ပန်ကာလေကြောင့် လေဖြတ်နိုင်သည်
လေဖြတ်ရောဂါသည် အမြဲအလစ်ချောင်းနေသော ရောဂါဆိုးကြီးဖြစ်ကြောင်း အသက် (၅၀)ကျော်လျှင် အထူးသတိထားသင့်ကြောင်း၊ အစားမှားလျှင်လေဖြတ်နိုင်ကြောင်း၊ ယခုတင်ပြမည့် လေဖြတ်ဝေဒနာဖြစ်ရသူမှာ အသက်(၄၀)ကျော် အရွယ်ကောင်းဖြစ်ပါသည်။
သူသည် အောင်မြင်သော စီးပွားရေး လုပ်ငန်းရှင် တစ်ယောက်ဖြစ်ပြီး နိုင်ငံခြားသို့ သွားလေ့ရှိပါသည်။ တစ်ဘက်မှလည်း ဂေါက်သီးရိုက် အားကစားတွင် ထူးချွန်သူဖြစ်ပါသည်။ ပြောရလျှင် ခန္ဓာကိုယ်တုတ်ခိုင် သန်မာပြီးကျစ်လစ်သဖြင့် လေဖြတ်မည်ဟု မထင်ရက်စရာဖြစ်ပါသည်။
ဖြစ်သွားပုံမှာ တစ်နေ့နံနက်စောစော ဖုန်းမြည်လာသဖြင့်ကြည့်လိုက်ရာ နိုင်ငံခြားမှ ဖုန်းနံပါတ်ဖြစ်နေသဖြင့် ကိုင်လိုက်ချိန်တွင် စကားသံမှာ ၀ိုးတ၀ါး လျှာလေးအာလေး အသံဖြစ်နေသဖြင့် မနည်းနားထောင်ရသည်။
“ဆရာ...ဆရာ...ဆရာ...ကျွန်...တော်....ကို....ပါ”
လျှာလေးနေသဖြင့် စူးစိုက်နားထောင်မှ အထက်ဖော်ပြပါ ကျွန်တော့်မိတ်ဆွေ နိုင်ငံခြားမှ ဆက်နေကြောင်းသိရသည်။
သူပြောသည်မှာ သူယခုနံနက် အိပ်ယာထလိုက်ချိန်တွင် လျှာလေးနေပြီး စကားမပီဖြစ်နေကြောင်း၊ ညာဘက်လက်က အားယူကြိုးစားမှ အနည်းငယ်လူပ်နိုင်ကြောင်း ပြောပါသည်။ “ခင်ဗျားညက ဘာစားသလဲ၊ ဧည့်ခံပွဲရှိသလား၊ အရက်သောက်သလား၊ သောက်တာရောများသလား” ဟုတည့်တည့်ပဲ မေးလိုက်ပါသည်။
သူက လျှာလေးနေသဖြင့် ကြိုးစးပြီးပြန်ဖြေသည်မှာ သူအရက်မသောက်ကြောင်းနှင့် ဟိုတယ်မှာလည်း မတည်းခိုဘဲ သူ့မိဘများအိမ်တွင် သွားရောက်လည်ပတ်ရင်း တည်းခိုရာ ထိုသူများမှာ သတ်သတ်လွတ် စားသူများဖြစ်သဖြင့် သူလည်း သက်သက်လွတ်စားနေသည်မှာ ၃ရက်ရှိပြီဖြစ်ကြောင်း ပြောပါသည်။
သွေးတိုးရောဂါရှိမရှိ စစ်ဆေးဖူးရဲ့လား၊ မြန်မာပြည်မှာနေစဉ်က သွေးပေါင်ချိန်စစ်ဘူးရဲ့လားဟု မေးရာ သွေးပေါင် မကြာခဏချိန်လေ့ရှိကြောင်းနှင့် သူ့ရုံးခန်းတွင်လည်း ဒီဂျစ်တယ်လက်ကောက်ဝတ် သွေးချိန်ကိရိယာ ၀ယ်ယူထားပြီး မကြာခဏ ချိန်ကြည့်လေ့ရှိကြောင်း၊ သူ့သွေးပေါင်ချိန်မှာ အမြဲ normal တွင်ရှိကြောင်း ပြောပါသည်။
သူ့မှာ ကြာကြာမပြောနိုင် ပြောရင်း စကားသံကပိုသံကပို၍ လေးလာသဖြင့် ဆေးရုံဆေးခန်းတစ်ခုခုသို့ အမြန်သွားပြီး သွေးပေါင်ချိန်စစ်ဆေးရန်၊ ဖြစ်နိုင်လျှင် နှလုံးအထူးကု၊ အာရုံကြောအထူးကုတို့ထံ ပြရန်အကြံပေးလိုက်ရပါသည်။
သို့သော် နောက်ဆုံးအနေဖြင့် ညက ဘယ်လိုအိပ်လိုက်သလဲလို့မေးရာ သူကဆက်မပြောနိုင်တော့သဖြင့် နံဘေးမှအိမ်ရှင်တစ်ဥိးက ၀င်ဖြေပေးပါသည်။ အဖြေမှာ သူအိပ်သည့်အခန်းမှာ လေးအေးစက်မရှိသဖြင့် ပန်ကာတစ်လုံးပေးထားကြောင်း၊ ညကပူအိုက်သဖြင့် သူ့ရင်ဘတ်တည့်တည့်သို့ ပန်ကာဖွင့်အိပ်ကြောင်း။ တစ်ညလုံး ပန်ကာဖြင့် အိပ်ကြောင်း ပြောပါသည်။
တရားခံမှာ ပန်ကာလေပင်ဖြစ်ပါတော့သည်။ သူသည် အထူးကုဆရာဝန်နှင့် ပြသပြီးထိုနေ့မှာပင် နိုင်ငံခြားဆေးရုံကြီးတစ်ခုတွင် တက်ရောက်ကုသမူ ခံယူရပါသည်။ ဆေးရုံပေါ်မှာ စစ်ဆေးဆဲမှာပင် ဘယ်ခြမ်းတစ်ခုလုံး မလူပ်နိုင်၊ လေဖြတ်သွားကြောင်း၊ နောက် ၃ရက်အကြာတွင် ထပ်မံသိရသည်။ မြန်မာပြည်မှ မိသားစုများ လိုက်သွားမည်ဖြစ်သဖြင့် လေဖြတ်လျှင် သုံးစွဲရမည့် တိုင်းရင်းဆေးလိမ်းဆေး၊ သောက်ဆေး၊ လျှာပွတ်ဆေးများထည့်ပေးရန် မှာကြားလာပါသည်။
အကြောင်းအရင်းကို သေချာစိစစ်ကြည့်ပါက ထိုကျန်းမာရေးကောင်းမွန်သော မိတ်ဆွေကြီး လေဖြတ်ရခြင်းမှာ ရင်ဘတ်တည့်တည့် ပန်ကာဖွင့်အိပ်သဖြင့် ရင်ဘတ်အတွင်းမှ နှလုံးသွေးကြေားမှာ ရေပိုက်ကိုကျုံ့သွားအောင် အဖျားတွင်ညှစ်ပေးလိုက်လျှင် ရေပန်းထွက်လာ သကဲ့သို့ သွေးဖိအားတက်လာသည်။
သွေးဖိအားညှစ်အားကို မခံနိုင်သောအခါ ဦးနှောက်အတွင်းရှိ သွေးကြောငယ်ကလေးများ ပေါက်သွားခြင်း (သို့) ဖိအားများ၍ ဖြတ်မျောလာသောသွေးခဲ၊ အဆီခဲလေးများ ပိတ်ဆို့သွားခြင်းကြောင့် ဦးနှောက်မှာ အလုပ်မလုပ်နိုင် ဖြစ်ရလေတော့သည်။
ဦးနှောက်အတွင်းတွင် စကားပြောခြင်းကို ပြုလုပ်သည့် speech center ကို သွေးခဲပိတ်သွားသောအခါ စကားမပီမသဖြစ်လာသည်။
ထို့နောက် ပိုဆိုးလာသောအခါ ကိုယ်တစ်ခြမ်းသေခြင်း၊ လေဖြတ်ခြင်းအထိ ဖြစ်ရလေသည်။ ထိုသို့လေဖြတ်ခြင်းမျိုးကို ကုသလျှင် ပြန်ကောင်းလာနိုင်သော်လည်း ခက်ခက်ခဲခဲကြိုးစားရမည်။ အချိန်ယူရမည်ဖြစ်လေသည်။ ဆေးရုံမှ ဆင်းလျှင်ပင် စကားပီဖို့ ပြန်လည်သန်စွမ်းဖို့အတွက် အနှိပ်၊ အကြောပြင် ကာယကုထုံးကုသမူ စသည်များဖြင့် ပြန်လည်ထူထောင်ရေး Rehablitation လုပ်ရဦးမည်ဖြစ်သည်။ လချီ၍ ကြာတတ်သည်။
အမူမဲ့ အမှတ်မဲ့ကိစ္စလေးမှာ အကြီးအကျယ်ဖြစ်သွားသောအရာများ လောကတွင် များစွာရှိပါသည်။ အစစသတိထားနေသူများပင် အမှားပြုမိတတ်သည်။ သည်သို့ပင် ကျန်းမာရေးလိုက်စားသူဖြစ်စေ၊ အသက်ငယ်သေးသည့် အရွယ်ကောင်းတွင်ဖြစ်စေ၊ အနေအထိုင်အမှားကြောင့် ဒုက္ခရောက်နိုင်ကြောင်းနှင့် ညပူအိုက်လျှင် ပန်ကာလေခံခြင်း၊ လေ၀င်များသည့် ပြတင်းပေါက်ဖွင့်အိပ်ခြင်း၊ ဦးခေါင်းနှင့် ရင်ဘတ်ကိုဖွင့်၍ လေအေးခံအိပ်စက်ခြင်းများ မပြုသင့်ကြောင်း ရေးသားသတိပေးလိုက်ရပါသည်။
ကြည်လွင်မြင့် (မုဒြာ) (HEALTH CARE JOURNAL)