သွေးတိုးရောဂါအစ အဆီတိုးခြင်းက
Written by ကြည်လွင်မြင့် (မုဒြာ)
သွေးတိုးရောဂါဖြစ်သူ တစ်နေ့တခြား တိုးပွားလာနေသည်။ မြန်မာလူမျိုးများသည် လယ်ယာစိုက်ပျိုး ရေးနိုင်ငံဖြစ်၍ သဘာဝဆန်နှင့် အသီးအနှံကိုအဓိကထား စားသုံးသူများဖြစ်သဖြင့် သွေးတိုးရောဂါဟူ သည်မှာ လွန်ခဲ့သော နှစ် ၅၀ ကခေတ်မစားသေးပေ။ ဈေးကွက်စီးပွားရေးဖွင့်ပေးပြီး ၂၆ နှစ်အတွင်းမှာ နိုင်ငံခြားတိုင်းပြည်များမှ အစားအသောက်များနှင့် ဆေးဝါးမျိုးစုံ ဝင်ရောက်လာပြီးနောက်တွင် သွေးတိုး ရောဂါဖြစ်ပွားမှုနှုန်းမှာ ချက်ချင်းပင်မြင့်တက်လာခဲ့သည်။
သွေးတိုးရောဂါသည် အငန်တစ်ခုတည်းရှောင်ရုံဖြင့် ပြီးသည့်ရောဂါဟုအချို့က ထင်နေကြသည်။ အဆီတိုးခြင်းသည် သွေးတိုး၏မူလအကြောင်းအရင်းဖြစ်သည်ကို သတိမထားမိကြပေ။ ကျန်းမာရေး ဗဟုသုတနည်းပါးကြသဖြင့် သွေးတိုးရောဂါကို ခန္ဓာကိုယ်တွင်းရှိ သွေးများတိုးပွားလာသည့်ရောဂါဟု ထင်နေသူများလည်း ရှိနေဆဲဖြစ်သည်။ သွေးတိုးရောဂါသည် လူဝပြီးသွေးများတိုးပွားလာခြင်းမဟုတ် ပါ။ သွေးကို နှလုံးကတွန်းပို့သည့် ဖိအားတိုးလာခြင်း၊ သွေးကြောများကို သွေးပို့သည့်အားမြင့်တက်ပြီး သွေးကြောများက မခံနိုင်ဖြစ်လာခြင်းသာဖြစ်သည်။ လူပိန်သည်ဖြစ်စေ၊ ဝသည်ဖြစ်စေ သွေးဖိအားတိုး လာလျှင် သွေးတိုးရောဂါဖြစ်နိုင်သည်။
ရှေးက မြန်မာဆရာကြီးများသည် ဘယ်ဘက်လက်ကောက်ဝတ်၊ လက်မအရင်းရှိသွေးကြောကို လက် ညှိုး၊ လက်ခလယ်၊ လက်သူကြွယ်သုံးချောင်းဖြင့် ထောက်စမ်းသည်။ သွေးစမ်းနည်းမှာ ပထမဖွဖွလေး စမ်းရသည်။ ထို့နောက် ဖိပြီးစမ်းရသည်။ ထို့နောက်နေရာအနည်းငယ်ရွှေ့ပြီး ထပ်မံစမ်းရပြန်သည်။ သွေးလုံးအမိဆုံးနေရာတွင် ရပ်တန့်ပြီးနောက် သွေးလုံးအနေအထားကို ကြည့်သည်။ ဤနည်းကို (ဖွ-ဖိ-ရွှေ့-မိ) နည်းဖြင့် သွေးစမ်းသည်ဟုခေါ်သည်။
လက်ကောက်ဝတ်၊ လက်မအရင်းတွင် စမ်းမိထားသော သွေးလုံးသည် ပုံမှန်ဖြစ်သည်။ သွေးလုံး ကြီး ခြင်း၊ သေးခြင်းမရှိ၊ စည်းချက်မှန်မှန်ဖြင့် သွားနေလျှင် သွေးတိုးခြင်းမရှိပေ။ သွေးကျခြင်းလည်းမရှိပေ။ ထိုသို့မဟုတ်ဘဲ သွေးလုံးပွခြင်း၊ ကြီးခြင်း၊ မြွေ၊ ငါးရှဥ့်ကဲ့သို့တိုးခြင်း၊ ဖားကဲ့သို့ခုန်ခြင်း၊ ကလေးသူငယ် တွင် ပုစွန်ဆိတ်ကဲ့သို့ ခုန်ခြင်းများစမ်းမိလျှင် မကောင်းသောသွေးတိုးဖြစ်သည်။
သွေးတိုးရောဂါရှိသူများ၏ သွေးတိုးမှာ ဝသောသူတွင် သွေးလုံးကြီး၍ပွကာ ဆောင့်၍တိုးသည်။ ဘောလုံးကိုရေတွင်နှစ်လိုက်ပြီး လက်လွှတ်လိုက်သောအခါ အပေါ်သို့ဆောင့်တက်ပြီး ပြန်ပေါ်လာသ ကဲ့သို့ ငုပ်ချည်ပေါ်ချည်စမ်းမိသည်။ ပိန်သောသူတွင် စမ်းမိသောသွေးတိုးပုံမှာ သွေးလုံးသေးပြီး စူးခနဲ ဆောင့်တိုးသည်။ မြွေတိုးသကဲ့သို့ ငရှဥ့်တိုးသကဲ့သို့ တိုးသည်။ ရေတွင်ဝါးလုံးကို မျှောချသကဲ့သို့ အလျားလိုက်ဆောင့်တိုးသည်။ သွေးတိုးရောဂါမရှိသူများသည် သွေးပေါင်ချိန်ကိရိယာမရှိပါက မိမိ လက်ကောက်ဝတ်ကို မိမိဘာသာစမ်းသပ်သည့်အလေ့အကျင့်ကို ပြုထားသင့်သည်။
အသက်လေးဆယ်ကျော်လာလျှင် လူပိုဝလာလျှင် အဆီအဆိမ့်များကို လျှော့စားသင့်သည်။ ဆေး ပညာသဘောနှင့်ပြောရလျှင် အချိုကြိုက်လွန်းလျှင်လည်း ပထဝီဓာတ်နှင့် အာပေါဓာတ်တိုးပြီး ဝလာ နိုင်သည်။ ဝလာခြင်းသည် သွေးတိုးရောဂါ၏ အခြေခံဖြစ်သည်။ သွေးကြောများအတွင်း အဆီစုမလာ အောင် လမ်းများများလျှောက်ပေးဖို့လိုသည်။ လမ်းလျှောက်ခြင်းက အကျိုးများစွာရှိသည်။
(၁) အကြောအခြင်များကို လျော့စေသည်။
(၂) နှလုံးမှတွန်းပို့သော သွေးသည် လမ်းလျှောက်သောအခါ အောက်သို့ ခြေဖျားအထိရောက် အောင် စီးဆင်းနိုင်သည်။
(၃) သွေးကြောအတွင်းမှ ပိတ်ဆို့မှုများကို ပွင့်စေနိုင်သည်။
(၄) လှုပ်ရှားမှုကြောင့် သွေးကြောများကျယ်ပြီး သွေးစီးဆင်းမှုကောင်းစေသည်။
(၅) လှုပ်ရှားမှုကြောင့် စုခဲနေသော အဆီဓာတ်များ လောင်ကျွမ်းပျော်ဝင်သွားနိုင်သည်။
(၆) သွေးကြောနံရံတွင် ကပ်နေသော အဆီများလည်း ပျော်ဝင်သွားနိုင်သည်။
(၇) ကိုယ်အလေးချိန်ဖိအားသည် ခြေသလုံးနှစ်ဖက်နှင့် ခြေဖဝါးများပေါ်သို့ သက်ရောက်ခြင်း ကြောင့် ကြွက်သားအင်အား ပိုမိုကောင်းမွန်လာမည်။
(၈) သွေးကြောပိတ်၍ ကြွက်တက်ခြင်းမှလည်း ကာကွယ်နိုင်သည်။
(၉) ပုံမှန်လမ်းလျှောက်ခြင်းကြောင့် မျှတသောခန္ဓာကိုယ်အချိုးအစားကို ရရှိနိုင်သည်။
အနောက်တိုင်း ဆေးပညာတွင် လမ်းလျှောက်ခြင်းဖြင့် သွေးအတွင်းမှ မကောင်းသောကိုလက်စထ ရောကို လျှော့ချနိုင်သည်ဟု ဆိုသည်။ ကိုလက်စထရောတွင် ကောင်းသောကိုလက်စထရောနှင့် မကောင်းသောကိုလက်စထရောဟူ၍ နှစ်မျိုးရှိသည်။ ကိုလက်စထရောတက်သည်ဆိုသည်မှာ သွေး ကြောများကို ကျဉ်းစေနုိုင်သည့် မကောင်းသောကိုလက်စထရောတက်ခြင်းကိုဆိုသည်။ ကောင်းသော ကိုလက်စထရောသည် လူ၏သက်စောင့်ဓာတ်ဖြစ်သဖြင့် များလျှင်ကောင်းသည်။ လမ်းလျှောက်သော အခါခွန်အားဖြုန်းတီးပြီး ဓာတ်လောင်ကျွမ်းစေသဖြင့် မကောင်းသောကိုလက်စထရောများ လျော့ကျ သွားသည်။ ဆေးမစားဘဲ အဆီကိုလျော့ကျစေသောနည်းဖြစ်သည်။
ဆင်းရဲသားနှင့် ချမ်းသာသူ နှိုင်းယှဉ်လျှင် ချမ်းသာသူများတွင် သွေးတိုးရောဂါပိုဖြစ်ရခြင်းမှာ အချို့၊ အဆိမ့်၊ အအီ အစားအစာများခြင်း အကြောင်းတစ်ခုတည်းကြောင့်မဟုတ်ပေ။ အေးသောနေရာ၊ အဲ ကွန်းအအေးဓာတ်လွှတ်ထားသည့် ဇိမ်နှင့်နေနိုင်သော အခန်းများတွင် နေထိုင်အိပ်စက်ခြင်း၊ အချိန် ကြာမြင့်စွာ မလှုပ်မရှားနေထိုင်ခြင်းကြောင့်လည်း သွေးတွင်းအဆီဓာတ်တိုးလာနိုင်သည်။ ချမ်းသာသူ များသည် လမ်းလျှောက်နည်းခြင်းကြောင့် သွားလေရာဇိမ်ခံကားများဖြင့် သွားလာခြင်းကြောင့် အဆီ များအနည်ထိုင်ပြီး သွေးတိုးရောဂါဖြစ်လာရခြင်းဖြစ်သည်။
သွေးတိုးရောဂါသည် တိတ်တဆိတ် လူသတ်သမားဖြစ်သည်ဟုဆိုရခြင်းမှာ လူဝလာတိုင်း သွေးတိုး သည့် လက္ခဏာတစ်စုံတစ်ရာမပြဘဲ ပုံမှန်အတိုင်းစားကောင်း၊ အိပ်ပျော်ရှိနေတတ်သည်။ အမှတ်မ ထင်စိတ်လှုပ်ရှားသောအခါ ပူပန်မှုသောက ကြုံတွေ့လာသောအခါနှင့် အပူမှအအေး၊ အအေးမှအပူ ရုတ်ခြည်းပြောင်းလဲသောအခါများတွင် ရုတ်တရက်မူးဝေပြီး သွေးတိုးလက္ခဏာပြလာတတ်သည်။ အဆီတိုး၍ ကျဉ်းနေသော သွေးကြောများသည် နှလုံးမှစိတ်လှုပ်ရှား၍ ပိုညှစ်သောအခါ သွေးမသွား သဖြင့် သွေးကြောပေါက်ထွက်ပြီး ဦးနှောက်အတွင်း သွေးယိုစီးခြင်း၊ လေဖြတ်ခြင်းဖြစ်နိုင်ပေသည်။
ရိုးရာတိုင်းရင်းဆေးပညာတွင် အဆီဓာတ်တိုးခြင်းကို ပထဝီ၊ အာပေါ အာဗန္ဓန ရောဂါဟုခေါ်သည်။ ပိတ်ဆုိ့ခြင်းဖြစ်သည့်ရောဂါဖြစ်သဖြင့် အာကာသရပြီး ချွေးထွက်အောင် လေ့ကျင့်ခန်းလုပ်ခြင်း၊ လမ်း များများလျှောက်ပြီး ဝမ်းမှန်အောင်ပြုလုပ်ခြင်းဖြင့် ကုသနိုင်သည်။ ပထဝီ၊ အာပေါစာဖြစ်သောအသား နှင့်အဆီကို လျှော့စားသုံးရမည်။ အချဉ်နှင့်အစပ်ကို ပို၍စားသုံးရမည်။ ယိုစီးအာပေါဓာတ်ဖြစ်သောရေ ကိုများများသောက်ပေးရန်လိုသည်။ အလွယ်ဆုံးပြောရလျှင် အဆီ၊ အသားဓာတ်ကိုရှောင်ပြီး အသီး အနှံကို များများစားပေးဖို့လိုပါသည်။
သွေးတိုးရောဂါအစ အဆီတိုးခြင်းက၊ အဆီတိုးခြင်းအစ လမ်းမလျှောက်ခြင်းကဟု ဆိုနိုင်သည်။ အစား အသောက်ကောင်းကောင်း စားနိုင်ပါသည်။ စားသည်နှင့်ညီမျှအောင် လမ်းများများလျှောက်ပေးခြင်း ဖြင့် သွေးတိုးရောဂါဘေးမှ ကာကွယ်နိုင်ကြောင်း အသိပေးတင်ပြလိုက်ရပါသည်။ ။
ကြေးမုံသတင်းစာ
သြဂုတ်လ (၁၂) ရက်၊ ၂၀၁၅ ခုနှစ်
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook PageTwitter Google+