Pregnancy and Placenta praevia အချင်းနေရာ အရေးကြီးပါတယ်
(၁) ကိုယ်ဝန်ဆောင်နေစဉ် အချင်းအောက်ရောက်နေလို့ ဖြစ်လာနိုင်တဲ့ပြဿနာတွေကို သိချင်ပါတယ်။ အခု သမီး ကိုယ်ဝန် ၁၄ ပါတ် ရှိနေပါပြီ။
(၂) အသက်က ၃၄ ပါ။ အခုဆေးရုံမှာပါ။ အရင်က ၂ဝဝ၂မှာခွဲစိတ်ပြီးမွေးဖွားခဲ့ပြီးသားပါ။ယခု ဒုတိယအကြိမ်ပါ။ ခက်နေတာက့့ မှာ ရောက်ရှိနေခြင်းပါ။ ကိုယ့်နိုင်ငံမဟုတ်တဲ့အတွက် အားငယ်ရပါတယ်။ ဘာသာစကား ကျွမ်းကျင်ပေမဲ့လည်း ဆေးပညာနဲ့ကြ အလှမ်းဝေးပါတယ်။
အခုလို ဒေါက်တာရှင်းပြမှနားလည်ရပါတယ်ကျေးဇူးပါ။ ဒါပေမဲ့ဆိုးရိမ်ရပါ။ သလားရှင်။ ကလေးရော ဘာထိခိုက်မှုမျိုးဖြစ်နိူင်ပါသလဲ။ ခွဲမွေးရမှာပါ။ Type 4 ပါ။ ကိုယ်ဝန်စရှိထဲက အချင်းအောက်မှာဆိုတာ သိခဲ့ရပြီးပါပြီး ဂရုစိုက်ခဲ့ပါတယ်။ ကိုယ်ဝန် ၃၃ ပတ်မှာသွေးဆင်းလို့ ဆေးရုံ တက်ရပါတယ်။ အခု ၃၅ ပတ်နဲ့ ၄ ရက်ရှိပါပြီ။့့ ရက်နေ့ ခွဲရမှာပါ။ အစိုးရဆေးရုံဆိုတော့ အစစအရာရာဂရုဆိုက်ပါတယ်။ သွေးလည်းအရမ်းလိုမှာဆိုပြီး ပြင်ဆင်ထားပြီးပါပြီ။ ခက်တာကဘာသာစကားပါ။ ဆေးပညာက ကိုယ်နဲ့အစိမ်းဆိုတော့ သူတို့ရှင်းပြပေမဲ့ အကုန်နားမလည်နိူင်ဘူး။ ဒေါက်တာကို အများကြီးကျေးဇူးတင်ပါတယ်။ ကလေးနဲ့ မိခင်ရဲ့အခြေအနေ ဒေါက်တာရဲ့ထင်မြင်ချက်ကိုသိခြင်လို့ပါ။ အခုလောလောဆယ်တော့သွေးမဆင်းတော့ပါ။ ၂ ခါတိတိဆင်းခဲ့ပါတယ်။ နည်းနည်းလေးပါ။ ဒါပေမဲ့ ချောကလက်ရောင်ပေါ့။
Type IV ဆိုတာ Placenta previa အချင်းရှေ့ရောက် အဆင့် (၄) ကိုပြောတာဖြစ်မယ်။ အချင်းက သားအိမ်အဝ အတွင်းပေါက်ကို ဖုံးနေတာဖြစ်တယ်။ ခွဲမွေးမှသာရမယ်။
ကိုယ်ဝန်ဆောင်မှာ အချင်းဘယ်နေရာရှိသလဲဆိုတာ အရေးကြီးပါတယ်။ ပုံမှန်က အချင်းဟာ သားအိမ်ရဲ့ အပေါ်ပိုင်းမှာသာ ရှိရမယ်။ အပေါ်ဆိုရင် ရှေ့-နောက်-ထိပ်-ဘယ်-ညာ ဘယ်မှာရှိရှိ ပုံမှန်ဖြစ်တယ်။ အောက်ပိုင်းဆိုတာ သားအိမ်အဝနဲ့ နီးတဲ့အပိုင်းကိုခေါ်တယ်။ သားအိမ်အောက်ပိုင်းက အရေးကြီးတယ်။ LSCS ဗိုက်ခွဲပြီး ကလေး မွေးရရင် အဲဒီနေရာမှာသာ ကန့်လန့်ဖြတ်ခွဲရတယ်။ ကိုယ်ဝန် ၂၅ဝ မှာ ၁ ယောက်ရှိနိုင်တယ်။
“အချင်းနေရာလွဲနေတယ်”၊ “အချင်းအောက်ကျနေတယ်” လို့ခေါ်ပေမဲ့ အမှန်က “အချင်းရှေ့ရောက်နေတယ်” လို့ ခေါ်တယ်။ အချင်းက ကလေးရှေ့မှာ ရောက်တာကို ပြောတာပါ။ မီးဖွါးတဲ့အခါ ရှေ့ရောက်နေတာက အရင်ထွက်ရလို့ အချင်းမထွက်ဘဲ ကလေးကမထွက်နိုင်ဘူး။ အချင်းက သားအိမ်အတွင်းနံရံကနေ ကွာတာနဲ့ ကလေးဆီ သွေးရောက်တာ နည်းနည်းလာပြီး ကလေးဒုက္ခရောက်မယ်။
Antepartum haemorrhage (APH) မမွေးမီ သွေးဆင်းခြင်း
ကိုယ်ဝန်နုတုံး သွေးဆင်းရင် Abortion/Miscarriage ကိုယ်ဝန်ပျက်မလား စိုးရိမ်ရတယ်။ ကိုယ်ဝန်ရင့်လာမှ သွေးဆင်းရင် အချင်းမှာ ပြဿနာရှိလို့ ဖြစ်မယ်။ အချင်းပြဿနာမှာ နှစ်မျိုးရှိတယ်။ (၁) Placental abruption သားအိမ်တွင်းမှာ အချင်းကွာခြင်း နဲ့ (၂) Placental Previa အချင်း ရှေ့ရောက်ဖြစ်ခြင်း။
အချင်းက ကိုယ်ဝန် ၁၆ ပါတ်မှာ သားအိမ် အတွင်းမျက်နှာပြင်ရဲ့ ၂၅-၅ဝ% ကို နေရာယူထားတယ်။ တတိယ ၃ လပါတ်ထဲ ရောက်ရင် သားအိမ်-အောက်ပိုင်း Lower uterine segment ဆိုတာ ဖြစ်လာတယ်။ ဒါကြောင့် အတွင်းမျက်နှာနေရာ ပိုကျယ်လာတယ်။ ဒါကြောင့် သားအိမ်အဝနဲ့ဝေးတာ ဖြစ်လာနိုင်ခြေရှိတယ်။ ကိန်းဂဏန်းနဲ့ ပြောရရင် ဒုတိယ ၃ လထဲမှာ အဆင့် (၃) လုံးလုံး ပိတ်နေသူတွေထဲက ၉ဝ%၊ နဲနဲသာပိတ်နေသူတွေထဲက ၉၅% တွေဟာ သူ့အလိုလို အခြေအနေ ကောင်းလာနိုင်တယ်။ အချင်းနေရာ ပြောင်းတာမဟုတ်ပါ။ သာအိမ် အတွင်းမျက်နှာပြင် ကျယ်လာတာလို့ ဖြစ်ပါတယ်။
အချင်းရှေ့ရောက်ဖြစ်ရသူတွေထဲမှာ -
- အသက်ကြီးသူ၊ ငယ်လွန်းသူတွေကိုလဲ ထည့်နိုင်တယ်။
- ကလေးအမွေးများသူ၊
- အမွှာဖြစ်လို့၊ ဒါမှမဟုတ် Erythroblastosis ဖြစ်လို့ အချင်းအရွယ် သိပ်ကြီးနေသူ၊
- အရင်ကလဲ LSCS သားအိမ်ကိုခွဲစိတ်ခံရဘူးသူ၊ D and C သားအိမ်ခြစ်ဘူးသူတွေ ပါနေတယ်။
သတိထားစရာတခုရှိတယ်။ ကလေးမီးဖွါးတော့မယ်ဆိုရင် ဗိုက်နာနေရင်းနဲ့ သွေးဆင်းတာက ပုံမှန်ပါ။ ဒါပေမဲ့ Blood + Mucus သွေးနဲ့ အကျိအချွဲ ရောဆင်းတာကို Show ခေါ်တယ်။ APH ဖြစ်လို့ သွေးက နီနီရဲရဲ၊ ဗိုက်လဲမနာဘဲ ဆင်းတယ်။ နေ့လည်ခင်းမှာ စဆင်းတာများတယ်။ ကိုယ်ဝန် ၂၄ ပါတ် ကျော်သူတွေမှာ အဲလိုဖြစ်ရင် အချင်းရှေ့ရောက်ကို သံသယ ရှိရတော့မယ်။ နုသေးရင် Abortion ကိုယ်ဝန်ပျက်စာရင်းထဲဝင်မယ်။
မမွေးမီ သွေးဆင်းခြင်း ၃ ပုံ ၁ ပုံမှာ အချင်းရှေ့ရောက်လို့ ဖြစ်ရတယ်။ APH လို့ လူနာမှတ်တမ်းမှာ ရေးထားပြီဆိုရင် ဗိုက်ခွဲမွေးရမယ်လို့ တန်းသိရတယ်။ မခွဲခင်မှာလဲ သွေးဆင်းလို့ ဂရုစိုက်ရတယ်။ ဘာလို့ဖြစ်သလဲ ပြောမရပါ။ တကြိမ်အဲလိုဖြစ်ပေမဲ့ နောက်ကိုယ်ဝန်မှာလဲ ဆက်ဖြစ်မယ်လို့ မရှိပါ။ ကိုယ်ဝန်ဆောင်နေတုံး ဗိုက်မနာဘဲ သွေးနီနီရဲရဲ ဆင်းရင် ဒါကိုသံသယရှိရမယ်။ ဆင်းကစ သွေးကနည်းပေမဲ့ တဖြေးဖြေးများများလာမယ်။
ဗိုက်စမ်းရင် ကလေးအနေအထားက ကန့်လန့်လိုဖြစ်နေမယ်။ အချင်းရှေ့ရောက်လို့ထင်ရင် VE မွေးလမ်းကို လက်နဲ့ စမ်းတာမှာ အထူး သတိထားရတယ်။ စမ်းတဲ့လက်က သားအိမ်အဝမှာ ဘာရှိသလဲ သေခြာအောင်စမ်းရင်း ကပ်နေတဲ့အချင်းကို စမ်းတဲ့လက်နဲ့ ထိုးခွါပေးသလို ဖြစ်တတ်တယ်။ လုပ်မယ်ဆိုရင်လဲ ကြိုတင်ပြင်ဆင်မှုတွေ ရှိထားရမယ်။ သွေးအများကြီးဆင်းရင် သွေးသွင်းဘို့၊ ခွဲစိတ်ခန်း ပြင်တင်ထားဘို့လိုမယ်။
တောမှာ ဒါမှမဟုတ် ခွဲစိတ်ကရိယာ မရှိတာမျိုးကြုံရင် မွေးလမ်းကနေ မွေးပေးနည်းလဲ ကြံဖန်နိုင်ပါသေးတယ်။ မအေကို ကယ်ဘို့သာ ဖြစ်ပါတယ်။
အချင်းက သားအိမ်အဝကို ဘယ်လောက်အထိဖုံးသလဲဆိုတာကို အမှတ်ပေးစနစ် (၁၊ ၂၊ ၃၊ ၄) နဲ့ အဆင့် ခွဲထားတယ်။ အမှတ် (၁) နဲ့ (၂) ဆိုရင် မွေးလမ်းကြောင်းကနေ မွေးလို့ရနိုင်တယ်။ ဒီလိုအချင်းတည်နေရာကို ကိုယ်ဝန် ဒုတိယ ၃ လပိုင်းမှာ (အာလ်ထွာဆောင်း) ရိုက်ပြီး သိနိုင်တယ်။ စောရင် မသေချာသေးဘူး။ ဆီးအိမ်သိပ်တင်းနေရင်၊ သားအိမ်အလုံးက ခပ်ဆင်ဆင်တူနေရင် (အာလ်ထွာဆောင်း) ဖတ်တာကို လွဲစေနိုင်တယ်။
(အာလ်ထွာဆောင်း) အဖြေမှာ Low lying placenta အချင်းအောက်ဖက်မှာ ရှိနေတယ်ဆိုရင် မူမမှန် ဖြစ်နေတာပါ။ Emergency အရေးကြီးတယ်။ ကလေးဟာ ကိုယ်ဝန် ဘယ်အရွယ်ရနေနေ မွေးလမ်းကြောင်းကနေ ဖွါးလို့ မရနိုင်ပါ။ ကိုယ်ဝန် ရင့်တာဆိုရင် သေခြာပေါက် Caesarean section (LSCS) ဗိုက်ခွဲမွေးရတယ်။
အချင်းရှေ့ရောက်ဆိုတာ သိတာနဲ့ ကိုယ်ဝန်ဆောင်ကို လုံးဝနားစေရမယ်။ လိုမယ်ထင်ရင် ဆေးရုံတင်ပါ။ လိုမယ်ဆိုတာ ကိုယ်ဝန် အနု-အရင့်၊ ကလေးအခြေအနေတွေ ကြည့်ရမယ်။ ကလေးအဆုပ် ရင့်သန်အောင် Steroid (စတီရွိုက်) ဆေး ထိုးရတတ်တယ်။ သွေးဆင်းနေတာ မရပ်ရင်တော့ ခွဲပေတော့။
ဘာတွေဆက်ဖြစ်လာသလဲ
(၁) မိခင်လောင်း
မမွေးမီ သွေးဆင်းခြင်း၊ အသက်ကိုရန်ရှာတဲ့အထိဆိုးတဲ့ သွေးဆင်းခြင်း၊ မီးတွင်းပိုးဝင်တာ ပိုဖြစ်ခြင်း၊ ဗိုက်ခွဲမွေးရခြင်း၊ Placenta accreta အချင်း တင်ရှူးတွေက သားအိမ်တစ်ရှူးတွေနဲ့ဆက်နေခြင်း၊ PPH မွေးပြီးသွေးသွန်ခြင်း ပိုဖြစ်နိုင်ခြင်း၊
(၂) ကလေး
အထဲမှာ ကလေးကြီးထွားမှု အားနည်းစေမယ်။ ၁၅% ဖြစ်နိုင်တယ်၊ လမစေ့ဘဲမွေးခြင်း၊ သွေးလုံလောက်အောင် မရလို့ မကောင်းတာ (ဆုံးသွားတာ) ဖြစ်နိုင်တယ်။ မွေးရာပါချို့ယွင်းချက် တခြားကလေးတွေထက် ပိုများနိုင်ခြေရှိတယ်။
ဘာတွေလုပ်ရမလဲ
လှုပ်ရှားမှုတွေ အတတ်နိုင်ဆုံးနည်းရမယ်။ အိပ်ယာထဲမှာနားပါ။ လိုအပ်ရင်ဆေးရုံတက်ပါ။ ကလေးအဆုပ်ကောင်းစေအာင် Antenatal corticosteroids စတီရွိုက်ဆေး Betamethasone or Dexamethasone ထိုးဆေး လိုချင်လိုမယ်။ သွေးသွင်းဘို့ လိုနိုင်တယ်။ မိခင်လောင်းရဲ့သွေးအုပ်စုက Rh-negative ဖြစ်နေရင် Rhogam ဆေးထိုးပေးမယ်။ Antibiotic ပိုးသေဆေးကို လိုရင်ပေးမယ်။ ကလေးစောမမွေးအောင် Tocolytic medicines ဆေးအဖြစ် Terbutaline, Indomethacin နဲ့ Nifedipine ဆေးတွေ သုံးနိုင်တယ်။ Magnesium sulfate ကို နောက်ပိုင်းသိပ်မသုံးတော့ပါ။ LSCS ဗိုက်ခွဲမွေးဘို့ ပြင်ဆင်ထားပါ။
ဒေါက်တာတင့်ဆွေ
၂၃-၈-၂ဝ၁၁
၁၁-၉-၂ဝ၁၃
၂ဝ-၂-၂ဝ၁၄