အူရီဒူးမှ SIM Card များကို 2G, 3G GSM စနစ် အထောက်အပံ့ပြုသည့် မည်သည့်ဟန်းဆက်ဖြင့်မဆို အသုံးပြုနိုင်မည်ဟုဆို

မန်းရှိ မိုဘိုင်းဟန်းဆက် အရောင်းဆိုင်အချို့နှင့် ဆင်းကတ်သုံးစွဲလိုသူအချို့က အူရီဒူးမြန်မာမှ ထုတ်လုပ် မည့် SIM Card များမှာ ဟန်းဆက်ရွေးချယ်မှုများရှိမည်ဟု ခန့်မှန်းပြောဆိုလျက်ရှိနေသော်လည်း အဆိုပါ သတင်းများမှာ မှန်ကန်မှုမရှိဘဲ 2G, 3G GSM စနစ် အထောက်အပံ့ပြုသည့် မည်သည့်ဟန်းဆက်ဖြင့်မဆို အသုံးပြုမည်ဖြစ်ကြောင်း အူရီဒူးမြန်မာ မန္တလေးရုံးခွဲမှ သိရသည်။

“ကျွန်မတို့ဆီမှာ အူရီဒူးမာကတ်တင်းတွေ ပြောသွားတဲ့ပုံအရ အူရီဒူးဆင်းကတ်ကို 3G စနစ် အထောက် အပံ့ပြုနိုင်တဲ့ ဟန်းဆက် အမျိုးအစားတွေမှာသာ သုံးနိုင်မယ်လို့တော့ ထင်တာပဲ။ အထိုင် ဖုန်းခွက်နဲ့တော့ သုံးလို့ရမယ် မထင်ဘူး” ဟု ၈၃ လမ်းရှိ မိုဘိုင်းဆိုင်တစ်ဆိုင်မှ တာဝန်ရှိသူတစ်ဦးက အင်တာနက်ဂျာနယ် သို့ ပြောသည်။

“ZTE တံဆိပ်ပါတဲ့ ဟန်းဆက်နဲ့သာ စသုံးလို့ရမယ်လို့ ကြားတယ်။ နောက်ပိုင်းမှ တခြားဟန်းဆက်တွေ မှာ ထည့်သုံးလို့ရနိုင်မယ်လုိ့ ကြားနေတာပဲ။ ဟုတ်လား မဟုတ်လားတော့ မသိပါဘူး။ 3G ဟန်းဆက် နဲ့တော့ သုံးမှရမယ်လို့တော့ အသံတွေ ထွက်နေတယ်” ဟု ၇၈ လမ်းရှိ နာမည်ကြီးမိုဘိုင်းဆိုင် တစ်ဆိုင်မှ လည်း ထပ်မံပြောကြားခဲ့သည်။

အဆိုပါကိစ္စကို အူရီဒူးရုံးခွဲမန္တလေးသို့ ဆက်သွယ်မေးမြန်းခဲ့ရာ “အဲ့လိုမျိုးတွေ မဟုတ်ပါဘူး ခင်ဗျ။ GSM လိုင်းကတ်စနစ် အထောက်အပံ့ပြုတဲ့ ဘယ်ဟန်းဆက်၊ ဘယ်အထိုင်ဖုန်းခွက်နဲ့မဆို ကျွန်တော်တုိ့ SIM Card ကို ထည့်ပြီး သုံးလို့ရပါတယ်။ ZTE ဟန်းဆက်မှ သုံးလို့ရမယ်ဆိုတာမျိုးလည်း မဟုတ်ပါဘူး။ network က ၉၀၀ အထောက်အပံ့ပြုထားတဲ့ ဘယ်ဟန်းဆက်မဆို ရမှာပါ။ ကျွန်တော်တို့ လက်ရှိကြား ဖူးမြင်ဖူးနေတဲ့ ဟန်းဆက်တွေသာမကဘဲ မကြားဖူးသေးတဲ့ ဟန်းဆက်နာမည်တွေရော၊ က ၉၀၀ network ပါတဲ့ ဟန်းဆက်တိုင်းမှာ ထည့်သုံးလို့ရ မှာပါ” ဟု အူရီဒူးမြန်မာမှ ဒါရိုက်တာတစ်ဦးဖြစ်သူ ဦးမြင့်ဇော်က အင်တာနက်ဂျာနယ်သို့ ပြောသည်။ အူရီဒူးဆင်းကတ်များ ဖြန့်ချိရေးအတွက် မန္တလေးတွင် ၃၅ လမ်းမကြီးမှ တောင်ဘက်၊ မြောက်ဘက် နယ်မြေခွဲထားကာ ဖြန့်ချိရေး ကုမ္ပဏီကြီးနှစ်ခုအား ခန့်အပ်ထားကြောင်းလည်း ထပ်မံသိရသည်။

ကောင်းမြတ်ထွန်း၊ မန္တလေး

Internet Journal အတွဲ (၁၅)၊ အမှတ် (၂၀) 

-------------------------------------------------
ကိုမျိုး (lwanmapyay.blogspot.com)

ဆက်စပ်ဖတ်ရှုရန် အကြောင်းအရာများ...