နည်းပညာ တက္ကသိုလ်နှင့် ကွန်ပျူတာ တက္ကသိုလ်ဝင်ခွင့် ပြိုင်ဆိုင်မှု ပိုမိုခက်ခဲမည်

Pic;8hah.com

သိပံ္ပနှင့် နည်းပညာ ၀န်ကြီးဌာန လက်အောက်ရှိ လေကြောင်းနှင့် အာကာသပညာ တက္ကသိုလ်၊ နည်းပညာ တက္ကသိုလ်များနှင့် ကွန်ပျူတာ တက္ကသိုလ်များ ဝင်ခွင့် ကျောင်းသား ဦးရေ ရှစ်ထောင်ကျော် ထပ်မံ လျှော့ချ သွားမည် ဖြစ်ကြောင်း တက္ကသိုလ်ဝင်ခွင့် လမ်းညွှန် အချက် အလက်များ အရ သိရသည်။ 

အထူးသဖြင့် နည်းပညာ တက္ကသိုလ်များနှင့် ကွန်ပျူတာ တက္ကသိုလ်များတွင် ကျောင်းသား အများအပြား လျှော့ချ လက်ခံသွားမည်ဖြစ်ပြီး ယင်းတက္ကသိုလ် ၀င်ခွင့်များအတွက် ယခင်နှစ် ထက်ပြိုင်ဆိုင်မှု ပိုမိုပြင်း ထန်မည် ဖြစ်သည်။

ကွန်ပျူတာတက္ကသိုလ်များတွင် ယခင်နှစ်က ကျောင်းသား ၅၂၄၀ ဦး လက်ခံခဲ့သော်လည်း ယခုနှစ်၊ ကျောင်းသား ၃၂၈၀ ဦး လက်ခံမည်ဖြစ်သည်။ ယခင်နှစ်က နည်းပညာတက္ကသိုလ်များ၊ အစိုးရနည်းပညာ ကောလိပ်များ တွင် ကျောင်းသား စုစုပေါင်း ၁၁၆၅၀ ဦးအထိ လက်ခံခဲ့သော်လည်း ယခုနှစ် နည်းပညာ တက္ကသိုလ်များတွင် ကျောင်းသား ၅၀၈၀ ဦးအထိသာ ၀င်ခွင့်လက်ခံမည်ဖြစ်သည်။

မိတ္ထီလာမြို့ရှိ မြန်မာနိုင်ငံ လေကြောင်းနှင့် အာကာသပညာ တက္ကသိုလ်တွင် ယခင်နှစ်က ကျောင်းသား ၁၅၀ ဦးလက်ခံခဲ့ သော်လည်း ယခုနှစ်တွင် ကျောင်းသား ၁၄၀ ဦးလက်ခံမည်ဖြစ်ပြီး ယခင်နှစ်က နည်းပညာ တက္ကသိုလ်(ရတနာပုံ ဆိုက်ဘာစီးတီး) တွင် ကျောင်းသား ၂၅၀ ဦး လက်ခံခဲ့သော်လည်း ယခုနှစ်တွင် ကျောင်းသား ၂၁၀ ဦးလက်ခံသွား မည်ဖြစ်ကြောင်း တက္ကသိုလ် ၀င် ခွင့်လမ်းညွှန်တွင် ဖော်ပြထားသည်။

‘‘အစိုးရသစ်တက်ပြီးနောက် ပိုင်း သိပံ္ပနှင့် နည်းပညာဝန်ကြီး ဌာနအောက်က တက္ကသိုလ်ဝင်ခွင့်လက်ခံတဲ့ ကျောင်းသားဦးရေ နှစ် စဉ်လျှော့ချနေတာပါ။ အရေအ တွကထက် အရည်အသွေးပြည့် တဲ့ ပညာရေးဆီ ကိုသွားဖို့ ဆောင် ရွက်နေပါတယ်’’ဟု သိပ္ပံနှင့်နည်းပညာဝန်ကြီးဌာနမှ အရာရှိတစ်ဦးကပြောသည်။

ရန်ကုန် နည်းပညာတက္ကသိုလ်သည် ယခင်နှစ်အတိုင်း ကျောင်းသား ၃၀၀ ဦး ၀င်ခွင့် လက်ခံသွား မည်ဖြစ်ပြီး မန္တလေး နည်းပညာ တက္ကသိုလ်သည် ယခင်နှစ်က လက်ခံခဲ့သောကျောင်းသား ၂၅၀ ဦးထက် တိုးမြှင့်၍ ၃၀၀ ဦးလက်ခံမည်ဖြစ်သည်။

သိပံ္ပနှင့် နည်းပညာဝန်ကြီးဌာနသည် လာမည့်ပညာသင်နှစ် မှစတင်၍ နည်းပညာတက္ကသိုလ်များတွင် အင်ဂျင်နီယာဘွဲ့ (B.E) တိုက်ရိုက် ပေးအပ်မည်ဖြစ်ပြီး နည်းပညာဘွဲ့(B.Tech) ပေးသော စနစ်ကို ဖျက်သိမ်းလိုက် သည်။ သိပံ္ပနှင့် နည်းပညာဝန်ကြီး ဌာနသည် အစိုးရသစ်တက်လာ ချိန်ဖြစ်သော ၂၀၁၂ ခုနှစ်တွင် ကျောင်းသား ၁၃၀၀၀ ကျော်အား ၀င်ခွင့်လျှော့ချလက်ခံခဲ့ပြီး ၂၀၁၃ ခုနှစ်တွင် ကျောင်းသား ၅၀၀၀ ကျော် ထပ်မံလျှော့ချခဲ့ကာ ယခုနှစ်တွင် ကျောင်းသား ရှစ်ထောင်ကျော်လျှော့ချလက်ခံရန် သတ်မှတ်လိုက်ခြင်းဖြစ်သည်။

နည်းပညာတက္ကသိုလ်များ၊ ကွန်ပျူတာ တက္ကသိုလ်များတွင် နှစ်စဉ်ကျောင်းသား ၀င်ခွင့်လျှော့ ချနေခြင်း ကြောင့် ပညာရေးဝန် ကြီးဌာနအောက်ရှိ ၀ိဇ္ဇာသိပံ္ပ တက္ကသိုလ်များနှင့် အဝေးသင် တက္ကသိုလ်များတွင် ကျောင်းသားဦးရေ မြင့်တက်လာလျက်ရှိသည်။

7Day Daily

No. 469 Wednesday, AUGUST 13, 2014. 

--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook

ဆက်စပ်ဖတ်ရှုရန် အကြောင်းအရာများ...