ကလေးကို မသတ်မိစေနဲ့ အမေ
အမေဆိုတာ ကိုယ်ဝန်စရှိကတည်းက ကိုယ့်ရင်သွေးကို ကိုးလလွယ် ဆယ်လဖွားတဲ့အထိ အသက်နဲ့ ရင်းပြီးစောင့်ရှောက်ခဲ့ရတာ။ ကိုယ်ဝန်ဆောင်မိန်းမတစ်ယောက်ဟာ သင်္ချိုင်းကိုတစ်နေ့မျက်စောင်း သုံးခါထိုးသတဲ့။ "ယောက်ျားဖောင်စီး မိန်းမမီးနေ" ရယ်လို့အသက်နဲ့နီးတဲ့အလုပ်ဆိုပြီး ဆိုရိုးစကားပေါ် ခဲ့တာသာကြည့်။
ဆေးပညာအမြင်ကို ခဏထား၊ သာမန်အတိုင်း ရိုးရိုးတွေးကြည့်ပါ။ လူသားတစ်ယောက်ရဲ့ ဗိုက်ထဲက နေလူအသစ်ကလေးတစ်ယောက်ကို အသက်ရှင်လျက် အပြင်ရောက်အောင် ထုတ်ရတဲ့ကိစ္စ၊ ဘယ်လို ပဲသဘာဝတရားလို့ ဆိုစေဦးတော့ကျောချမ်းစရာကြီး။ အဲဒီလိုကိုယ့်အသက်နဲ့ထပ်ပြီး မွေးဖွားကြီးပြင် စေခဲ့တဲ့ကလေးရဲ့ ကျောကုန်းကို 'အုန်း' ခနဲနေအောင် ရိုက်ပစ်လိုက်တဲ့ အမေတစ်ယောက်ကို အံ့သြမင်တက်စွာ မြင်ခဲ့ဖူးပါတယ်။ အ.ထ.က ကျောင်းတစ်ကျောင်းရဲ့ အောင်စာရင်းကြော်ငြာသင်ပုန်း ရှေ့မှာပါ။ သူ့ကလေးက 'အေ' အခန်းမဝင်လို့တဲ့။ အဲဒီကျောင်းရဲ့အခန်းခွဲပုံကရှင်းတယ်။ နောင်နှစ် စာသင်နှစ်အတွက် အတန်းသစ်တက်တဲ့အခါ ကိုယ်ဘယ်အခန်းမှာတက်ရမယ်ဆိုတာ အောင်စာရင်း ထွက်ကတည်းက သိနိုင်တယ်။ အတန်းတင်စာမေးပွဲရမှတ်ပေါ်မူတည်ပြီး အတန်းခွဲတာ။ အမှတ်အ များဆုံးကလေးကို အမှတ် ၁ မှာထားပြီး စီနီယာအတိုင်း အောင်စာရင်းထုတ်လိုက်တာ။ အမှတ်စဉ် ၁ ကနေငါးဆယ်အတွင်းအောင်တဲ့ ကလေးက 'အေ'။ ငါးဆယ်ကျော်ကနေတစ်ရာအထိက 'ဘီ'။ အခန်း တစ်ခန်းကိုကျောင်းသား ငါးဆယ်ဝန်းကျင်ထားတာဆိုတော့ အလွယ်သိနိုင်တာပေါ့။
တကယ်တော့ 'အေ' ခန်းနဲ့ 'ဘီ' ခန်းက ကလေးတွေဟာ အမှတ်အားဖြင့် သိပ်မကွာကြပါဘူး။ အဆင့်တူတာတွေလည်း အများကြီး၊ ကလေးကအောင်မှတ်ရရုံမက ကြိုးစားထားပါရက်နဲ့ အေမှအေ ဆိုတဲ့ အမေမျိုးတွေတွေ့တဲ့အခါ သူတို့ကလေးတွေကို သနားမိတယ်။ "ကျွန်မကလေးက အမြဲ 'အေ' ခန်းမှာပဲလေ" ဆိုတဲ့ အမေချင်းစကားဝိုင်းမှာ ကြွားချင်ရုံအတ္တတွေနဲ့ ကိုယ့်ကလေးကို မနှိပ်စက်ကြပါနဲ့။
ကျွန်မတို့ ငယ်ဘဝတွေနဲ့ယှဉ်လိုက်ရင် အခုခေတ်မှာ လူဖြစ်ရတဲ့ကလေးတွေဟာ သနားစရာပါ။ သက်တူရွယ်တူကလေးတွေနဲ့ လွတ်လပ်ပျော်ရွှင်စွာ ကစားရမယ့်အစား ကျူရှင်တွေ၊ ဂိုက်ဆရာတွေနဲ့ နပန်းလုံးရင်း၊ တနင့်တပိုး ကျောပိုးအိတ်တွေကြားထဲမှာ ကလေးဘဝတွေပျောက်ဆုံး နေကြရရှာတာ ပါ။ ကစားကွင်းမရှိ၊ နေရာလွတ်မရှိ၊ ကစားချိန်မရှိ ဖြစ်နေကြရှာတဲ့ ကလေးလေးတွေကို မိဘတွေရဲ့ အတ္တတွေနဲ့ထပ်ပြီး မနှစ်မိပါစေနဲ့။ စာတွေကျက်၊ ကျူရှင်တွေတက်နဲ့ မလွတ်မလပ်တဲ့ကလေးရဲ့ လွတ်လပ်ချင်တဲ့ ရင်တွင်းစကားလေးနားထောင်ကြည့်ပါ။
ကွမ်းခြံကုန်းမြို့က ကျွန်မသူငယ်ချင်းပြောတဲ့ ဟာသ။ သူ့သားက နည်းနည်းဉာဏ်ထိုင်းတော့ ကျောင်းနဲ့ကျူရှင်အပြင် အိမ်ရောက်ရင် သူကထပ်သင်တယ်။ ကလေးက ငါးတန်း။ တစ်ရက်တော့ အိမ်စာမပြီးရကောင်းလားလို့ မအေကကြိမ်လုံးနဲ့စားပွဲနားကနေစောင့်ပြီး သင်တာပေါ့။ အိမ်စာတော့ ပြီးသွားတယ်။ ကျောင်းမသွားခင်အိမ်ရှေ့မှာ ကျောပိုးအိတ်ကြီးလွယ်ပြီးရပ်နေသတဲ့။ ဟဲ့….ကျောင်း သွားတော့လေလို့ မအေကလှမ်းပြောတော့ သူကျောင်းမသွားချင်တော့ဘူးတဲ့ ကျောင်းပြန်ရင် အိမ်စာ တွေကပါလာဦးမတဲ့။ မအေကကျောင်းမသွားချင်ရင် နင်ကြီးလာတော့ဘာလုပ်စားမလဲဆိုတော့ အိမ်ရှေ့လမ်းမပေါ် အကြာကြီးငေးရင်း "သားဆိုက်ကားပဲနင်းစားတော့မယ် အမေရာ" တဲ့။ ဟုတ် တယ်။ ကျွန်မတို့ကလေးတွေ စာသင်ကျောင်းကို စိတ်မကုန်အောင် ကျွန်မတို့မိဘတွေ အသိတရား ရှိရမယ်။ ကလေးကိုချစ်စိတ်နဲ့ မနှစ်မိအောင် ဆင်ခြင်ရမယ်။ ကလေးတွေအားလုံးရဲ့ မှတ်ဉာဏ်တွေ၊ ဦးနှောက်တွေဟာ အတူတူပဲဆိုရင် ကမ္ဘာပေါ်မှာဆရာဝန်တွေ၊ အင်ဂျင်နီယာတွေပဲအကုန်ဖြစ်ကုန် တော့မှာပေါ့။ အသိပညာရှင်၊ အတတ်ပညာရှင်တွေ၊ တော်လှန်ရေးသမား၊ နိုင်ငံရေးသမား၊ အနုပညာ ရှင်ဆိုတာ ဘယ်ရှိပါတော့မလဲ။
အားလုံးသိတဲံအတိုင်း မြန်မာ့လွတ်လပ်ရေးကို အရယူပေးခဲ့တဲ့ ကျွန်မတို့ရဲ့အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟာ ဆရာဝန်မဟုတ်ပါ။ နတ်မောက်မြို့က ဘုန်းကြီးကျောင်းသားလေးပါ။ ဒါပေမဲ့ ယနေ့အထိ တစ်နိုင်ငံလုံးသူ့ကိုဦးညွတ်နေကြရတုန်း။ လူငယ်တွေသူ့ကိုအားကျအတုယူအောင် ဟောပြောနေရတုန်း။ ကမ္ဘာ့သမိုင်းမှာ ဘားမားအကြောင်းပြောရင် ကာနယ်အောင်ဆန်းထည့်ပြောမှ သိကြတုန်း။
ကမ္ဘာ့ကုလသမဂ္ဂရဲ့ တတိယမြောက် အတွင်းရေးမှူးချုပ် ဦးသန့်ကကော။ ဧရာဝတီတိုင်းရဲ့ပန်းတ နော်မြို့က မထင်မရှားကျောင်းသားလေးပါပဲ။ ဦးသန့်ရဲ့မိဘတွေ သူတို့သားလေးကိုကမ္ဘာ့အမြင့်ဆုံး ရာထူးရအောင် ကျူရှင်တွေ၊ ဂိုက်တွေနဲ့ ပညာသင်ပေးခဲ့တာလို့တော့ သမိုင်းမှတ်တမ်းထဲမှာ မတွေ့ခဲ့ ဘူး။ ဒါပေမဲ့ နိုင်ငံခြားသားတွေ "ယူသန့်" (U Thant) လို့ခေါ်ခဲ့တဲ့ ဦးသန့်ဆိုတာ ကမ္ဘာကျော်ခဲ့တယ်။
အခုမတ်လဆိုရင် အထက်တန်းပညာရဲ့ နောက်ဆုံးစာမေးပွဲကို ဖြေကြရတော့မယ်။ ဆယ်တန်း ကျောင်းသားရှိတဲ့ မိဘတွေရင်ပူနေကြရသလို ကျောင်းသားတွေကိုယ်တိုင်လည်း ပူတာပေါ့။ တက္က သိုလ်ကျောင်းဝင်ခွင့်ကို ဆယ်တန်းအောင်မှတ်နဲ့ ဆုံးဖြတ်တဲ့အတွက် အမှတ်များများရမှ ကိုယ်လိုချင် တဲ့ တက္ကသိုလ်ရမှာလေ။ ကလေးအပေါ် ဖြစ်စေချင်တဲ့ဆန္ဒတွေဟာ လွန်ကဲရင်တော့ အန္တရာယ်ရှိပါ တယ်။ မိဘဆိုတဲ့နေရာမှာ အဖေထက်စာရင် အမေကသားသမီးနဲ့ လက်ပွန်းတတီးအရှိဆုံးမို့ အမေ့ တာဝန်ပိုရှိပါတယ်။ စေတနာအမှားတွေ မကျူးလွန်မိစေဖို့ အမေများအရေးကြီးပါတယ်။
ကျွန်မသမီးလေးဆယ်တန်းဖြေတဲ့နှစ်က မြင်ခဲ့တာလေးတစ်ခုမျှဝေပါရစေ။ ဆယ်တန်းစာမေးပွဲတွေရဲ့ ထုံးစံအတိုင်းပေါ့။ စာဖြေဌာနရှိတဲ့ကျောင်းတွေရဲ့ရှေ့မှာ ကျောင်းသားမိဘတွေ သဲသဲလှုပ်နေတဲ့ကာ လ။ ကျွန်မလည်းပဲ ကိုယ့်ကလေးကသူ့ကို အမေကသူများအမေတွေလို ဂရုမစိုက်ဘူးထင်မှာစိုးလို့ ရုံးကခွင့်ယူပြီး သမီးစာမေးပွဲဖြေတဲ့ ကျောင်းရှေ့မှာသွားစောင့်ရတယ်။ တစ်ရက်တော့ အဲ့ဒီကျောင်း ရှေ့မှာ စာမေးပွဲမဖြေဘဲပြန်ပြန်သွားတဲ့ အဖြူ၊ အစိမ်းနဲ့ကလေးကို သတိထားမိတယ်။
စာမေးပွဲချိန်နီးရင် တခြားကျောင်းသားတွေလိုပဲ လွယ်အိတ်လေးနဲ့ရောက်လာတယ်။ ကျောင်းဝင်းထဲ ဝင်သွားတယ်။ ခဏနေပြန်ထွက်သွားတယ်။ သူ့အမေကလည်း အပူသည်ပုံနဲ့လာပို့တယ်။ ချော့မော့ပြီး ပြန်ခေါ်သွားတယ်။ ကျွန်မစိတ်ထဲသိချင်တာနဲ့ အဲဒီကလေးအကြောင်းပြောပြပြီး သမီးကိုမေးကြည့် တော့ ဆရာမတွေပြောပြထားလို့ သူတို့သိတယ်တဲ့။ အောလ်ဒီအရူးလေးတဲ့။ ဆယ်တန်းစာမေးပွဲဖြေ ရင်း လဲကျပြီးရူးသွားတာတဲ့။
အဲဒီကလေးက အမြဲတမ်း 'အေ' ခန်းရတဲ့ကလေး။ စာတော်တဲ့ကလေးဆိုပါတော့။ ဆယ်တန်းရောက် တော့ သူ့အမေကအောလ်ဒီ (All D) ရစေချင်သတဲ့။ အောင်စာရင်းထွက်တဲ့အခါ ဘာသာစုံဂုဏ်ထူး ထွက်တဲ့ ကလေးရဲ့အမေဆိုပြီး ကြွားချင်တယ်ထင်ပါရဲ့။ စာမေးပွဲမဖြေခင်ကတည်းက ကလေးကို လိုအပ်တာအကုန်ဖြည့်ဆည်းပေးသလို ပါးစပ်ကလည်းဖိအားပေးတယ်။ "အောလ်ဒီရအောင်လုပ်နော် မင်းအောလ်ဒီမရရင်အမေက ကိုယ့်ကိုယ်ကိုယ်သတ်သေပစ်လိုက်မှာ" ဆိုတဲ့ စကားကို ခဏခဏပြော တယ်။ ကလေးစိတ်ထဲစွဲနေမှာပေါ့။
စာမေးပွဲရောက်တော့ အားလုံးဖြေနိုင်ပြီး တစ်ဘာသာကတော့ ဂုဏ်ထူးမှတ်မရနိုင်ဖြစ်သွားတယ်။ ကလေးဟာစာမေးပွဲအတွက် ကြိုတင်ပြင်ဆင်ခဲ့ရလို့ အိပ်ရေးပျက်တဲ့ဒဏ်၊ အမေဖြစ်သူရဲ့ဦးနှောက်မရှိ ဆင်ခြင်တုံတရားကင်းစွာ ဖိအားပေးမှုကြောင့်၊ ငါသာဘာသာစုံဂုဏ်ထူးမရရင် ငါ့ကြောင့်ငါ့အမေသေရ တော့မယ်ဆိုတဲ့ ကြောက်စိတ်တွေနဲ့စာမေးပွဲခန်းထဲမှာ သတိလစ်ပြီးလဲကျသွားတယ်။ အဲဒီကတည်းက စိတ်ဝေဒနာရှင်လေးဖြစ်ပြီး ဆယ်တန်းစာမေးပွဲရက်ဆို စာမေးပွဲဖြေရမယ် လိုက်ပို့ခိုင်းတာနဲ့ အလို လိုက်ပြီးကျောင်းရှေ့လိုက်ပို့ရသတဲ့။ ကာယကံရှင်မပြောနဲ့ ကြားရတဲ့သူတောင် ရင်တွေနာလိုက်တာ။ ကလေးရဲ့ဘဝသေသွားပြီလေ။ အမေကိုယ်တိုင်သူ့အတ္တနဲ့သတ်လိုက်မိတာ။
အခုဆယ်တန်းကလေးတွေ စာမေးပွဲဖြေကြရတော့မယ်။ မိဘတွေကိုယ်ဖြစ်စေချင်တဲ့ လောဘဆန္ဒ တွေထက်ဖြစ်လာမယ့် အရှိတရားကို လက်ခံနိုင်ဖို့ပြင်ဆင်သင့်ပါတယ်။ ဆယ်တန်းအောင်စာရင်းမှာ ကိုယ့်နာမည်ပါရေးဟာ အရေးကြီးတာမှန်ပါတယ်။ ဒါပေမဲ့တကယ့်လူ့ဘဝကြီးရဲ့ စိန်ခေါ်မှုတွေကို ရင်ဆိုင်ကျော်ဖြတ်ကြတဲ့အခါ၊ အဲဒီဆယ်တန်းစာမေးပွဲကို ကျော်တက်ခဲ့ရတဲ့ ကြိုးစားအားထုတ်မှုဆို တာသေးသေးလေးပါ။
ကိုယ်မြတ်နိုးလွန်းလို့ ကိုယ့်အသက်ကိုတောင် မငဲ့ကွက်ဘဲမွေးထားရတဲ့ ကိုယ့်ရင်သွေးကိုကိုယ့်ရဲ့ ဂုဏ်တု၊ ဂုဏ်ပြိုင်အတ္တ၊ မာနတွေကြောင့်ဘဝမသေပါစေနဲ့။ ကိုယ့်ကလေးဘဝကို ကိုယ်တိုင်မသတ် မိစေဖို့ အမေများကိုသတိချပ်စေချင်တာပါပဲ။ ။
7Day Daily
No.314, March.4, 2014