Menstruation Questions (2) ရာသီအကြောင်း (၂) (+18)
သမီး အသက် ၂၇နှစ်ပါ။ သမီးက အပျိုပါ။ ရာသီလာတာ တလ တခါမဟုတ်ဘဲ ၂ လ တခါ၊ ၃ လ ၂ခါ ဖြစ်နေတာ ၂ နှစ်လောက် ရှိပါပြီ။ ခု ဒီတခါကျတော့ ရာသီမလာတာ ၃ လ ရှိပါပြီဆရာ။ ဒီရက်ပိုင်း ဆီးစပ် တွေကိုက်ပြီး ရာသီလာရင် ဗိုက်နာသလို နာနေပါတယ်။ ရာသီက မလာသေးပါဘူး။ ဒါနဲ့ ဂျင်းနဲ့ ထန်းလျက် ကြိုသောက်တော့ ဗိုက်က မနာတော့ပါဘူး။ ဒါပေမယ့် ဗိုက်ထဲက နေလို့မကောင်းဘူးဆရာ။ သမီးရာသီ လာတာ ၂ လတခါ လာတာ အန္တရာယ်ရှိလား သိချင်ပါတယ်။ ခုတလော ဗိုက်နာနေတာကိုလည်း သက် သာချင်ပါတယ်ဆရာ။
ကြားရက် သွေးဆင်းနေရင် ဘာမဟုတ်တာလေးတွေလဲ အရင်စဉ်းစား ပြုပြင်ရမယ်။ တားဆေးသောက်ဘို့ မေ့သွားတာ၊ မွေးလမ်းမှာ အနာ ဖြစ်နေတာ။ သိပ်ဆိုးဝါးတာတွေလဲ ရှိတယ်။ သားအိမ်ပြင်ပ သန္ဓေတည် ခြင်း၊ ကင်ဆာ။
ရာသီလာလို့ တအားနာနေရင် -
ရာသီလာတာ အနေရအထိုင်ရ မသက်သာသူတွေများတယ်။ ဗိုက်နာတာလဲပါတယ်။ နဲနဲလောက်၊ ၁-၂ ရက် လောက်ဆို စိုးရိမ်စရာမလိုပါ။ ရာသီလာချိန်မှာနာတာကို Dysmenorrheal ခေါ်တယ်။ တချို့မှာ ပျို့-အန်ချင်၊ ဝမ်းပျက်၊ ခေါင်းကိုက်၊ ခါးနာတာတွေလဲ ဖြစ်တယ်။ စိတ်မူပြောင်းသူတွေလဲရှိတယ်။ (သပ်သပ် ရေးထားပါတယ်။) ရာသီလာချိန်နာတာကို NSAIDs (စတီရွိုက်) မပါတဲ့ အများသုံး အကိုက်-အခဲပျောက် ဆေးသောက်ရင် သက်သာတယ်။ သတိထားရမှာတွေကတော့ Endometriosis (အင်ဒိုမီထရီယိုးဆစ်) သားအိမ်ရောဂါ နဲ့ Fibroids (ဖိုက်ဘရွိုက်) သားအိမ် အကျိတ်ရောဂါတွေ ပါတယ်။ ဆေးစစ် ကုသရလိမ့် မယ်။
ကြားရက် သွေးဆင်းတာကို ဖြစ်စေနိုင်တဲ့ အကြောင်းတွေ အများကြီးရှိတယ်။
- Ovulation bleeding မျိုးဥထွက်ချိန်၊
- ကိုယ်ဝန်တား-စားဆေး၊
- IUCD ကိုယ်ဝန်တား-ပစ္စည်း၊
- လည်ပင်းကြီး-ဟော်မုန်းနဲတာ၊
- သန္ဓေတည်ခါစ၊
- ကိုယ်ဝန်ပျက်တာ၊
- Estrogen (အီစထိုဂျင်) ဟော်မုန်းဆေးပေးနေသူ အစပိုင်းနဲ့ အဆုံးရက်တွေ၊
- Endometriosis သားအိမ်ရောဂါ၊
- Uterine fibroids သားအိမ်အလုံး၊
- လိင်ကတဆင့် ကူးစက်ရောဂါတွေ၊
- စိတ်ဖိအားများတာ၊
- သွေးဆုံးခါနီး၊
- Cervical polyps သားအိမ်ဝမှာ အညှာပါ-အလုံးရှိတာ၊
- Cervical erosion သားအိမ်ဝရောဂါ၊
- ဗဂျိုင်းနာ၊ သားအိမ်၊ မျိုးဥအိမ်မှာ Cysts အလုံးရှိတာ၊
- မွေးလမ်း ထိခိုက်မိတာ၊
- ဗဂျိုင်းနားထဲ ပစ္စည်းတခုခု ကျန်ရစ်တာ၊
- ကင်ဆာ။
အများဆုံး ဖြစ်တာက Ovulation bleeding မျိုးဥထွက်ချိန်မှာ သူဖြစ်လာရာအိတ် Follicle ကနေ မျိုးဥ ပေါက်ထွက်ချိန်မှာ ဖြစ်တယ်။ ၂-၃ နာရီလောက်ကနေ ၁-၂ ရက်အထိ ကြာတတ်တယ်။ တချို့မှာ နာတာနဲ့ တွဲနေတယ်။ မျိုးဥထွက်ခါနီး (အီစထိုဂျင်) ဟော်မုန်း များ-နည်းရာကနေ သားအိမ် အတွင်းနံရံပါးလို့ ဆင်း တာပါ။ ဒါ့ကြောင့်ဆိုရင် Estrogen ပေးလို့ ပျောက်တယ်။ တခြား အကြောင်းတွေလဲ ရှိနိုင်တယ်။ Progesterone ဟော်မုန်း နဲနေရင် ရက်ကြာကြာ ဆင်းနိုင်တယ်။ အဲလို အမျိုးသမီးတွေဟာ ကလေးရဘို့ အခွင့်အလမ်းနဲပြီး ကိုယ်ဝန်လဲ ပျက်တတ်တယ်။ ကိုယ်ဝန်တားစားဆေးကြောင့် ဆိုရင် အစနဲ့အဆုံးမှာ ဆင်းတတ်တယ်။ များသောအားဖြင့် ဒီဆေးမျိုးကို သောက်ဘူးခါစ ပဌမလတွေမှာ ဖြစ်တယ်။ ဆေးသောက် ချိန် လွဲသွားရင်လဲ ဖြစ်တတ်တယ်။
အရေးပေါ်ဆေးကုရာတာ ရှားတော့ရှားတယ်။ လိုအပ်ရင်တော့ ဆေးကုရမယ်။
- သွေးဆင်းများသူ တချို့ကို Estrogen (Conjugated) 25 mg IV ထိုးပေးရတယ်။ ဒါမှမဟုတ် စားဆေး 2.5 mg တနေ့ ၄ ကြိမ်ပေးမယ်။ သွေးရပ်သွားရင် Medroxy-progesterone 10 mg/d ကို ၇-၁ဝ ရက် ဆက်ပေးမယ်။
- တချို့ကို အများဆုံးသုံးတဲ့ Combination Oral Contraceptive ဟော်မုန်းနှစ်မျိုးတွဲ ကိုယ်ဝန်တား စားဆေး ပေးတယ်။ ဆေးထဲမှာ 1-0.75 mg Norethindrone နဲ့ 0.035 mg Ethinylestradiol ပါတယ်။ တရက်မှာ ဆေး ၄ ပြား၊ ၇ ရက် ပေးတယ်။ ဒါမှမဟုတ် ၄ ပြား ၂ ရက်၊ ၃ ပြား ၂ ရက်၊ ၂ ပြား ၂ ရက်၊ ၁ ပြား ၂ ရက်နည်းနဲ့ ပေးတယ်။
- Medroxyprogesterone (Provera) ခေါ်တဲ့ Progestin (Progesterone) ဟော်မုန်းဆေးပေနိုင်တယ်။ ဒီဆေးက မျိုးဥ ပုံမှန်ထွက်စေတဲ့ဆေး ဖြစ်တယ်။ 10 mg/day ကို ၁ဝ ရက်ပေးမယ်။ ဒါပေမဲ့ OG ကပေးမှ သာ သောက်ပါ။ ဆေးရပ်လိုက်တော့ သွေးဆင်းတတ်လို့။ ကင်ဆာ မရှိတာ သေခြာမှလဲ ပေးရတယ်။
- တချို့ကို D and C သားအိမ်ခြစ်ပေးရတယ်။
အရွယ်ရောက်စ မိန်းကလေးတွေနဲ့ သွေးဆုံးခါနီး အမျိုးသမီးတွေမှာ မျိုးဥအိမ်ကနေ မျိုးဥအထွက်ဘဲ သွေးဆင်းတာ Anovulatory dysfunctional uterine bleeding ဖြစ်တတ်ကြတယ်။ ကုသနည်းတွေကတော့ -
(၁) Estrogen (Conjugated) 2.5 mg တနေ့ ၄ ကြိမ်ပေးပြီ၊ သွေးဆင်းတာရပ်ရင် Medroxyprogestrone 10 mg နေ့စဉ်၊ ၇-၁ဝ ရက်ပေးတယ်။ ဒါမှမဟုတ်
(၂) ကိုယ်ဝန်တားဆေး (Ethyl Estradiol 35 µg + Noresthindrone 1 mg) တနေ့မှာ ၄ ပြား၊ ၇ ရက် ပေးတယ်။ ဒါမှမဟုတ်
(၃) ကိုယ်ဝန်တားဆေး (Ethyl Estradiol 35 µg + Noresthindrone 1 mg) တနေ့ ၃ ပြား၊ ၂ ရက်၊ ဒိနောက်မှာ တနေ့ ၂ ပြား၊ ၂ ရက်၊ ဒိနောက်မှာ တနေ့ ၁ ပြား၊ ၂ ရက်ပေးတယ်။ ဒါမှမဟုတ်
(၄) Medroxyprogesterone 10 mg/day ၁ဝ ရက်ပေးတယ်။
မေးတဲ့သူက အပျို၊ အသက်လဲ ၂၇ နှစ်သာရှိသေးလို့ ကိုယ်ဝန်နဲ့ဆိုင်တာ၊ လိင်ကတဆင့်ကူးစက်ရောဂါ တွေနဲ့ အသက်ကြီးမှ ဖြစ်လေ့ရှိတဲ့ ကင်ဆာတွေကို ဖယ်ထုတ်နိုင်ပါတယ်။ အလွယ်ဆုံးနည်းကတော့ အပျိပေမဲ့ ကိုယ်ဝန်တား ဟော်မုန်း ၂ မျိုးပါ၊ အများသုံး၊ ဈေးချို၊ တနေ့ ၁ ပြား၊ တလ ၂၈ ပြားသောက်ရတဲ့ ဆေးကို ၃-၄ လ ဆက်သောက်ပါ။ ရာသီလဲမှန်မယ်၊ နာတာလဲ သက်သာမယ်။ ဆင်းတာလဲနည်းမယ်။ အဆင်ပြေရင် OG ကိုပြပါ။ စိတ်ဖိအားများနေရင် လျှော့ချပါ။
Dr. တင့်ဆွေ