Hyperhidrosis ချွေးထွက် များလွန်းလို့

ဆရာရှင့် မေးခွန်းတခု မေးပါရစေ။ ကျွန်မသည် အသက်၎ဝ။ ကလေး ၂ ယောက် မိခင်ဖြစ်ပါသည်။ ဒုတိယကလေး မီးဖွား ချိန်မှစ၍ ချွေးအရမ်းထွက်ပါတယ်။ ကျွန်မ ညအိပ်ချိန် ပိုပြီးချွေး ပိုထွက်ပါတယ်။ ခေါင်းချွေး ပိုထွက်ပါတယ်။ ကျွန်မတို့သည် တောင်ပေါ်မြို့ အအေးပိုင်းတွင် နေထိုင်ပါသည်။ သို့ပေမဲ့ ကျွန်မသည် ညစဉ်ချွေးအရမ်း ပြန်နေပါသည်။

“ချွေးထွက် များမှ သွေးထွက် နည်းမယ်” ဆိုတာ စစ်သင်တန်း ဆောင်ပုဒ် တခုပါ။ စစ်ရေးနဲ့ ဘာမှ မဆိုင်သူတွေ နေရင်း-ထိုင်ရင်း ချွေးထွက်များတာ ကျန်းမာရေး မေးခွန်း ဖြစ် လာတယ်။ နဖူးကချွေး ခြေမ ကျအောင်လုပ်ရပေမဲ့ ဝမ်းမဝသူတွေ အတွက်ကတော့ စီးပွါးရေး-ပုစ္ဆာ ဖြစ်ပါမယ်။ ချွေးရော သွေးပါ ရင်းရှာနေရဆဲပါ။

ချွေးထွက်တာကို Perspiration, Transpiration, Diaphoresis ခေါ်တယ်။ အရေပြားမှာရှိတဲ့ ချွေးအိတ်တွေကနေ ရေနဲ့ ဓါတ်ဆားတွေ ထွက်စေတာပါ။ ဦးနှောက်ထဲက Hypothalamus ကနေထိန်းပေးတယ်။ ချွေးထွက်တာက ကောင်းစေဘို့ပါ။ ကိုယ်ပူချိန် သမမျှတပေးလို့ ချွေးထွက်ရင် အေးသွားစေတယ်။ ပျို့ချင်၊ အန်ချင်လာရင် ချွေးပြန် တယ်။ စိတ်လှုတ်ရှားလို့ ထွက်တဲ့ ချွေးက လက်ဖဝါး၊ ခြေဖဝါး၊ ချိုင်းကြားနဲ့ နဖူးက ထွက်တယ်။ ရာသီဥတု ပူရင် တကိုယ်လုံးက ထွက်တယ်။ သွေးဆုံးချိန်၊ ဝတဲ့သူတွေမှာ ပိုထွက်တယ်။ လူ့အရေပြားကနေ ရေက အငွေ့ပြန် ထွက်နေတာကို မမြင်နိုင်ပါ။ မြင်ရရင် ချွေးခေါ်တယ်။

ချွေးနံ့လို့ ပြောကြတယ်။ ချွေးသန့်သန့်က အနံ့မရှိပါ။ ချိုင်း၊ ဆီးစပ် နဲ့ ဦးရေမှာ အမွှေး-ဆံပင်တွေပေါက်နေလို့ ချွေးနဲ့အတူ အဆီ ပါနေတယ်။ ဗက်တီးရီးယားကနေ အဆီကို သက်ရောက်တော့ Pungent odour အနံ့ ဆိုးစေ တယ်။ ဆေးပညာမှာ ကိုယ်နံ့ကို Apocrine Bromhidrosis, Osmidrosis, Ozochrotia ဆိုပြီး ခေါ်တယ်။ ကိုယ်နံ့ တိုင်းက မဆိုးပါ။ ကြာညိုနံ့ သင်းနေတာ ကုသိုလ်ထူးလို့ မဟုတ်ပါလား။ ဂန္ဓာရုံ ကောင်းလွန်းသူများ လူတယောက် ကို မမြင်သေးခင် အနံ့ရတာနဲ့ ဘယ်သူ-ဘယ်ဝါ ခွဲတတ်ကြတယ်။ အဲလိုလူတွေက သူများသွားကို မကြွားရဲဘူး၊ လူတွေထက် အနံ့ခံ ပိုကောင်းကြတာက တိရစ္ဆာန်တွေ မဟုတ်လား။

ချွေးထွက် များတာကို Hyperhidrosis ခေါ်တယ်။ တသက်လုံးတော့ မဟုတ်ပါ၊ အကြာကြီး ဖြစ်နေတတ်တယ်။ မွေးရာပါလား၊ နောက်မှ ဖြစ်လာတာလား ရှိသေးတယ်။ ငယ်ကတည်းက ချွေးထွက်များသူတွေ ဘာလို့ဆိုတာ တိတိကျကျ မပြောနိုင်ပါ။ ယူဆတာက Nervousness or excitement စိတ်လှုတ်ရှားမှု များလွန်းတာ၊ Sympathetic over activity လိုတာထက် ပိုအလုပ် လုပ်တာ ထင်ရပါတယ်။ ဆရာမေးတာ မဖြေနိုင်ရင် ကျောင်းသားခမြာ ချွေးပြန်လာသလို။ နောက်မှ လာဖြစ်သူတွေထဲမှာ လည်ပင်းကြီး၊ ဆီးချို၊ ဂေါက်၊ ဦးနှောက် ရောဂါရှိသူ၊ ခါးကို ထိခိုက်မိရာကနေ အထဲက အာရုံကြော ထိသူ၊ အဝေးဖျား-အာရုံကြော ရောဂါရှိသူ၊ ရင်ခေါင်း ထဲမှာ ကင်ဆာ-ရောဂါ ရှိသူ၊ ပြဒါး အဆိပ်သင့်သူ ဖြစ်နိုင်တယ်။

• တကိုယ်ရေ-သန့်ရှင်းရေး နဲ့လဲ ဆိုင်တယ်။ ရေချိုး၊ မျက်နှာသစ် သူများထက် ပိုရမယ်။
• ရေမွှေးတွေ အလွန်အကြွံ သုံးပြီး၊ ကိုယ်နံ့ ဖျောက်ကြတာကို Heavy perfume, Heavy Cologne ခေါ်ခံရတယ်။ အနံ့ကို လွှမ်းပေးတာပါ။
• Deodorants အနံ့ပျောက်ဆေး၊ Antiperspirants ချွေးထွက် သက်သာဆေး၊ Disinfectants ပိုးသတ်ဆေး၊ စပါယ်ရှယ်-ဆပ်ပြာတွေ သုံးပေးရင် သက်သာစေတယ်။
• ယာယီ သက်သောအောင် Talc or baby powder ပေါင်ဒါ သုံးနိုင်တယ်။
• အခု Anti-perspirant sticks အတောင့်ကို တွင်တွင်-ကျယ်ကျယ် သုံးလာတယ်။
• ချိုင်းချွေး ထွက်တာ များသူတွေ Underarm liners အခုအခံ သုံးနိုင်တယ်။ ချွေးကို စုပ်ယူပေးတယ်။
• Disposable underarm liners ပြန်သုံးလို့ရတဲ့ ချိုင်း အခုအခံ ပေါ်လာတယ်။ ချိုင်းဖက်က ဝါဂွမ်း၊ အဝတ်အစား ဖက်က နိုင်လွန် ဒါမှမဟုတ် (ဗီနိုင်းလ်) သုံးတယ်။ ၁၈၆၉ ကတည်းက Kleinert ကနေ စထုတ်ခဲ့တာ ဖြစ်တယ်။
• Sweax ကထုတ်တဲ့ Disposable liners တခါသုံးက ယောက်ျား၊ မိန်းမ ၂ မျိုးရတယ်။ Peel and Stick ခွါ-ကပ် ပါဘဲ။
• Aluminium chloride လိမ်းဆေးကို ချိုင်းချွေးထွက် များသူတွေ သုံးနိုင်တယ်။
• စားဆေး Oxybutynin ထိရောက်တယ်။ ဘေးထွက်-ဆိုးကျိုး မကင်းပါ။ အိပ်ချင်တယ်၊ အာခေါင် ခြောက်တယ်။
• Glycopyrrolate (Robinul) ဆေးလဲသုံးတယ်။
• စိတ်လှုပ်ရှားတာနဲ့ ဆက်နေသူတွေကို Antidepressants စိတ်ဆေး ပေးတယ်။
• Hypnosis အိပ်မွေ့ချ ကုသနည်းလဲ လုပ်တယ်။
• Botulinum toxin type A (Botox or Dysport) ထိုးဆေးက တခါ ထိုးထားရင် ၄-၉ လ ခံတယ်။
• ခွဲစိတ်နည်းလဲ လုပ်ပေးတယ်။ Sweat gland suction, Retrodermal Currettage, Axillary Liposuction, Laser Sweat Ablation, Endoscopic Thoracic Sympathectomy, Lumbar Sympathectomy, Percutaneous Sympathectomy နည်းတွေ အမျိုးမျိုးရှိတယ်။
• Foot odor ခြေအိပ်ဝတ်ရသူများ ခြေဆီထွက် ခြေနံ့ဆိုးတာလဲ ပြဿနာတခုဘဲ။
o Polyester နဲ့ Nylon ခြေအိပ်တွေ အသုံးများတာက ဝါဂွမ်း-ခြေအိတ်လောက် ဒီနေရာမှာ မကောင်းဘူး။
o Propionic acid (Propanoic acid) အများဆုံး သုံးကြတယ်။
o ဈေးအချိုဆုံးကတော့ Sodium bicarbonate ဆော်ဒါမှုံ့ ဖြစ်ပါတယ်။
o အရင်က ရုရှားစစ်သားတွေ Allspice (ဂျမေကာ-ပက်ပါ) ရွက်ကို စစ်ဖိနပ်ထဲ ထည့်သုံးကြဘူးတယ်။
o Zinc and Castor Oil cream ကြက်ဆူဆီ လိမ်းလို့ လဲရတယ်။ ဗမာပြည်ကနေ ရုရှားကို (အိတ်စပို့တ်) လုပ်သင့်တယ်။

ယောက်ျားတွေရဲ့ ချွေးထဲမှာ Pheromone ဆိုတဲ့ ဆန့်ကျင်ဘက်လိင်ကို ဆွဲဆောင်နိုင်တဲ့ ဟော်မုန်း သဘော ဆောင်တဲ့ သတ္တိ ရှိတယ်လို့ ယုံကြည်ရတယ်။ အမြဲထွက်နေတာတော့ မဟုတ်ဘူး။ လိင်စိတ်အရ ထွက်တဲ့အခါမှာ၊ သူ့ (ပါတနာ) က သိပ်သဘောကျပါမယ်။

ချွေးထွက်တဲ့အိတ် (Sweat glands) ရှိတဲ့အကောင်တိုင်းကနေ ရေနဲ့ဓါတ်ဆားတွေကို အရေပြားကနေ ထုတ်ပေးနိုင်တယ်။ Transpiration, Diaphoresis လို့လဲ ဆေးစကားမှာ သုံးတယ်။ လူတွေမှာ ချွေးထွက်ပေးပြီး ကိုယ်ရဲ့အပူချိန်ကို ထိန်းညှိတာပါ။ ချွေးထွက်ရင် အေးသွားစေတယ်။

ချွေးထွက်တာက အိုက်မှသာ မဟုတ်ပါ။ ပျို့လာတဲ့အခါ၊ ဂဏာမငြိမ်ဖြစ်တဲ့အခါတွေမှာလဲ ထွက်တယ်။ ချွေးထွက် နည်းတဲ့ အကောင်ထဲ ခွေးလည်းပါတယ်။ မြင်းကတော့ လူလိုဘဲ ဂျိုင်းက ချွေးထွက်တယ်။ ချွေးထွက်စေအောင် လုပ်ပေးတာက အရေပြားပေါ်မှာရှိတဲ့ အပူချိန်ကိုသိတဲ့ အာရုံခံနဲ့ ဦးနှောက်ထဲက Hypothalamus နေရာတွေက ဖြစ်တယ်။ စိတ်လှုတ်ရှားမှုကြောင့် ထွက်တဲ့ချွေးက လက်ဖဝါး၊ ခြေဖဝါး၊ နဖူးတွေကသာ ထွက်တတ်ပြီး၊ ကိုယ်လက် လှုတ်ရှားလို့ ထွက်တာက တကိုယ်လုံးက နေထွက်တယ်။

ချွေးထဲဘာတွေပါတယ်ဆိုတာ တယောက်နဲ့တယောက်မတူဘူး။ ရေ၊ Lactate နဲ့ Urea ဆိုဒီယံ၊ ပိုတက်ဆီယံ၊ ကယ်လ်စီယံ၊ မက်ဂနီဆီယံ၊ စတာတွေပါတယ်။ တနေ့တနေ့ ချွေးကနေ ရေ ကုန်သွားတာဟာ (၁ဝဝ) ကနေ (၈ဝဝဝ) မီလီလီတာအထိရှိတယ်။ ဓါတ်ဆားကလည်း ၃၅ဝ (မီလီမိုးလ်)၊ ဆိုဒီယံ ၃ဝ-၆၅ (မီလီမိုးလ်) စတာတွေ ထွက်စေတယ်။

ချွေးထွက်လွန်တာကို Hyperhidrosis ခေါ်တယ်။ လွန်တယ်ဆိုတာကလည်း တကိုယ်လုံးနဲ့ လက်၊ ခြေ၊ ဂျိုင်း၊ ပေါင်ခြံ၊ နေရာတခုခုဆိုပြီး မတူဘူး။ မွေးရာပါနဲ့ နောက်မှဖြစ်တာ ၂ မျိုးရှိတယ်။ မွေးရာပါတွေက ငယ်ကတည်းက ဖြစ်တယ်။ ကြီးမှဖြစ်သူတွေဆိုရင် Thyroid လည်ပင်းအကြိတ်၊ Pituitary ဦးနှောက်အကြိတ်၊ ဆီးချို၊ Tumors ကင်ဆာ၊ Gout ဂေါက်ရောဂါ၊ သွေးဆုံးတာ၊ မာကြူရီအဆိပ်သင့်တာ နဲ့ ဆေးဝါးတွေကြောင့်ဖြစ်နိုင်တယ်။

ရောဂါမရှိဘဲ ချွေးထွက်များသူတွေမှာ စိတ်လှုတ်ရှားမှု၊ အစားအသောက်၊ အနံ့အသက်တွေကလည်းဖြစ်စေတယ်။ Aluminium chloride ဆေးကို ဂျိုင်းချွေးထွက်များသူတွေကိုပေးတယ်။ ၃-၅ ရက်ပေးပြီး သက်သာတာကို ကြည့်ဘို့ လိုတယ်။ ချွေးထွက်တဲ့အိတ်တွေကို Botulinum toxin A ထိုးဆေးပေးရင် ၄-၉ လခံတယ်။ စားဆေးထဲမှာ Oxybutynin (Ditropan) ဆိုတဲ့ ဆီးမထိန်းနိုင်သူတွေကိုပေးတဲ့ဆေး။ Glycopyrrolate (Robinul), Propantheline bromide (Probanthine), Benzatropine (Cogentin) ဆေးတွေလည်းပေးနိုင်တယ်။ စိတ်လှုတ်ရှားမှုကြောင့်ဆိုရင် Antidepressants နဲ့ Anxiolytics ဆေးတွေပေးရတယ်။ ခွဲစိတ်ကုသနည်းမှာ (ETS) နည်းနဲ့ အာရုံကြောတမျိုးကို ဖြတ်ပေးရတာ။

ချွေးနဲ့ “ကိုယ်နံ့” ဆိုင်တယ်။ လူတယောက်နဲ့ တယောက် ထူးခြားမှုရှိတတ်တယ်။ အနံ့ကို သူများထက် ပိုသိသူတွေ ရှိတယ်။ တချို့တိရစ္ဆာန်တွေက လူ့ထက် ပိုကောင်းသလိုမျိုး။ ကိုယ်နံ့ကို အစားအသောက်၊ ကျား-မ၊ မျိုးဗီဇ၊ ကျန်းမာရေး အခြေအနေ၊ သောက်နေတဲ့ဆေးဝါး တွေကနေဖြစ်စေတယ်။

Propanoic acid ဆိုတာ အရွယ်ရောက်သူ လူ့ချွေးထဲမှာပါတယ်။ (အက်စစ်တစ်-အက်စစ်)နဲ့ ဆင်တူလို့ ဟင်းချက် ရာမှာ သုံးတဲ့ (ဗနီဂါ) အနံ့မျိုးရတယ်။ လူ့ကိုယ်နံ့ရော နားဖါရောကိုပါ ပြဌာန်းတဲ့ မျိုးဗီဇဆိုတာရှိတယ်။ ကိုယ်နံ့ကို သူများ မနံအောင် Deodorants, Antiperspirants, Disinfectants ဆိုတာတွေအပြင် စပါယ်ရှယ် ဆပ်ပြာ၊ ရေမွှေး၊ (စပရေး) တွေကို လှိုင်လှိုင်သုံးကြတယ်။

သန့်ရှင်းရေး၊ အစားအသောက်၊
အနားကပ်လာရင် အာပုတ်စော်နံသူတွေ အများကြီး။ Bad breath ကို Halitosis လို့ ခေါ်တယ်။ ခံတွင်းထဲမှာ ဗက်တီးရီးယား စတာတွေရှိနေတာကြောင့်ဖြစ်တယ်။ Halitophobia ဆိုတာ အာပုတ်နံ့ကို ကြောက်တဲ့ရောဂါ နာမည်ပါ။ သွားဆရာဝန်တွေဆီ လာတဲ့လူထဲက တတိယအများဆုံးလို့ ဆိုပါတယ်။ ခံတွင်းကနေ အနံ့ဆိုလာတာ က ၉ဝ% လောက် ရှိတယ်။ ကြက်သွန်ဖြူ-နီ၊ အသား-ငါး၊ ဒိန်ခဲ၊ နောက်ပြီး အဝလွန်သူ။ အရက်-ဆေးလိပ် သောက်သူ၊ ပါးစပ်ထဲဆေးငုံသူ၊ (ကျွန်တော်လည်း ပါတယ်။) ပါးစပ်ကို ပိပ်ရင် ပိတ်ထား၊ ဒါမှမဟုတ် မလှုတ်ရှား တာကြောင့် အောက်စီဂျင်နည်းတာနဲ့ အိပ်ရာထမှာပိုဆိုးတယ်။


Dr. တင့်ဆွေ

--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook

ဆက်စပ်ဖတ်ရှုရန် အကြောင်းအရာများ...