ဆုံးဖြတ်ချက်အပေါ် ဝေဖန်မှုရှိခဲ့တဲ့ မြန်မာ-ထိုင်း လက်ဝှေ့ပွဲ
 |
| ကျော်ဇင်လှိုင် | Thursday, 10 July 2014 |
ရိုးရာလက်ဝှေ့ပွဲတွေကို ရုပ်သံလိုင်းတွေက တိုက်ရိုက်ထုတ်လွှင့် မပြသတာ ကြာပြီဖြစ်ပေမယ့် ဒီပွဲကြီး ကိုတော့ မြ၀တီရုပ်သံလိုင်းနှဲု့ပ နြအ ရုပ်သံလိုင်းတွေက တိုက်ရိုက် ထုတ်လွှင့်ပြသခဲ့ တာကြောင့် ရိုးရာ လက်ဝှေ့ပွဲတွေကို စိတ်ပါဝင်စားသော်လည်း အချိန်အခက်အခဲနဲ့ လက်မှတ်ခ မတတ်နိုင်လို့ လာမကြည့်နိုင်ကြတဲ့ မြန်မာနိုင်ငံ အနှံ့အပြားက ပရိသတ်တွေရုပ်သံလိုင်းက တိုက်ရိုက် ကြည့်ရှုနိုင်ခဲ့ကြ ပါတယ်။
ရုပ်သံက တိုက်ရိုက် ထုတ်လွှင့်ခဲ့ပေမယ့် ပွဲကို ကိုယ်တိုင်လာကြည့် နေကြ အမာခံပရိသတ်အများ အပြားနဲ့ ဒီပွဲကြီးက စည်းကားခဲ့ပါတယ်။ ဒီမြန်မာနဲ့ ထိုင်းရိုးရာ လက်ဝှေ့ပွဲတွဲ ဆိုင်း(၁၀)ဆိုင်းမှာ ထိုင်း ဘက်က တစ်ပွဲနိုင်၊ မြန်မာဘက် ကလေးပွဲ အနိုင်ရရှိခဲ့ပြီး သရေပွဲ ငါးပွဲရှိခဲ့ပါတယ်။ ဒီလိုနိုင်ငံတကာ အဆင့်မီ ကြိုးဝိုင်း အပြင်အဆင်၊ အကြိတ်အနယ်ရှိတဲ့တွဲဆိုင်း တွေနဲ့ ပွဲကြီးက ခမ်းနားခဲ့ပေမယ့် လက်ရည်မမျှတဲ့ တွဲဆိုင်းကို စီစဉ်ထားမှု၊ ဒိုင်လူကြီးတွေရဲ့ ဆုံးဖြတ်ချက်တချို့ကြောင့် အငြင်းပွား ဖွယ်ရာတွေ ဖြစ်ပေါ်ခဲ့ပါတယ်။
လူငယ်လက်ဝှေ့သမားတွေဖြစ်တဲ့ ရဲမြတ် အောင်(အဖြူရောင်သွေးသစ်)နဲ့ ရန်တိုင်းကျော်(၀ါဆို) တို့ကို ထည့်သွင်းထိုးသတ်စေခဲ့တာက မျိုးဆက်သစ်တွေအတွက် နိုင်ငံ တကာပွဲ ထိုးသတ်ခွင့် ရလို့ ကောင်းတယ် ဆိုပေမယ့် ပြိုင်ဘက်တွေနဲ့ လက်ရည်မမျှတဲ့ အတွက် မြန်မာဘက်က အထိ နာခဲ့ပါတယ်။မျိုးဆက်သစ်မြန်မာ့ လက်ဝှေ့သမားတွေက ပြိုင်ဘက်ထိုင်းလက်ဝှေ့သမားတွေကို အရပ် အမောင်း၊ ပွဲအတွေ့အကြုံ၊ ပညာပိုင်းတွေ ဘယ်လိုမှ မယှဉ်နိုင်ခဲ့ကြပါဘူး။
"လူငယ်လက်ဝှေ့သမားတွေကို နိုင်ငံ တကာပြိုင်ပွဲတွေမှာ နေရာပေးလာကြတာကောင်းပါတယ်။ ဒါပေမဲ့ ပြိုင်ဘက်တွေကိုတော့သေချာ စီစဉ်သင့်ပါတယ်။ အခုဟာ က ဘယ်လိုလက်ရည်မမျှေ တာ့ မြန်မာ လက်ဝှေ့သမားတွေ အထိနာခဲ့ရတယ်။ လက်ရည်မမျှတဲ့ ပြိုင်ဘက်တွေနဲ့ ယှဉ်ပြိုင် ရတဲ့အတွက် လူငယ်တွေ စိတ်ဓာတ်ကျသွား နိုင်တယ်။ ဒါကြောင့်တွဲဆိုင်းတွေကို သေချာ စီစဉ် သင့်ပါတယ်"ဟု နဂါးမာန်မြန်မာ့ရိုးရာ လက်ဝှေ့နည်းပြ ဦးကျော်စိုးက ပြောပါတယ်။
တွဲဆိုင်းတွေ အဆင်မပြေတာကြောင့် ပထမပိုင်းပွဲစဉ်တွေ အကြိတ်အနယ်မရှိခဲ့ ပေမယ့် နောက် ပိုင်းပွဲ စဉ်တွေကတော့ ပရိသတ်တွေ အကြိုက်တွေ့ခဲ့ပါ တယ်။ သတ္တိအောင်က ပြိုင်ဘက်ကို ပွဲစဉ်တစ်လျှောက် ယှဉ်မထိုး နိုင်ခဲ့ပေမယ့် လေးချီမြောက်မှာ ခေါင်းတိုက်ပြီး ပွဲသိမ်း လိုက်နိုင်တာ သပြေညိုက ပြိုင်ဘက် ကို အသာစီးက ထိုးသတ်ပြီး အနိုင်ရလိုက်တာ။ ရဲတံခွန်က ဖက်နီခွန် ခံနိုင်ရည်မြင့်မားတဲ့ လက်ဝှေ့သမားကို အစီးသရေထိုးနိုင်ခဲ့တာ တွေကြောင့် ပွဲက အသက်ဝင် ခဲ့ပါတယ်။ အရင် စီစဉ်နေကြပွဲတွေလို နိုင်နေကြ ကစားသမားတွေကို ခေါ်ယူထိုးသတ်တာထက် ဒီပွဲက ပိုထူးခြားခဲ့ပါတယ်။ ပွဲအဆူဆုံးနဲ့ အကြိတ်အနယ် အရှိဆုံးပွဲစဉ်ကတော့ စိုးလင်းဦးနဲ့ ထိုင်း ၀ါရင့်လက်ဝှေ့ကျော်ပါဝိတို့ရဲ့ပွဲစဉ်ပါ။
ဒီပွဲမှာ စောဒကတက်မှုတွေ အများအပြားဖြစ်ပေါ်ခဲ့ပြီး ကြိုးဝိုင်းဒိုင်နဲ့ ခုံဒိုင်ချုပ်ရဲ့ဆုံးဖြတ်ချက်တွေကို ထိုင်းဘက်က မကျေနပ်ချက်တွေ ရှိခဲ့ပြီး ဝေဖန်ခဲ့ပါတယ်။ စိုးလင်းဦးက ပါဝိရဲ့မျက်လုံး လက်ချောင်းနဲ့ ထိမိတာတွေ၊ ခေါင်းလောင်းတီးပြီးမှ ပါဝိက စိုးလင်းဦးကို လက်သီးနဲ့ ထိုးခဲ့သလို စိုးလင်းဦးကလည်း ခြေနဲ့ ပြန်ကန်တာတွေရှိတာ ရှိခဲ့ပါတယ်။
စိုးလင်းဦးက ပါဝိရဲ့ ပေါင်ကြားကို ဒူးနဲ့ တိုက်မိတာတွေ အတွက်လည်း ဒိုင်ရဲ့တုံ့ပြန်မှုက ကြမ်းတမ်း လွန်းတယ်၊ မမျှတဘူးလို့ ထိုင်းဘက်က စွပ်စွဲခဲ့ပါတယ်။ "စိုးလင်းဦးက ခေါင်းလောင်းတီးမှ ပါဝိ ကို ခြေထောက်နဲ့ ကန်ခဲ့ပါတယ်။ နောက်ပြီး ပေါင်ကြားကို ဒူးနဲ့ တိုက်တာလည်း ရှိပါတယ်။ ဒါကို ဒိုင်က ဘာမှအရေး မယူပေးပါဘူး။ ဒိုင်တွေရဲ့ဆုံးဖြတ်ချက်က မျှတမှုမရှိပါဘူး"လို့ ချာရာဝတ်က ပြောပါတယ်။
စောဂေါ်မူဒိုနဲ့ ဖာခေါတို့ရဲ့ပွဲစဉ်မှာလည်း ဒိုင်တွေရဲ့ဆုံးဖြတ်ချက်က မမျှတဘူးလို့ ပြောခဲ့ပါတယ်။ "ကျွန်တော် ပွဲမတိုင်မီ နြနအငညါ မှာ တွေ့ဆုံခဲ့စဉ်က အနားတောင်းခွင့်ရှိတယ်လို့ ကျွန်တော်တို့ကို ပြောထားပါတယ်။ ဒါပေမဲ့ ပွဲယှဉ်ပြိုင်တော့ ကျွန်တော်ဘက်က အနား တောင်းနေတာကို မတွေ့ပါဘူး။ ကြိုးဝိုင်းဒိုင် တစ်ယောက်အနေနဲ့ နှစ်ဖက်ကစားသမား တွေရဲ့ အုပ်ချုပ်သူတွေကို ကြည့်သင့်ပါတယ်။ အခုတော့ ကြိုးဝိုင်းဒိုင်က ခုံဒိုင်ချုပ်ကိုပဲကြည့်ပြီး အရာရာဆုံးဖြတ်ချက် တဲ့အတွက် မမျှတမှုတွေရှိပါတယ်။ ကျွန်တော်တို့ဘက်က ဒါကို ကန့်ကွက်ခဲ့ပေမယ့် ဒိုင်ကတော့ မြန်မာဘက်ကို အနိုင်ပေးခဲ့ ပါတယ်"ဟု ထိုင်းလက်ဝှေ့သမားတွေရဲ့ အုပ်ချုပ်သူချာရာဝတ် ကပြောပါတယ်။
"ပြီးတော့ ကြိုးဝိုင်းဒိုင်ကလည်း ရှုံးသွားတဲ့ လက်ဝှေ့သမား မောင်းထုတ်တဲ့ ပုံစံမျိုးဖြစ်နေပါတယ် ဘန်ကောက်မှာဆိုရင် ဒီလိုမဟုတ်ပါဘူး။ ဒိုင်တွေက ညင်ညင်သာသာ ဆက်ဆံပါတယ်။ မြန်မာဒိုင်တွေ ဆက်ဆံပုံ မှားနေတယ်လို့ မြင်ပါတယ်" လို့ ပြောပါတယ်။
ချာရာဝတ်က ဒီပွဲစဉ်မှာ ထိုင်းလက်ဝှေ့ သမားတွေ အရေးနိမ့်ခဲ့ရတဲ့ အဓိကအချက် နဲ့ ပတ်သက်လို့ "ထိုင်းနဲ့ မြန်မာရိုးရာလက်ဝှေ့ က သိသိသာသာ ကွာခြားချက်တော့ မရှိပါဘူး။ မြန်မာဘက်က လက်ဝှေ့သမားတွေက ခေါင်းကို အသုံးပြုပြီး တိုက်ခိုက်ကြပါတယ်။ ဒီအချက်က ကျွန်တော်တို့အတွက် အားနည်းချက် ဖြစ်နေပါတယ်" လို့ ပြောပါတယ်။
ထိုင်းလက်ဝှေ့သမားတွေရဲ့ အုပ်ချုပ်သူ ချာရာဝတ်က မြန်မာဒိုင်တွေရဲ့ ဆုံးဖြတ်ချက်ကို အပြစ်တင်ခဲ့ပြီး သူတို့ကို နြနအငညါ မှာ သေချာနားလည်အောင် မရှင်းပြဘူးလို့ ဆိုပေမယ့် ဦးကျော်စိုးကတော့ "ထိုင်းဘက်က လာရောက်ထိုးသတ်တဲ့သူတွေထဲမှာ မြန်မာနိုင်ငံကို မကြာခဏ လာရောက် ထိုးသတ်နေ တဲ့ မြန်မာ့ရိုးရာလက်ဝှေ့ ရဲ့ စည်းမျဉ်းစည်းကမ်းတွေကို နောကျေတဲ့ သူတွေအများကြီးပါဝင် ပါတယ်။ သူတို့ အနေနဲ့ ဒါကို မသိဘူး။ နားမလည်ဘူးဆိုတာမဖြစ်နိုင်ပါဘူး။သူတို့ ရဲ့အရှုံးကို ကာကွယ်တဲ့ အနေနဲ့ပြောတယ်လို့ပဲ ထင်ပါတယ်" လို့ ပြောပါတယ်။
ဦးကျော်စိုးက မြန်မာ့ရိုးရာလက်ဝှေ့ အားကစားတိုးတက်ရန် မျိုးဆက်သစ်လက်ဝှေ့သမားများလို အပ်သလို မျိုးဆက်သစ် ဒိုင်လူကြီးများ မွေးထုတ်ရန်လိုအပ်ကြောင်း အကြံပေးပြောကြားခဲ့သည်။
"အခုလက်ရှိတာဝန်ယူနေတဲ့ ဒိုင်လူကြီး တွေက အသက်အရွယ်ကြီးပြီး သူတို့ရဲ့ ကျန်းမာရေး အခြေအနေ ကလည်း ရှိသေးတယ်လေ။ နောက်ဒီလိုမျိုးနိုင်ငံတကာ ပြိုင်ပွဲ တွေမှာ တာဝန်ယူနိုင်တဲ့ မျိုးဆက်သစ် ဒိုင်လူကြီးတွေလည်း မွေးထုတ်သင့်ပါတယ်"လို့ ပြောပါတယ်။
ဒိုင်လူကြီးတွေရဲ့ ဆုံးဖြတ်ချက်တစ်ချို့ကို မကျေနပ်လို့ ဝေဖန်ချက်တစ်ချို့ ရှိခဲ့တယ် ဆိုပေမယ့် ဒီ ဥညန သည ဥညန ငြါ င်္ငါ့အ ဆိုတဲ့ မြန်မာနဲ့ ထိုင်းရိုးရာလက်ဝှေ့စိန်ခေါ်ပွဲကြီးကို ခမ်းနားတဲ့ အပြင်အဆင်တွေနဲ့ အကြိတ်အနယ်ရှိတဲ့ ပွဲစဉ်တွေက ရိုးရာလက်ဝှေ့ ပရိသတ်အတွက် အားရကျေနပ်စေခဲ့ပါတယ်။
ref; Myanmar Times
--------------------------------------
ကိုမျိုး (lwanmapyay.blogspot.com)