စွန့်လွှတ်ခြင်းကို ရွေးချယ်သူ

သူနဲ့ကျွန်မ ချစ်သူသက်တမ်း (၂)လပြည့်တဲ့ အချိန်မှာ တခြားကောင်မလေး တစ်ယောက်နဲ့ သူရှုတ်နေတယ် ဆိုတဲ့အကြောင်း ကျွန်မ သိလိုက်ရတယ်။ ဒီလိုကိစ္စမျိုးကို ကျွန်မလုံးဝ လက်မခံနိုင် ခဲ့ဘူး။ ပြီးတော့ အဲဒီကောင် မလေးက ကျွန်မရဲ့ အချစ်ဆုံး သူငယ်ချင်းဖြစ်နေ ခဲ့တယ်။ ရုပ်ရှင်တွေထဲက ဒီလိုအပ်ကြောင်းထပ်တဲ့ ဇာတ်လမ်းမျိုး အပြင်မှာ ကျွန်မ ကိုယ်တိုင် ကြုံရတဲ့အချိန် ကျွန်မဘာကိုမှ စဉ်းစားမနေဘဲ သူ့ကို အဆက်ဖြတ်ပစ် လိုက်တယ်။ ဒီလိုယောက်ျားမျိုးက ကျွန်မကို စိတ်နှလုံးနာစေသလို၊ သူ့အပေါ် စိတ်လှုပ်ရှားဖို့ ကျွန်မကို ဘယ်လိုမှ စွမ်းဆောင် မနိုင်ခဲ့တော့ဘူး။

တစ်ခါတလေမှာ ကိုယ့်ကိုယ်ကို မိန်းကလေးဖြစ်ရတာကို ဂုဏ်ယူမိတယ်။ မိန်းကလေးတွေက နူးညံ့ သိမ်မွေ့တယ်။ လှပတယ်။ ဘုရားသခင်က ကျွန်မတို့ မိန်းကလေးတွေကို လှပတဲ့အရာတွေ အများကြီး ပေးခဲ့တယ်။ ဒါပေမယ့် တစ်ခါတလေမှာ ကိုယ့်ကိုယ်ကို မိန်းကလေးဖြစ်ရတာကို သနားမိတယ်။ ကျွန်မ တို့က ရိုးသား၊ ရိုးအလွန်းတယ်။ အထူးသဖြင့် ယောက်ျားတွေနဲ့ ကြုံတဲ့အချိန်မှာဖြစ်တယ်။

(၁)
ကျွန်မတို့ အိမ်ထောင်သက် (၃)နှစ်အထိ အစစအရာရာကို ခင်ပွန်းကတာဝန်ယူခဲ့သလို ကျွန်မကိုလည်း အရမ်းချစ်ခဲ့တယ်။ ဒါပေမယ့် သူ့အတွင်းရေးမှူးမနဲ့ သူဇာတ်လမ်းစခဲ့ပြီးနောက် အေးချမ်းတဲ့ကျွန်မတို့ရဲ့ အိမ်ထောင်ရေးက မီးနီပြခဲ့တယ်။

မိသားစု၊ နှစ်ချီကြာချစ်ခဲ့တဲ့အချစ်တွေနဲ့ အကြောင်းပြပြီး သူ့စိတ်ကိုဆွဲထားဖို့ ကျွန်မကြိုးစားခဲ့သေးတယ်။ ဒါပေမယ့် နောက်ဆုံးမှာ ကျွန်မလုပ်သမျှက အချည်းနှီးသာဖြစ်ခဲ့တယ်။ မကြာခဏ ရန်ဖြစ်ငြင်းခုန်ပြီး နောက် အကျိုးအကြောင်း တစ်ရပ်ကို ကျွန်မတဖြည်းဖြည်း သဘောပေါက် နားလည်လာခဲ့တယ်။ အဲဒီ အကြောင်းက "တကယ်လို့ မိန်းကလေးတွေက ကိုယ့်ကိုယ်ကို လေးစားရမှန်း နားမလည်ခဲ့ရင် တစ်သက် လုံး ယောက်ျားတွေရဲ့ကစားစရာအရုပ် ဖြစ်သွားနိုင်တယ်။ အမြဲခွင့်လွှတ်နေရင် နောက်ထပ်အမှား လုပ်ဖို့ အတွက် သူတို့ဝန်လေးတော့မှာ မဟုတ်ဘူး။ ကျွန်မတို့ကိုလည်းရှိတယ်လို့ သူတို့ဂရုစိုက်တော့မှာ မဟုတ် ဘူး"

ကွာရှင်းဖို့ သူ့ကို ကျွန်မဖက်က စပြီးတောင်းဆိုလိုက်တယ်။ တစ်ခုခုကို ဆုံးရှုံးသွားတဲ့ ပုံစံနဲ့ ငေးငိုင် သွား တဲ့ သူ့ကိုကြည့်ပြီး ကျေနပ်တဲ့အောင်နိုင်မှုတစ်ခုကို ကျွန်မရလိုက်တယ်။ အတွင်းရေးမှူးနဲ့ သူ့ဇာတ်လမ်း အကြောင်း ကျွန်မကိုစရှင်းပြတယ်။ ဒီမိသားစု၊ ဒီအိမ်ထောင်ရေးကို လက်လွှတ်ဆုံးရှုံးဖို့ သူဘယ်တော့မှ မစဉ်းစားခဲ့ကြောင်း၊ အတွင်းရေးမှူးမနဲ့က စိတ်ပြေလက်ပျောက်အဖြစ်တွဲခဲ့ကြောင်း ရှင်းပြတယ်။ အခုချိန်မှာ သူရဲ့အပိုစကားတွေ ဘာတစ်ခွန်းမှ ကျွန်မနားမထောင်ချင်ခဲ့ဘူး။ စိတ်ချမ်းသာပျော်ရွှင်မှုကိုပဲ ကျွန်မလိုလားခဲ့တယ်။

မိန်းကလေးတွေ ကိုယ့်ဂုဏ်သိက္ခာနဲ့ကိုယ် ရှင်သန်သင့်တယ်။ ကိုယ့်ကိုယ်ကို လေးစားသင့်တယ်။ ဒီလို ဘီးချော်တဲ့ယောက်ျားမျိုး၊ နောက်မီးလင်းတဲ့ ယောက်ျားမျိုးကို စွန့်ပစ်သင့်တဲ့အချိန်မှာ စွန့်ပစ်နိုင်ရမယ်။

(၂)

သူနောက်မီးလင်းနေပြီလို့ ကျွန်မသိတဲ့တစ်နေ့ သူ့ပါးကို ခပ်နာနာလေး ကျွန်မ ရိုက်ပစ်လိုက်တယ်။ ဒါတောင် သူက ကျွန်မကို အရင်လို မနူးညံ့၊ မသိမ်မွေ့ဘဲ ရန်ရှာ၊ ရန်လိုတဲ့မိန်းမလို့ စွပ်စွဲခဲ့တယ်။ စာနာစိတ်မရှိတဲ့ ဒီလိုယောက်ျားမျိုးကို ကျွန်မဟားတိုက် ရယ်ပစ်လိုက်ချင်တယ်။ နောက်ဆုံးမှာ သူ့အမှား ကို သူ မတွေ့ဘဲ အားလုံးက ကျွန်မအမှားတွေဖြစ်ခဲ့ရတယ်။ ကျွန်မက ရန်လို၊ ရန်မှုတတ်တဲ့ မိန်းမကြမ်း ဆိုရင် သိမ့်မွေ့နူးညံ့တဲ့မိန်းမကို သူရှာနိုင်ဖို့ သူ့ကို ကျွန်မစွန့်လွှတ်လိုက်ပါတယ်။

(၃)

ယောက်ျားတစ်ယောက်မှာ ငွေရှိလား၊ ကားရှိလား၊ ကျောထောက်နောက်ခံ ကောင်းသလားဆိုတာကို ကျွန်မနည်းနည်းမှ ဂရုမစိုက်ခဲ့ဘူး။ စိတ်ဝင်မစားခဲ့ဘူး။ သူနဲ့အတူ ဒိုးတူပေါင်ဖက် ကျွန်မကြိုးစား ရုန်းကန် ရဲတယ်။ ဒါပေမယ့် ကျွန်မနှစ်နှစ်ကာကာ ချစ်တဲ့ယောက်ျားတစ်ယောက် နောက်မီးလင်းတာကိုတော့ ကျွန်မနည်းနည်းမှ သည်းမခံနိုင်ခဲ့ဘူး။ စိတ်ဓာတ်နဲ့ပဲဖြစ်ဖြစ်၊ ခန္ဓာကိုယ်နဲ့ပဲဖြစ်ဖြစ် ဒီလိုယောက်ျားမျိုး အတွက် နောင်တမရတဲ့ဆုံးဖြတ်ချက်တစ်ခုကို ကျွန်မပိုင်ပိုင်နိုင်နိုင် ချရဲတယ်။ အဲဒါကတော့ သူ့ကို စွန့်ပစ်ဖို့ပဲဖြစ်တယ်။

အချစ်နဲ့အချစ်ကြားမှာ သဲတစ်ပွင့်တောင် အဝင်မခံဘူးတဲ့...
အချစ်ထဲက ယောက်ျားနဲ့မိန်းမတို့ဟာ သာမန်လူတွေပါ။ သာမန်လူတွေ အမှားလုပ်ရင် နောင်တရပြင် ဆင်နိုင်တဲ့ အခွင့်အရေးတစ်ခုတော့ ရှိသင့်သတဲ့။ နောင်တရ၊ စိတ်ပြန်လည်လာသူကို သင်စွန့်လွှတ် မလား... ပြုပြင်ဖို့ အခွင့်အရေးပေးမလား..

မူရင်း...လန်ဒန်ထုတ် တရုတ်သတင်းစာ lgtes.com မှ

နိုင်းနိုင်းစနေ (Friday, July 17, 2009)

--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook

စွန့်လွှတ်ခြင်းကို ရွေးချယ်သူ

ဆက်စပ်ဖတ်ရှုရန် အကြောင်းအရာများ...