ဆေးထိုးမှားခြင်းကြောင့် ပိုလီယိုဖြစ်ခြင်း မဟုတ်ဟုဆို

ကလေးရဲ့ ခန္ဓာကိုယ်ထဲမှာ ရှိနေပြီးသား ပိုလီယိုပိုးသည် ဆေးထိုးလိုက်တဲ့အခါ stimulate (နှိုးဆွ) လိုက်သလို ဖြစ်သွားပြီး ရောဂါပိုးက ခန္ဓာကိုယ်ထဲမှာ ပြန့်သွားကာ ပိုလီယိုရောဂါ ဖြစ်တာဖြစ်ပြီး ဆေး ထိုးမှားလို့ ပိုလီယိုရောဂါ ဖြစ်တယ်ဆိုတာ မဟုတ်ပါဟု ခုတင် ၅၅၀ ဆံ့ ကလေးဆေးရုံကြီးမှ လက်ထောက် ဆေးရုံအုပ် ဒေါက်တာဥာဏ်မြင့်ထံမှ သိရပါသည်။ လူအများစုသည် ဆေးထိုးမှား၍
ခန္ဓာကိုယ်တစ်ခုခု ချို့ယွင်းသွားခြင်းကို အလွယ်တကူပဲ ဆေးထိုးမှား၍ ပိုလီယို ဖြစ်သွားသည်ဟု ထင်မြင် ယူဆနေကြခြင်း ဖြစ်ပါသည်။ “ကလေးရဲ့ ခန္ဓာကိုယ်ထဲမှာ ပိုလီယို ပိုးဝင်နေတယ်ဆိုရင် အဲဒီအချိန်မှာ ဘယ်လိုဆေးမျိုးထိုးထိုး ပိုလီယိုရောဂါ ဖြစ်နိုင်တယ်။ ဆေးထိုးမှားလို့ ပိုလီယိုဖြစ်တာတော့ မဟုတ်ဘူး။ ကလေးတွေက နုနယ်ပြီး ဖွံ့ဖြိုးမှု နည်းသေးတော့ ဆေးထိုးရတဲ့ နေရာနဲ့ အာရုံကြောနဲ့ နီးပြီး မကျွမ်းကျင်ဘဲနဲ့ ဆေးထိုးလိုက်တယ်ဆိုရင် အကြောသေရောဂါ ဖြစ်သွားနိုင်တယ်။ ပိုးဝင်ပြီး အနာတွေ ဖြစ်နိုင်တယ်။ ဒါကြောင့် ဆေးကုသမယ်ဆိုရင် ကျွမ်းကျင်တဲ့ ပညာရှင်နဲ့ ကုသင့်တယ်” ဟု ဒေါက်တာဥာဏ်မြင့်က ဆက်လက် ပြောပါသည်။ “ကာကွယ်ဆေး ထိုးရင် မဖျားဘူးလို့ မပြောလိုဘူး။ ဒါပေမယ့် ဆေးထိုးလို့ ရလာမယ့် အကျိုးနဲ့ ကလေးဖျားလို့ မိဘအလုပ်ရှုပ်တာနဲ့ နှိုင်းယှဉ်ရင် အဆပေါင်းများစွာ ကွာပါတယ်” ဟု ခုတင် ၅၅၀ ဆံ့ ကလေးဆေးရုံကြီးမှ လက်ထောက်ဆေးရုံအုပ် ဒေါက်တာဥာဏ်မြင့်က ပြောပါတယ်။ (မော်ဒန်)
khitlunge

ဆေးထိုးမှားခြင်းကြောင့် ပိုလီယိုဖြစ်ခြင်း မဟုတ်ဟုဆို

ဆက်စပ်ဖတ်ရှုရန် အကြောင်းအရာများ...