးရှိပါတယ်။ ဥပမာ ခြေ နှင့် လက်တို့  မတင်ခြင်း၊ လှုပ်ရှားခြင်း၊ ကွေးခြင်း၊ ခေါက်ခြင်း စသည်တို့ ပြုလုပ်ချိန်မှာ သုံးနိုင်သည့် ကြွက်သားကို ထိန်းချုပ်နိုင်သော ကြွက်သားဟု ခေါ်ဆိုပြီး၊ အကြောဆွဲခြင်း နှင့် ကြွက်တက်ခြင်း တို့ ဖြစ်စေ နိုင်သော ကြွက်သားကိုတော့ မထိန်း ချုပ်နိုင်သော ကြွက်သားလို့ ခေါ်ပါတယ်။
ရုတ်တရက် မထင်မှတ်ဘဲ ကြွက်သားများကျုံ့ သွားချိန်မှာ ကြွက်တက်ခြင်း(သို့ မဟုတ်)အကြောဆွဲခြင်းတို့  ဖြစ်လာ ရပါတယ်။ ထိုအကြောဆွဲခြင်းက ကြွက်သားတစ်ခု(သို့ မဟုတ်)ကြွက်သား အုပ်စု တစ်စုကို ရုတ်တ တရက် ကျုံ့ သွားစေတာမျိုးပါ။ ကြွက်တက်တဲ့အခါ စက္ကန့် အနည်းငယ် (သို့  မဟုတ်)မိနစ်အနည်းငယ်မှ ယင်းထက်ပို၍လည်း ကြာနိုင်ပါတယ်။ ကျား၊မ အသက်အရွယ် အပိုင်းအခြားမရွေး ကြွက်တက်နိုင်ပြီး၊ သက်ကြီးရွယ်အိုများ အိပ်နေချိန်မှာ သွေးလည် ပတ် မှုနှေးကွေး သွားတာကြောင့် ကြွက်တက်နိုင်သလို၊ ကိုယ်ဝန်ဆောင်အမျိုးသမီးများ ကိုယ်ဝန် သက်တမ်း ဒုတိယသုံးလပတ် ကာလအတွင်း ကိုယ်အလေးချိန်ပိုလာတြာေ ကာင့် ခြေ နှင့် လက်တို့ မှာ ကြွက် တက်လေ့ရှိပါတယ်။
< ကြွက်တက်ရသော အကြောင်းရင်း >
ရဓာတ်အနည်းငယ် ဆုံးရှုံးမှုနဲ့ အတူ ဆား (Na) ဓာတ် ဆုံးရှုံးမှုတွေရဲ့ အကျိုးဆက် အဖြစ် ခြေသလုံး ကြွက်သား တွေ နာကျင်ပြီး ကြွက်တက်တာကို ခံစားလာရပါတယ်။ ပူပြင်းတဲ့ရာသီမှာ လူအများစု ခံစားရလေ့ရှိပြီး ကြွက်သား တွေ အပြင်းအထန်လှုပ်ရှား၍ ပင်ပန်းနွမ်းနယ်နေတဲ့ အခါ ရေဓာတ် နဲ့ ဆားဓာတ် ဆုံးရှုံးမှုများလေ ကြွက်တက်တာ ပိုဆိုးလေပါဘဲ။ ဒါ့ပြင် အလွန် ချမ်းအေးတဲ့ ဆောင်းရာသီမှာလည်း သွေးလည်ပတ် မှုနှေးကွေးသွားတာကြောင့် ကြွက်တ က်လေ့ရှိပါတယ်။ လှုပ်ရှားမှု မရှိခြင်း၊ လေ့ကျင့်ခန်းမလုပ်ခြင်း၊ ကိုယ်ဟန် အနေအထား တစ်မျိုး တည်း အချိန်အကြာကြီး ရပ်ခြင်း၊ ကုလားထိုင်ပေါ်တွင် အကြာကြီးထိုင်နေခြင်း (သို့ မဟုတ်) ခြေ ချင်းချိတ်၍ အချိန် အကြာကြီးထိုင်ပြီးနောက် ရုတ်တရက် မတ်တပ်ထရပ်ခြင်း၊ ငြိမ်သက်စွာ အိပ်စက်ပြီးနောက် ခြေ ထောက် အကြောဆန့် ခြင်း၊ ခပ်ပြင်းပြင်း လေ့ကျင့်ခဏ်းလုပ်ြ ခင်း၊ ရေကူြး ခင်း စသည့် အကြောင်းအမျိုးမျိုးတို့ ကြောင့်ကြွက် တက်နိုင်သလို၊ ခန္ဓာကိုယ်ထဲမှာ ကယ်လ်စီ ယမ် (သို့ မဟုတ်)ပိုတက်စီယမ်(သို့ မဟုတ်)မဂ္ဂနီစီယမ်ဓာတ် ချို့ တဲ့ခြင်း၊ ရေဓာတ်ခမ်း ခြောက်ခြင်း၊ အာရုံကြော(သို့ မဟုတ်)ကြွက်သားများဒဏ်ရာရခြင်း၊ ကြွက်သားများ မှာ သွေး လည် ပတ်မှု အားနည်းခြင်း၊ ကျောက် ကပ်မကောင်းခြင်း စသည့်ရောဂါများကြောင့်လည်း ကြွက်တက် နိုင်ပါတယ်။ ထို့ ပြင် အယ်လဇိုင်းမား(ခေါ်)ဇရာ ကြိုရောဂါကု ဆေးဝါး၊ ခြေတုန်လက်တုန်(ခေါ်) ပါကင်န်ဆဲန်ရောဂါကု ဆေးဝါး၊ သွေးတိုးရောဂါ ပျောက်ဆေး၊ ကိုလက်စထရော လျှော့ချဆေး၊ ဆီးဆေး၊ အသည်းဆေးများ၊ ပဋိသန္ဓေတားဆေး၊ steroids စတဲ့ ပဋိဇီဝဆေးများရဲ့ ဘေးထွက် ဆိုးကျိုးများက ကြွက်တက်ခြင်း ကိုဖြစ်စေနိုင်ပါတယ်။
< ကြွက်တက်တဲ့အခါ >
(၁) ကြွက်တက်ရင် လှုပ်ရှားမှုတွေရပ်တန့်ပြီး ကြွက်တက်တဲ့ခြေထောက်ကို အနားယူဖြေေ လျှာ့ပေးပါ။ ဥပမာ မတ်တတ်ရပ်နေစဉ် ကြွက်တက်ပါက ဦးစွာထိုင်ချပြီးနောက် ခြေချောင်း နှင့် ဒူးကို အလိုက်သင့်ကွေးထားပေးပါ၊ ပြီးရင် ကြွက်တက်နေတဲ့ ခြေထောက်၏ ခြေချောင်းလေးများကို လက်ဖြင့်ကိုင်၍ ချိုးပေးပါ (ခြေထောက် ဆန့်တန်း ထားလေ၊ ကြွက်သား တင်းမာလေဖြစ် တာကြောင့် နာကျင်မှု ပိုလာစေပါမယ်) < နောက်တနည်း > မတ်တတ် ရပ်နေစဉ် ကြွက်တက်ပါက နံရံကိုမျက်နှာမူ၍ မတ်တပ်ရပ်ပါ၊ ပြီးရင် ခြေထောက်ကို ဖြည်းဖြည်းခြင်းဆန့် တန်း၍ ထိုနံရံကို ခြေထောက်ဖြင့် ကန်ထားပါ။ စက္ကန့် ၂၀ လောက် ကန်ထားခြင်းဖြင့် ကြွက်သားတွေ သူ့ အလိုလိုပြန်ကျ သွားပါလိမ့်မယ်။
(၂) အကယ်၍ ခြေထောက်ကွေးထားစဉ်မှာ လက်ဝဲဖက်ခြေထောက် ကြွက်တက် နေပြီဆိုပါစို့ ။ ဦးစွာ လက်ယာ ဖက် ခြေထောက်ကို ဆန့် တန်း၍၊ ပြဿနာဖြစ်နေတဲ့ လက်ဝဲဖက်ခြေထောက်ကို ရင်ခေါင်းထိ ရောက်အောင် ဖိကပ် လိုက်ပါ။ ပြီးရင် ဖနောင့်ကို မြေပြင်ပေါ်ထောက်၍ ခြေချောင်းလေးတွေကိုတော့ မိုးပေါ်ထောင်ထားပေးပါ။ ကြွက်သားတွေပြန် မကျမချင်းဤနည်းအတိုင်း လုပ်ေ ပးပါ။
(၃) ကြွက်တက်တဲ့အခါ ဖုထစ်နာကျင်နေတဲ့ ကြွက်သားနေရာကို အသာအယာ ဖျစ်ညှစ်ပြီး ဖြေလျှော့ပေးနိုင်သလို၊ ဓာတ်ဆားရည်နဲ့ အီလက်ထရိုလိုက် ဖျော်ရည်တွေ သောက်သုံးပေးပါ။
(၄) ကြွက်သားပေါ်ကို ရေနွေးအိတ်အပူ ဖိကပ်ပေးပါ (သို့ မဟုတ်) ကြွက်တက်နေတဲ့ ကြွက်သားဖုပေါ်ကို ရေနွေး ပုလင်းဖြင့် အောက်ဖက်သို့  ဆွဲချ၍ အသာအယာ လှိမ့်ပေးပါ။
(၅) ဆပ်ပြာရည် လောင်းချပေးပါ။ ဆပ်ပြာရည်ရဲ့  တန်ပြန်ဓာတ် သက်ရောက်မှု ကြောင့် ကြွက်သားတွေကို စက္ကန့် အနည်းငယ်အတွင်းမှာပင် ပြေလျော့သွားစေပါတယ်။
<<< မှတ်ချက်။ ကြွက်တက်နေချိန် အနှိပ်ခံခြင်းက သက်သာနိုင်တယ်ဆိုပေမယ့်၊ မှားယွင်းသော နည်းဖြင့် နှိပ်နယ်ပါက ကြွက်တက်ခြင်းကို ပိုမိုဆိုးရွားသွားစေနိုင်လို့  သတိပြုပါ >>>
*** ကြွက်တက်ခြင်းအတွက် အိမ်တွင်း ကုထုံးလေးများ ***
(၁) အညောင်းမိခြင်းကြောင့် ကြွက်တက်နိုင်ပါတယ်၊ ဒါကြောင့် ခြေဆန့် လက်ဆန့် လုပ်ခြင်း၊ သွေးပူလေ့ကျင့်ခန်း လုပ်ခြင်း၊ အကြောလျော့ခြင်းတို့ ဖြင့် ကြွက်တက်ခြင်းကို ကြိုတင် ကာကွယ်ထားနိုင်ပါတယ်။
(၂) ဆိုဒီယမ်(ခေါ်)ဆားအငံဓာတ် လွန်ကဲစွာ စားသုံးခြင်းက လူကို ဘေးဖြစ်စေသော်လဲ၊ အာရုံခံ အင်္ဂါအဖွဲ့  အစည်းများ နှင့် ကြွက်သားများ ကောင်းစွာအလုပ်လုပ်စေနိုင်ဖို့  အတွက် သင့်တင့်သော ဆိုဒီယမ်ပမာဏက မရှိမဖြစ်လေးပါ။ ဒါကြောင့် မကြာခဏကြွက်တတ်လေ့ ရှိသူများ နှင့် ချွေးထွက်သန် သူများအဖို့  ဥပမာ အငံဓာတ် ပါရှိသော မုန့် အငံစားပါ(သို့ မဟုတ်) သစ်သီး ကို ဆားရည်အနည်းငယ်စိမ်၍ စားပါ။
(၃) the University of Maryland Medical Center မှ ကျန်းမာရေးသုတေသီများ၏ အကြံပြုချက် အရ၊ အရွယ် ရောက်ပြီးသူ တစ်ဦးရဲ့  တစ်နေ့ တာ ပိုတက်စီယမ်ဓာတ် လိုအပ်ချက်ပမာဏမှာ ၄၇၀၀ မီလီဂရမ် ဖြစ်ပြီး၊ ထိုဓာတ် ချို့ တဲ့ခြင်းက ကြွက်တက်ခြင်းကို ဖြစ်စေနိုင်တယ်လို့ ဆို ပါ တယ်။ ဒါကြောင့် ပိုတက်စီယမ်ကြွယ်ဝတဲ့ အစားအစာ များဖြစ်ကြသော ဌက်ပျောသီး၊ ဖရဲသီး၊ ရှောက် သံပုရာ သံပရိုသီးများ၊ ထောပတ်သီး၊ အာလူး၊ ကန်စွန်းဥ၊ နွားနို့ ၊ စွံပလွန်သီး၊ တရုပ်ဇီးသီး၊ စပျစ်သီး၊ စပျစ်ခြောက်၊ ဂေါ်ဖီထုပ်၊ ပန်းဂေါ်ဖီစိမ်း၊ လိမ္မော်သီး၊ ဂရိတ်ဖရုသီး၊ ရေငံငါး အမျိုးမျိုး၊ ၀က်သား၊ သိုးသား တို့ စားပေးပါ။
(၄) the National Institutes of Health မှ ကျန်းမာရေးသုတေသီများ၏ အကြံပြုချက်အရ၊ အရွယ်ရောက်ပြီးသူ တစ်ဦး၏တစ်နေ့ တာ ကယ်လ်စီယမ် လိုအပ် ချက်ပမာဏမှာ ၁၀၀၀ မီလီဂရမ်ဖြစ်ပြီး၊ ထိုဓာတ်ချို့  တဲ့ပါက ကြွက်သားများ ချုံ့ သွားစေနိုင်ပါတယ်တဲ့။ နွားနို့ ၁-ဖန်ခွက်မှ ကယ်လ်စီယမ် ၂၄၄ မီလီလီတာ ရရှိနိုင်မှာဖြစ်သလို၊ ကယ်လ်စီယမ်ဓာတ်ကြွယ်ဝတဲ့ အရိုးပါ ၀ါးစားလို့ ရတဲ့ ငါးသေးများ၊ ဒိန်ချဉ်၊ ချိစ်၊ ဗာဒံစေ့၊ သဖန်းသီး၊ ကတွတ်သီး၊ အစိမ်းရင့်ရောင် ဟင်းသီးဟင်းရွက်တို့  စားပေးပါ။
(၅) အားနည်းခြင်း၊ ကြွက်တက်ခြင်း နှင့် ကြွက်သားများကျုံ့ ခြင်းတို့ ဟာ မဂ္ဂနီစီယမ်ဓာတ်အား နည်းတဲ့ လက္ခဏာ များဖြစ်ကြပါတယ်။ ကိုယ်ဝန်ဆောင် အမျိုးသမီးတွေမှာ မဂ္ဂနီစီယမ်ဓာတ် လိုအပ်မှု များပြားပါတယ်။ ထိုဓာတ်တွေ ကြွယ်ဝတဲ့ အစိမ်းရောင်ပဲသီးအမျိုးမျိုး၊ အစေ့အဆံများ၊ ကောက်နှံများ၊ ဌက်ပျောသီး နှင့်ကညွတ် ဟင်းနုနယ်ရွက် ကိုက်လံတို့ လို အစိမ်းရင့်ရောင် ဟင်းသီးဟင်းရွက်တို့ စားပေးပါ။
(၆) ညဘက် ကြွက်တက် လေ့ရှိသူများအဖို့  quinine ဓာတ်ပါရှိသော အားဖြည့်ရေကို သောက်ပါ (သို့ မဟုတ်) quinine ဓာတ်ပါရှိသော Qualaquin ဆေးကိုမှီဝဲပါ။
(၇) အရက်သေစာ သောက်စားခြင်းက ညအိပ်ပျော်နေစဉ်မှာ ကြွက်တက်ခြင်းနှင့် ဆက်စပ်မှု ရှိနေလို့  သတိပြု သင့်ပါတယ်။
(၈) တစ်နေ့ တာလုံးရေ သောက်နဲခြင်းကလည်း ညအိပ်ပျော်နေစဉ်မှာ ကြွက်တက်နိုင်တာကြောင့်၊ နေ့ ဘက်မှာ ရေ များများသောက်ပေးပါ။
(၉) အိပ်ပျော်နေစဉ် ကြွက်တက်လေ့ရှိသူများက၊ ညအိပ်ယာမ၀င်ခင် ခြေသလုံးကြွက်သား အကြောများကို ဖြေလျော့နှိပ်နယ် ပေးထားခြင်းဖြင့် ကြွက်မတက်အောင် ကြိုတင်ကွယ်ရာ ရောက်ပါတယ်။
(၁၀) Primrose oil (ခေါ်) အ၀ါရောင် ပန်းပွင့်အဆီတွေက သွေးကြောပိတ်ဆို့ ၍ ကြွက်တက်ခြင်းအတွက် အသုံး ၀င်တာကြောင့် ထိုပန်းပွင့်ဖြင့်ဖော်စပ် ထားတဲ့ အ၀ါရောင်ဆေး အဆီလုံး (Primrose oil) ကို ညအိပ်ယာ မ၀င်ခင် သောက်ပါ။
(ဆောင်းပါးရှင်…ပေါက်ပေါက် ...မျှဝေသည်)
--
promise.pauk
-------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook