အတွင်းအနှစ် အစစ်အမှန်ဂုဏ်ရည်များ
လျှော်မျှင်အညံ့စားဖြင့် ရက်လုပ်သော ပုဆိုးဟူသည်မှာ အသားလည်းကြမ်းတမ်း။ အရောင်အသွေး လည်းမလှ။ တန်ဖိုးလည်းမရှိပေ။ ထိုလျှော်မျှင်ပုဆိုးသည် အသစ်ဖြစ်စေ၊ အနွမ်းဖြစ်စေ၊ အဟောင်းဖြစ် စေသဘောအားဖြင့် မခြားနားလှပေ။ အသားကြမ်း၊ အရောင်မလှ၊ အဖိုးမတန်သည်သာတည်း။
ဤလောက၌ အကျင့်သိက္ခာယုတ်ညံ့၍ အသိပညာမရှိသောသူသည် အမူအရာအားဖြင့်လည်း ယဉ် ကျေးသိမွေ့မှုမရှိ။ ရုန့်ရင်းကြမ်းကြုတ်၏။ အသွင်သဏ္ဌာန်အားဖြင့်လည်း မတင့်တယ်။ သူတစ်ပါးအား အကျိုးပြုနိုင်ခြင်းမရှိသဖြင့် တန်ဖိုးလည်းမရှိပေ။
ထိုသို့သောသူသည် လူငယ်ဖြစ်စေ၊ လူလတ်ဖြစ်စေ၊ လူကြီးဖြစ်စေ သဘောအားဖြင့် မခြားနားပေ။ အမူအရာရုန့်ရင်းကြမ်းတမ်း၊ အသွင်သဏ္ဌာန်မလှပေ။ သူတစ်ပါးအား အကျိုးမပြုနိုင်သည်သာလျှင် တည်း။
အကောင်းစားပိုးချည်ဖြင့် ရက်လုပ်၍ထားသော ပုဆိုးဟူသည်မှာအသစ်ဖြစ်စေ၊ တစ်ပတ်ရစ်ဖြစ်စေ၊ အဟောင်းဖြစ်စေ အသားနူးညံ့၏။ အရောင်အသွေးလှပ၏။ အသုံးဝင်တန်ဖိုးရှိ၏။
အကျင့်သိက္ခာရှိ၍ အသိပညာနှင့်ပြည့်စုံသူသည် လူကြီးဖြစ်စေ၊ လူလတ်ဖြစ်စေ၊ လူငယ်ဖြစ်စေ အမူ အရာအားဖြင့်လည်း ယဉ်ကျေးသိမ်မွေ့၏။ အသွင်သဏ္ဌာန်အားဖြင့်လည်း တင့်တယ်ဖွယ်ရာရှိ၏။ သူတစ်ပါးအား အကျိုးပြုနိုင်စွမ်းသဖြင့် တန်ဖိုးလည်းရှိပေ၏။
(တိကနိပါတ်၊ လောဏကပလ္လဝဂ်၊ ပေါတ္ထတသုတ်)
[ဗုဒ္ဓ၏ ဥပမာတစ်ထောင် (လေးမြိုင်) စာ - ၁၉၃]
လူတစ်ယောက်၏တန်ဖိုးသည် အဘယ်နည်း။ မည်သည့်မှတ်ကျောက်ဖြင့် လူ၏တန်ဖိုးကို တိုင်းတာ ဆုံးဖြတ်မည်နည်း။ လူတစ်ယောက်၏တန်ဖိုးသည် အသက်အရွယ်နှင့် ပတ်သက်စပ်ဆိုင်ပါသလော။ အသက်အရွယ်ငယ်တိုင်း တန်ဖိုးမရှိတော့ပြီလော။ အသက်အရွယ်ကြီးတိုင်း တန်ဖိုးရှိပြီလော။ လူ၏ တန်ဖိုးဟူသည် ထိုအသက်အရွယ်မှတ်ကျောက်အပေါ်တွင် တင်လျက်ဆုံးဖြတ်၍ ရနိုင်ပါသလော။
အထက်ပါမြတ်စွာဘုရား၏ အဆုံးအမတော်ကို ဖတ်ရှုကြည်ညိုမိသောအခါ ဤသို့ဆင်ခြင်သုံးသပ်မိပါ သည်။ မြတ်စွာဘုရားသည် လူ၏တန်ဖိုးကို အသက်အရွယ်ကြီးခြင်း၊ ငယ်ခြင်းဖြင့်တိုင်းတာသတ်မှတ် တော်မမူခဲ့ပေ။ ကိုယ်ကျင့်သိက္ခာကောင်းမကောင်း၊ အသိပညာရှိမရှိ၊ ကံသုံးပါးယဉ်ကျေးသိမ်မွေ့ခြင်း ရှိမရှိနှင့်သူတစ်ပါးအကျိုးပြုခြင်း ရှိမရှိဟူသောမှတ်ကျောက်များအပေါ်တွင်တင်လျက် လူ၏တန်ဖိုးကို ဆုံးဖြတ်သတ်မှတ်တော်မူခဲ့ပါ၏။
လူများစွာကို လေ့လာသောအခါတွင်လည်း အသက်အရွယ်ငယ်သေးသည့်တိုင် ကိုယ်ကျင့်တရား ကောင်းမွန်သူများရှိသလို အသက်အရွယ်ကြီးရင့်သည့်တိုင် ကိုယ်ကျင့်တရားချို့ယွင်းသူများကို တွေ့ မြင်နေရပါသည်။ ဤသို့ဘာကြောင့်ဖြစ်ရသနည်းဟူ၍ ဉာဏ်မီသမျှ တွေးတောစဉ်းစားမိပါသည်။
လူတစ်ဦးနှင့်တစ်ဦး လွန်ခဲ့သောအတိတ်ဘဝပေါင်းများစွာက သယ်ဆောင်လာခဲ့သော ဉာဉ်စရိုက်ချင်း မတူခြားနားကြပေ။ လွန်ခဲ့သော အတိတ်ဘဝများစွာတွင် ကိုယ်ကျင့်တရားကောင်းမွန်ခဲ့သူသည် ထို ကုသိုလ်ဓာတ်သတ္တိက ယခုဘဝအထိ လိုက်ပါလာခဲ့ပေသည်။ မွေးရာပါဗီဇစရိုက်တွင် ကောင်းသော စရိုက်များတည်ကိန်းလာခဲ့ပါသည်။ ထိုကလေးများသည် စိတ်ဓာတ်နူးညံ့သည်။ အမူအရာသိမ်မွေ့ သည်။ တိရစ္ဆာန်ကလေးများအပေါ် ကြင်နာသနားတတ်သည်။ ငယ်စဉ်ကပင်လူကြီးမိဘတို့အပေါ် လိမ်ညာခြင်းမရှိ။ တခြားကစားဖော်ကလေးများအပေါ်တွင် အနိုင်အထက် ဗိုလ်ကျစိုးမိုးခြင်းမရှိ။
ဖြတ်သန်းကျင်လည်ခဲ့သော အတိတ်ဘဝများစွာတွင် ကိုယ်ကျင့်တရားမကောင်းမွန်ခဲ့သူသည် ထိုအကု သိုလ်ဓာတ်သတ္တိက ယခုပစ္စုပ္ပန်ဘဝသို့တိုင် လိုက်ပါလာခဲ့သည်။ မွေးရာပါဗီဇဉာဉ်တွင် စရိုက်ဆိုးများ တည်ကိန်းလာခဲ့ပေသည်။ ထိုကလေးများသည် စိတ်ဓာတ်ကြမ်းတမ်းသည်။ တိရစ္ဆာန်ကလေးများအ ပေါ် ညှဉ်းဆဲသတ်ဖြတ်လိုစိတ်ရှိသည်။ ငယ်စဉ်ကပင် လူကြီးမိဘတို့အပေါ် လိမ်ညာတတ်သည်။ ကစားဖော်ကစားဖက်များအပေါ် အနိုင်အထက်ဗိုလ်ကျ စိုးမိုးတတ်သည်။ ထိုသို့မွေးရာပါဗီဇဉာဉ်ဆိုး သော ကလေးများသည် မိဖကောင်း၊ ဆရာသမားကောင်း ပတ်ဝန်းကျင်ကောင်းတို့နှင့် ကြုံဆုံလျှင်မူ သူတို့၏မွေးရာပါဉာဉ်ဆိုးများကို တဖြည်းဖြည်းချင်းပြုပြင်ပြောင်းလဲသွားနိုင်ပါသည်။ အထူးသဖြင့်လက် ဦးဆရာမည်သော အမိအဖတို့၏ အသွန်အသင်အထိန်းအသိမ်းက အဓိကကျလှပါ၏။
ယနေ့ခေတ်အခါတွင်မူ မိဘအတော်များများက ဘဝရပ်တည်ရေးအတွက် အချိန်ပြည့်ဆိုသလို စီးပွား ရှာနေကြလေရာ သားသမီးတို့အပေါ် အချိန်ပေး၍သွန်သင်ဆုံးမနိုင်သော အခွင့်အလမ်းနည်းပါးလွန်း လှပါ၏။ ဤသို့ဖြင့်စီးပွားရေးအရ အဆင်ပြေသော်လည်း ဗီဇဉာဉ်အရ ဆိုးဓာတ်ပါလာသော သားသမီး တို့ကိုလိမ္မာယဉ်ကျေးအောင် ပြုပြင်ဆုံးမမှုကို လက်လွှတ်ဆုံးရှုံးရလေတော့သည်။ တစ်ဖက်တွင် စီးပွား ရေးသောင်ထွန်းပြီး တစ်ဖက်တွင်သားသမီးတို့၏ စရိုက်ဉာဉ်ကမ်းပါးပြိုရသည့်အဖြစ်ကို သတိထင်ထင် ဆင်ခြင်ပြီးမိဘများအနေဖြင့် စီးပွားရေးသက်သက်ချည်း အာရုံမပြုဘဲသားသမီးတို့လိမ္မာယဉ်ကျေး အောင်လည်း ဂရုစိုက်သင့်ပါ၏။
ဗီဇဉာဉ်လည်းမကောင်း၊ မိကောင်းဖကောင်း၊ ဆရာသမားတို့၏ အဆုံးအမကိုလည်း ခံယူရရှိခြင်းလည်း မရှိ၊ အဆုံးအမကိုလည်း ခံယူရရှိခြင်းလည်းမရှိ၊ အဆုံးအမကိုခံယူရရှိသည့်တိုင် လိုက်နာခြင်းမရှိသူတို့ သည်အသက်အရွယ်ကြီးရင့်သည့်တိုင် ကိုယ်ကျင့်တရားကောင်းမွန်သူများ ဖြစ်မလာနိုင်တော့ပေ။
မှန်ကန်သော ဘဝနေနည်းကိုပေးစွမ်းနိုင်သော 'အသိပညာ' ဟူသည် လေ့လာဆည်းပူးမှသာ ရရှိ်နိုင် သောအရာဖြစ်၏။ အသိပညာကို သုတ၊ ရသစာပေ၊ ဓမ္မစာပေတို့ကို ဖတ်ရှုလေ့လာခြင်းမှ ရရှိနိုင်သလို ဘဝအတွေ့အကြုံမှ မှန်မှန်ကန်ကန် သင်ခန်းစာထုတ်ယူခြင်းမှလည်း ရရှိနိုင်ပါသည်။ ထိုသို့နည်းလမ်း အသစ်တွေ ရရှိရာတွင်အသိပညာပေးစွမ်းသော စာပေတို့ကိုဖတ်ရှုလေ့လာရကောင်းမှန်း မသိသော သူ၊ ဘဝအတွေ့အကြုံမှ မှန်မှန်ကန်ကန်သင်ခန်းစာထုတ်ယူရကောင်းမှန်းမသိသော သူတို့သည်အ သက်အရွယ်သာကြီးရင့်လာပြီး အသိပညာကြီးရင့်လာမှုမရှိပေ။
တချို့သူများသည်ဘဝကို ပေါ့ပေါ့တန်တန်ပင်နေကြ၏။ ဘဝကိုအလေးအနက်ထားနေရကောင်းမှန်း မသိ။ တန်ဖိုးရှိသောအချိန်များကို ကောင်းစွာအသုံးချရကောင်းမှန်းမသိ။ အသိပညာကို တန်ဖိုးထား မြတ်နိုးရကောင်းမှန်းမသိ။ အသိပညာပေးစွမ်းရာ သုတရသစာပေ၊ ဓမ္မစာပေတို့ကို ဖတ်ရှုလေ့လာရ ကောင်းမှန်းမသိ။ တစ်သက်တာလုံး မိရိုးဖလာကိုးကွယ်လာသော မိမိ၏ဘာသာတရားကိုပင် လေ့လာ ရကောင်းမှန်းမသိ။
တချို့လူငယ်တွေက အသိပညာကို တန်ဖိုးထားသည်။ မြတ်နိုးသည်။ အတွေးအခေါ်အသိအမြင်များ ကိုမှန်မှန်ကန်ကန် ဖွံ့ဖြိုးတိုးတက်စေသော သုတစာပေ၊ ရသစာပေများကို နှစ်နှစ်သက်သက် မက်မက် မောမော ဖတ်ရှုလေ့လာ၏။ သူတို့ဦးနှောက်ထဲသို့ စာကောင်းပေမွန်များထဲမှ အတွေးအခေါ်ကောင်း များ၊ အသိပညာများကို ဖြည့်ဆည်းသည်။ အချိန်ကိုတန်ဖိုးရှိစွာ အသုံးချ၏။ မိရိုးဖလာအရ ကိုးကွယ်ခဲ့ သော ဘာသာတရားနှင့်စပ်လှဉ်း၍လည်း စိတ်ဝင်တစားလေ့လာ၏။ ဓမ္မမဂ္ဂဇင်း၊ ဓမ္မစာစောင်၊ ဓမ္မစာ အုပ်များကို လက်လှမ်းမီသမျှ ဖတ်ရှုလေ့လာ၏။ သည်လိုလူငယ်တွေက အသိပညာ၊ အတတ်ပညာ ဆိုင်ရာ လေ့လာဆည်းပူးမှုကို မည်သည့်အခါမျှ မရပ်တန့်၊ သူတို့ခံယူထားသည်မှာ အသိပညာအ တတ်ပညာဟူသည် မည်သည့်အခါမျှ ပြီးပြည့်စုံပြီဟူ၍မရှိ။ စဉ်ဆက်မပြတ် လေ့လာဆည်းပူးနေရမည့် အရာဟူ၍ပင်။
လောကအသိ၊ ဓမ္မအသိများပြည့်စုံတန်သလောက် ပြည့်စုံလာသောအခါတွင် သူတို့၏ကာယကံမှု၊ ဝစီကံမှု၊ မနောကံမှုများ ပိုမို၍သိမ်မွေ့ယဉ်ကျေးလာသည်။ ပြောဆိုမှုများ ယဉ်ကျေးချိုသာကာ ပြုမူ ဆောင်ရွက်ချက်များလည်း သိမ်မွေ့ညင်သာလာသည်။ ကံသုံးပါးစလုံး ယဉ်ကျေးသိမွေ့သောအခါ ကိုယ်ရည်ကိုယ်သွေးလည်း တင့်တယ်လာသည်။ ကြည်လင်အေးချမ်းလာသည်။
ကိုယ်ကျင့်သိက္ခာကောင်းမွန်၍ အသိပညာလည်းပြည့်ဝ၊ ကိုယ်နှုတ်နှလုံးသုံးပါးစလုံး သိမ်မွေ့အေးချမ်း ပြီး အများအကျိုးကို သယ်ပိုးဆောင်ရွက်နေသော အသက်အရွယ်ကြီးရင့်သူများလည်း အများအပြား ရှိပါ၏။ လူငယ်လူရွယ်တို့ထက် အတွေ့အကြုံစုံလင်များပြားကာ ထိုအတွေ့အကြုံများထဲမှ မှန်မှန်ကန် ကန်သင်ခန်းစာထုတ်ယူနိုင်ခဲ့သော လူကြီးသူမများသည် လူငယ်များကိုကောင်းစွာဦးဆောင်နိုင်ပါ သည်။ အသက်ကြီးသည်နှင့်အမျှ 'အချိန်စီး' လာသောထိုလူကြီးသူမများသည် 'လူလဲရိုသေ၊ ရှင်လဲ လေးစား' ခံရသောပုဂ္ဂိုလ်များဖြစ်ပါ၏။ လူငယ်လူရွယ်များ၏ ရိုသေခြင်း၊ ချစ်ခင်လေးစားခြင်းကို ခံယူ ရရှိသော 'လူ့အဖိုးတန်ကြီးများ' ဖြစ်ပါ၏။ ထိုပုဂ္ဂိုလ်ကြီးများ၏ အသက်ရှင်သန်မှုသည် အဓိပ္ပာယ်ရှိ သော အသက်ရှင်မှု၊ တန်ဖိုးရှိသော အသက်ရှင်မှုဖြစ်ပါ၏။
စင်စစ် လူ့တန်ဖိုးရှိခြင်းမရှိခြင်းဟူသည်မှာ အသက်အရွယ်နှင့် မဆိုင်ပါချေ။ လူငယ်ဖြစ်စေ၊ လူလတ် ဖြစ်စေ၊ လူကြီးဖြစ်စေ ကိုယ်ကျင့်တရားကောင်းမွန်မှ၊ အသိဉာဏ်ပညာကိန်းအောင်းမှ၊ ကံသုံးပါးယဉ် ကျေးသိမ်မွေ့မှ၊ အများအကျိုးဆောင်နိုင်မှ လောကကိုအလှဆင်နိုင်သည်။ 'တန်ဖိုးရှိသောလူ' ဖြစ်နိုင် ပါသည်။ လူ့တန်ဖိုးကို ဖြစ်ထွန်းစေသော ထိုဂုဏ်ရည်များကို အထိအပါး၊ အပျက်အစီး၊ အဆုံအရှုံးခံ လျက်ငွေကြေးဥစ္စာများ၊ ရာထူးများ၊ ထင်ပေါ်ကျော်ကြားမှုများကို ရယူသိမ်းပိုက်ခြင်းမပြုသင့်ပါ။ ပစ္စုပ္ပန် ဘဝတွင်သာမက သံသရာအထိပါလိုက်ပါ၍ ကောင်းကျိုးဖြစ်ထွန်းစေမည့် 'အတွင်းအနှစ် အစစ်အမှန် ဂုဏ်ရည်များ' နှင့် မည်သည့်အရာကိုမှ အလဲအလှယ် ဖလှယ်ခြင်းမပြုအပ်ပါ။ ရခဲလှသောလူ့ဘဝကို ရစဉ်အခိုက် ကြီးငယ်မတူ အတွင်းအနှစ်အစစ်အမှန် ဂုဏ်ရည်များတည်ကိန်းပြီး 'တန်ဖိုးရှိသောသူ' ဖြစ် အောင်အားထုတ်ကြိုးပမ်း ဆောင်ရွက်သွားသင့်ပါ၏။
The Flower News Journal
Vol.10, No.7, Feb.11-17, 2014