Miss Myanmar World ဆန်ခါတင်မှ ထုတ်ပယ်မှုကို ပက်ထရစ်ရှာ ရှင်းလင်း
မေး - ပက်ထရစ်ရှာကို ပြိုင်ပွဲက ထုတ်ပယ်ဖို့ဖြစ်လာရတဲ့ ပြဿ နာက ဘယ်လိုမျိုးလဲ။ လေ့ကျင့်တဲ့ရက်တွေမှာ အချိန်မှန် လာရောက်မှု မရှိဘူးလို့ သိရတယ်။ အဲဒါဟုတ်ပါသလား။
ဖြေ - သူတို့ဘက်က သမီးကို ၉ ရက်နဲ့ ၁ဝ ရက် နှစ်ရက်ကို အလုပ်လုပ်ဖို့ ရိုက်ကူးခွင့် ပေးတယ်လို့ ပြောတယ်။ နားရက်ပေးတယ်ပေါ့။ သြော် ဟုတ်ကဲ့ ဆိုပြီး ရိုက်လိုက်တာ။ တကယ်တမ်း ရိုက်နေတဲ့ အချိန် ရိုက်ကွင်းပေါ်မှာ ကျတော့ သမီးအမေကို ဖုန်းတွေ ဆက်တယ်။ ဘာလို့မလာတာလဲ။ ဒီနေ့က Training Day ဆိုပြီး တော့ ကိုယ့်ကို အပြစ်ပုံချသလိုပြောတယ်။ ပြိုင်ဖို့ အဆင်မပြေ တော့ဘူးဆိုပြီး တွေးမိသွားတယ်။ အဲဒါနဲ့ သူတို့ကို အကြောင်း ပြန်လိုက်တယ်။ မပြိုင်ဖြစ်တော့ဘူး ဆိုပြီးတော့ပေါ့။ အဲဒီအခါ သူတို့ Page မှာ တင်တော့ ညီမက Training Day တွေကို ပျက်ကွက်လို့ ထုတ်ပယ်တယ် ဆိုပြီးတော့ တင်ထားတယ်။ တကယ်တော့ ညီမ Image ကို ထိခိုက်တယ်။ ညီမကို အားပေးနေတဲ့ ပရိသတ်တွေ အတွက်လည်း မကောင်းဘူးပေါ့နော်။ ညီမက စည်းကမ်းမရှိတဲ့သူ တစ်ယောက်လို ဖြစ်သွားတော့ မကောင်းဘူးပေါ့နော်။
မေး - သူတို့ရဲ့ Training Day တွေကို ပျက်ကွက်ခဲ့တာ ရှိလား။
ဖြေ - ညီမ နေမကောင်းနေတဲ့ အချိန်တောင် ရောက်အောင် သွားတယ်။ Voting ပေးဖို့အတွက် ဓာတ်ပုံရိုက် ခံရတော့ အဲဒီနေ့က သမီး လုံးဝနေမကောင်းဘူး။ သူများမျက်နှာတွေ အရမ်းလှနေတဲ့ အချိန် သမီးမျက်နှာ မိတ်ကပ် တင်လို့မရသလို ဖြစ်နေတယ်။ အဲဒီနေ့က လည်း ဖြစ်ချင်တာဖြစ် အမှတ်လျော့ပါစေ ဆိုပြီးတော့ ကြိုးစားပြီး ရိုက်ပေး ခဲ့ပါတယ်။ ၉ရက် ၁ဝရက် နှစ်ရက်လည်း အထက်လူကြီး ခွင့်ပေးလို့ အလုပ်သွား လုပ်ခဲ့တာပါ။ အဲဒါကို ညီမက ပျက်ကွက်လို့ ဆိုပြီးပြောလို့ ညီမလည်း ဆက်ပြိုင်ဖို့ မဖြစ်တော့ဘူး ဆိုပြီး မပြိုင်ခဲ့တော့တာပါ။
မေး - Miss Myanmar World Page မှာ အဖြစ်မှန်ကိုပြန်လည်တင်ပေးဖို့ တောင်းဆိုထားတာ ရှိလား။
ဖြေ- ဟုတ်ကဲ့။ အဖြစ်မှန်အတိုင်း ပြန်တင်ပေးဖို့ကို ပြောထား ပေမယ့် သူတို့ဘက်က အခုချိန်အထိ ဘာမှမလုပ်ပေး သေးပါဘူး။
မေး - ပက်ထရစ်ရှာက ဆုရဖို့ထင်ကြေး ပေးခံရသူဆိုတော့ အခုလိုဖြစ်သွား တာကရော ဘာကြောင့်လို့ ပြောချင် လဲ။
ဖြေ- ပရိသတ်တွေက သမီးအတွက် Vote ပေးကြတယ်။ အား ပေးတဲ့သူတွေ အရမ်းများတယ် ဆိုတာသိရတော့ ဝမ်းသာခဲ့တယ်။ ပရိသတ်တွေကလည်း သူတို့မကျေနပ်ဘူး ဆိုတာကို ရေးထားတာ အများကြီး တွေ့ရတယ်။
မေး - အရင် တစ်ခေါက်ကလည်း မပြိုင်တော့ဘူးဆိုပြီး ဖြစ်ခဲ့တာကရော။
ဖြေ- အဲဒီတုန်းက သူတို့ပုံတွေတင်တယ်။ ပြိုင်ပွဲဝင်တွေရဲ့ပုံ တွေတင်တော့ ညီမတစ်ယောက်တည်း ပါးစပ်ကြီး ဟပြီး စကားပြော နေတဲ့ပုံကို တင်လိုက်တယ်။ တော်တော်ရုပ်ဆိုးတယ်။ ညီမကို ရိုက် ထားတဲ့ပုံတွေမှ အများကြီး ပါပဲ။ ကင်မရာကိုကြည့်ပြီးတောင် ပြုံးပြ လိုက်တဲ့ပုံတွေလည်းရှိတယ်။ သူများတွေကျတော့ ပဲပေးနေတဲ့ပုံတွေ တင်တယ်။ ညီမကို ပရိသတ်တွေက ဝေဖန်ကြတယ်။ ပက်ထရစ်ရှာ က ဒီပွဲမှာ ဘာလို့မလှတာလဲဆိုပြီးတော့ပေါ့။ ညီမလည်းစိတ်ဓာတ် ကျပြီး မပြိုင်ဖြစ်တော့ဘူးလို့ ဆုံးဖြတ်ခဲ့တာပေါ့။
မေး - ပက်ထရစ်ရှာ ဒီပွဲကိုပြိုင်ဖို့အတွက် ကိုယ့်ဘက်က လိုလိုလားလား ပြိုင်ခဲ့တာလား။ သူတို့ဘက်က ကမ်းလှမ်းမှုတွေရော ရှိခဲ့လား။
ဖြေ- ပရိသတ်တွေကလည်း အားပေးတယ်။ ပြိုင်ပါလို့ပြောတာ သိရတော့ ညီမဝင်ပြိုင်ခဲ့တယ်။ သူတို့ဘက် ကလည်း အတင်းကိုပြိုင် ခိုင်းတာ။ အတင်းတောင်းဆိုတယ်။ ပြိုင်ဖို့အတွက် ညီမမှမရရင် ဘယ် သူရမှာလဲ ဆိုပြီးတော့ပေါ့။ ညီမက ပြိုင်ချင်လွန်းလို့ ဝင်ပြိုင်ခဲ့တာ မဟုတ်ဘူး။ ညီမနာမည် အသုံးချပြီး ပြိုင်ပွဲကို လူတွေ စိတ်ဝင်စားမှ ဆောင့်ကန်ခံရတဲ့ ပုံစံမျိုး ဖြစ်သွားတယ်။
မေး - Miss Myanmar World ကိုပြောချင်တာရှိရင် ပြောပေးပါဦး။
ဖြေ - ဖြစ်ရပ်မှန်အတိုင်း ပြန်တင်ပေးပါလို့ပဲ ပြောချင်ပါတယ်။ ဒါ ညီမ ပထမဦးဆုံး ဝင်ပြိုင်တဲ့ပွဲမှာမှ ဒီလိုဖြစ်ရတဲ့ အတွက် စိတ်မကောင်းဘူး။
- သုသော်ဒီ (တွေ့မေးရေးသည်)
- Flower News ဂျာနယ်၊ အတွဲ (၁၀)၊ အမှတ် (၃၆)။
--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook