ပြည့်စုံအောင်မြင်သော သူဖြစ်ဖို့

လူတစ်ယောက်ရဲ့ ဘ၀တိုးတက် အောင်မြင်ခြင်းမှာ သူ့မှာရှိတဲ့ ဘ၀အရည် အသွေးတွေ ပြည့်စုံကောင်း မွန်လာခြင်းသာ ဖြစ်ပါတယ်။ လောကမှာလူတစ်ဦး နဲ့တစ်ဦး ဘ၀အရည်အသွေးတွေ မတူညီကြပါဘူး။ တချို့သူတွေဟာ ဘ၀အစ မှာနိမ့်ကျပြီး ဆင်းရဲပင်ပန်းစွာမပြည့်မစုံနဲ့ ကျင် လည်ခဲ့ရပေမယ့်နောင်တစ်ချိန် မှာ ပြည့်စုံအောင်မြင်တဲ့ သူတွေ ဖြစ်သွားကြပါတယ်။ တချို့ကြတော့လည်း ပြည့်စုံစွာ မွေးဖွားလာပေမယ့် နောက်ပိုင်းမှာ သူဘ၀ဟာ ရှုံးနိမ့်မှုတွေနဲ့ နစ်မြုပ်ပျောက်ကွယ် သွားကြတယ်။

လောကမှာ ပြည့်စုံအောင်မြင်တဲ့ ဘ၀တစ်ခုကို ပိုင်ဆိုင်လိုသူအဖို့ အရေးကြီး ဆုံးမှာ မိမိကိုယ်မိမိ နား လည်ဖို့ဖြစ်ပါတယ်။ ကိုယ်ဘာလုပ်နေသလဲ၊ ဘာကြောင့်လုပ်နေသလဲ၊ ကိုယ့်လုပ်ရပ်တွေ အပြုအမူအနေ အထိုင်တွေဟာ ဘယ်ကို ဦးတည်နေသလဲ အမြဲလေ့လာ သုံးသပ်နေရပါမယ်။ အများစုလောက မှာမပြည့် မစုံနဲ့ အောင်မြင်မှုတွေ ဝေးနေရခြင်းမှာ ကိုယ့်အကြောင်းကိုယ် မသိလို့ပါပဲ။ ကိုယ်ဘာဖြစ်ချင်သလဲ တိတိ ကျကျ မရှိတဲ့သူ ပြည့်စုံဖို့အဝေးကြီးပါ။ ကိုယ့်အကြောင်းကို သိမြင်နားလည်မှသာ ကိုယ့်ရဲ့တိုးတက်မှု လမ်းကြောင်းကိုပုံဖော်နိုင်မယ့် နည်းလမ်းတွေ ပေါ်ပေါက်လာမှာဖြစ်ပါတယ်။

ဘ၀မှာပြည့်စုံအောင်မြင် လိုသူတိုင်းဟာ ကိုယ့်ဘ၀ပြည့်စုံ အောင်မြင်မှု အပေါ်မှာသာ တစ်သမတ်တည်း အာရုံစူးစိုက်ထားသူ ဖြစ်ရပါမယ်။ အချိန်တိုင်း ငါ့ဘ၀ပြည့်စုံအောင် ဘယ်လိုလုပ်ရမလဲ၊ အောင်မြင်မှုတွေ ကို ဘယ်လိုနည်းနဲ့ အရယူနိုင်မယ်၊ ဘယ်လိုကြိုးစား အားထုတ်မလဲ အမြဲကြံဆ တွေးတောနေရပါမယ်။ ဒီလိုအာရုံစိုက်ထားသူအဖို့ တိုးတက်အောင် ပြုလုပ်နိုင်မယ့် နည်းလမ်းတွေကို ထူးထူးခြားခြား တွေ့လာပါ လိမ့်မယ်။

လူတိုင်းပြည့်စုံစွာ အောင်မြင်လိုကြပေမယ့် လောကမှာ အောင်မြင်ပေါက်ရောက်သူ အရေအတွက် နည်း ပါးနေခြင်းမှာ ကိုယ့်ရဲ့စိတ်အာရုံ စူးစိုက်မှုတွေကို ထိန်းချုပ်စေစားနိုင်စွမ်း မရှိလို့ဖြစ်ပါတယ်။ ကိုယ့်ရဲ့ ဘ၀ ဘယ်လိုဖြစ်ချင်သလဲ၊ ဘ၀မှာဘာတွေကို အလိုရှိသလဲ၊ ကိုယ်ဖြစ်ချင် ရောက်ချင်တဲ့ ဘ၀အခြေအနေ ကိုရ ရှိဖို့ကိုယ့်မှာရှိတဲ့ စွမ်းရည်သတ်္တိတွေနဲ့ ဘယ်လို အားထုတ်မလဲ စတာတွေကို မပြတ်အာရုံပြု ထားရပါမယ်။ ဒီစာကို ဖတ်ရုံသာမဖတ်ပါနဲ့။ တကယ်လုပ်ကြည့်၊ ကိုယ့်ဘ၀ရဲ့ ပြီးပြည့်စုံမှုကို အာရုံစိုက်ကြည့်ပါ။ စတင် ထူးခြားလာကို တွေ့ရပါလိမ့်မယ်။

များပြားလှတဲ့ လူထုကြီးတွေဟာ ဘ၀ပြည့်စုံမှုကို အာရုံစူးစိုက်မှုမရှိ ကြဘဲ ဘ၀ကို အမှုမဲ့အမှတ်မဲ့ ဖြတ် သန်း ကုန်ဆုံးနေကြသူတွေ ချည်းပါပဲ။ ဒီထဲမှာ စာဖတ်သူလည်း ပါဝင်နေပါသလား။ သမားရိုးကျဘ၀ထဲ မှာ ရုန်းမထွက်ဘဲသာမန် ဘ၀လေးကိုသာ ကျေနပ်ပြီး သာမန်သာဖြတ်သန်း နေကြတာပါ။ သူတို့ဟာ အနာဂတ်မှာ လုံးဝပြည့်စုံအောင်မြင်မှုတွေကို ရရမယ်လို့ ခိုင်မာတဲ့ဆုံးဖြတ်ချက်၊ ရည်မှန်းချက်တွေ မတည်ဆောက်ထားကြပါဘူး။ ဘ၀ကို အမှုမဲ့အမှတ်မဲ့သာ ဖြတ်သန်းသွားရင် သာမန်လူအဆင့်မှာသာ ဘ၀က ရပ်တန့် ကုန်ဆုံးသွားမှာ အသေအချာပါပဲ။

ဒါကြောင့်ဒီလို သမားရိုးကျ ဘ၀လေးကနေ ပြည့်စုံအောင်မြင်တဲ့ ဘ၀ဖြစ်အောင် အားထုတ်လုပ်ဆောင်ဖို့ ဒီနေ့ကစပြီး ဆုံးဖြတ်ချက်ချရပါ လိမ့်မယ်။ ပြည့်စုံတဲ့ ဘ၀ဖြစ်ဖို့ပထမဆုံး လိုအပ်ချက် တစ်ခုကတော့ ကိုယ်ဖြစ်ချင်တဲ့ဘ၀ရဲ့ စံချိန်စံညွှန်းကို မြှင့်တင် သတ်မှတ်ခြင်းသာ ဖြစ်ပါတယ်။ စံချိန်မီတဲ့ ဘ၀ဖြစ်ရမယ်။ ပြည့်စုံတဲ့ ဘ၀ဖြစ်ရမယ်။ အောင်မြင်တဲ့ ဘ၀ဖြစ်ရမယ် လက်ရှိဘ၀ အခြေအနေထက် မြင့်မားပြီး ကိုယ် လိုချင်တဲ့ ဘ၀မျိုးက ဘယ်လို ဘ၀မျိုးလဲဆိုတာ ပြတ်ပြတ်သားသား သိအောင် လုပ်ရပါမယ်။ ကိုယ့်မျှော် မှန်းချက်တွေကို မြင့်သည်ထက် မြင့်အောင်ပြောင်းလဲ သတ်မှတ်ရပါလိမ့်မယ်။

ဒီလို ဘ၀မျှော်မှန်းချက် စံချိန်စံညွှန်းကို သတ်မှတ်မြှင့်တင်ပြီးတဲ့အခါမှာ ကိုယ့်ဘ၀ အမှန်တကယ် ဒီလို ဘ၀မျိုးရောက်ကို ရောက်ရမယ်ဆိုတဲ့ ယုံကြည်ချက် ရှိနေဖို့လည်းလိုပါတယ်။ ကိုယ့်ဘ၀ပြည့်စုံအောင် စွမ်း ဆောင်နိုင်မှာ မဟုတ်ဘူးဆိုပြီး သင့်အနေနဲ့ အမှန်တကယ် ယုံကြည်မှု မရှိဘူးဆိုရင် ကိုယ့်ဘ၀ ပြည့်စုံ အောင်မြင်မှုတက်လမ်းကို မိမိကိုယ်တိုင် ပြန်လည်ပိတ်ဆို့ ဖျက်ဆီးနေသလို ဖြစ်သွားနိုင်ပါတယ်။

ဘ၀ပြည့်စုံဖို့အတွက် ကြိုးစားဖို့ မဆိုထားနှင့်၊ မိမိကိုယ်မိမိမှ လုပ်ဆောင်နိုင် ပါ့မလားလို့ မယုံမရဲဖြစ်နေ ရင် အောင်မြင်ဖို့ မဖြစ်နိုင်ပါဘူး။ ဒါဟာယုံကြည်မှု အပြည့်အ၀ မရှိခြင်းပါပဲ။ ယုံကြည်ချက်ဆိုတာ စောဒက မတက်နိုင်တဲ့၊ ဆင်ခြေပေးလို့မရတဲ့ အမိန့်အာဏာ တစ်ခုလိုပါပဲ။ လုပ်မယ်ဆိုရင် လုပ်ကိုလုပ် ရပါမယ်။

ကိုယ်ရည်မှန်းထားတဲ့ ပြည့်စုံတဲ့ ဘ၀တစ်ခုကို ကိုယ်တိုင်ပုံဖော် လုပ်ဆောင်နိုင် လိမ့်မယ်လို့ ယုံကြည်စိတ် ချတဲ့ စိတ်ကို မွေးမြူထားဖို့ လိုပါတယ်။ ဒီလိုမှသာ ကိုယ်လိုချင်တဲ့ ပြည့်စုံအောင်မြင်တဲ့ ဘ၀ကို ပိုင်ဆိုင်သူ တစ်ဦး ဖြစ်မှာပါ။

ခေါင်းဆောင်ကြီး မဟတ္တမဂန်္ဒီဟာ သူရဲ့အကြမ်းမဖက်ဆန့်ကျင်ရေး စွမ်းအားအပေါ် ယုံကြည်စိတ်ချမှု သာ မရှိခဲ့ရင် အခုလိုမျိုး ကမ္ဘာကျော် ခေါင်းဆောင်ကြီး တစ်ဦးအဆင့်ကို ရောက်လာမှာ မဟုတ်ပါဘူး။ ယုံကြည် ချက်ခိုင်မာပြင်းထန် မှုကြောင့်သာ ကိုယ်တွင်းမှာရှိတဲ့ စွမ်းအားတွေ ထုတ်ယူသုံးစွဲပြီး ဘ၀ရဲ့ စိန်ခေါ် မှုတွေကို ပြောင်မြောက်စွာ ရင်ဆိုင်နိုင်ခဲ့တာ ဖြစ်ပါတယ်။ ယုံကြည်မှုရှိသူဟာ ပြတ်သားတယ်။ ယုံကြည်မှုရှိခြင်းဟာ ကိုယ့်ဘ၀ကို ကိုယ်စိတ်ချနိုင်တယ်။ သမိုင်းတလျှောက် အောင်မြင်သူတွေ ရဲ့ပြည့်စုံ မှုတွေ၊ ကြီးကျယ်တဲ့ အောင်မြင်မှုတွေရဲ့ အနောက်မှာ အင်အားကြီးမားတဲ့ စံချိန်စံညွှန်းတွေနဲ့ ယုံကြည် ချက်တွေက တွန်းအားတစ်ခုအဖြစ် ရပ်တည်နေကြပါတယ်။

ဒါကြောင့် ကျွန်တော်တို့အားလုံးဟာ ကိုယ့်ဘ၀ရဲ့ ပြည့်စုံအောင်မြင်မှုကို ကိုယ်တိုင် စိတ်တိုင်းကျ မြင့်မား အောင် ပုံဖော်ဖို့ လိုအပ်ပါတယ်။ ပုံဖော်စံသတ် မှတ်ပြီးရင်လည်း ယုံကြည်မှုအပြည့်နဲ့ တစိုက်မတ်မတ် အား ထုတ်လုပ်ဆောင် ရပါလိမ့်မယ်။ အခုအချိန်က စတင်ပြီး ပြည့်စုံအောင်မြင်တဲ့ ဘ၀ပိုင်ရှင်တွေဖြစ် ဖို့ စတင်လိုက်ကြရအောင်ပါ။

Let's Fly Together!

ဖူးကျော်ဇင် (Future Wave)
JOB Seekers Journal vol.2,no.49
-------------------------------------------------
ကိုမျိုး (lwanmapyay.blogspot.com)

ပြည့်စုံအောင်မြင်သော သူဖြစ်ဖို့

ဆက်စပ်ဖတ်ရှုရန် အကြောင်းအရာများ...