Gynecomastia ယောက်ျား ရင်သားကြီးခြင်း

ကျနော်အမည်က့့ ပါ၊ အသက်က ၂၃ နှစ်ပါ။ ကျနော်က နည်းနည်းတော့ ဝတယ် ဆရာ။့့ မှာနေပါ တယ်။ ကျနော့်မှာ မိန်းမလို ရင်သား ရှိနေတာပါ။ စမ်း ကြည့် ရင် အထဲမှာ အခဲတစ်ခု ရှိနေသလိုပါပဲ။ ကျနော်မှာ ရှက်တော့ ဆေးခန်းလည်း မပြရဲပါဘူး။ အဝတ် ဝတ်ရင် လည်း အပေါ်ကနေ ဖုံးဖိပြီး ၀တ်နေရပါတယ်။ ခန္ဓာကို ဝလို့ ရင်အုပ်ကြီး လာတာမျိုး မဟုတ်ပါဘူး။ မိန်းမတွေလို စူပြီး ထွက်လာတာပါ။ ကျေးဇူးပြုပြီး ပြောပြပေးပါဆရာ။ ဒီဟာက ဆေးသောက်လို့ ပျောက်နိုင်သလား။ ဒါက ရောဂါလား။ ဒါမှမဟုတ် မွေးရာပါလားပေါ့ ဆရာ ရယ်။ နောက်ဆုံး ဖြတ်ထုတ်ပစ်ရမယ် ဆိုရင်တောင် ကျနော် လုပ်ချင်ပါတယ်။ ဒီဟာက ကျနော့်ဘဝ အတွက် အားနည်းချက် တစ်ခုလိုဖြစ်နေလို့ပါ။ ဆရာရဲ့ ပြောပြချက်ကို စောင့်နေပါ့မယ်

ယောက်ျား ရင်သားကြီးတာ အဖြစ်မနည်းလှပါ။ ကင်ဆာ မဟုတ်ပါ။ မွေးကာစမှာ လဲရှိတတ်တယ်။ ရောဂါအခံ ကနေလဲ ဆက်ဖြစ်တတ်တယ်။ သိပ်မစိုးရိမ်ပါနဲ့။

လူတိုင်းမှာ လိင်ဟော်မုန်း ၂ မျိုးစီရှိတယ်။ အချိုးအစားပြောင်းရင် လိင်ပိုင်းဆိုင်ရာမှာ တခုခုမှားဖြစ် လာနိုင်တယ်။ ယောက်ျားတွေ ရင်သားကြီးစေတဲ့ အကြောင်းတရား ၄ ပုံ၁ ပုံက ဘာလို့လဲရှာမတွေ့ တတ်ပါ။

Klinefelter syndrome, metabolic disorders ရောဂါတွေ၊ ဆေးတချို့ရဲ့ဘေးထွက်ဆိုးကျိုး၊ အသက် ကြီးလာလို့ (တက်စတိုစတီရုန်း) ဟော်မုန်းနည်းလာလို့ စတာတွေကနေဖြစ်စေတယ်။ လူပျိုအရွယ်တွေမှာ စိတ်ဖိအားများလို့လဲ ဖြစ်တတ်တယ်။ သူတို့ထဲက ၇၅% က အလိုလိုပျောက်ပါမယ်။

ketoconazole, cimetidine, gonadotropin-releasing hormone analogues, human growth hormone, human chorionic gonadotropin, antiandrogens (bicalutamide, flutamide, and spironolactone), 5-alpha-reductase inhibitors (finasteride and dutasteride) ဆေးတွေ ကနေ ဖြစ်လာစေနိုင်တယ်။ risperidone, calcium channel blockers (verapamil, amlodipine, and nifedipine), anabolic steroids, alcohol, opioids, efavirenz, alkylating agents, and omeprazole ဆေးတွေလဲပါသေးတယ်။ သဘာဝဆေးနည်းတွေထဲက lavender or tea tree oil and Dong Quai and Tribulus terrestris ဆိုတာတွေကနေလဲဖြစ်စေသေးပါတယ်။

kidney failure နာတာရှည်ကျောက်ကပ်မကောင်းသူတွေမှာလဲ ဖြစ်တယ်။ liver failure or cirrhosis အသဲ မကောင်းသူတွေလဲ ဖြစ်လာတတ်တယ်။ cystic fibrosis or ulcerative colitis အစာလမ်း မကောင်းသူတွေမှာလဲ လာဖြစ်နိုင်တယ်။ Testicular tumors ကျားအစိအကျိတ်ရောဂါ၊ adrenocortical tumors, pituitary gland tumors, bronchogenic carcinoma အကျိတ်ရောဂါတွေ ကနေလဲဆက်ဖြစ် တတ်တယ်။ prostate cancer ယောက်ျားဆီးကျိတ် ကင်ဆာ အတွက် ဆေးပေးရာ ကနေလဲဖြစ်တယ်။ anabolic steroids သုံးသူတွေ၊ အလှအပ သုံးတွေထဲမှာ estrogen ပါတာသုံးမိသူတွေ၊ organochlorine pesticides ပိုးသတ်ဆေး မိသူတွေမှာလဲ ဖြစ်ကြရတယ်။

ဘယ်လိုကုသမလဲ
• အသင့်အတင့်သာ ကြီးနေရင် လူနေမှု ပုံစံပြင်တာနဲ့ စသင့်တယ်။ အစာအဟာရ ဂရုစိုက်ပါ။ မဝစေနဲ့၊ လုံလောက်မျှတပါစေ။ လေ့ကျင့်ခန်းလုပ်ပါ။ စိတ်ဖိအားလျှော့ချပါ။
• မရရင် ခွဲစိတ်ကုသမှု ခံယူပါ။
• Selective estrogen receptor modulators (Tamoxifen) ဆေးကို သုံးကြတယ်။ ဒါပေမဲ့ FDA က အသိအမှတ်ပြု မထားပါ။ နာတာ ခံစားနေရသူတွေ ကိုတော့ ပေးနိုင်တယ်။
• Aromatase inhibitors (testolactone) ဆေးကိုတော့ ကလေးတွေနဲ့ လူပျိုအရွယ်တွေအတွက် အသိအမှတ်ပြုထားတယ်။
• Radiation therapy ဓါတ်ကင်တာလဲလုပ်တယ်။ tamoxifen ဆေးနဲ့တွဲတယ်။ 

ဒေါက်တာတင့်ဆွေ
၂၇-၇-၂ဝ၁၄

--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook

ဆက်စပ်ဖတ်ရှုရန် အကြောင်းအရာများ...