Amazon ဖုန်းတွင် 3D နည်းပညာ အသုံးပြုထားဖွယ်ရှိ

Amazon ကထွက်ရှိလာမည့် ပထမဦးဆုံး စမတ်ဖုန်း၌ 3D interface အသုံးပြုထားရှိကာ ၎င်းဖုန်းကို ဇွန်လ၁၈ရက်နေ့၌ ကျင်းပမည့်ပွဲတွင် မိတ်ဆက်ဖွယ်ရှိကြောင်း TechCruch သတင်းဋ္ဌာနမှဖော်ပြခဲ့သည်။

Amazon မှထုတ်လုပ်မည့်ဖုန်းတွင် Omron ၏ မျက်နှာကို မှတ်သားပေးထားနိုင်သော Okao Vision စနစ်ပါဝင်လာဖွယ်ရှိသည်။ Amazon အနေဖြင့် ၎င်းနည်းပညာကို ပြင်ဆင်မှုများ ပြုလုပ်ပြီး ဖုန်းတွင် အထူးပြုလုပ်ထားသည့် မှန်သားများအသုံးမပြုဘဲ ရိုးရှင်းသော LCD screen ပေါ်တွင် 3D affect များကို မြင်သာအောင် ပြုလုပ်ထားဖွယ်ကြောင်း သတင်းများတွင် ဖော်ပြထားသည်။ အဆိုပါ ဆော့ဖ်ဝဲသည် သုံးစွဲသူများ၏ မျက်နှာများကို ခြေရာခံရန် ဖုန်း၏ထောင့်များတွင် ရှေ့ကင်မရာ ၄ခုကို embed ပြုလုပ် ထားသည့် အပြင် accelerometer နှင့် gyroscope များကလည်း မျက်နှာအနေအထားကို ခြေရာခံပေးနိုင် ဖွယ်ရှိသည်။

Okao Vision နည်းပညာတွင် မျက်နှာများကို ခြေရာခံသည့် အပြင် facial feature နှင့် သုံးစွဲသူကို ကျား/မ ခွဲခြားပေးနိုင်ကြောင်း သိရှိရသော်လည်း ၎င်း feature များကို Amazon အနေဖြင့် ဖုန်းအတွင်း အသုံးပြုရန် အစီအစဉ်ရှိမရှိ မသိရသေးပေ။ အဆိုပါဖုန်းနှင့် ပတ်သက်ပြီး Amazon နှင့် Omron တို့မှ အတည်ပြုချက်များ ထွက်ပေါ်မှုများ မရှိသေးသော်လည်း ဇွန်လ ၁၈ရက်နေ့တွင် Amazon သည်၎င်းတို့၏ ပထမဦးဆုံး စမတ်ဖုန်းကို မိတ်ဆက်ပေးဖွယ် ရှိကြောင်း သိရသည်။

စိုးထက်
Ref: Engadget

Internet Journal အတွဲ (၁၅)၊ အမှတ် (၂၂) 

-------------------------------------------------
ကိုမျိုး (lwanmapyay.blogspot.com)

ဆက်စပ်ဖတ်ရှုရန် အကြောင်းအရာများ...