ကမ္ဘာ့အကြီးဆုံး စာအုပ်ထဲမှ ပန်းကလေးတစ်ပွင့်
ဘုရားတန်ဆောင်းအတွင်း အုတ်ခုံပေါ်တွင် ထိုင်နေသည့်သမီးရည်းစားစုံတွဲ တစ်တွဲရှေ့၌ရပ်ကာ စံပယ်ပန်းကုံးတစ်ကုံးချိတ်ထားသည့် လက်ကိုဆန့်တန်းလိုက်သည်။ အမျိုးသမီးဖြစ်သူက သူမရှေ့ တွင်ရပ်နေသည့် ကလေးငယ်နှင့်ငါးမိနစ်ခန့် စကားပြောပြီး ပန်းတစ်တွဲကိုယူကာ ငါးရာတန်တစ်ရွက် ကို ထုတ်ပေးနေသည်။ ကလေးငယ်က ငါးရာတန်ကိုလက်ထဲတွင်ပိုက်ထားသည့် စကောဗန်းထဲသို့ ထိုးထည့်လိုက်ပြီး ပန်းဝယ်မည်ဟု ယူဆရသည့်နောက်ထပ်ဧည့်သည်များကို ဘုရားဝင်းတစ်ပတ်ပတ် ကာရှာဖွေနေသည်။
မင်းတုန်းမင်းတရားကြီး တည်ထားခဲ့သည့် မန္တလေးမြို့ရှိ ကျောက်တော်ကြီးဘုရားအတွင်းသို့ လာ ရောက်သည့်ဧည့်သည်များအား တစ်မနက်ခင်းလုံးပန်းလိုက်ရောင်းနေသည့် မိန်းကလေးငယ်တစ်ဦး၏ ပုံရိပ်များပင်ဖြစ်သည်။
ကမ္ဘာ့အကြီးဆုံးစာအုပ်ကြီးဟု ထင်ရှားပြီးနိုင်ငံခြားသားခရီးသွား ဧည့်သည်ရော ပြည်တွင်းခရီးသွား ဧည့်သည်များပါ နေ့စဉ်စည်ကားနေသည့် အဆိုပါဘုရားကြီးကို မှီခိုပြီးအသက်မွေးဝမ်းကျောင်းရှာနေ ရသူများကလည်း ဒုနဲ့ဒေး။ ၎င်းတို့အထဲတွင် မျိုးရိုးစဉ်ဆက်ပန်းရောင်းကာ အသက်မွေးခဲ့သည့် ၎င်းတို့ မိသားစုတစ်စုမှာလည်း တစ်စုအပါအဝင်ပင်ဖြစ်သည်။
သနပ်ခါးပါးပါးကို ညက်နေအောင်လိမ်းထားသည့်မျက်နှာပေါ်တွင် သနပ်ခါးထူထူကို သစ်ရွက်ပုံဖော်ပြီး ထပ်လိမ်းထားသည်။ နှုတ်ခမ်းတွင်ပန်းရောင် နှုတ်ခမ်းဆိုးဆေးကို ဆိုးထားသည်။ ကုပ်ထိအောင်ရှည် နေပြီဖြစ်သည့် ကျစ်ဆံမြီးကျစ်ထားသည်။ အနည်းငယ်ဟောင်းနွမ်းနေသည့် စကတ်တိုနှင့် နှစ်ထပ် အင်္ကျီကိုဝတ်ထားသည်။ ထိုသို့အပျိုမကြီးပုံစံဖမ်းထားသော်လည်း ငယ်သွားလဲရန်ကျိုးနေသည့်သွား လေးများ၊ ဖြူဖွေးနေသည့်မျက်လုံးအတွင်းသားများနှင့် မည်းညစ်နေသည့်ခြေလက်များကတော့ အပြစ် ကင်းစင်နေသည့် ကလေးငယ်တစ်ဦးရဲ့ သွင်ပြင်လက္ခဏာများ အထင်းသားပေါ်စေသည်။ သူမ၏နာ မည်အပြည့်အစုံမှာ ယဉ်ယဉ်ချောဖြစ်သည်။
ကျောက်တော်ကြီးဘုရားဝင်း ပရိဝုဏ်အတွင်းတွင် အသက် ၂ နှစ်ခွဲခန့်အရွယ်ကတည်းက ပန်းရောင်း ခဲ့သည့် ယဉ်ယဉ်ချောမှာ ယခုအသက် (၇) နှစ်ကျော်ရှိပြီဖြစ်သည်။ ပန်းရောင်းခဲ့သည့် သက်တမ်းမှာ လည်း လေးနှစ် ခွဲကျော်ငါးနှစ်အတွင်းသို့ပင် ဝင်တော့မည်။ အဘွားဖြစ်သူ လက်ထက်မှ သူမ၏အမေ ဖြစ်သူပါမျိုးရိုးစဉ်ဆက် ပန်းရောင်းခဲ့သည့်ကျောက်တော်ကြီး ဘုရားဝင်းအတွင်းပင် သူလည်းပန်း ရောင်းတာဝန်ကို ဆက်လက်တာဝန်ထမ်းဆောင်နေခြင်းဖြစ်သည်။
အဖေဖြစ်သူဆုံးပါးပြီး အမေကလည်း နောက်အိမ်ထောင်ပြုခဲ့သည့်အတွက် ယဉ်ယဉ်ချောတစ်ယောက် အဘိုးအဘွားများနှင့်သာ အတူနေထိုင်သည်။ အဘိုးအဘွားကိုပင် အဖေ၊ အမေအဖြစ်ပင် ပြောင်းလဲ ခေါ်ဝေါ်သုံးစွဲခဲ့သည်မှာ သူသိတတ်စအရွယ်မှပင်ဖြစ်သည်။ သူ၏အဘိုးက စာကလေးအစာရောင်းပြီး အဘွားကတော့ အိမ်မှုကိစ္စများကိုသာ တာဝန်ယူထားသည်။ တစ်နေ့တာ ပန်းရောင်းရသမျှ ငွေများ အားလုံးကိုလည်း ရေတွက်မနေဘဲ အဘွားလက်သို့ပင် အကုန်ပေးသည်။ ဘုရားဖူးဧည့်သည်များလျှင် များသလိုယဉ်ယဉ်ချော၏ တစ်နေ့ပန်းရောင်းရငွေမှာ အများဆုံးကျပ်ငါးထောင်ခန့်အထိ ရတတ်သည်။
တစ်ခါတစ်ရံ ပန်းရောင်းရငွေများထဲမှ ငွေတစ်ရာ၊ နှစ်ရာကိုဘုရားဘဏ္ဍာငွေ အလှူခံသည့် ပုံးအတွင်း ထည့်တတ်သေးသည်။ "အဲဒီလိုထည့်ရင် ပန်းများများပိုရောင်းရတတ်တယ်။ များများရောင်းရတော့ စောစောပြန်ရတယ်" ဟု ယဉ်ယဉ်ချောကပွင့်လင်းသွက်လက်စွာ ပြောသည်။
လက်ရှိအချိန်တွင် မူလတန်းတက်နေရပြီဖြစ်သည့်အတွက် ယခင်ကလို တစ်နေကုန်ပန်းမရောင်းနိုင် တော့ပါ။ ညနေအချိန်ပိုကျောင်းဆင်းပြီး လေးနာရီနောက်ပိုင်းအချိန်များတွင်သာ အချိန်လုကာပန်း ရောင်းနေရသည်။ ယင်းအချိန်ပိုင်းအတွင်း သူ၏ပန်းရောင်းရကြေးက ငွေတစ်ထောင်ကျော်သည်။
ကျောင်းချိန်နှင့်တိုက်၍ ပန်းမရောင်းနိုင်တော့သည့်အတွက် အဘိုးဖြစ်သူ၏ စာကုသိုလ်ရောင်းရငွေများ နှင့်သာ မိသားစုနေ့စဉ်စားစရိတ်အတွက် ရပ်တည်နေရသည်။ အချိန်ပိုင်းပန်းရောင်းရသည့်ငွေများကို မူကျောင်းအချိန်ပိုကြေး တစ်လလေးထောင် အချိန်မှန်ပေးရန်အတွက် အဘွားက သီးသန့်စုပေးထား သည်။
ကျောင်းတက်နေသည့်ရက်များတွင်လည်း တစ်ရက်မှကျောင်းပျက်မခံဘဲ နေ့စဉ်အိမ်စာများကို အကြွေးမထားဘဲ စိတ်ပါလက်ပါ လုပ်တတ်သောကြောင့် ပြီးခဲ့သည့်လပတ်စာမေးပွဲတွင် အဆင့်လေး နေရာရခဲ့သေးသည်။
အသက် ၇ နှစ်အရွယ်သာရှိသေးသည့် ကလေးငယ်တစ်ဦးအနေဖြင့် လိုချင်စရာအဆန်းအပြားပစ္စည်း များကလည်း ပေါများလှသည်။ တစ်ခါတစ်ရံ သူလိုချင်လွန်းလှသည့် ဒေါက်ဖိနပ်၊ ကွန်ပါဘူးကဲ့သို့ သော ပစ္စည်းများကို ဝယ်ပေးရန်အဘိုးအဘွားများထံသို့ ရှားရှားပါးပါး ပူဆာတတ်သေးသည်။ မဝယ် ပေးလျှင်လည်းခဏတိုင်းနားပူနားဆာလုပ်တတ်သူ မဟုတ်ကြောင်းသူမ၏ အဘွားဖြစ်သူဒေါ်ရင်သန်း ကယဉ်ယဉ်ချော၏ ဆံပင်များကို ဖြီးသင်ပေးနေရင်းပြောသည်။
သူပန်းရောင်းရနေသည်ကို သတိထားမိသည့် နိုင်ငံခြားဧည့်သည်အချို့ကလည်း ၎င်းတို့တွင်ပါလာ သည့် သော့ချိတ်များ၊ အရုပ်များ၊ ဖောင်တိန်များ မကြခဏပေးသွားတတ်သည်။ တစ်ခါကလည်း နိုင်ငံ ခြားသားတစ်ဦးက ပြည်ပမဂ္ဂဇင်းတစ်အုပ်ထဲတွင် ပါလာသည့်သူမရယ်နေသည့်ပုံကို ဖြဲကာလက် ဆောင်ပေးခဲ့ဖူးသည်။ ထိုစာမျက်နှာအား ယနေ့အချိန်ထိ သူအိပ်သည့်ခေါင်းရင်းတွင် ကပ်ပြီးထားထား သည်ဟု ယဉ်ယဉ်ချောက ဆေးဆိုးထားသည့် နှုတ်ခမ်းပါးကို ကော့ပျံနေအောင် ပြုံးရယ်ရင်းပြော သည်။
လက်ရှိအချိန်တွင် စားဝတ်နေရေးအတွက် ကျောက်တော်ကြီးဘုရားတွင် ပန်းရောင်းနေရသော်လည်း သူကြီးလာလျှင် ဆရာဝန်မကြီး (သို့မဟုတ်) ဧည့်လမ်းညွှန်လုပ်လိုသည်။
"အဘွားက ရောင်းခိုင်းလို့သာရောင်းရတာ။ ဒေါက်တာဆရာမကြီးဖြစ်ချင်တာ။ တိုးရစ်ဂိုက်မကြီးလည်း ဖြစ်ချင်တယ်။ တိုးရစ်ဂိုက်အစ်မတစ်ယောက်ကဆို အခုချိန်ထိ ဘုရားလာတိုင်းမုန့်ဖိုးတွေပေးတယ်" ဟု ယဉ်ယဉ်ချောက နာမည်ကိုစာရွက်ပေါ်တွင် လက်သေးသေးလေးများဖြင့် ရေးပြနေရင်းပြောသည်။
ပညာတတ်ကြီးတစ်ယောက်အထိဖြစ်ရန် ယဉ်ယဉ်ချောတစ်ယောက် စိတ်ကူးယဉ်နေသော်လည်း အဘွားဖြစ်သူကမူ ရည်းစားထားပြီး စိတ်လေလွင့်မည်ကို စိုးရိမ်သောကြောင့် ငါးတန်းထိသာ ကျောင်း တက်ခိုင်းပြီး စက်ပန်းထိုးပညာရပ်ဖြင့် အိမ်တွင်းတွင်ပင် အလုပ်လုပ်ခိုင်းရန် စိတ်ကူးထားသည်ဆိုပါ သည်။ ဆယ်ကျော်သက်အရွယ် သမီးရည်းစားစုံတွဲများစွာ ကျောက်တော်ကြီး ဘုရားဝင်းအတွင်း လာရောက်နေကြသည်ကို မြင်တွေ့နေရသည့် ဒေါ်ရင်သန်းတစ်ယောက် မြေးဖြစ်သူအပေါ် စိတ်အပူကြီးပူကာ အိမ်တွင်ပင် အလုပ်လုပ်စေရန် စီစဉ်နေခြင်းဖြစ်သည်။
"စာလည်း တတ်စေချင်တယ်။ ရှစ်တန်း၊ ကိုးတန်းရောက်လို့ စရိတ်စကကြီးတာကတစ်မျိုး၊ ပျက်ဆီးမှာ စိုးတာကလည်း တစ်မျိုး၊ စိတ်ပူနေရမှာကြောင့် ငါးတန်းလောက်ပြီးရင် စက်ပန်းထိုးသင်ပေးဖို့တော့ စီစဉ်ထားတာပဲ" ဟုဒေါ်ရင်ရင်သန်းက ပြောသည်။
ယဉ်ယဉ်ချောမှာ ကျောက်တော်ကြီးဘုရားသို့ လာရောက်သည့်ပြည်တွင်း၊ ပြည်ပခရီးသွားဧည့်သည် များအကြားတွင် ထင်ရှားကျော်ကြားသကဲ့သို့ ပြည်ပခရီးသွားများလာသည်နှင့်အမျှ နိုင်ငံခြားတွင် လည်း သူပုံရိပ်များကပျံ့နှံ့နေပြီဖြစ်သည်။ ပြီးခဲ့သည့်လေးနှစ်တာကာလအတွင်းတွင် ကျောက်တော် ကြီးဘုရားသို့ အလည်ရောက်ခဲ့ဖူးသည့် ခရီးသွားဧည့်သည်များမှ သူနှင့်ပတ်သက်သည့် အချက်အ လက်များ ပြန်လည်ဖြန့်ဝေမှုကြောင့် သူနှင့်တွေ့ဆုံရန် ကျောက်တော်ကြီးဘုရားသို့ တကူးတကလာ ရောက်ကြရသည့် နိုင်ငံခြားသားများလည်း ရှိသည်ဟုမန္တလေးမြို့ခံ နိုင်ငံခြားသားစကားပြန်တစ်ဦးက ပြောသည်။
ပန်းဗန်းကိုရွက်ကာတစ်မျိုး၊ ပိုက်ကာတစ်မျိုးဖြင့် ရယ်နေသည့်သူ၏ ပုံတူများမှာလည်း ပြည်တွင်းမှ ဓာတ်ပုံပညာရှင်များ၊ ပန်းချီပညာရှင်များ၏ ပတ်ဝန်းကျင်အသိုင်းအဝိုင်းတွင်သာမက ပြည်ပပညာရှင် များအထိပင် ပျံ့နှံ့နေပြီဖြစ်သည်။
ကလေးငယ်တစ်ဦး ဈေးရောင်းနေသည်ဖြစ်သည့်အတွက် ကလေးသူငယ် အခွင့်အရေးများနှင့် ငြိစွန်း မှုများရှိနေနိုင်သော်လည်း သူ၏ချစ်စရာကောင်းလွန်းသည့် သွင်ပြင်လက္ခဏာများကြောင့် ခရီးသွား ဧည့်သည်များမှအစ ပညာရှင်အဆင့် ဓာတ်ပုံရိုက်သူများပါ သူ၏ပုံကိုမှတ်တမ်းတင်ရန် စိတ်အားထက် သန်သွားတတ်ကြသည်ဟု မန္တလေးမြို့မှဓာတ်ပုံပညာရှင် မောင်ဘဦး (မန္တလေး) ကပြောသည်။ ဓာတ်ပုံထဲတွင် သူ၏ပုံရိပ်များအသက်ဝင်ပြီးလှနေစေသည့် လျှို့ဝှက်ချက်မှာ အသံထွက်အောင် ရယ်ခြင်းပင်ဖြစ်သည်။
သူ့ကိုပုံတူပန်းချီရေးဆွဲရန် အုပ်ထိန်းသူလက်မှတ်ထိုးပေးရန် နိုင်ငံခြားသူအမျိုးသမီးတစ်ဦးက တောင်း ဆို၍ထိုးပေးခဲ့ရဖူးသည်။ ပြည်တွင်းပညာရှင်တစ်ဦးကလည်း သူ၏တစ်နေ့တာဖြတ်သန်းပုံများကို အသေးစိတ်မှတ်တမ်း ဓာတ်ပုံယူသွားခဲ့ဖူးသည်။ သို့သော်လည်း သူ၏ပုံရိပ်ကို အသုံးပြုသည့်အတွက် အခကြေးငွေ တစ်စွန်းတစ်စမှ မရရှိခဲ့ဖူးသေးပါ။ သူ၏ဓာတ်ပုံများကို ပြည်တွင်း၊ ပြည်ပတွင် ပြပွဲများ၊ မဂ္ဂဇင်းများတွင် ထည့်သွင်းအသုံးပြုပြီး အကျိုးအမြတ်များ ခံစားနေရသော်လည်း မိသားစုမှာမူ ယနေိ့ အချိန်ထိ နေ့စဉ်စားဝတ်နေရေး ပူပန်နေရဆဲဖြစ်သည်။
စနေ၊ တနင်္ဂနွေကျောင်းပိတ်ရက်လည်းဖြစ်၍ တစ်နေကုန်ပန်းရောင်းရန် ဘုရားဝင်းအတွင်း ရောက်နေ သည့် ယဉ်ယဉ်ချောတစ်ယောက် ထမင်းစားနားနေသည်မှာ နှစ်နာရီနီးပါးရှိတော့မည်။ နံနက်ခင်းတစ် ပိုင်းလုံး ပန်းရောင်းခဲ့ပြီး နေ့လယ် ၁၂ နာရီကတည်းက အနားယူခဲ့သည်မှာ ယခုနှစ်နာရီထိုးခဲ့ပြီ ဖြစ် သည်။ ပန်းသွားမရောင်းမီ မျက်နှာပေါ်မှာ သနပ်ခါးနှင့်နှုတ်ခမ်းနီအား အဆင်ပြေ၊ မပြေ မှန်ကိုတစ် ချက်ကြည့်လိုက်ပြီး ပန်းဗန်းကို ခေါင်းပေါ်ရွက်တင်လိုက်သည်။
ညနေစောစောပြန်ရရေးအတွက် ဗန်းအတွင်းမှလက်ကျန်ပန်းအားလုံးကို အမြန်ရောင်းထွက်စေရန် ဘုရားဘဏ္ဍာငွေ အလှူခံသည့်ပုံးအတွင်းသို့ တစ်ရာကျပ်သွားထည့်လိုက်သည်။ ထို့နောက်ဘုရား အတွင်းသို့ ဝင်လာသည့်ဝဝဖိုင်ဖိုင် အသက်ခပ်ကြီးကြီး နိုင်ငံခြားသားစုံတွဲဆီသို့ ပန်းသွားရောင်းနိုင်ရန် ခြေလှမ်းပြင်လိုက်သည်။ ခေါင်းပေါ်ရွက်ထားသည့် ပန်းဗန်းကလေးကလည်း ယဉ်ယဉ်ချောခေါ်ရာ နောက်သို့ မလိုက်ချင်၊ လိုက်ချင်နှင့် တလှုပ်လှုပ်။
7Day News Journal
Vol.12, No.49, Feb.12, 2014