ရက်သတ္တပတ် အနည်းငယ်အတွင်း Ooredoo ဆင်းမ်ကတ်များ စတင်သုံးစွဲနိုင်တော့မည်

Ooredoo Myanmar ဆက်သွယ်ရေး ကုမ္ပဏီက မကြာမီရက်သတ္တပတ် အနည်းငယ်အတွင်း ၁၅၀၀ ကျပ်ထပ်မပိုသော ဆင်းမ်ကတ်များကို စတင်ရောင်းချ တော့မည်ဖြစ်သည်။

ရန်ကုန်၊မန္တလေး၊ နေပြည်တော် အစရှိသည့် မြို့ကြီး သုံးမြို့နှင့် အနီးတဝိုက် မြို့များတွင် စတင်ရောင်းချ သွားမည်ဖြစ်ပြီး သြဂုတ်လအတွင်း စတင်ရောင်းချနိုင် ဖွယ် ရှိနေသည်ဟု သိရသည်။ “ဆင်းမ်ကတ်တွေ ရောင်းဖို့အချိန်က သိပ်မလိုတော့ပါဘူး။ နီးနေပါပြီ။ ပြီးတော့ Ooredoo Myanmar နဲ့ ဆက်စပ် ဝန်ဆောင် မှုဖြစ်တဲ့ ဟန်းဆက်တွေဟာ ဈေးကြီးမယ် ဆိုတာက လည်း မဟုတ်ပါဘူး" ဟု အဆိုပါ ကုမ္ပဏီ၏ လူမှုဆက်ဆံရေး မန်နေဂျာဖြစ်သူ ဒေါ်သီရိကြာညိုက ပြောကြားသည်။

ရက်သတ္တပတ် အနည်းငယ်အတွင်း စတင်သုံးစွဲနိုင်တော့မည့် Ooredoo Myanmar ၏ ဆင်းမ်ကတ်များ ကို 3G ကွန်ရက်ဖြင့် အသုံးပြုနိုင်တော့မည်ဖြစ်ပြီး အမျိုးမျိုးသော သုံးစွဲသူများအတွက် Package Plan အမျိုးအစားများ ခွဲခြားသတ်မှတ် ထားပြီဖြစ်သည်။

Internet Journal

--------------------------------------
ကိုမျိုး(lwanmapyay.blogspot.com)
လွမ်းမပြေ သုတရပ်ဝန်း | Facebook

ဆက်စပ်ဖတ်ရှုရန် အကြောင်းအရာများ...