ဒီကွေ့ဒီတက်နဲ့လှော်၊ ဟိုကွေ့ဟိုတက်နဲ့လှော်

လူရယ်လို့ မဖြစ်လာခင် လွန်ခဲ့တဲ့နှစ်သန်းပေါင်း များစွာတုန်းက ကမ္ဘာပေါ်မှာ စားစရာရှားပါးတဲ့ ကပ်ကြီး တွေ ဖြစ်ခဲ့တယ်လို့ ယူဆကြပါတယ်။ အဲဒီတုန်းက တိရစ္ဆာန်မျိုးစုံ သေကြေပျက်စီးကြရာမှာ အစားအစာ ရှားပါးမှုကို ခံနိုင်ရည်ရှိတဲ့ မျိုးရိုးဗီဇရှိတဲ့ သတ္တ၀ါအချို့ အသက်ရှင် ကျန်ရစ်ပြီး အဲဒီသတ္တ၀ါတွေထဲက အချို့ ကနေ အခုခေတ်လူတွေ ဆင်းသက်ပေါက်ပွား လာတယ်လို့ ဆိုပါတယ်။ အစားအစာ ရှားပါးမှုကို ခံနိုင် ရည်ရှိတဲ့ နည်းလမ်းကတော့ စားလိုက်တဲ့ထဲက လက်ငင်း မလိုအပ်သေးတဲ့ အာဟာရဓာတ်တွေကို အဆီ အဖြစ်ပြောင်းလဲပြီး ခန္ဓာကိုယ်ထဲမှာ စုဆောင်းထားတာပါ။ စားစရာမရှိတော့တဲ့ အချိန်တွေမှာ ခန္ဓာကိုယ် က သိုလှောင်ထားတဲ့ အဲဒီအဆီတွေကို အသက်ဆက်နိုင်လောက်ရုံ အတိုင်းအတာနဲ့ နည်းနည်းချင်း တဖြည်းဖြည်း ထုတ်သုံးပါတယ်။ နောက်ပြီး အာဟာရဓာတ် များများပေးနိုင်တဲ့ ဥပမာ ချိုတဲ့အစား အစာ တွေကို ကြိုက်တတ်တဲ့စိတ်၊ လိုတာထက်ပိုပြီး နင်းကန်စားသောက်ချင်တဲ့ စိတ်တွေလည်း ပေါ်ပေါက်လာ ပါတယ်။ အဲဒီလို စိတ်မျိုးမရှိတဲ့ သတ္တ၀ါတွေက အစားအစာ ပေါများတုန်းမှာ သိပ်မစားထားတော့ အစား အစာ ရှားပါးတဲ့ကာလနဲ့ ကြုံရတဲ့အခါ ငတ်မွတ်မှုကို ကြာကြာမခံနိုင်ဘူး။ အာဟာရဓာတ် များများပေးတဲ့ အစားအစာတွေကိုလည်း ကြိုက်တတ်တယ်၊ လိုတာထက်ပိုပြီး နင်းကန်စားတတ်တဲ့ အကျင့်လည်း ရှိတယ် ဆိုတဲ့ သတ္တ၀ါတွေကတော့ ငတ်တဲ့အခါ ပိုပြီးခံနိုင်ရည် ရှိတယ်လို့ ဆိုပါတယ်။

အခုခေတ် အသက်ရှင်နေတဲ့ လူတွေအားလုံးက အဲဒီလို အာဟာရ ဓာတ်များများပေးတဲ့ အစားအစာတွေ ကိုလည်း ကြိုက်တတ်တယ်၊ လိုတာ ထက်ပိုပြီး နင်းကန်စားတတ်တဲ့ အကျင့်လည်း ရှိတယ်ဆိုတဲ့ သတ္တ၀ါ တွေက ဆင်းသက် လာတာချည်းဘဲလို့ ဆိုပါတယ်။ ဒါပေမဲ့ အခုလို ရုပ်ဝတ္ထုပိုင်း ဘက်ပေါင်းစုံက တိုး တက်တဲ့ခေတ်မှာ လူတွေက လက်လှုပ်မှ ပါးစပ်လှုပ်ရတဲ့ အနေအထားမျိုးက ကျော်လွန်ပြီး စားနိုင် သောက်နိုင် စုဆောင်းနိုင် လှူနိုင်တန်းနိုင်အဆင့်ကို ရောက်လာပြီဆိုရင် စားစရာကို အချိန်မရွေး လိုတာ ထက်ပိုပြီး ရနိုင်ပါတယ်။ အဲဒီအခါ ဟိုးရှေးခေတ်က အငတ်ဘေးကို ကျော်လွှားဖို့ အသုံးဝင်ခဲ့တဲ့ ချိုတာ တွေရွေးစား၊ ဗိုက်ဝပြီးလည်း ထပ်စား၊ ကြိုက်တာတွေ့ရင် နင်းကန်စားတတ်တဲ့ အကျင့်တွေဟာ ပြဿ နာဖြစ်လာပါတယ်။ အစားအစာက ဖြစ်လာတဲ့ လက်ငင်းမလိုအပ်သေးတဲ့ အာဟာရ ဓာတ်တွေကို ခန္ဓာ ကိုယ်က အားပါးတရ အဆီအဖြစ် စုဆောင်းပါတယ်။ အဲဒီအဆီတွေကြောင့် ဗိုက်ရွှဲ၊ တစ်ကိုယ်လုံး ပုံပျက် ပန်းပျက် ၀ဖီးလာပြီး အသည်းမှာ အဆီဖုံးတာတို့၊ သွေးတိုး ဆီးချို ဖြစ်တာတို့၊ နှလုံးရောဂါတို့ တန်းစီပြီး ဖြစ်လာပါတယ်။ အစားပုပ်လို့ ရောဂါဖြစ်တယ်ဆိုတာ သိပြီး အစားလျှော့စားပြန်တော့လည်း ၀ိတ်က မကျပြန်ဘူး၊ ဘယ်ကျမလဲ။ ခန္ဓာကိုယ်က စားတဲ့အစာ မလုံလောက်တာနဲ့ငတ်တော့မယ်ထင်ပြီး အဆီတွေ ကို နည်းနည်းချင်း တဖြည်းဖြည်း အသက်ဆက်နိုင်လောက်ရုံ အတိုင်းအတာနဲ့ပဲ ထုတ်သုံးတာကိုး။ ၀ပြီး သား ခန္ဓာကိုယ်ပြန်ပိန်ဖို့ ခက် သလောက် ပြန်ဝဖို့ အင်မတန်လွယ်တာကို ၀ဖူးသူတိုင်း သိကြပါတယ်။ ဆိုလိုတာကတော့ တစ်ချိန်က အသက်ရှင်ဖို့ မရှိမဖြစ် လိုအပ်ခဲ့တဲ့ အရည် အသွေးတွေဟာ အခုတော့ ရောဂါမျိုးစုံဖြစ်ပြီး မြန်မြန်သေဖို့ ဖြစ်လာပါတယ်။

အဲဒီလို နှစ်သန်းပေါင်းများစွာအတွင်းမှာ ဖြစ်ပွားနေတဲ့ ဖြစ်စဉ်ကြီး မျိုးကို လူတစ်ယောက်ရဲ့ အလုပ်အ ကိုင် သက်တမ်းဆယ်စုနှစ် သုံးလေး ငါးခုအ တွင်းမှာလည်း တွေ့ရတတ်ပါတယ်။ အင်တာဗျူးဝင်တဲ့အခါ လိုအပ်တဲ့ အရည်အချင်းတွေက အလုပ်ထဲမှာမြဲဖို့နဲ့ အောင်မြင်တိုးတက်ဖို့ လိုအပ်တဲ့ အရည်အချင်းတွေနဲ့ မတူပါဘူး။ အင်တာဗျူးမှာ အမြင် ကောင်း၊ အတင်ပြကောင်း၊ အပြောကောင်း၊ CV အရေးကောင်း၊ ဘွဲ့ လက်မှတ်ကောင်းတဲ့သူတွေ အသာစီးရတတ်ပါတယ်။ အလုပ်ထဲလည်း ရောက်ရော၊ အနှေးနဲ့ အမြန် အရည်အချင်းတွေ ပေါ် လာတော့တာပဲ။ အလုပ်လုပ်တယ်ဆိုတာ တာတိုပြေးတာထက် မာရသွန်ပြေး ရတာနဲ့ ပိုပြီးတူပါတယ်။ အချိန်တန်တဲ့အခါ အရည်အချင်းရှိရင် ရှိကြောင်း မိမိနဲ့ ထိတွေ့ဆက်ဆံနေရသူ တွေက သိသွားမှာဖြစ်ပြီး အရည်အချင်း မရှိရင် လည်း မရှိကြောင်းဘူးပေါ်သလို ပေါ်လာစမြဲ ဖြစ်ပါ တယ်။ နုစဉ်အခါက အမှား အယွင်းနည်းအောင် သတိထား၊ အထက်လူကြီးအကြိုက် လိုက်လုပ်၊ အလုပ် ထဲမှာပဲ ကိုယ်ရော စိတ်ပါ နှစ်ထားပြီး ရာထူးတက်လာတဲ့ လူတစ်ယောက်ဟာ ကိုယ်တိုင်လူကြီးဖြစ်လာ တဲ့အခါ အမှန်များအောင်လည်း မလုပ်တတ်၊ ဘယ်သူ့အကြိုက် လိုက်ရမှန်းလည်း မသိတော့ဘဲ ကြိုးစား သမျှ အရာမထင် အပေါက်မတည့် ဖြစ်သွားတတ်ပါတယ်။ တပည့်ဘ၀က အင်မတန် အသုံးတည့်ခဲ့တဲ့ မမှားအောင်၊ အပြောမခံရ အောင်၊ စည်းကမ်းနည်းလမ်းတွေနဲ့ ကိုက်ညီအောင် လုပ်တတ်တာတွေဟာ အချို့အလုပ်တွေမှာ ဆရာလည်းဖြစ်ရော သုံးမရတော့တာ ဖြစ်တတ်တယ်။ ဆရာဖြစ်လာပြီဆိုတာ နဲ့ အမြော်အမြင်ကြီးမှု၊ အရေးမပါတဲ့ အမှား အရာအထောင်ကို ဖြတ်သန်း ပြီး သေရေးရှင်ရေး အရေးကြီး တဲ့ အမှန်ကြီးတစ်ခုကိုရအောင် ယူတတ်မှု၊ ကျွမ်းကျင်သူတွေ အမျိုးမျိုး ပြောနေကြတဲ့အထဲက ဘယ်ကျွမ်း ကျင်သူကို ယုံပြီး ဘာတွေကို ပေါင်းစပ်၊ ဘာတွေကို ဖယ်ထုတ်ရမယ်ဆိုတာ ထိုးထွင်းသိမြင်မှု၊ စည်းကမ်း နည်းလမ်းတွေကို လိုသလို ပြင်ဆင်ပြောင်းလဲ ပယ်ဖျက် အသစ်ဖော် ထုတ်တတ်မှုတွေက အဖိုးတန်လာ တတ်ပါတယ်။ ဒါပေမဲ့ တပည့်ဘ၀မှာ ဆရာပြောတာကို ဘေးချိတ်ပြီး ကိုယ့်အမြော်အမြင်နဲ့ကိုယ် လုပ်လို့ မရပါဘူး။ သေရေးရှင်ရေး အရေးကြီးတဲ့ အမှန်ကြီးတစ်ခုကို ရအောင် အမှားပေါင်း အရာအထောင်ကို ဖြတ်သန်းမယ် ဆိုရင်လည်း အမှားတစ်ခုနှစ်ခု၊ လေးငါးဆယ်ခု စသည်ဖြင့် လုပ်ပြီးတာနဲ့ အထက်လူကြီး က ဖြုတ်ပစ်လိုက် ဖို့များပါတယ်။ အထက်လူကြီး ပြောတာတွေထဲက လိုသလို ပေါင်းစပ်ဖယ် ထုတ်ပြီး လုပ်မယ်ဆိုရင်လည်း ချက်ချင်းပြဿနာတက်မှာပါ။ စည်းကမ်းနည်း လမ်းတွေကို လိုသလို ပြင်ဆင်ပြောင်းလဲ ပယ်ဖျက် အသစ် ဖော်ထုတ်မယ် ဆိုရင်တော့ အလုပ်ထဲမှာ မိုးမီးလောင်သလို ခံစားသွား ရနိုင်ပါတယ်။

“ဒီကွေ့ ဒီတက်နဲ့လှော်၊ ဟိုကွေ့ ဟိုတက်နဲ့လှော်” ဆိုတဲ့ စကားဟာ အလုပ်ထဲမှာ အင်မတန် လိုက်နာ သင့်တဲ့ စကားပါ။ ဒီကွေ့မှာ ဒီတက် နဲ့လှော်ပြီး အဆင်ပြေနေပေမယ့် “ဟိုကွေ့ကို ရောက်တဲ့အခါ ဒီ တက်နဲ့ ဆက်လှော်လို့ရဦးမှာလား။ ဟိုကွေ့မှာ လှော်ဖို့ အကောင်းဆုံးတက်မျိုး ငါ့ဆီမှာ ရှိနေပြီလား၊ ရှိအောင် ဘယ်လိုလုပ်ရမလဲ” ဆိုပြီး အင်တာဗျူး ၀င်ချိန်ကစ၊ အလုပ်က အနားယူတဲ့အချိန်အထိ စဉ်းစားရ မှာ ဖြစ်ပါတယ်...။

ဆရာသုတ 

JOB Seekers Journal vol.2,no.47 

-------------------------------------------------
ကိုမျိုး (lwanmapyay.blogspot.com)

ဆက်စပ်ဖတ်ရှုရန် အကြောင်းအရာများ...