အမျိုးသမီးတိုင်း စားသင့်သည့် အစားအစာလေးများ
အက်စထရိုဂျင်လိုအပ်ပါက နေလို့ ထိုင်လို့ မကောင်းတော့ဘဲ စိတ်မကြည်လင်ခြင်း၊ အသား အရေပေါ်မှာ အနီအစင်း အကြောင်းတွေ ပေါ်လာခြင်း၊ ကိုယ်သားကိုယ်ရေ ပူစပ်ပူလောင်ဖြစ်ခြင်း၊ မ-ဟိုမုန်းစွမ်းဆောင်ရည်ကျ ဆင်းကာ အိမ်ထောင်ရေးသုခ အပြည့်အ၀မရခြင်း၊ သားသမီးရနိုင်ဖို့ ခဲယဉ်းခြင်း.. စတာတွေဖြစ်လာပါတယ်။ အကယ်၍ ခန္ဓာ ကိုယ်ထဲမှာအက်စထရိုဂျင်ပမာဏ လိုအပ်သည်ထက်ပိုလျှံနေပါက ရင်သားကင်ဆာရောဂါ နှင့် ဆက်စပ်မှုရှိနေတာမို့  အထူး သတိပြုသင့်ပါတယ်။
လေးညှင်းပွင့်၊ ပဲပိစပ်(ခေါ်)ပဲပုပ်၊ ပဲကတ္တီပါ၊ ပဲထောပတ်၊ ပဲငပိ၊ ပဲငံပြာရည်(အကြ ည်)၊ ပဲငံပြာရည်(အနောက်) စတာတွေဟာ အက်စထရိုဂျင်ရရှိနိုင်တဲ့ အရင်းအမြစ်ဖြ စ်ကြသလို၊ ပဲပိစပ်(ခေါ်)ပဲပုပ်ဖြင့်ပြုလုပ်ထားတဲ့ ပဲဒိန်ချဉ်၊ ပဲခေါက်ဆွဲ တို့ ဟာလည်း အက်စထရိုဂျင်ဖြည့်စွက်စာအဖြစ် အားကိုးလောက်ပါ တယ်။ phytoestrogen(ခေါ် )အ ပင်မှ ရရှိတဲ့ သဘာဝအက်စထရိုဂျင်များကို အောက်ပါအစားအစာလေးတွေ စားသောက်ရင်းဖြင့် ရရှိနိုင်မှာဖြစ် ပါတယ်။
(၁) သကြားမုန်လာ (ခေါ်) မုန်လာဥနီအလုံး
Beet Roots လို့ ခေါ်တဲ့ သကြားမုန်လာ (ခေါ်) မုန်လာဥနီ အလုံးတွေထဲမှာ phytoestrogen ဓာတ်တွေ ကြွယ်ဝစွာ ပါရှိနေတဲ့အပြင်၊ ၄င်းကို စားသုံးခြင်းဖြင့် ခန္ဓာ ကိုယ်ထဲမှာ ဟိုမုန်ုးမညီမျှခြင်းကို ထိန်းညှိပေးနိုင်စွမ်း ရှိပါတယ်။ ဒါ့ပြင် သကြားမုန်လာက အသား အရေလှပမှု အတွက်ပါ ကောင်းကျိုးပြုပေးနိုင်ပါတယ်။(ဒေသထွက် သကြားမုန်လာဥ(ခေါ်) မုန်လာဥနီ အလုံးတွေကို ရှမ်းပြည် တောင်ပိုင်းမှာ ရရှိနိုင်သလို၊ City Mart ဆိုင်ကြီးများရဲ့  စားဖိုဆောင်သုံး ဟင်းသီးဟင်းရွက် အရောင်းကောင်တာများမှာ လည်း ၀ယ်ယူရရှိနိုင်ပါတယ်)
(၂) မုန်လာဥနီ
မုန်လာဥနီအရှည် (ခေါ်) ဥနီလေးတွေကို ရှမ်းပြည်မှာတော့ ခါကြက်ဥလို့  ခေါ်ဆိုကြပါတယ်။ မုန်လာဥနီထဲမှာ အက်စထရိုဂျင် ဓာတ်များအပြင်၊ လူသားတို့ ကျန်းမာရေးအတွက် ကောင်းကျိုးပြုစေတဲ့ ဓာတ်တိုးဆန့် ကျင်ပစ္စည်း များလည်း အမြောက်အများ ပါရှိနေတာကြောင့် မ-ဟိုမုန်းလိုအပ်ချက်ကို ဖြည့်တင်းပေးနိုင်ပါတယ်။ ဒါ့ပြင် အသား အရေပေါ် အနီစင်းကြောင်းဖြစ်ခြင်းမှလည်း ကာကွယ်ပေးနိုင်ပါတယ်။
(၃) သခွားသီး
ရေဓာတ်ကြွယ်ဝတဲ့ သခွားသီးလေးတွေထဲမှာ၊ phytoestrogen ဓာတ်တွေ အလုံအလောက်ရရှိနိုင်ပါတယ်။ ဒါကြောင့် တန်ဖိုး နည်း စိမ်းရောင်ခြယ်သခွားသီးလေးတွေကို နွေရာသီမှာသာမက၊ ဥတုရာသီမရွေး တစ်နှစ် ပတ်လုံး စားသုံးပေးသင့်ပါတယ်။
(၄) တို့ ဟူး
ပဲပိစပ်(ခေါ်)ပဲနို့ ရည်ဖြင့်ပြုလုပ်ထားတဲ့ တို့ ဟူး ထဲမှာ အဆီဓာတ် ပါဝင်မှုနည်းပါးတဲ့ အပြင်၊ phytoestrogen ဓာတ်တွေ ပြည့်ဝ စွာပါရှိနေပါတယ်။ ဒါကြောင့် ခန္ဓာကိုယ်ထဲရှိ ဟိုမုန်းပမာဏကိုထိန်းညှိပေးနိုင်တဲ့ တို့ ဟူးဖြူဖြူ လေးတွေကို လစ်လျှူမရှုသင့် ပါဘူး။
(၅) ပဲနို့ ရည်
ပဲပိစပ်(ခေါ်) ပဲပုပ်ဖြင့်ပြုလုပ်ထားတဲ့ ပဲနို့ ရည်လေးတွေဟာ အက်စထရိုဂျင် များစွာ ပါရှိတဲ့အပြင်၊ သံဓာတ်၊ ကယ်လ်စီယမ်ဓာတ် တွေလည်းပါရှိနေတာကြောင့် အထူးသဖြင့် သွေးအားနည်းသူများ၊ သွေးဆုံးခါနီး နှင့် သွေးဆုံးပြီးစ အမျိုးသမီးများ နေ့ စဉ် သောက်သုံးပေးသင့်ပါတယ်။ (အသင့်ဖျော် ပဲနို့ ရည်တွေမှာ အရသာ ကောင်းအောင် ပြုပြင်ထားတာကြောင့် သကြားမပါသော (သို့ မဟုတ်) သကြားပါဝင်မှု နည်းသော ပဲနို့ ရည်မျိုးကို ရွေးချယ် သောက်သုံးပါ)
(၆) နှမ်းစေ့၊ ဘိန်းစေ့
phytoestrogen အမျိုးအစား တစ်ခုဖြစ်တဲ့ ရှားရှားပါးပါး lignans ဓာတ်ကို နှမ်းစေ့၊ ဘိန်းစေ့တွေမှာ ရရှိနိုင်ပါတယ်။ ဒါကြောင့် အက်စထရိုဂျင်ဟိုမုန်းကို ဖြည့်စွမ်းပေးနိုင်တဲ့ ထိုအစေ့လေးတွေကို စားသုံးပေးသင့် ပါတယ်။
(၇) ဂုံလျှော်စေ့
အ၀ါရောင် အစေ့အဆံတစ်မျိုးဖြစ်တဲ့ ဂုံလျှော်စေ့လေးတွေမှာလည်း phytoestrogen မျိုးနွယ်ဝင် lignans ဓာတ်တွေ ပြည့်ဝစွာ ပါရှိနေတာကြောင့် ဟိုမုန်းမညီမျှခြင်းကို အထောက်အကူ ပေးနိုင်တဲ့အပြင်၊ အသားအရေပေါ် အနီစင်းကြောင်းတွေ ပေါ်ခြင်းကို လျော့ပါးသက်သာစေနိုင်ပါတယ်။
(၈) မြေပဲ
မြေပဲ(ခေါ်)မြေထောက်ပဲ တွေထဲမှာ အပင်မှရရှိတဲ့ သဘာဝ အက်စ်ထရိုဂျင် များအပြင်၊ ၄င်းမျိုးနွယ်ဝင် lignans ဓာတ်တွေလည်း ပါရှိနေပါတယ်။ ထို့ ပြင် မြေပဲက လူကိုအားဖြစ်စေတာကြောင့်လည်း နေ့ စဉ်သုံးသွားရည်စာ အဖြစ် စားပေးနိုင်ပါတယ်။
(၉) ပဲလွန်းဖြူ
သဘာဝ အက်စထရိုဂျင်တစ်မျိုးဖြစ်တဲ့ Coumestans ကို ပဲလွန်းမှာ ရှားရှားပါးစွာတွေ့ မြင်ရပါတယ်။ ၄င်းက ဟိုမုန်းတွေ ညီ ညွတ်မျှတအောင် ထိန်းညှိပေးနိုင်ရုံသာမက၊ အစာကျေစေနိုင်တာကြောင့် ကျန်းမာရေးကို တိုးတက် ကောင်းမွန်စေပါတယ်။
(ဆောင်းပါးရှင်…ပေါက်ပေါက်…ရေးသားမျှဝေသည်)
*promise.pauk*