ပလပ်စတစ် ပုလင်းတစ်လုံးရဲ့ စွန့်စားခန်း
ကျွန်တော်က ပလပ်စတစ်ပုလင်းတစ်လုံးပါ။ စက်ရုံတစ်ရုံမှာ နေပါတယ်။ အမိအဖစက်တွေကနေ ကျွန်တော်ဟာ အဆင့်ဆင့်ဖြတ်တောက်ပိုင်းဆက် ပုံသွင်းခံရပြီးတဲ့နောက် ပုံစံတစ်မျိုးပြောင်းသွားပါတယ်။ ကျွန်တော့်ကိုယ်ထည် ပိန်ပိန်ရှည်ရှည်ဖြစ်သွားပါတယ်။ ပိန်ရှည်ရှည်ကျွန်တော့်ခန္ဓာကိုယ်ပေါ်မှာ စာလုံးမည်းလေးတွေ ပြွတ်သိတ်ရေးထားတဲ့ ရွှန်းစိုလှပတဲ့အရာတစ်ခု ပတ်ထားပါတယ်။ ကျွန်တော်ရဲ့ မိခင်ဖခင်တွေက ကျွန်တော့်ကိုယ်ထည်ထဲ ချိုမြမွှေးအိတဲ့နွားနို့တွေ လောင်းထည့်ပေးပါတယ်။ ကျွန်တော် ပိုပြီး တောက်ပြောင်လှပသွားပါတယ်။ ကျွန်တော့်ကိုယ် ကျွန်တော်ဂုဏ်ယူမဆုံးခဲ့ပါဘူး။
သိပ်မကြာခင်မှာပဲ ကျွန်တော်ဟာ ကုန်ကားကြီးတစ်စင်းနဲ့ ကုန်စုံဆိုင်တစ်ဆိုင်ဆီ ရောက်သွားခဲ့တယ်။ အဲဒီကုန်စုံဆိုင်က တစ်နေ့လုံး မီးတွေလင်းထိန်နေပါတယ်။ လူတွေလည်း ဝင်လိုက်ထွက်လိုက်နဲ့ ဆူညံ စည်ကားတဲ့ နေရာတစ်ခုဖြစ်တယ်။ ကျွန်တော့်အပေါ်ထပ် စင်ပေါ်မှာ အရောင်စုံ၊ ပုံသဏ္ဍာန်စုံတဲ့ ကျွန်တော့်သူငယ်ချင်းတွေ ရပ်နေကြတယ်။ ကျွန်တော်က ကျွန်တော့်ဘေးက သူငယ်ချင်းကို “ကျွန်တော် က ဒီကနေ့မှရောက်လာတဲ့ အသစ်ပါ”လို့ မိတ်ဆက်လိုက်တယ်။ သူ့က ကျွန်တော်ကိုပြုံးပြတယ်။
အဲဒီအချိန်မှာပဲ အသက်၁ဝနှစ်ဝန်းကျင်လောက်ရှိတဲ့ ကောင်လေးတစ်ယောက်နဲ့ ကောင်မလေး တစ်ယောက် ကျွန်တော်တို့ရှေ့မှာ လာရပ်တယ်။ ကောင်လေးက လိုချင်တပ်မက်တဲ့အကြည့်နဲ့ ကျွန်တော့် ကိုစိုက်ကြည့်ပါတယ်။ ပြီးတော့ ရုတ်တရက် ကျွန်တော့်ကို သူဖမ်းဆုပ်လိုက်တယ်။ ကျွန်တော့်အရေခွံတွေ ပွန်းပဲ့သွားမတတ် သူဆုပ်ကိုင်ထားပြီး အမျိုးသမီးတစ်ဦးနားပြေးသွားပါတယ်။
ပါးစပ်မှာလည်း “မေမေ… မေမေ… သား ဒီဟာယူမယ်”လို့ အော်တယ်။ အမျိုးသမီးက လိုက် လိုက်လျောလျောနဲ့ “ကောင်းပြီ”လို့ဆိုတယ်။ ကောင်လေးက ဝမ်းသာအားရ ကျွန်တော်ကို တအား ဆုပ်ထားလိုက်တယ်။
“ကျွန်တော့်ကို လွှတ်ပါ.. ကျွန်တော့်ကို လွှတ်ပါ”
ကျွန်တော်ရုန်းပြီး အော်မိတယ်။ ဒါပေမယ့် ခပ်ဆိုးဆိုးကောင်လေးက ဘာမှမတုန့်ပြန်ခဲ့ဘူး။ ဝမ်းနည်း စွာနဲ့ ကျွန်တော့်သူငယ်ချင်းတွေကို ကျွန်တော်လက်ပြနှုတ်ဆက်ခဲ့တယ်။
ကောင်လေးက ကျွန်တော်ကို တခြားတစ်နေရာဆီ ခေါ်သွားတယ်။ နှစ်ထပ်အိမ်ကြီးတစ်လုံးထဲ ကျွန်တော်ကိုခေါ်သွားပါတယ်။ အိမ်ကြီးက ထည်ဝါလို့။ အိမ်ထဲကို ကျွန်တော်မျက်လုံး တစ်ချက်ဝှေ့ကြည့် လိုက်တယ်။ ရောင်စုံမီးအိမ်တွေနဲ့၊ ခန်းညားလှပတဲ့ တံခါး ပြတင်းပေါက်တွေနဲ့ ဒီဇိုင်းအမျိုးမျိုး.. ပုံစံအမျိုးမျိုး ဝင့်ထည်လို့။ ကောင်လေးက ကျွန်တော့်ကို စားပေါ်ခုံတစ်လုံးပေါ်တင်ပြီး ထွက်သွားခဲ့တယ်။
နောက်တစ်နေ့ နေ့လယ်မှာ ကောင်လေးဟာ ရန်မှုလိုတဲ့ပုံစံနဲ့ ကျွန်တော့်ရှေ့ရောက်လာပြန်တယ်။ ကျွန်တော့်ကို ဖမ်းဆွဲဆုပ်ကိုင်ပြီး သူ့မေမေကို အော်ပြောတယ်။
“မေမေ… သားအပြင်ထွက် ကစားလိုက်ဦးမယ်”
ပြောပြောဆိုဆို ကောင်လေးဟာ ကျွန်တော်ကိုပါဆွဲပြီး အပြင်ဖက်ပြေးထွက်သွားတော့တယ်။ အပြင်မှာ ခြစ်ခြစ်တောက် ပူနေတယ်။ နေမင်းက အပူဓာတ်တွေကို အစွမ်းကုန်ထုတ်လွှတ်နေတယ်။ တစ်နေ ရာရောက်တော့ ကောင်လေးက ကျောက်ခုံတစ်လုံးပေါ် ထိုင်ချလိုက်တယ်။ ပြီးတော့ အားနဲ့ ကျွန်တော် ဦးထုပ်ကို ခပ်ဆတ်ဆတ်ဆွဲချွတ်လိုက်တယ်။ ကျွန်တော် အားကနဲ အော်လိုက်မိပေမယ့် သူမကြားဘူး။ တဆက်တည်းမှာပဲ ကောင်လေးက ကျွန်တော့်ကိုယ်ထဲက နွားနို့တွေကို တဂွတ်ဂွတ်နဲ့သောက်ချ လိုက် တယ်။ ကျွန်တော် ဗလာပုလင်းတစ်လုံးဖြစ်သွားတယ်။ ဦးထုပ်ကို သူပြန်ပေးမယ်အထင်နဲ့ ကောင်လေးကို ကျွန်တော်စိုက်ကြည့်လိုက်တယ်။ ဒါပေမယ့် မထင်မှတ်ပါဘူး.. ကောင်လေးဟာ ကျွန်တော့်ဦးထုပ်ကို လွှင့်ပစ်လိုက်သလို ကျွန်တော့်ကိုလည်း သူ့ခြေထောက်နဲ့ လမ်းဘေးဖက် ကန်ထုတ်ပစ်လိုက်တယ်။
ဒါဟာ အကျင့်စာရိတ္တမကောင်းတဲ့ အပြုအမူပါ။ ဒါဟာ ကျွန်တော်တို့ပုလင်းကို မလေးစားတဲ့ အပြုအမူပါ။ ဒါဟာ ပတ်ဝန်းကျင်သန့်ရှင်းရေးကို ဖျက်ဆီးတဲ့အပြုအမူပါ။ ကျွန်တော်ဟာ လမ်းဘေးတစ်နေရာမှာ တစ် ကိုယ်လုံးနာနာကျင်ကျင်နဲ့ လဲလျောင်းနေလိုက်တယ်။ ကျွန်တော့်ကိုယ်ခန္ဓာ ပေါ့ပါးသွားတယ်လို့ ကျွန်တော်ခံစားမိတယ်။ လေနဲ့အတူ လွင့်မြောပြီး ကျွန်တော်နေရာတစ်ခုခုဆီ ရောက်သွားရတော့မယ်။
အဲဒီနေ့ညနေမှာ ကျွန်တော်စိတ်ပျက်လက်ပျက်နဲ့ လဲနေတုန်း ကောင်လေးသုံးယောက် ကျွန်တော့် အနားဖြတ်လျှောက်သွားတယ်။ တစ်ယောက်က ဘာမပြော ညာမပြောနဲ့ ကျွန်တော်ကို ရက်ရက်စက်စက် ကန်ထည့်လိုက်ပါတယ်။ အဲဒီမှာ ကျွန်တော်ဟာ ကောင်လေးသုံးယောက်ရဲ့ ဘောလုံးဖြစ်သွားတော့ တယ်။ ကျွန်တော်ဒေါသထွက်မိတယ်… ဒါပေမယ့် ဘာမှမတတ်နိုင်ခဲ့ဘူး။ မိနစ်အနည်းငယ်အကြာမှာ အရိပ်ကျတဲ့ မှောင်မည်းမည်းထောင့်တစ်နေရာထဲ ကျွန်တော်ကန်ထည့်ခံလိုက်ရမှ ကောင်လေးတွေရဲ့ အကန်က ရပ်သွားတော့တယ်။ ကျွန်တော့်ကိုယ်ထဲမှာ သဲတွေဖုန်တွေနဲ့၊ လှပတောက်ပြောင်တဲ့ အပြင်ခွံ ဟာလည်း တွန့်ကြေပွန်းပဲ့လို့။ ဘယ်ဆီဘယ်ဝယ် ကျွန်တော်အလွင့်ခံရဦးမယ် မသိဘူး။ ကျွန်တော့် ကိုယ်မှာ သွေးအလိမ်းလိမ်းနဲ့ အကန်ခံထားရလို့ တစ်ကိုယ်လုံးလည်း နာကျင်နေခဲ့ပါပြီ။
ကျွန်တော်ညည်းတွားငိုကြွေးမိတယ်။ ဒါပေမယ့် ကျွန်တော့်ကို ဘယ်သူမှ ဂရုမစိုက်ခဲ့ဘူး။ လူတွေဟာ ဒီလောက်တောင် ကိုယ်ကျင့်တရားခေါင်းပါးခဲ့ကြပြီလား။ ဒီလောက်ရက်စက်ခဲ့ကြပြီလား။ သဘာဝပတ် ဝန်းကျင်ကို ချစ်မြတ်နိုးဖို့တောင် မသိကြတော့ဘူးလား။
တစ်ရက်ကုန်လွန်သွားခဲ့တယ်… နှစ်ရက် ကုန်လွန်သွားခဲ့တယ်။ မရေမတွက်နိုင်တဲ့ နေ့တွေညတွေ ကုန် လွန်သွားခဲ့တယ်။ အဲဒီထောင့်လေးတစ်နေရာမှာနေပြီး လေဒဏ် မိုးဒဏ်တွေကို ကျွန်တော်ခံခဲ့ရတယ်။ အလင်းတန်းမှိန်မှိန်လေးကနေတဆင့် လမ်းပေါ်မှာ ဥဒဟိုသွားလာနေကြတဲ့ လူတွေကားတွေကို ကျွန်တော်နေ့တိုင်း ငေးကြည့်နေခဲ့တယ်။ ဒီလိုနေ့ရက်မျိုး၊ ဘဝမျိုးကို ကျွန်တော်စိတ်ပျက်မိတယ်။ လေတိုက်စားလို့ ကျွန်တော်အရေပြားလည်း မွဲပြာနေခဲ့ပါပြီ။
ရက်တွေ ကုန်လွန်သွားခဲ့ပြန်တယ်။ တစ်နေ့မှာ ရုတ်တရက် လေပြင်းတစ်ခုတိုက်ခတ်ခဲ့လို့ မြက်ခင်းပြင် တစ်ခုပေါ် ကျွန်တော်ရောက်သွားခဲ့တယ်။ ကျွန်တော် အလင်းပြန်မြင်ရပြီ… ကျွန်တော့်ကို လူတွေတွေ့တော့မယ်။ အဲဒီတခဏ ပန်းရောင်အင်္ကျီဝတ်ထားတဲ့ မိန်းမငယ်လေးတစ်ဦးက ကျွန်တော့် ဆီလျှောက်လာပြီး ကျွန်တော့်ကိုကောက်ယူလိုက်တယ်။ ပြီးတော့ ကျွန်တော့်ကို “ပြန်လည် အ သုံးပြုနိုင်သောပစ္စည်း” ဆိုတဲ့ပုံးထဲ ဂရုတစိုက်ထည့်လိုက်တယ်။ ကျွန်တော်ပျော်မိသလို မိန်းမငယ်လေး လည်း ပြုံးရွှင်နေပါတယ်။ သူ့ကို ကျွန်တော် အထူးကျေးဇူးတင်မိတယ်။ ပုံးထဲမှာ ဆိုက်ဒ်စုံ၊ သဏ္ဍာန်စုံတဲ့ ပုလင်းသူငယ်ချင်းတွေ စုဝေးရောက်ရှိနေပါတယ်။ သူငယ်ချင်းတစ်ယောက်က ကျွန်တော်ကို “ကြိုဆိုပါ တယ်.. သူငယ်ချင်း.. ရက်သိပ်မကြာခင်မှာ ငါတို့ အိမ်သစ်တစ်လုံးတွေ့ပြီး နောက်ပုံစံတစ်မျိုးအဖြစ် ထပ်ပြောင်းကောင်း ထပ်ပြောင်းရတော့မယ်”လို့ဆိုတယ်။ ကျွန်တော် အားရဝမ်းသာရယ်မိတယ်။ အဲ ဒီနောက် စိတ်ချလက်ချနဲ့ အိပ်မက်ကမ္ဘာထဲ ကျွန်တော်ပျော်ဝင်သွားခဲ့တော့တယ်။
နောက်တစ်နေ့မနက် ကျွန်တော်နိုးလာတဲ့အချိန် ကျွန်တော်ဟာ အရင်ကစက်ရုံဆီပြန်ရောက်နေတာ တွေ့လိုက်ရတယ်။ ကျွန်တော်အံ့သြဝမ်းသာမိတယ်။ ကျွန်တော့်မိဘတွေကို ကျွန်တော်ပြန်တွေ့ရပြီ။ ဝမ်းသာလွန်းလို့ ကျွန်တော်ဘာပြောလို့ ပြောရမှန်းမသိဖြစ်နေခဲ့တယ်။
သိပ်မကြာခင်မှာပဲ ကျွန်တော်ဟာ အသေးစိတ်ပြုပြင်ပြောင်းလဲ ပုံသွင်းခံရပြန်တယ်။ ဒီတစ်ခါ ကျွန်တော် က ပုပုဝဝ ပလပ်စတစ်အမှိုက်ပုံးတစ်လုံးပေါ့။ ဘဝသစ်ကို ကျွန်တော်တစ်ဖန်ပြန်စရပြီ… အတွေ့အကြုံ သစ်တစ်ခုကို ကျွန်တော်ပြန်စရပါပြီ။
လူသားတို့ရေ.. မင်းတို့ နှိုးထကြတော့။ ကျွန်တော်တို့ကို နေရာတကာ လျှောက်မလွှင့်ပစ်ကြပါနဲ့တော့။ သဘာဝပတ်ဝန်းကျင်ကို မညစ်ညမ်းပါစေနဲ့တော့။ မင်းတို့သာ ဒီလိုဆက်သွားနေရင် ဒီကမ္ဘာကြီးဟာ အမှိုက်ပုံကြီးဖြစ်သွားလိမ့်မယ်။ ဟိုမိန်းမငယ်လေးလို ပတ်ဝန်းကျင်ကို မင်းတို့ သတိထား ဂရုစိုက်တတ် ရင်၊ ပတ်ဝန်းကျင်ကို ချစ်တတ် ထိန်းသိမ်းတတ်ရင် မနက်ဖြန်မှာ ဒီကမ္ဘာမြေကြီးဟာ လှပစိမ်းစိုတဲ့ ဥယျာဉ်ခြံကြီးတစ်ခြံဖြစ်နေမှာ အမှန်ပါ လူသားတို့ရေ……
-------------------------------------------------
ကိုမျိုး (lwanmapyay.blogspot.com)
ကိုမျိုး (lwanmapyay.blogspot.com)