ထောက်လှမ်းရေး ဘောလ်ပင်...
ပြီးခဲ့တဲ့သုံးလေးလလောက်တုန်းက အွန်လိုင်းမှာပလူပျံလာတဲ့ သတင်းတစ်ပုဒ်ကို မှတ်မိနေကြဦး မယ်ထင်ပါတယ်။ ရန်ကုန် စူပါမားကစ်ကြီးတစ်ချို့ရှိ အမျိုးသမီးများအ၀တ်လဲခန်းတွေထဲမှာ (ဗွီဒိယို) ကင်မရာခိုးရိုက်ပြီး အင်တာနက်မှာ တင်ထားတဲ့ သတင်းပါ။ ကျနော်လဲ လူစွာလုပ်ပြီး ပို့စ်တစ်ခုရေးဖြစ်ခဲ့ပါသေးတယ်။ သက်ဆိုင်သူအမျိုးသမီးထုကြီးအတွက် ရှက်စရာကောင်းတဲ့ အခြေအနေတစ်ရပ်လို့ အများစုသုံးသပ်ကြပါတယ်။ အမျိုးသမီးတစ်ယောက် အ၀တ်လဲခန်းထဲဝင်ပြီး အ၀တ်လဲပြီဆိုမှတော့ သူဝယ်မည့်အ၀တ်အထည် သူနဲ့တော်/မတော်သိရဖို့အတွက် သူ့ကိုယ်ပေါ် နဂိုဝတ်လာတဲ့ အ၀တ်တွေကို ချွတ်မှပဲ အဆင်ပြေမှာပေါ့ဗျာ။ ဒါများ ကင်မရာတွေဘာတွေနဲ့ ခိုးရိုက်နေဖို့ လိုလို့လား။ မှန်းကြည့်ပေါ့။
ဒီခေတ်ဒီခါကြီးမှာ အမျိုးသမီးတွေကို သဘာဝအတိုင်းမြင်ချင်သပဆိုရင် လွယ်ပါ့။ အင်တာနက်ပေါ်တစ်ချက်တက်လိုက်ပြီး သက်ဆိုင်ရာဝက်ဘဆိုဒ်ကို click လိုက်တာနဲ့ Day-to-Day Update လုပ်ထားတဲ့ ဓာတ်ပုံတွေ၊ ဗွီဒီယိုတွေ ပုံလို့ အောလို့ပဲ။ ဒါနဲ့များ ချောင်းကြည့်ချင်၊ ခိုးကြည့်ချင်တဲ့ လူတွေက ရှိသေး။ တစ်ယောက်ကို ကျကျနနမြင်ရပြီးရင် နောက်တစ်ယောက်လဲ ဒီအတိုင်းပဲဆိုတာ သိရော့ပေါ့။ ပိန်တာ၊ ၀တာ၊ ဖြူတာ၊ မည်းတာပဲကွာမယ်။ ကျနော်ပြောတာ ဟုတ်ဘူးလားဗျာ။
ဒါပေမဲ့ ခက်နေတာက လူ့စရိုက်။ လူတစ်ယောက်အကြိုက်တစ်မျိုးစီရှိတယ်ဆိုတဲ့အတိုင်း တစ်ယောက်နဲ့တစ်ယောက် အကြိုက်ချင်းတော့ မတူဘူးပေါ့။ အချို့ရှင်းရှင်းလင်းလင်းမြင်ရမှ၊ အချို့ မပေါ့်တပေါ်မြင်ရမှ၊ အချို့ကျတော့လဲ ပင်ပင်ပန်းပန်းကို ချောင်းကြည့်ရမှ အာသာပြေကြတယ် ဆိုကိုး။ ခက်လှချည့်။ အဲလိုလူမျိုးတွေကို မြင်ဖူးချင်ရင် ကန်တော်ကြီးစောင်း သွားကြည့်။ ပေါသမှ။ ပြောရင်းနဲ့ ကျနော့်သူငယ်ချင်းတစ်ယောက်ကို ပြေးသတိရမိသေးတယ်။ ကျနော်ငယ်ငယ်က ရန်ကုန်မှာနေတော့ စနေ၊ တနင်္ဂနွေအားတဲ့ရက်တွေဆို ရောက်လာပြီ၊ ကျနော့်ဆီ။ ဘာလုပ်ဖို့လဲဆိုတော့ ကန်တော်ကြီးထဲ အတွဲသွားချောင်းဖို့။
ကျနော်လဲ ပျင်းနေတဲ့အခါနဲ့ကြုံရင်တော့ သူ့အလိုလိုက်ပြီး လိုက်သွားတဲ့အခါ တစ်ခါနှစ်ခါလောက်ရှိပါတယ်။ များသောအားဖြင့်တော့ မလိုက်ဖြစ်ဘူး။ အဲလိုအတွဲချောင်းရတာတို့၊ တစ်ယောက်ယောက်ရဲ့ ကိုယ်ရေးကိုယ်တာကိစ္စကို ချောင်းရမြောင်းရတာတို့ဆို မုန်းလွန်းလို့။ ကိုယ်ချင်းစာကြည့်တယ်လေ။ ကိုယ့်ရဲ့ကိုယ်ရေးကိုယ်တာကိစ္စကို သူများက လာချောင်းမြောင်းရင် ကြိုက်မလား။ ဘယ်ကြိုက်လိမ့်။ ဒါကြောင့် ကျနော် မလိုက်တာ။ အဲလို မလိုက်ရင် မင်းကဘာဖြစ်တယ်၊ ညာဖြစ်တယ်ပြောပြီး သူ့တစ်ယောက်တည်းသွားတာပဲ။ ပြန်လာရင်ပြောပြီ၊ ဘယ်အတွဲက ဘယ်လို၊ ဘယ်အတွဲက ညာလို စသဖြင့်စသဖြင့်၊ စိတ်ညစ်နေအောင် နားထောင်ပေတော့။ သူခေါ်တုန်းက မလိုက်ပဲငြင်းခဲ့တော့ ပြန်လာပြီးပြောပြတဲ့အခါ သည်းခံပြီး နားထောင်ပေးရရှာတယ်။ မဟုတ်ရင် မိတ်ဆွေပျက်ဦးမှာ။ အော်---ကျနော့်ခမျှလဲ အတော်သနားစရာကောင်းပါတယ်။ အဲဒီတုန်းကပါ။
အဲဒီလိုလူမျိုးကို ကျနော်ဖတ်ဖူးတဲ့ ဘုရားစာပေတွေထဲမှာ Gay တစ်မျိုးလို့ သတ်မှတ်တယ်ဗျား။ သူများကိုယ်ရေးကိုယ်တာကိစ္စကို ချောင်းရမြောင်းရမှ အာသာပြေတဲ့ အခြောက်ဆိုပဲ။ ၀ါသနာရှိတဲ့သူများ ကိုယ့်ကိုယ်ကို ကျားကျားယားယား ရှိ/မရှိ မှတ်ကျောက်တင်ချင်ရင်တော့ အဲဒါနဲ့သာတင်။ မလွဲဘူး။ အဲလိုချောင်းမြောင်းတဲ့အခါမှာ အချို့က မှန်ဘီလူးနဲ့၊ အချို့က အဝေးရိုက်ကင်မရာနဲ့၊ ဘာမှမရှိလို့ ကိုယ့်မွေးရာပါ မျက်လုံးပဲအားကိုးစရာရှိတဲ့သူတွေကျတော့လဲ အတွဲရှိလောက်တဲ့နေရာ၊ လာလောက်တဲ့နေရာနဲ့ အနီးဆုံးသစ်ပင်၊ ချုံပုတ်တွေအနားသွားပြီး ခြင်အကိုက်ခံ၊ ဖြုတ်အကိုက်ခံပြီး ချောင်းကြရရှာတယ်။ အတော်သနားစရာကောင်းတဲ့ လူတွေပေါ့ဗျာ။
IT-ခေတ်ရဲ့ ဒီဘက်အပိုင်းရောက်လာတဲ့အခါမှာတော့ အထက်မှာပြောတဲ့ လေးလံတဲ့မှန်ဘီလူးတွေ၊ ကင်မရာတွေမလိုအပ်တော့ဘူး။ သေးပေ့၊ ကွေးပေ့ဆိုတဲ့ ကင်မရာလေးတွေ၊ မှန်ဘီလူးလေးတွေ ရှိနေပြီကိုး။ ရိုးရိုးကင်မရာမပြောနဲ့၊ ဗွီဒီယိုကင်မရာတွေတောင် အသေးဆုံးအနေအထားရောက်နေပြီ။ လက်ကိုင်ဖုန်းတစ်လုံးလောက်ရှိရင် ကိစ္စအကုန်ပြီးတယ်။ ဓာတ်ပုံရိုက်မလား၊ ဗွီဒီယိုရိုက်မလား၊ ရေဒီယို၊ MP3, MP4 စသည်စသည်အကုန်ရ။ ဒါက ကျနော်တို့ဆင်းရဲတဲ့နိုင်ငံကလူတွေ လက်လှမ်းမီသလောက်ကိုပြောတာ။
ယနေ့မှာတော့ အဲဒီလို အချောင်းအမြောင်းဝါသနာကြီးတဲ့ ဖိုးချောင်းချင်တွေအတွက် Spy Camera အသေးစားလေးတွေအနက် Pen Camera လို့ခေါ်တဲ့ ဓာတ်ပုံရော၊ ဗွီဒီယိုပါ ရိုက်လို့ရတဲ့ ဘောလ်ပင်လေးတွေ ပေါ်နေပါပြီ။ စာရေးလို့လဲရသလို ဓာတ်ပုံ၊ ဗွီဒီယိုရိုက်ခြင်းအပါအ၀င် ကျန်တဲ့ကိစ္စအတော်များများကိုလဲ ဆောင်ရွက်ပေးနိုင်ပါတယ်။ 1GB ကနေ 8GB အထိ Storage Capacity ရှိပါတယ်။ ဒီ Pen Camera ရဲ့ရည်ရွယ်ချက်ကတော့ Spy Camera ဆိုတဲ့အတိုင်း မသင်္ကာသူတွေကို မသိမသာထောက်လှမ်းဖို့ တီထွင်ထားတယ်လို့ ဆိုပါတယ်။ ဒါပေမဲ---ဒါပေမဲ့---
ကနေ့ ကျနော် AFP internet သတင်းမှာ ဒီကင်မရာလေးနဲ့ပတ်သက်တဲ့ သတင်းတစ်ပုဒ် ဖတ်လိုက်ရပါတယ်။ စပိန်နိုင်ငံ၊ တောင်ပိုင်းက အသက် (၂၅)နှစ်အရွယ် အသက်ငယ်ငယ် ဆရာဝန်လေးတစ်ယောက်ကို ပုလိပ်တွေလာဖမ်းသွားတယ်ဆိုတဲ့ သတင်းပါ။ လာဖမ်းရခြင်း ရဲ့အကြောင်းကတော့ သူ့ရဲ့ ဆေးဝါးကုသမှုနဲ့ နည်းနည်းမှ မပတ်သက်ပါဘူး။ ခုနားက ကျနော်ပြောခဲ့တဲ့ စပိုင်ဘောလ်ပင်လေးကို လွဲမှားစွာ အသုံးပြုမှုနဲ့ပါ။ သူ့ဆေးခန်းမှာ အလုပ်လုပ်တဲ့ အမျိုးသမီး ၀န်ထမ်းလေးတွေ အ၀တ်လဲခန်းထဲ အ၀တ်အစားလဲနေပုံတွေကို အဲဒီဘောလ်ပင်နဲ့ ဗွီဒီယိုရိုက်ထား ဆိုကိုး။ ပြဿနာဖြစ်ချင်တော့ သူ့လုပ်ဖေါ်ကိုင်ဘက်တစ်ယောက်က ထူးဆန်းတဲ့ဘောလ်ပင်လေးကို သင်္ကာမကင်းဖြစ်လို့ ဆရာဝန်လေးအလစ်မှာ ဘယ်လိုဟာများတုန်းဆိုပြီး စပ်စုမိရာကနေ အဲဒီဘောလ်ပင်ထဲမှာ အမျိုးသမီးလေးတွေ အ၀တ်လဲနေတဲ့ပုံ အတော်များများတွေ့သွားသတဲ့။
ဒါနဲ့ ပုလိပ်ကို အကြောင်းကြားလို့ သက်ဆိုင်ရာက လာရောက်စစ်ဆေးပြီး ဆရာဝန်လေးကို ဖမ်းသွားပါလေရော။ အဖြစ်ကတော့ ဒါပါပဲ။ အဲဒီတော့ ကျနော်ပြောချင်တာက ခေတ်ကြီးရဲ့ တိုးတက်မှုနဲ့ လိုက်လျှောညီထွေဖြစ်လာတဲ့ ဆိုးကျိုးတွေကိုပါ။ အရာဝတ္ထုတစ်ခုကို ရည်ရွယ်ချက်တစ်ခုခုကြောင့် တီထွင်လိုက်တာနဲ့ အဲဒီမူလရည်ရွယ်ချက်နဲ့ ဆန့်ကျင်ဘက်ဆိုးပြစ်တွေဟာလဲ ရံခါ တွဲပါလာတတ်ပါတယ်။ ကျနော်တို့လူသားတွေက သူ့စည်း၊ ကိုယ့်စည်းစောင့်ပြီး နေထိုင်ကြမယ်ဆိုရင် ဘာပြဿနာမှ တက်ဖို့အကြောင်းမရှိပါဘူး။ ဘာပဲဖြစ်ဖြစ်လေ၊ ဒီလို Spy Camera မျိုးလေးတွေ သာမန်လူထုလက်ဝယ် ရောက်နေပြီဆိုတော့ အချောင်းအမြောင်းဝါသနာအိုးတွေအတွက်တော့ အကွက်ဖြစ်သွားတာပေါ့။ အမျိုးသမီးလေးတွေ သွားသွားလာလာ ခါတိုင်းထက် ပိုမိုဂရုစိုက်ကြဖို့တော့ လိုမယ်ထင်တယ်နော်။ သတိပေးပါတယ်ဗျာ။
From Myawady news