ဆွစ်ဇာလန် အလှူရှင်တွေရဲ့အထောက်အပံ့နဲ့ အသက်မွေးဝမ်းကျောင်းသင်တန်းတွေပေးမည်
ဆွစ်ဇာလန်နိုင်ငံရှိ အလှူရှင်တွေရဲ့အထောက်အပံ့နဲ့ ပရိဘောဂဒီဇိုင်းရေးဆွဲခြင်းနဲ့ ထုတ်လုပ်မှုအ တတ်ပညာသင်တန်း၊ လျှပ်စစ်ကျွမ်းကျင်မှု အတတ်ပညာသင်တန်းစတဲ့ အသက်မွေးဝမ်းကျောင်းသင် တန်းတွေကို Center for Vocational Training (CVT Myanmar) ကအခမဲ့သင်ကြားပေးမယ်လို့ သိရပါတယ်။
ပရိဘောဂသင်တန်းကို ပြည်တွင်းအတွေ့အကြုံရှိဆရာ၊ ဆရာမတွေနဲ့ ဆွစ်ဇာလန်နိုင်ငံက ကျွမ်းကျင် ပညာရှင်တွေပူးပေါင်းပြီး ပရိဘောဂပညာရပ်တွေနဲ့ အဆင့်မြင့်ပရိဘောဂတွေကို ဒီဇိုင်းရေးဆွဲတာ၊ တန်ဖိုးတွက်ချက်တာ၊ နည်းပညာနားလည်အောင်နဲ့ ကိုယ်တိုင်ထုတ်လုပ်တတ်အောင်စတဲ့ ပရိဘောဂ ပညာတွေကို စာတွေ့လက်တွေ့သင်ကြားပေးမယ်လို့ စီဗီတီမြန်မာက သိရပါတယ်။ သင်တန်းပြီးဆုံး ပါက ဆွစ်ဇာလန်နိုင်ငံပရိဘောဂသင်တန်းကျောင်းအဖွဲ့ရဲ့ အသိအမှတ်ပြုအောင်လက်မှတ်ရရှိမှာ ဖြစ်ပါတယ်။
တက်ရောက်မယ့်သင်တန်းသားတွေက စာသင်နှစ်တွေအတွင်း Technical Working Techniques, Technical Drawing, Material Knowledge နဲ့ Technical Mathematics စတဲ့အဓိကဘာသာရပ် တွေအပြင် အင်္ဂလိပ်၊ အထွေထွေဗဟုသုတ၊ မြန်မာစာနဲ့ ဝန်ထမ်းဘဝကျွမ်းကျင်လက်စွဲ ဘာသာရပ် တွေကိုပါသင်ကြားရမှာ ဖြစ်ပါတယ်။ သင်တန်းကာလက သုံးနှစ်တာကြာမြင့်မှာဖြစ်ပါတယ်။ တစ်ပတ် ကိုတစ်ရက် စီဗီတီသင်တန်းကို တက်ရောက်ရမှာဖြစ်ပြီး ကျန်ရက်တွေမှာ လုပ်ငန်းခွင်ကိုသွားရောက် လုပ်ကိုင်နိုင်မှာ ဖြစ်ပါတယ်။
သတ္တုပစ္စည်းထုတ်လုပ်မှု အတတ်ပညာသင်တန်းမှာ သတ္တုတွေကို လူသုံးကုန်ပစ္စည်းတွေအဖြစ်ကို ရောက်အောင်ပြုလုပ်ပေးတဲ့သတ္တုပုံပြုလုပ်ငန်းအတတ်ပညာတွေဖြစ်တဲ့ ပုံသွန်းတာ၊ ပုံထုတာ၊ စက်စား တာ၊ ဂဟေဆက်တာအစရှိတဲ့ နည်းပညာတွေကို စာတွေ့လက်တွေ့ပေါင်းစပ်သင်ကြားပေးမှာ ဖြစ်ပါ တယ်။
သင်တန်းမှာမြန်မာနိုင်ငံက ကျွမ်းကျင်ဆရာတွေနဲ့ ဆွစ်ဇာလန်နိုင်ငံက ပညာရှင်တွေဖြစ်ကြတဲ့ Mr.Stenfan Gregor Vogler နဲ့ Mr.Paul Zimmerli တို့ကကူညီသင်ကြားပေးမယ်လို့ စီဗီတီမြန်မာက သိရပါတယ်။ သတ္တုပစ္စည်းလုပ်ငန်းအတတ်ပညာသင်တန်းကို တက်ရောက်လိုသူတွေက သက်ဆိုင်ရာ လုပ်ငန်းတစ်ခုခုမှာ အလုပ်သင်အဖြစ် လုပ်ကိုင်နေသူဖြစ်ရပါမယ်။ အသက် ၁၈ နှစ်ကနေ ၂၂ နှစ်အ တွင်းရှိရမှာဖြစ်ပြီး ပညာအရည်အချင်းအနည်းဆုံးရှစ်တန်အောင်ရမှာပါ။
အဲသည်သင်တန်းတွေအပြင် လျှပ်စစ်ကျွမ်းကျင်မှု အတတ်ပညာသင်တန်းကိုလည်း လျှောက်ထားနိုင် ပါတယ်။ သည်သင်တန်းအတွက် ဆွစ်ဇာလန်ကကျောင်းဆရာလေးဦးက သက်ဆိုင်ရာလျှပ်စစ်ဘာ သာရပ်တွေရဲ့ ကျွမ်းကျင်ဆရာတွေအဖြစ် နှစ်စဉ်စီဗီတီကို သင်တန်းပေးနေပါတယ်။ နှစ်စဉ်နှစ်တိုင်း စီဗီတီမြန်မာက ဆရာ၊ ဆရာမတွေကို ဆွစ်ဇာလန်ဆရာအတတ်ပညာသင်တန်းက ဒေါက်တာမာတင် နဲ့ Dr.Hans Furrer တို့က သင်ကြားပုံနည်းစနစ်တွေကို ဆရာဖြစ်သင်တန်းအဖြစ် လာရောက်သင် ကြားပေးနေပါတယ်။
လျှပ်စစ်ကျွမ်းကျင်မှု သင်တန်းမှာတစ်ပတ်ကိုလေးရက် သို့မဟုတ် ငါးရက်လျှပ်စစ်လုပ်ငန်း လုပ်ကိုင်ရ တဲ့လုပ်ငန်းခွင်သင်တန်း၊ စာတွေ့ကိုတစ်ပတ်တစ်ရက်ဖြင့် စီဗီတီမှာသင်ယူရမှာဖြစ်ပြီး လက်တွေ့သင် ကြားမှုကို တစ်နှစ်ကိုနှစ်ပတ်နှုန်းဖြင့် လေ့လာကြရမှာဖြစ်ပါတယ်။ သင်တန်းကာလက သုံးနှစ်ကြာမြင့် မှာ ဖြစ်ပါတယ်။ သင်တန်းသုံးနှစ်ပြီးဆုံးတဲ့အခါ စာတွေ့နဲ့လက်တွေ့စာမေးပွဲတွေကို ဖြေဆိုကြရပါ မယ်။ စစ်ဆေးမှုတွေကိုအောင်မြင်ပြီးရင် Professional Certificate လက်မှတ်ရရှိမှာဖြစ်ပြီး အဲသည် လက်မှတ်က ဆွစ်ဇာလန်နိုင်ငံရဲ့ အစိုးရလျှပ်စစ်သင်တန်းကျောင်းဖြစ်တဲ့ Verband Kantonal-solothumischer Elektroinstallateure (www.vkse.ch) ကအသိအမှတ်ပြုထားပြီး မြန်မာနိုင်ငံအစိုး ရရဲ့ NSSA Diploma Certificate (National Skill Standard Authority) အဖြစ်ရရှိဖို့ လျှောက်ထား ပြီးဖြစ်ပါတယ်။
စီဗီတီမြန်မာက အိုင်အင်န်ဂျီအိုတစ်ခုဖြစ်ပြီး ကျွမ်းကျင်လုပ်သားတွေဖြစ်အောင် ရည်ရွယ်ပြီးဆွစ်ဇာ လန်နိုင်ငံက အလှူရှင်တွေရဲ့ အထောက်အပံ့နဲ့ ဖွင့်လှစ်ခဲ့ပါတယ်။
၂၀၁၄-၂၀၁၅ ပညာသင်နှစ်အတွက် သင်တန်းသားလျှောက်လွှာတွေကို အခမဲ့ရယူနိုင်ပြီး အသစ်ထပ် မံဖွင့်လှစ်မယ့် သင်တန်းနဲ့ပတ်သက်တဲ့အကြောင်းကို ဖေဖော်ဝါရီ ၂၂ ရက်နေ့နံနက် ၁၀း၀၀ နာရီမှာ သင်တန်းကျောင်းတည်ရှိရာ အမှတ်(၄၂)၊ ကမ်းနားလမ်းရှိမြန်မာနိုင်ငံ ကြက်ခြေနီအသင်းမှာပြုလုပ် မယ်လို့ စီဗီတီမြန်မာက တာဝန်ရှိသူတစ်ဦးက ပြောပါတယ်။
မော်ဒန်သတင်းဂျာနယ်
အမှတ်(၃၉၇)၊ ဖေဖော်ဝါရီ ၂၁ ရက်၊ ၂၀၁၄၊