ဆရာဟူသည်
“အဖေ့မျက်နှာသစ်တာ မှားနေတယ်”။ စောစောထ၊ မျက်နှာသစ်နေစဉ် မျှော်လင့်မထားသော စကားသံ ကိုသားငယ်ထံမှ ကြားလာရသည်။ “သွားတိုက်ပြီးမှ မျက်နှာသစ်တာ မဟုတ်ဘူးအဖေ။ မျက်နှာသစ်ပြီး မှသွားတိုက်ရတာ။ ဒါမျက်မှန်လွတ်တဲ့နည်းတဲ့။ အဖေပေးဖတ်တဲ့ စာအုပ်မှာရေးထားတာ” စာဖတ်ဝါ သနာပါသော သားငယ်ကိုကောင်းနိုးရာရာ စာအုပ်များ ပေးဖတ်စေခဲ့သည့်အကျိုး။ ယခုခံစားလာရပြီ။ နှစ်ခြိုက်စွာပြုံးပြရင်း သားငယ်၏စေတနာကို အသိအမှတ်ပြုလိုက်ပါသည်။
မိမိ၏ပုံမှန်လုပ်နေကျ မျက်နှာသစ်နည်းမှာ ဦးစွာပထမခြေနှစ်ချောင်းကို ဆေးကြောပြီးလျှင် ဒူးခေါင်းအ ထက်မှရေလောင်းချ။ ရေခွက်အပြည့်ရေတွင် မျက်လုံးတစ်ဖက်စီကိုနှိုက်လျက် ဖွင့်ချည်ပိတ်ချည် ကိုး ကြိမ် စီပြုလုပ်ပြီးလျှင် နှာခေါင်းအတွင်းသို့ ရေရှူထုတ်၊ ရှူသွင်းသုံးကြိမ်ပြုလုပ်ပြီးမှ သွားတိုက်၊ မျက်နှာ သစ် ပုံမှန်လုပ်ဝတ်မပျက်။ ယနေ့မှာမှ သားငယ်က မျက်နှာသစ်ပြီးမှ သွားတိုက်ရကြောင်း စာအုပ်အ ကိုးအ ကားနှင့် ရှင်းပြလာခြင်း။
“လက်ဦးဆရာ၊ မည်ထိုက်စွာ၊ ပုပ္ပာစရိယ၊ မိနှင့်ဖဆိုစကားအတိုင်း မိဘနှစ်ပါးကျေးဇူးကြောင့် စောစော ထ၊ မျက်နှာသစ်သည့် အလေ့အကျင့် ငယ်စဉ်တောင်ကျေး ကလေးဘဝကတည်းက ရလာခဲ့သည်။ မိဘနှစ်ပါးသည် တောသူတောင်သားများပီပီ စောစောနိုးထ လုပ်ငန်းခွင်ဝင်ဖို့ပြင်ကြဆင်ကြ နိစ္စဓူဝ ဝတ်မပျက်။ အိမ်ဦးခန်းမှ အဖေ့ဘုရားရှိခိုးသံ၊ အမေ့မီးဖိုချောင်မှ အိုးသံခွက်သံများသည် မိမိတို့မိသား စု၏နံနက်ချိန်ခါ မင်္ဂလာသံစဉ်များဖြစ်ကြသည်။
“ငှက်ပျောကျီးကျော် မအိပ်ကောင်းဘူး။ အသက်တိုတတ်တယ်။ ငှက်မနိုး၊ ကျီးမနိုးခင်ထရတယ်။” စောစောနိုးထဖို့ နှိုးနေကျသိမ်မွေ့နူးညံ့အမေ့လက်သုံးစကား။ ဘုန်းကြီးကျောင်းထွက် အဖေက ‘အိုးဖုတ်သမားထုံး’ နှလုံးမူကာကြိမ်ကိုင်လမ်းပြနိုးထစေတဲ့အချိန် အမေကားထိုသို့မဟုတ်။ ‘စမ်းရေစီး ၏ရေစီးအားနှင့် ကျောက်တုံးကျောက်ခဲများကို တေးဆိုရင်းအပြီးတိုင်ချောမွေ့စေခဲ့သူ’ နှလုံးရည်သ မား။
ဘဝခရီးမှာ မျက်နှာသစ်နည်းမသင်ပေးခဲ့သော ငယ်ဆရာတစ်ဦးလည်းရှိခဲ့ဖူးသည်။ ရခိုင်မြန်မာ ပဏ္ဍိပ်၊ ဦးဦးသာထွန်း။ သောက်စားမူးယစ်၊ ယစ်ထုတ်ဘဝနှင့် လမ်းကြောင်းမှားနေချိန်၊ ကရုဏာတရားနှင့် မျက်နှာသစ်နည်းပေးလာခြင်း၊ လုံချည်၊ အင်္ကျီများကို မလျှော်မဖွပ်ကြာကြာဝတ်ထားလျှင် လူတောသူ တောတိုးမရအောင် နံစော်လာမည်။ မကြာမကြာလျှော်ရဖွတ်ရ လုပ်ပေးရသည်။ မင်းစိတ်ခန္ဓာကို ဘယ်နှစ်ခါလျှော်ဖွပ်ပြီးပြီလဲ။ ဒီအတိုင်းဆက်သွားလျှင် မင်းရူးသွားလိမ့်မည်” လူပြိန်းနားလည်လွယ် သော ဥပမာစကားနှင့် ဆုံးမစကားပြောလာခြင်း။ ရုပ်ခန္ဓာကို သန့်စင်မျက်နှာသစ်ပေးရသလို နာမ်ခန္ဓာ အိမ်ကို လည်း နေ့စဉ်နှင့်အမျှ မျက်နှာသစ်သန့်စင်ပေးရကြောင်း၊ ဦးစွာဂုဏ်တော်တစ်ပါးပါးကို ပွားများ ပုတီး စိပ်ခြင်း၊ အရှိန်ရလာမှ ထွက်လေဝင်လေ အားနာပါနနည်းနှင့် နာမ်ခန္ဓာအိမ်ကို သန့်စင်ပေးရ ကြောင်း၊ ရှင်းပြသည်။ အရက်သမားမိမိအား အရက်မသောက်ဖို့တစ်ခွန်းတစ်ပါဒမျှမပြော။ အဓိကကျ သည့် မျက်နှာသစ်သန့်စင်နည်းကို ပြောသွားသည်။ ဤသို့ဖြင့်ဆရာ့နည်းနာအတိုင်း လိုက်နာကျင့်ကြံ အရက် သမားဘဝမှလည်း ကွင်းလုံးကျွတ်ခဲ့သည်။
“စောစောထပါ။ စိတ်အာရုံကို တစ်ခုတည်းမှာထားပြီး ၁၀ မိနစ်ခန့် ငြိမ်သက်စွာထိုင်ပါ။ သင်တစ်နေ့ တာလုံး စိတ်ချမ်းသာလိမ့်မည်” ဟု မိန့်ဆိုခဲ့သည့် အိန္ဒိယယောဂီကြီး မဟာရီရှိ၏ အဆိုအမိန့်သည် လည်း ဘဝလမ်းညွှန်ဖြစ်ခဲ့ပါသည်။ မိမိဘဝ၏ ပဲ့ကိုင်ဆရာသခင်များ။
“ဘဝသည် ကျောင်းနှင့်တူပြီး ဝန်းကျင်လောကသည် ဆရာနှင့်တူသည်” အဆိုအမိန့်အတိုင်း ရယူ တတ်ဖို့ သာလိုသည်။ နေရာတိုင်းမှာ ဆရာရှိနေသည်။ “ဆရာမပြငါးပိဖုတ်လည်း နည်းမကျ”။ အရာရာ မှာ ဆရာ ဟူသည်လိုအပ်စမြဲ။ ကြားဆရာ၊ မြင်ဆရာ၊ သင်ဆရာဟူ၍ရှိကြရာတွင် တချို့ပညာပြတတ် ကြသည်။ တချို့ပညာမျှဝေပေးတတ်ကြသည်။ ပညာပြသူဆရာထံမှ ဘဝတစ်သက်တာရှောင်ရှားစရာ ခါးသည့်ပညာ ရရှိသလို ပညာမျှဝေပေးသူထံမှ ဘဝတစ်သက်တာဆောင်ထားစရာပွားမည့်ပညာ ရရှိ ကြသည်သာ။ အားလုံးဆောင်ရန်ရှောင်ရန် လမ်းပြပေးသည့် ဘဝ၏လမ်းပြကြယ်များဖြစ်ကြသည်။
မိမိဘဝမှာလည်း အသက်ကြီးမှ ဆရာတစ်ဦးထပ်တိုးလာခဲ့သည် မျက်နှာသစ်နည်းသင်ပေးသော မိမိ သားငယ်ကိုယ်တိုင်ဖြစ်နေသည်။ သားငယ်၏စေတနာကို စောဒကမတက်ခဲ့ပါ။ ရှင်သာရိပုတ္တရာ ထုံးနှ လုံးမူပြီးလိုက်နာကျင့်သုံးခဲ့ပါသည်။ ကြီးသည်၊ ငယ်သည်မတူ အကျိုးလိုသူဆရာဟူ၏။ မိမိတို့လက်ခံ နိုင်ကြရမည်သာ။ ။
ကြေးမုံသတင်းစာ
ဇွန် (၃) ရက်၊ ၂၀၁၄ ခုနှစ်
------------------------------------------------
ကိုမျိုး (lwanmapyay.blogspot.com)
ကိုမျိုး (lwanmapyay.blogspot.com)