အကောက်ခွန်မဲ့ iPhone 6 နဲ့ 6 Plus တွေ ရန်ကုန်လေဆိပ်မှာ သိမ်းမိ
လေဆိပ်မှာ သိမ်းမိတဲ့ iPhone အသစ်များ၊ ဓာတ်ပုံ- မြန်မာ့အကောက်အခွန် ဦးစီးဌာန
အကောက်အခွန်မဲ့ တန်ဘိုးရှိ ပစ္စည်း ကျပ် ၁၂ သန်းကျော်ဖိုး ရှိတဲ့ အိုင်ဖုန်း အသစ်တွေကို ရန်ကုန် အပြည်ပြည် ဆိုင်ရာ လေဆိပ်မှာ မြန်မာ အကောက်အခွန် ဦးစီးဌာနက သိမ်းမိတယ်လို့ အကောက် အခွန် ဦးစီးဌာနရဲ့ ဖေ့စ်ဘုတ် စာမျက်နှာက ဖော်ပြလာပါတယ်။
"၁။ အကောက်ခွန် ဦးစီးဌာန ရန်ကုန် အပြည်ပြည်ဆိုင်ရာ လေဆိပ်တွင် (၂၃-၉-၂၀၁၄) ရက်နေ့၌ ပြည်ပမှ
ပြန်လည် ၀င်ရောက်လာသော ခရီးသည်(၂)ဦးထံမှ ခန့်မှန်း တန်ဖိုး ကျပ် (၁၂.၃)သန်းခန့် ရှိသော "i Phone 6" & "i Phone 6 Plus" (14) Nos ကို ရှာဖွေစစ်ဆေး တွေ့ ရှိခဲ့ပြီး တင်သွင်းခွင့် အထောက်အထား တစ်စုံတစ်ရာ တင်ပြနိုင်ခြင်း မရှိသဖြင့် တားဆီးခဲ့ပါသည်။" လို့ အကောက်အခွန်က ထုတ်ပြန်ထားတဲ့ စာမှာ ရေးထားပါတယ်။
အကောက်အခွန် ဦးစီးဌာနက အနေနဲ့ အခုလို တားမြစ်သိမ်းဆီးမှုကို တည်ဆဲအကောက်ခွန် လုပ်ထုံး /လုပ်နည်း တွေနဲ့ အညီ ဆက်လက် ဆောင်ရွက် သွားမယ်လို့လည်း ဆိုပါတယ်။
မြန်မာနိုင်ငံကို အကောက်အခွန်မဲ့ ပစ္စည်းတွေ အမြောက်အများ တင်သွင်းမှုတွေလည်း ရှိနေပြီး ဒီလို အမှုကိစ္စကြီး တွေကို အကောက်အခွန် ဦးစီးဌာနအနေနဲ့လည်း အရေးတယူ ဖမ်းဆီးဖို့ လိုတယ်လို့လည်း တချို့က မှတ်ချက်တွေ ပေးနေတာ တွေ့ရပါတယ်။
အိမ့်သံစဉ် ~ ဧရာဝတီ Blog
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page