ဆော်ဒီမှ ထုတ်ဖော်ပြသခဲ့သည့် မဟာဗျူဟာမြောက်လက်နက်တပ်ဖွဲ့များ

Saudi Arabian နိုင်ငံအနေဖြင့် Tehran၊ Baghdad၊ Islamabad နှင့် Washington တို့အတွက် ရည်ရွယ်၍ မဟာဗျူဟာမြောက်ဒုံးပျံများကို ထုတ်ဖော်ပြသခဲ့ပါသည်။ အဆိုပါဒုံးပျံများသည် တရုတ်နိုင်ငံမှ ထုတ် လုပ်သော ဒုံးပျံများဖြစ်ပြီး Dong Feng (DF-3) ဟုခေါ်ကာ အရည်လောင်စာသုံး အမျိုးအစားများလည်း ဖြစ် ပါသည်။

အရှည်အနေဖြင့် ၂၄ မီတာရှည်လျားကာ ပစ်လွှတ်နိုင်ရန်အတွက် လောင်စာမီးလောင်ကျွမ်းမှု အဖြစ် ကြာချိန် ၃ နာရီအထိ ပေးရပါသည်။ Saudi Arabia သည် ၂၀၁၄ ခုနှစ်၊ ဧပြီလ ၂၉ ရက်နေ့က ကျင်းပ ခဲ့သော စစ်ရေးပြပွဲအခမ်းအနားတွင် Dong Fend-3 (DF-3) များကို ပထမဦးဆုံးအကြိမ် အများပြည်သူသို့ ထုတ်ဖော်ပြသခဲ့ခြင်း ဖြစ်ပါသည်။

အဆိုပါဒုံးပျံများသည် ဆော်ဒီ၏ မြို့တော်ဖြစ်သော Riyadh မှ Tehran၊ Baghdad၊ Islamabad နှင့် Washington မြို့များသို့ တိုက်ရိုက်ပစ်ခတ်နိုင်အောင် စွမ်းဆောင်နိုင်ပြီး ၄င်းဒုံးပျံနည်းပညာအား တရုတ်နိုင်ငံမှ လျို့ဝှက်၍ အကူအညီပေးခဲ့သည်ဟု သိရှိရပါသည်။ တရုတ်နိုင်ငံအနေဖြင့် ၁၉၇၁ ခုနှစ် ကတည်းကပင် DF-3 မဟာဗျူဟာမြောက်ဒုံးပျံတပ်ဖွဲ့များကို တပ်ဖြန့်ထားရှိခဲ့သလို စစ်မှုရေးရာ၌ နာမည်ကြီး ဆိုဒ်တစ်ခုဖြစ်သော HIS Janes Defense Weekly မှ ဆော်ဒီ အနေဖြင့် ခန့်မှန်းချေအားဖြင့် ၄င်း DF-3 ဒုံးပျံမျိုး အစင်း ၃၀ ခန့်ပိုင်ဆိုင်ထားနိုင်ကြောင်း ပြောဆိုခဲ့ပါသည်။

အတည်မပြုနိုင်သော သတင်းပို့ပေးမှုအရ ဆော်ဒီအနေဖြင့် မဟာဗျူဟာမြောက်ဒုံးပျံတပ်ဖွဲ့ကို ၂၀၀၇ ခုနှစ် ကတည်းကပင် အဆင့်မြင့်တင်ဖွဲ့စည်းခဲ့ပြီး ပထမဦးဆုံးအနေဖြင့် DF-21 (CCS-5) ဒုံးပျံများကို အသုံးပြုခဲ့ ကြပါသည်။ DF-21 သည် တာတိုပစ်ဒုံးပျံများဖြစ်ပြီး အကွာအဝေး မိုင် ၁၁၀၀ ကျော်သာရောက်ရှိသော် လည်း ထိရောက်မှုမှာ မြင့်မားလှပါသည်။ ဆော်ဒီ၏ မဟာဗျူဟာမြောက် ဒုံးပျံတပ်ဖွဲ့အနေဖြင့် လက်ရှိတွင် ၄င်းတို့မြို့တော်၏ နေရာ သုံးနေရာတွင် တပ်ဖြန့်ထားကြောင်း သိရှိရပါသည်။

Ref:DT
WorldWide(BMSTU)
TechSpace Journal
-------------------------------------------------
ကိုမျိုး (lwanmapyay.blogspot.com)

ဆက်စပ်ဖတ်ရှုရန် အကြောင်းအရာများ...