Cirrhosis Diet အသဲခြောက် အစားအသောက်

By

ဆရာ ကျွန်တော်က နယ်စပ်မှာ ကျန်းမာရေးလုပ်သားဆေးမှူးလုပ်နေပါတယ်။ ဆေးစာတွေမှာ အသဲခြောက်နေသူဟာ အသားဓါတ်မစားနဲ့ စားပါဆိုပြီး ဖတ်ရတယ်ဆရာ။ ဘယ်ဟာက မှန်ပါသလဲ။

• အသဲခြောက်နေသူဟာ အသီးတွေ၊ အသီးအနှံတွေ၊ ဖြူဖွေးသွားအောင်လုပ်မထားတဲ့ ဆန်-ဂျုံ နဲ့ အဲဒီကလုပ်တဲ့ အစားအစာတွေနဲ့ သင့်တော်တဲ့ (ပရိုတင်း) ဓါတ်ပါအစားတွေက ကောင်းပါတယ်။
• နေ့စဉ်ဗီတာမင်တွေပါဖြည့်သောက်တာ ကောင်းတယ်။ (ကေ)၊ (အေ)၊ (ဒီ) နဲ့ (အီး) လိုနိုင်တယ်။ သိထားဘို့က မျှတ-လုံလောက်တဲ့ အစားအစာတွေစားနေသူမှာ ဒီဗီတာမင်တွေက ပါနေပြီးဖြစ်တယ်။
• ဘာတွေရှောင်ရမလဲ (၁) အရက် နဲ့ (၂) အဆီများအစားအသောက်တွေဖြစ်တယ်။
- အသဲခြောက်တာက အရက်မသောက်လဲ ဖြစ်ပေမဲ့ အသဲခြောက်နေသူတိုင်း အရက်ရှောင်သင့်တယ်။
- အဆီကို အသဲ (အသဲအရည် + သည်းခြေရည်) ကချက်လုပ်တာမို့ အသဲခြောက်နေရင် မချက်နိုင်ပါ။ သတိထားဘို့က အဆီ+ ဆီကို လုံးဝရှောဘို့မဟတ်ုပါ။ အနည်းဆုံးလိုအပ်ချက်ရဘို့လိုတယ်။ ဒါကြောင့် ကောင်းတဲ့ဟင်းချက်ဆီ၊ အစေ့အဆံတွေ၊ ငါးနဲ့ အသီးအနှံအဆီတွေစားသင့်ပါတယ်။

• အသဲခြောက်သူတွေမှာ နောက်ဆက်တွဲဖြစ်နိုင်တာ (၃) မျိုးရှိတယ်။ (၁) Ascites ရေဖျင်း၊ (၂) Hypoglycemia သကြားဓါတ်နည်းတာနဲ့ (၃) Encephalopathy ဦးနှောက်ထိခိုက်တာ။

• Ascites ရေဖျင်းရှိနေသူဆိုရင် ဆားလျှော့ရမယ်။ ခေတ်ပေါ် ဆိုင်ကနေ အလွယ်ဝယ်ရတဲ့ အစားအသောက်တွေမှာ (ဆိုဒီယမ်) ဓါတ် များကြတယ်။

• Hypoglycemia သကြားဓတ်နည်းနေသူဆိုရင် အစားကို အကြိမ်များများ စားပေးရမယ်။

• Encephalopathy ဦးနှောက်ကိုထိခိုက်မှုရှိနေသူဆိုရင် အသဲရောင်နေသူတွေလိုဘဲ (ပရိုတင်း) ဓါတ်ကို နိုင်အောင် အလုပ်လုပ်မပေးနိုင်ဘူး။ ဒါကြောင့် သွေးထဲမှာ (ပရိုတင်း) ဓါတ်တွေ ပိုများနေမယ်။ (အမိုးနီးယား) ဓါတ်တွေ များနေမယ်။ ဦးနှောက်ကို ထိခိုက်စေတယ်။ ဒါကြောင့် (ပရိုတင်း) လျှော့စားသင့်တယ်။

ဒေါတာတင့်ဆွေ
၂၃-၂-၂ဝ၁၄

ဆက်စပ်ဖတ်ရှုရန် အကြောင်းအရာများ...

သင့်ခန္ဓာကိုယ်က ပြောသော သင့်ကျန်းမာေ...

မျက်ခုံးတွေ ဘာလို့ လှုပ်နေတာလဲ၊ မျက်...

ရွှေချဉ်ပေါင်၏ ကျန်းမာရေး လျို့ဝှက်...