ကူညီကြပါ လေးဖက်နာ
လေးဖက်နာ ဝေဒနာရှင်တွေ သတ်သေကြတဲ့ သတင်းတွေကို ခဏခဏဖတ်ရလို့ စိတ်မကောင်း ဖြစ်ရပါ တယ်။ လေးဖက်နာ ရောဂါောကာင့် စိတ်ဓာတ်ကျပြီး ကိုယ့်ကိုယ်ကိုယ် သတ်သေတဲ့ အထိ ဖြစ်သွားရ တာပါ။ တကယ်လည်း ဖြစ်လောက်တဲ့ ရောဂါပါ။ အမြဲတမ်း နာကျင် ကိုက်ခဲပြီး သူများတန်းတူ မလှုပ်ရှား နိုင်တဲ့ ရောဂါမို့ပါ။
ကျွန်မဟာလေးဖက်နာရောဂါသည်တစ်ယောက်ပါ။ အသက် ၄၀ ကျော်မှာစဖြစ်ပြီးတော့၊ အခုအချိန်အ ထိဆိုရင် နှစ်ပေါင်း ၂၀ နီးပါးဝေဒနာခံစားနေခဲ့ရပါတယ်။ ကျွန်မရဲ့ရောဂါကို သွေးလေးဖက်နာလို့ ပြော ပါတယ်။ ဒီရောဂါဟာမျိုးရိုးဗီဇကြောင့်ဖြစ်လို့ ပျောက်ကင်းအောင်ကုသတဲ့ဆေးမရှိဘူးလို့ သိရပါတယ်။ ဒါကလည်း ဆရာဝန်သုံးယောက်လောက်ပြောင်းပြီးမှ သိရတာပါ။
ကျွန်မရဲ့လေးဖက်နာအတွက် သောက်ရတဲ့ဆေးက ပင်နီစလုံးဆေးပါ။ အဲဒီဆေးဟာ အဆိပ်လိုပြင်း တယ်လို့ သိရပါတယ်။ မသောက်မဖြစ်သောက်ရပြီးတော့ ဆိုးကျိုးကတော့ အရိုးတွေပွလာတာပါပဲ။ အချိန်တိုင်းနာကျင်လွန်းတော့ အကိုက်အခဲပျောက်ဆေးတွေ သောက်ရပါတယ်။ ဆေးအရှိန်ကုန်သွား တာနဲ့ လက်တွေ၊ ခြေတွေလှုပ်လို့မရလို့ တစ်ရက်မှာတစ်လုံးသောက်ရတဲ့ အကိုက်အခဲပျောက်ဆေးကို နှစ်လုံးလောက်သောက်ရပါတယ်။ ၏
ဆေးကြောင့်အရိုးတွေပွလာပြီး လက်တွေ၊ ခြေတွေကောက်သွားပါတယ်။ ခန္ဓာကိုယ်ရဲ့နေရာတိုင်းဟာ ထိမိရင်နာကျင်ပါတယ်။ တစ်ခါတလေ ဘာနဲ့မှမထိခိုက်မိဘဲ အရေပြားပေါ်မှာ အညိုရောင်သွေးကွက် တွေဖြစ်ပါတယ်။ အကိုက်အခဲပျောက်ဆေးတွေကြောင့် ဆီးလမ်းကြောင်းပိုးဝင်တဲ့ရောဂါ ဖြစ်ပါတယ်။
ခါးကြောညပ်တဲ့ ဝေဒနာလည်းခဏခဏ ဖြစ်ပါတယ်။ အသက် (၅၆) နှစ်မှာတော့ ညာဘက်ပေါင်ထိပ် ရိုးကျိုးသွားပါတယ်။ ဆေးရုံတက်ပြီး အစားထိုးရပါတယ်။ သိပ်မကြာခင်ဘယ်ဘက် ပေါင်ထပ်ရိုးထပ် ကျိုးပြန်လို့ အစားထိုးရပြန်ပါတယ်။
ဒါကြောင့် လေးဖက်နာရောဂါသည်တစ်ယောက် ကိုယ့်ကိုယ်ကိုယ်သတ်သေတယ်ဆိုတာက သိပ်ပြီးခံ စားရလို့သာ ကျွန်မသိနေပါတယ်။
ကျွန်မရဲ့သူငယ်ချင်းတစ်ယောက်ကတော့ (SLE) လို့ခေါ်တဲ့ လေးဖက်နာရောဂါဖြစ်တာပါ။ သူဟာ ကျန်းမာသန်စွမ်းတဲ့ အားကစားသမား ကျောင်းဆရာမတစ်ယောက်ပါ။ အသက် (၄၀) ကျော်မှာ အိမ်ကလှမ်းမြင်ရတဲ့ကျောင်းကို လမ်းလျှောက်မသွားနိုင်တော့လို့ ပင်စင်ယူခဲ့ရပါတယ်။
သူ့ရောဂါကတော့ ကျောက်ကပ်ပျက်စီးတယ်လို့ သိရပါတယ်။ လက်ဆစ်၊ ခြေဆစ်လေးတွေဟာ သစ် ကိုင်းခြောက်လေးတွေလို တစ်ဆစ်ချင်းကြွေကျသွားပါတယ်။ ခြေဆစ်လေးတွေဖြတ်ရင်းနဲ့ နောက်ဆုံး တော့ဒူးအထက်နားအထိ ဖြတ်လိုက်ရပါတယ်။
စိတ်ဓာတ်ခိုင်မာတဲ့သူမို့ လမ်းလျှောက်နိုင်အောင်၊ ခြေတုတပ်လို့ရအောင် ဆေးရုံမှာလေ့ကျင့်ခဲ့ပါသေး တယ်။ လေ့ကျင့်ရင်းနဲ့ ခါးရိုးတွေပါကျိုးလာလို့ ဒေါက်တွေနဲ့ အင်္ကျီကိုဝတ်ထားခဲ့ရပါတယ်။ အသက် (၆၀) မှာ ကျောက်ကပ်ရောဂါကြောင့် ကွယ်လွန်ခဲ့ပါတယ်။ စိတ်ဓာတ်မကျအောင် ကြိုးစားနေထိုင်ရင်း နဲ့ကွယ်လွန်ခဲ့တာပါ။ ဆရာမအပျိုကြီးမို့ ညီအစ်ကိုမောင်နှမ မိသားစုတွေကိုသာ အားကိုးပြီးနေသွားခဲ့ တာပါ။
ကျွန်မတို့နိုင်ငံမှာ လေးဖက်နာနဲ့ပတ်သက်လို့ ကျယ်ကျယ်ပြန့်ပြန့် မသိကြပါဘူး။ ဖြစ်လာရင် ဆေးမြီး တိုတွေနဲ့ ကုရင်းအိပ်ရာထဲလဲတဲ့အထိ ဖြစ်သွားကြတာပါ။ ပင်နီစလုံးနဲ့ဒိုင်ဂျင်းရောထားတဲ့ ဗမာဆေးအ ထုပ်တွေရှိပါတယ်။ ဈေးသက်သာပြီး သောက်ရင်ချက်ချင်းသက်သာပါတယ်။
ဒါပေမဲ့ မျက်နှာတွေ၊ ခန္ဓာကိုယ်တွေဖောရောင်လာပါတယ်။ အဲဒါကိုလူတွေကဆေးနဲ့တည့်လို့ ရောဂါ သက်သာပြီး ဝလာတာလို့ထင်ကြပါတယ်။ တကယ်တမ်းမှာတော့ အန္တရာယ်များတဲ့ ဆေးတွေဆိုတာ တော်တော်များများ မသိကြပါဘူး။
ကျွန်မအချိန်မီဆေးကုတာတောင်မှ လက်တွေ၊ ခြေတွေ၊ ကောက်သွားခဲ့ပါတယ်။ ခြေချောင်းတွေ စောင်းပြီးထပ်သွားလို့ ခြေညှပ်ဖိနပ်မစီးနိုင်တော့ပါဘူး။ သူများအကူအညီမပါဘဲ အပြင်မသွားနိုင်တော့ ပါဘူး။ အပြင်သွားလို့ကိုယ့်လက်တွေ။ ခြေထောက်တွေကို သူများကြည့်ရင် သိမ်ငယ်သလိုခံစားခဲ့ရပါ တယ်။ ဒါကြောင့်လူများများရှိတဲ့နေရာကို သွားချင်စိတ်မရှိတော့ပါဘူး။
ကျွန်မရောဂါဖြစ်စမှာ စိတ်ဓာတ်ကျခဲ့ပါတယ်။ ဒါပေမဲ့ ရောဂါပြင်းထန်တဲ့ရက် ၂၀ လောက် ဆေးခွင့်ယူ ပြီးကျောင်းပြန်တက်ခဲ့ပါတယ်။ ကျောင်းမှာမတ်တတ်ရပ်ပြီး စာမသင်နိုင်လို့၊ ထိုင်ခုံနဲ့ သင်ရပါတယ်။ လက်တွေကောက်နေတော့ ကျောက်သင်ပုန်းမှာ စာရေးဖို့အဆင်မပြေလို့ ကလေးတွေကိုအကူအညီ တောင်းခဲ့ရပါတယ်။ ပေါင်ထိပ်ရိုးတွေကျိုးမှ ကျွန်မပင်စင်တင်ခဲ့တာပါ။
ရောဂါဖြစ်လာတာဟာ ဘယ်လိုမှမတတ်နိုင်တဲ့အခြေအနေမို့ ဖြစ်လာတာကိုခက်ခံနိုင်အောင် ကြိုးစားခဲ့ ပါတယ်။ နောက်ပိုင်းမှာ ရောဂါနဲ့ပတ်သက်တဲ့စာအုပ်တွေကို လေ့လာပါတယ်။ နေထိုင်ရမယ့်နည်းလမ်း တွေ၊ လိုက်နာရမယ့်အချက်တွေကို ဆရာဝန်ဆီမေးပါတယ်။ ပြောတဲ့အတိုင်းလိုက်နာပါတယ်။ ဘာ သာရေးစာပေတွေ ဖတ်ပါတယ်။ စိတ်ကိုထားတတ်အောင်၊ အဖြစ်မှန်ကိုလက်ခံနိုင်အောင် ဖြစ်လာရင် ရင်ဆိုင်နိုင်အောင် အတတ်နိုင်ဆုံးလေ့ကျင့်ခဲ့ပါတယ်။
အခုအချိန်မှာတော့ ရောဂါနဲ့ပတ်သက်ပြီး စိတ်ခံစားမှုသိပ်မရှိတော့ပါဘူး။ သိပ်ပြီးနာကျင်နေရင် အကိုက်အခဲပျောက်ဆေးသောက်ပြီး သက်သာအောင်နေလိုက်တာပါပဲ။ ကုသတဲ့ဆရာဝန်တွေက လည်း ကျွန်မကိုရက်ချိန်းပေးပြီး စစ်ဆေးတာမျိုး မလုပ်တော့ပါဘူး။ ကိုယ့်ရောဂါအခြေအနေ ကိုယ်သိ နေတော့လည်း အခြေအနေဆိုးမှပဲ ဆရာဝန်ဆီသွားတာမျိုးလုပ်ပါတယ်။
လေးဖက်နာရောဂါကို လူတွေကျယ်ကျယ်ပြန့်ပြန့်သိရှိအောင် လုပ်ဖို့လိုပါတယ်။ ဖြစ်လာရင်စနစ်တကျ ကုသမှအသက်ရှည်အောင် နေနိုင်မှာပါ။ လေးဖက်နာရောဂါကို ‘မသေသော ကင်ဆာ’ လို့ရေးထားတာ ဖတ်ဖူးပါတယ်။ ဘယ်လိုပဲဖြစ်ဖြစ်ရောဂါကြောင့် စိတ်ဓာတ်ကျလာရင်တော့ သူလည်းကင်ဆာလိုပဲ အန္တရာယ်ရှိပါတယ်။ ဒါကြောင့်လေးဖက်နာဝေဒနာရှင်တွေကို ဆေးပညာကျွမ်းကျင်သူတွေဘက်က အကူအညီပေးကြဖို့ မေတ္တာရပ်ခံဖော်ပြလိုက်ရပါတယ်။
စံတော်ချိန်သတင်းစာ
သြဂုတ် (၂) ရက်၊ ၂၀၁၄ ခုနှစ်
--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook