အိန်ဂျလီနာဂျိုလီ မယ်ဟောင်ဆောင် ဒုက္ခသည်စခန်းကို သွားရောက်ခဲ့
ဇွန်လ ၂ဝ ရက် မနေ့ ကကျရောက်တဲ့ ကမ္ဘာ့ဒုက္ခသည်များနေ့ မှာ အမေရိကန်က နာမည်ကြီး မင်းသမီး အိန်ဂျလီနာ ဂျိုလီက မြန်မာ တိုင်းရင်းသား ဒုက္ခသည်တွေရှိတဲ့ ထိုင်းနိုင်ငံမြောက်ပိုင်း မယ်ဟောင်ဆောင် ဒုက္ခသည်စခန်းကို သွားရောက်ခဲ့တယ်လို့  သိရပါတယ်။
မင်းသမီး ဂျိုလီဟာ ကုလသမဂ္ဂဒုက္ခသည်များဆိုင်ရာ မဟာမင်းကြီးဌါနရဲ့ ဂုဏ်ထူးဆောင် သံတမန်တစ်ဦး အဖြစ် မယ်ဟောင်ဆောင် ဒုက္ခသည် စခန်းကို သွားခဲ့တာဖြစ်ပြီး၊ စခန်းမှာရှိတဲ့ ကရင်နီဒုက္ခသည်တွေ နဲ့  တွေ့ဆုံ အားပေးစကားပြောခဲ့ပါတယ်။ ဒါ့အပြင် အဲဒီလူတွေကို တချိန်မှာ ကိုယ့်နိုင်ငံကိုယ်ပြန်ခွင့် ရတဲ့အခါ ကောင်းမွန်တဲ့ ဘဝတွေထူထောင်နိုင်အောင် ပညာရေးနဲ့ အခြား အရည်အချင်းတွေမြှင့်တင် ပေးထားဖို့ လိုအပ်တဲ့ အကြောင်းကိုလဲ မီးမောင်းထိုးပြောဆို လိုက်ပါတယ်။
ဒုတိယကမ္ဘာစစ်ပြီးနောက်ပိုင်း အခုချိန်ဟာ ကမ္ဘာပေါ်မှာ ဒုက္ခသည်ဦးရေ သန်း ၅ဝ ကျော်ထိဖြစ်သွား တဲ့ အတွက် အကြမ်းဖက်မှုတွေအမြန်ဆုံးရပ်ဖို့  မင်းသမီးဂျိုလီကတောင်းဆိုလိုက်ပါတယ်။
ထိုင်း-မြန်မာနယ်စပ်က ဒုက္ခသည်စခန်း ၉ ခုမှာ မြန်မာနိုင်ငံက တိုင်းရင်းသားဒုက္ခသည် ၁ သိန်း ၂ သောင်းကျော်ရှိနေတယ်လို့  ကုလသမဂ္ဂရဲ့သတင်းအရ သိရပါတယ်။
RFA news
-------------------------------------------------
ကိုမျိုး (lwanmapyay.blogspot.com)
ကိုမျိုး (lwanmapyay.blogspot.com)