အားကစားကြောင့် ဦးနှောက်ထိခိုက်ဒဏ်ရာရခြင်းမှ ပြန်လည်သက်သာရန် အချိန်ပိုမိုကြာမြင့်နိုင်
Health Updates Journal No. 120University of Gothenburg သုတေသီများ၏ လေ့လာချက်အရ ဦးနှောက်ရည်ကြည် (cerebrospinal fluid) ကို စမ်းသပ်မှုများပြုလုပ်၍ ဦးနှောက်ထိခိုက်ဒဏ်ရာ ရမှုများကို ခန့်မှန်းနိုင်ကြောင်း သိရသည်။
ဦးနှောက်ထိခိုက်ဒဏ်ရာမှ ပြန်လည်သက်သာလာစေရန် ကြာမြင့်ချိန်မှာ ယခင်သိရှိထားသည်ထက် ပိုမိုကြာမြင့်နိုင်ကြောင်း သုတေသီများကဆိုသည်။
““ဦးနှောက်ထိခိုက်ဒဏ်ရာဟာ ၇ရက်မှ ၁၀ရက်အတွင်းသက်သာ လာနိုင်တယ်လို့ သိထားကြပြီး ဆွီဒင်လက်ဝှေ့အဖွဲ့ချုပ်မှာဆိုလျှင် ဦးနှောက်ထိခိုက်မှုမှ သက်သာလာဖို့ လေးလအထိကြာမြင့်နိုင် ပါတယ်””ဟု သုတေသီ Sanna Neselius က ဆိုသည်။
ထို့ပြင် လက်ဝှေ့အားကစားကဲ့သို့ ဦးခေါင်းကို ထပ်ကာတလဲလဲ ထိခိုက်မှုများတွင် ဦးနှောက်ထိခိုက် ဒဏ်ရာလက္ခဏာများ မပြသော်လည်း နဗ်ဆဲလ်များ ပျက်စီးနိုင်သည်ကို ဖော်ပြထားသည်။ ဦးနှောက် ထိခိုက်မှုသည် အားကစားနှင့် ဆက်စပ်၍ အများဆုံးဖြစ်ပွားသော ထိခိုက်ဒဏ်ရာတစ်ခုဖြစ်ပြီး နှစ်စဉ် နှစ်တိုင်း ဒဏ်ရာရ အားကစားသမား ဦးရေတိုးတက်လျက်ရှိသည်။
ဦးနှောက်ရည်ကြည်ကို ထိခိုက်ဒဏ်ရာရပြီးပြီးချင်း ၁၀ ရက်မှ ၁၄ ရက်အတွင်း ရယူရန် လိုအပ်ကြောင်း ထိခိုက်ဒဏ်ရာ၏ ပြင်းအားကို သိရှိ နိုင်ရန်နှင့် နာလန်ထရန် ကြာချိန်ကို သိရှိနိုင်စေရန် ဦးနှောက်ရည် ကြည်က အရေးပါကြောင်း သုတေသီ Nesetius ကဆိုသည်။
ကလေးများနှင့် အရွယ်ရောက်စ လူငယ်များသည် ဦးနှောက်ထိခိုက်ဒဏ်ရာကို ပိုမိုဆိုးရွားစွာ ခံစားရ တတ်ပြီး သက်သာစေရန် အချိန်ကြာ မြင့်စွာယူရကြောင်းလည်း သိရသည်။
သီဟ
ref: NMD
-------------------------------------------------
ကိုမျိုး (lwanmapyay.blogspot.com)
ကိုမျိုး (lwanmapyay.blogspot.com)