ရောဂါမျိုးစုံသည် ကိုယ်အေးခြင်းမှလာသည်
photo:google
ကျောက်ကပ် အားနည်းခြင်းဟာလည်း ကိုယ်နွေးငွေ့ကျဆင်းတာကြောင့်ဖြစ်ရတဲ့ ရောဂါတစ်မျိုးပဲ ဖြစ်တယ်။ ကျွန်တော် (မူရင်းစာရေးဆရာ ဂျပန်လူမျိုး ဒေါက်တာ အီရှိဟာရမူစမိ) ငယ်စဉ်တုန်းက လူကြီးတွေရဲ့ ကိုယ်နွေးငွေ့က ၃၆.၅ ဒီဂရီစင်တီဂရိတ် ရှိခဲ့ကြသည်။ ကလေးတွေရဲ့ ကိုယ်နွေးငွေ့က လူကြီးတွေရဲ့ ကိုယ်နွေးငွေ့ ထက်တောင်ပိုမြင့်တယ်။ ၃၆.၈-၃၇ ဒီဂရီစင်တီဂရိတ်ထိ ရှိကြတယ်။ ဒါပေမယ့် ခုခေတ်အခါမှာ (၄၀)ရာခိုင်နူန်းသော ကလေးတွေရဲ့ ကိုယ်နွေးငွေ့က ၃၆-ဒီဂရီစင်တီဂရိတ် သာသာလောက်ပဲ တွေ့မြင်နေရတယ်။ အဲဒီကိုယ် နွေးငွေ့ နိမ့်ကျတဲ့ကလေးတွေ အရွယ်ရောက်လို့ လူကြီးတွေဖြစ်လာတဲ့အခါ ကျောက်ကပ်အားနည်းရောဂါ ထပ်ပေါင်းလိုက်ရင်တော့ ကလေးရနိုင်တဲ့ အခြေအနေဟာ ပြဿနာကြီးတစ်ရပ် ဖြစ်လာပြီး ဖြေရှင်းလို့မရနိုင်တော့တဲ့ ပြဿနာအထိတောင် ဖြစ်လာနိုင်ပါတယ်။
မူမမှန်တဲ့ အစားအသောက်အကျင့်စရိုက်က မိမိရဲ့ကျန်းမာရေးအပေါ် သြဇာသက်ရောက်တယ်ဆိုတာ သင်လက်ခံပါသလား။ အားလုံးသိရှိပြီး ဖြစ်တဲ့အတိုင်း အစားအစာတွေဟာ လူတွေရဲ့ သွေးတွေ ကြွက်သားတွေကို ဖန်တီးပေးတယ်ဆိုတာ သိကြပါတယ်။ ထမင်းစားတာဟာ ကျန်းမာတဲ့ ခန္ဓာကိုယ်ရောဂါရစေတယ်။ အခုခေတ်ရဲ့ ယေဘုယျအမြင်မှာ ပရိုတင်းမြင့်မားတဲ့၊ အဆီဓာတ်များတဲ့ အနောက်တိုင်း အစားအစာတွေက ခန္ဓာကိုယ်အတွက် မကောင်းဘူးဆိုတာမြင်ကြတယ်။ ကျန်းမာရေးကို အထူးဂရုစိုက်တတ်ကြတဲ့ လူအများအပြားတို့က အစားအစာတွေရဲ့မူရင်း အသီးအနှံပင်တို့ရဲ့ လတ်ဆတ်မူနဲ့ စိုက်ပျိုးတဲ့ နည်းစနစ်တို့အပေါ်ကိုပါ ဆန်းစစ်တဲ့အထိ ဖြစ်လာကြတယ်။ သူတို့စားရမယ့်အသီးအနှံ့တွေ၊ ဟင်းသီးဟင်းရွက်တွေဟာ ဓာတ်မြေသြဇာကင်းတဲ့ အော်ဂဲနစ် စိုက်ပျိုးရေးနည်းစနစ်နဲ့ ထုတ်လုပ်တာ ဟုတ်မဟုတ်ဆိုတာကို သတိပြုလာကြတယ်။ ထုတ်လုပ်တဲ့ ဒေသကတိုက်ရိုက်လာတာ ဟုတ်မဟုတ် အလေးထားဂရုပြုလာကြတယ်။
အစားအသောက်ဟာ ကျန်းမာရေးရဲ့ ဇာစ်မြစ်ဖြစ်တယ်။ အစားအစာတွေရဲ့ ပင်ရင်းစိုက်ပျိုးရေးပုံစံတွေနဲ့ ချက်ပြုတ်နည်းပုံစံတွေနဲ့ အလေးထားတာဟာ ကောင်းမွန်လှတဲ့စနစ်ပါ။ ဒါ့အပြင် ထပ်သတိထားသင့်သေးတာက ထမင်းစားတဲ့အခိုက်မှာ ဖြေးဖြေးကြေညက်အောင် ဗိုက်ထဲကလည်းဝတယ်၊ စိတ်ထဲကလည်းဝပြီလို့ ခံစားမိစေတယ်။ ရင်းနှီးတဲ့ မိသားစုဝင်တွေ မိတ်ဆွေရင်းချာတွေနဲ့အတူ စားရင်းပျော်ပျော်ရွှင်ရွှင် ပြောဆိုရင်းနဲ့ဆိုရင် ပိုပြီးအရသာလည်းရှိ စားလိုက်တဲ့အစာတွေထဲက အဟာရတွေလည်းပိုပြီးရရှိစေတယ်။ ပျော်ရွှင်မူလည်းပိုရရှိစေတယ်။ အဲဒါဟာ အစားအသောက်နည်းမှန်ပါပဲ။ ဖြစ်ကတတ်ဆန်း ဗိုက်ဝပြီးရောနည်းနဲ့ ကသုတ်ကယက် စားနည်းမျိုးကတော့ နည်းမမှန်ဘူး။ စနစ်မှန်တဲ့ ကျန်းမာရေးညီညွတ်တဲ့ ထမင်းကို အနပ်တိုင်း အနပ်တိုင်းအလေးထားပြီး စားသင့်တယ်။
အစားအသောက်တွေကို ပိုကောင်းအောင်စီစဉ်နိုင်ဖို့အတွက် ပထမဦးစွာ လူများစုကြီးက မှန်တယ်လို့ ယူဆထားတတ်ကြတဲ့ အယူအဆတွေကို သဘောပေါက် နားလည်ဖို့လိုအပ်လှပါတယ်။
နားလန်ထကျန်းမာရေးစောင့်ရှောက်မူ စခန်းမှာလာပြီး အစာလျှော့စားတဲ့လူနာတွေကို ရက်သတ္တပတ်တစ်ပတ်နှစ်ပတ် အစာလျှော့ကျွေးပြီးတဲ့နောက် ကျန်းမာလာပြီဆိုရင် အစာတွေ ပြန်ကျွေးဖို့စတင်တဲ့ အစီအမံကတော့ ပထမ ၃-၄ရက်မှာ ထမင်းရည် ဆန်ပြုတ်တို့ကို အရင်ကျွေးပါတယ်။ ပြီးတော့မှ ပုံမှန်အစားအသောက် ထမင်းဟင်းတွေ တစ်ဆင့်ပြီးမှတစ်ဆင့် ကျွေးပါတယ်။ နာလန်ထအစာ စစားတဲ့ကာလရဲ့ အစီအမံကစတင်ပြီး အစာလျှော့စားတဲ့ကာလဟာ အစာအိမ်နဲ့အူတွေကို အနားပေးတဲ့ အချိန်တွေဖြစ်ပါတယ်။ အစာအိမ်နဲ့အူတွေကို ရုတ်တရက်ကြီးလေးတဲ့ ၀န်ထုပ်ဝန်ပိုးကို မထမ်းဆောင်စေသင့်ဘူး။ တစ်ပတ်နှစ်ပတ်လောက် အနားပေးထားပြီးမှ ချက်ချင်းပုံမှန်အစားအသောက်မျိုး စားစေတာဟာ ဗိုက်နာတာ ၀မ်းလျှောတာ ပျို့အန်တာမျိုးတွေဖြစ်ပေါ်စေပြီး စိတ်ဆင်းရဲစေတဲ့ အခြေအနေမျိုး ဖြစ်စေတယ်။ အခြေအနေဆိုးဝါးရင် အူတွင်းပိတ်ဆို့မူ အန္တရာယ်မျိုးကြုံနိုင်သေးတယ်။
လူတွေဟာ နေ့စဉ်နေ့တိုင်း “အစားစာဖြတ်”တဲ့ အမူသေးမျိုး ရှိကြတာချည်းပဲ။ အဲဒါကဘာလဲဆိုတော့ ညအိပ်ပျော်သွားချိန်ကစပြီး မနက်အိပ်ရာထချိန်တစ်ညလုံးမစား မသောက်ဘဲနေကြတယ်မဟုတ်လား၊ အဲဒါသည်ပင်လျှင် “အသေးစား အစားအသောက်ဖြတ်တောက်ခြင်း” ပဲလေ။ အဲဒါကြောင့် “မနက်စောစော breakfast ဆိုတာ အစာဖြတ်တောက်ခြင်းရဲ့ ပထမဆုံး စားသောက်ပွဲလို့ ဆိုရမှာပါ။ အင်္ဂလိပ်စကားလုံးရဲ့ အဓိပ္ပာယ်ရှင်းလင်းလှပါတယ်။ (fast=အစားအသောက်ဖြတ်ခြင်းဖြစ်ပြီး၊ breake= ချိုးဖျက်ပစ်တာ ဒီတော့ breakfast ဆိုတာ အစားသောက် ဖြတ်ခြင်းကို ချိုးဖျက်ပစ်လိုက်တာ တစ်နည်း အစားအသောက်စစားတာ) ဒီနေရာမှာ အယူအဆမှား တစ်ချက်ရှိနေပါတယ်။ လူအများက “မနက်စောစောစားတာ တစ်နေကုန်အတွက် အရေးကြီးတယ်။ ကောင်းကောင်းနဲ့ များများစားရမယ်”လို့ ယူဆခဲ့ကြတယ်။ စားချင်စိတ်မရှိဘဲနဲ့လည်း အ၀စားကြတယ်။ ဒါပေမယ့် အစာဖြတ်ထားပြီးမှ ပထမဆုံးအဲဒီလိုစားလိုက်တာဟာ အစာအိမ်နဲ့အူတွေအတွက် ကြီးလေးတဲ့ ၀န်ထုပ်ဖြစ်စေတယ်။ အနောက်တိုင်းက စားသလိုမျိုး မဟုတ်ပေမယ့်လည်း ၀န်ထုပ်ဖြစ်စေတာပါပဲ။
လူကြီးတွေအတော်များများ စားချင်သောက်ချင်စိတ်မရှိကြတော့ ဒီလိုအခါမျိုးမှာ မနက်စာတင်မဟုတ်ပါဘူး။ စားချင်စိတ်မရှိတဲ့အခါ ဘာမှမစားဘဲနေတာ အမှန်ကန်ဆုံးပါပဲ။ နေထိုင်မကောင်းတဲ့ ရောဂါသည်တွေကိုလည်း “စားပေးမှအားရှိမှာပေါ့ ဒါမှလန်းဆန်းလိမ့်မယ်”လို့ မတိုက်တွန်းပါနဲ့။ စားလိုက်မိလို့ အစာမကြေဖြစ်တာ ၀မ်းကိုက်တာ အော့အန်တာတွေ ဖြစ်ပေါ်ခံစားရတတ်သေးတယ်။ ထိုနည်းတူစွာပဲ မနက်စောစောကို အတင်းဓမ္မ စားလိုက်တာဟာလည်းပဲ ကောင်းကျိုးထက် ဆိုးကျိုးပိုသက်ရောက်စေမှာပါ။ မနက်စောစောဟာ အစာပြတ်ပြီးနောက် ပထမဆုံးစားသောက်တာ ဖြစ်တဲ့အတွက် မုန်လာဥနီနဲ့ ပန်းသီးသတ္တုရည်သောက်၊ ချင်းလက်ဖက်ရည်သောက်ရုံနဲ့ ကောင်းကောင်းကြီး လုံလောက်ပါပြီ။ ဒါမှ အစာအိမ်၊ အူတို့ကို ၀န်ထုပ်မပိစေမှာဖြစ်တယ်။ နှစ်မျိုးလုံးက အရည်တွေဖြစ်နေတဲ့အတွက် အစာအိမ်နဲ့ အူတွေအစာချေတဲ့ အလုပ်တာဝန်ကို ရှောင်စေနိုင်တယ်။ အဲဒီလိုဆိုတော့ ခန္ဓာကိုယ်ကလိုအပ်တာကို သတ္တုဓာတ်တွေ၊ ဗီတာမင်တွေ ကာဘိုဟိုက်ဒရိတ်တွေကို ပြုလုပ်ဖန်တီးတဲ့ဘက်မှာ ပိုပြီး လုပ်ဆောင်စေနိုင်မှာ ဖြစ်တယ်။
ဟင်းသီးဟင်းရွက်များနဲ့ သစ်သီးတွေဟာ ကျန်းမာရေးအစားအသောက်များဖြစ်တယ်လို့ အများက အသိအမှတ်ပြုကြတယ်။ ဒါပေမယ့် ဒီအစာနှစ်မျိုးတို့ဟာ အရည်ဓာတ်တွေများပြားတဲ့အပြင် သစ်သီးတွေဆိုရင် ရေခဲသေတ္တာထဲထားပြီးမှ စားကြတာများတယ်။ ဒါကြောင့် ကိုယ်ခန္ဓာကို အေးစေတဲ့ သတ္တိရှိတယ်။
ဟင်းသီးဟင်းရွက်အစိမ်းစားမယ်ဆိုရင် ကိုယ်နွေးဓာတ်မြင့်တက်စေတဲ့ ကြက်သွန်၊ မုန်လာဥနီတို့နဲ့ တွဲစားသင့်တယ်။ ဒါမှ အပူအအေး မျှတသွားပါတယ်။ အသီးအရွက် သုတ်စားတယ်ဆိုရင်လည်း ကြက်သွန်နီတို့ ငရုတ်သီးတို့ထည့်ပြီးမှ ရောသုတ်တာပိုကောင်းတယ်။ သစ်သီးအနေနဲ့ ပန်းသီး၊ ချယ်ရီသီးတို့ဟာ ခန္ဓာကိုယ်ကို အေးစေမှာမဟုတ်ပါဘူး”
မောင်မောင်လိူင် (အပ်စိုက်ကု) (HEALTH CARE JOURNAL)