အီဘိုလာအရေး စိတ်မအေးစရာ

“အီဘိုလာဟု ခေါ်သည့် မကောင်း ဆိုးဝါးသည် လေယာဉ်စီးကာ အနောက်သို့ ဦးတည်နေသည်” ဟု အမေရိကန် ရောဂါ ကာကွယ်ရေးနှင့် ထိန်းချုပ် ရေးဗဟိုဌာန (CDC) က သတိပေးချက် တစ်ရပ် ထွက်ပေါ် လာသည်။ ကမ္ဘာ့ကြောက်စရာ အကောင်း ဆုံးနှင့် ကူးစက်မှု အမြန်ဆုံး အနောက် အာဖရိကမှသည် အမေရိကသို့ ဦးတည်နေပြီ ဖြစ်သည်။ ဒေသခံများက စုန်းကဝေ အတတ်ဖြင့် ပြုစားခြင်း ခံထားရသည့် ရောဂါဝေဒနာဟု အယူသီးကာ ယုံကြည်နေ ကြသည့် ယင်းရောဂါ ဆိုးသည် နှစ်ပေါင်း လေးဆယ်အတွင်း အဆိုးရွားဆုံး ပြန်လည် ပေါ်ပေါက်လာခဲ့သော ကူးစက်ရောဂါကြီး တစ်ခုဖြစ်ကြောင်း Medecine Sans Frontieres အဖွဲ့မှ လုပ်ငန်း ဒါရိုက်တာ တစ်ဦးဖြစ်သူ ဘတ်ယန်ရှောင်း က ပြောကြားခဲ့သည်။

“ဒီကူးစက်ရောဂါမျိုးကို တကယ့်ကို မကြုံဖူးဘူး။ တကယ့်ကို ထိန်းချုပ်ရလည်း ခက်တယ်။ ဒီလိုသာ ဆက်ပြီး ကူးစက်နေမယ်ဆိုရင် အခြေအနေက စိုးရိမ်ရတယ်။ လစ်ဗျားနဲ့ ဆီရရာလီယွန်တို့လို အရေးကြီး တဲ့ ဒေသတွေမှာ ကူးစက်လာပြီ ဆိုရင်တော့ အခြေအနေတွေက ပိုပြီးစိုးရိမ်ရတယ်၊ အခြေအနေကို အမြန်ဆုံး မထိန်းချုပ်နိုင်ဘူးဆိုရင် နောက်ထပ် ကူးစက်သွားနိုင်တဲ့ နိုင်ငံတွေ အများကြီး ဖြစ်သွားနိုင် တယ်” ဟု ယန်ရှောင်းက ဆိုသည်။

အီဘိုလာသည် ယခုအခါ အနောက်အာဖရိက လေးနိုင်ငံတွင် ပျံ့နှံ့နေပြီး လာဂို့စ်၊ နိုင်ဂျီးရီးယား၊ အာဖရိက စသည့် အကြီးဆုံးနိုင်ငံကြီးများဆီသို့ ခြေလှမ်းပြင်နေပြီ ဖြစ်သည်။ ထိုနိုင်ငံများရှိ လူဦးရေ ၂၁ သန်းအဖို့ ရင်လေးစရာပင် ဖြစ်သည်။

အာဖရိကတိုက်ဘက်သို့ ခရီးထွက်ပြီး ပြန်ရောက်လာသည့် ဟောင်ကောင်တွင် နေထိုင်သူ အမျိုးသမီး တစ်ဦးတွင် အီဘိုလာရောဂါ အရိပ်လက္ခဏာများ တွေ့လာရသည်။ သူမတွင် အဖျားတက်ခြင်း၊ အော့အန်ခြင်း များကို တွေ့ရပြီး ရောဂါ စမ်းသပ် စစ်ဆေးကြည့်သည့် အခါတွင်လည်း negative ကို ပြနေသည်။

နိုင်ဂျီးရီးယာနိုင်ငံ၏ မြို့တော်ကြီး ဖြစ်သော လာဂို့စ်တွင်လည်း သတိပေးချက်တွေ ထုတ်ပြန်ထားရသည်။ ထိုမြို့တွင် လူဦးရေ ထူထပ်ပြီး ရေမြောင်းတွေက ညစ်ပတ် နံစော်လွန်းလှသည်။ ဆင်းရဲသည့်အတွက် မိလ္လာစနစ်ကလည်း အလွန်ညစ်ပတ်ပြီး စိတ်ပျက်စရာ ဖြစ်သည်။ လူတိုင်း မြောင်းဘေးထိုင်ပြီး ကိစ္စပြီး လိုက်ကြသည်သာ ဖြစ်သည်။ ကျန်းမာရေး ဝန်ဆောင်မှုများကိုလည်း ထိုမြို့တွင် နေထိုင်ကြသူများ မရရှိကြသဖြင့် ရောဂါဖြစ်ပြီး ကူးစက်ရန် အကောင်းဆုံး အနေအထားတွင် ရှိနေသည်။

နိုင်ဂျီးရီးယား နိုင်ငံသားများသည် နေ့စဉ် ကမ္ဘာပတ်နေသူများဟု ဆိုနိုင်သည်။ သူတို့နိုင်ငံ လေဆိပ်မှ ကမ္ဘာ့နေရာအနှံ့သို့ အလုပ်အကိုင်များ ထွက်လုပ်ရန်အတွက် ခရီးထွက်နေကြသူများ ဖြစ်သည်။ အထူး သဖြင့် အမေရိကန်ပြည်ထောင်စုနှင့် ဥရောပနိုင်ငံများသို့ သူတို့ခြေဆန့်ပြီး နေ့စဉ် ရောက်ရှိနေကြသည်။ သို့ဖြစ်ရာ အီဘိုလာ ရောဂါသည် နိုင်ဂျီးရီးယားတို့နှင့်အတူ ကမ္ဘာ့နိုင်ငံ မည်မျှသို့ ရောက်ရှိနေပြီ ဖြစ်ကြောင်း မည်သူမျှ မပြောနိုင်သည့် အနေအထားတွင် ရှိသည်။

မကြာသေးမီက လာဂို့စ်တွင် အီဘိုလာ ဖြစ်ပွားနေသည့် လက္ခဏာများကို တွေ့လိုက်ရသဖြင့် အားလုံး ထိတ်လန့်ကုန်ကြသည်။ တစ်ကမ္ဘာလုံးက လာဂို့စ်ကို အာရုံစိုက်ကာ အရေးပေါ် စစ်ဆေးမှုများကို ပြုလုပ် လာကြသည်။ ဗြိတိန်တွင် အနောက်အာဖရိကမှ ထွက်ပြေးပြီး လာရောက် နေထိုင်သူများစွာ ရှိသည်။ ယင်းတို့အထဲတွင် နိုင်ဂျီးရီးယားက ပြည်ပြေးတွေ အများဆုံး ဖြစ်နေသည်။ ဝန်ကြီးချုပ် ဒေးဗစ်ကင်မရွန်က “မြွေဟောက်” ဟု အမည်ပေးထားသော အရေးပေါ် အစည်းအဝေး တစ်ရပ်ကိုခေါ်ပြီး အီဘိုလာ ဖြစ်နိုင်သော ရပ်ကွက်များကို စောင့်ကြည့်ရန် စစ်ဆင်ရေး တစ်ရပ်အသွင် လှုပ်ရှားနေသည်။

ဝန်ကြီးချုပ်က “အလွန်ကြောက်မက်ဖွယ်ရာ ခြိမ်းခြောက်မှုကြီး” တစ်ခုဟု ထိတ်လန့်တကြား ပြော လိုက်ပြီး၊ ဗြိတိန်တွင် ထိုရောဂါ ရောက်နေနိုင်ကြောင်း တပ်လှန့်လိုက်သည်။ အမေရိကန်ပြည်ထောင်စုလို အနောက်အာဖရိကမှ လူများကို လက်ခံမှု နည်းသည့် နိုင်ငံတွင်ပင် ထိတ်လန့်မှုများ ဖြစ်နေကြသည်။

အမေရိကန်တို့ ကြောက်မည်ဆိုလည်း ကြောက်လောက်သည်။ မကြာမီက လာဂို့စ်တွင် ပြန်ပြီး သေဆုံး သွားသူ တစ်ယောက်သည် အမေရိကန်နိုင်ငံသား တစ်ယောက် ဖြစ်နေသည်။ သူသည် လိုင်ဘေးရီးယား တွင် အလုပ်လုပ်ကိုင်နေသူ တစ်ဦးဖြစ်ပြီး အမေရိကန်ပြည်ထောင်စု၊ မင်နီဆိုးတားရှိ သူ့မိသားစုနှင့် လာပြန်တွေ့ပြီးမှ လာဂို့စ်တွင် ကွယ်လွန်သွားခဲ့သည်။ သူသည် လိုင်ဘေးရီးယားမှ ပြန်လာစဉ်က ရောဂါ လက္ခဏာ မပြခဲ့ပေ။ သူသည် လာဂို့စ်ရှိ ညီမဖြစ်သူ တစ်ယောက် ကွယ်လွန်သည့် အသုဘ အခမ်းအနား ကို တက်ခဲ့သေးသည်။ သူ့ညီမသည် အီဘိုလာဖြင့် သေဆုံးခဲ့ခြင်း ဖြစ်သည်။ သူအမေရိကန် ပြည်ထောင်စုသို့ ပြန်လာစဉ်က လာဂို့စ်သို့ သွားခဲ့ကြောင်း အာဏာပိုင်များကို ပြောပြခဲ့ခြင်း မရှိပေ။ အမှန်မှာ သူလာဂို့စ်မှာကတည်းက ရောဂါကူးစက်လာခြင်း ဖြစ်နိုင်သည်။ မည်သို့ဆိုစေ အီဘိုလာသည် အမေရိကကို တံခါးလာခေါက်နေပြီ ဖြစ်သည်။

ကမ္ဘာ့ကျန်းမာရေးအဖွဲ့ (WHO) ၏ အဆိုအရ အီဘိုလာ (Ebola) ရောဂါ၏ ရှေ့ပြေးလက္ခဏာသည် အမွှေးရှည် သတ္တဝါများ၏ အသားကို စားသုံးခြင်းမှတစ်ဆင့် ကူးစက်လာသည်ဟု ဆိုသည်။ အထူးသဖြင့် အသီးစားလင်းနို့များကို လူတို့က သတ်ဖြတ် စားသောက်ရာမှတစ်ဆင့် ကူးစက်ခြင်း ဖြစ်ကြောင်း၊ ထိုလင်းနို့များကို အနောက်အာဖရိက အရပ်တွင် စွပ်ပြုတ်လုပ်ကာ သောက်လေ့ရှိကြောင်း၊ အီဘိုလာ အခြေခံ ဗိုင်းရပ်စ်သည် အသီးစား လင်းနို့များတွင် တွေ့ရှိရကြောင်း သတင်းထုတ်ပြန်ထားသည်။

အီဘိုလာဗိုင်းရပ်စ် ကူးစက်ခြင်း ခံထားရသူ၏ ချွေး၊ သလိပ်၊ သုက်ရည်၊ မစင်နှင့် ကျင်ငယ်ရည်တို့က တစ်ဆင့် အီဘိုလာ ဗိုင်းရပ်စ်သည် အခြားသူများကို ကူးစက်နိုင်ပေသည်။ နောက်ဆုံး တွေ့ရှိချက်များအရ ရောဂါကူးစက်ခြင်း ခံထားရသူ အသုံးပြုသွားသော မိုင်ဘိုင်းလ်ဖုန်းကို အခြားသူတစ်ယောက်က ယူသုံး မိရာမှ ထိုသူလည်း အီဘိုလာပိုး ကူးစက်သွားခဲ့ရသည့် ဖြစ်ရပ်များ ဖြစ်ပွားခဲ့သဖြင့် သတိထားစရာ ဖြစ်လာခဲ့သည်။

နောက်ဆုံး တွေ့ရှိချက်များအရ လေယာဉ်တွင် ရောဂါဖြစ်နေသူနှင့် ဘေးချင်းကပ် ထိုင်လာခြင်း၊ ရောဂါ ဖြစ်သူ အသုံးပြုသွားသည့် အိမ်သာကို အသုံးပြုသူတွင်ပါ ရောဂါပိုးများ ကူးစက်နေကြောင်း သိရသည်။ အီဘိုလာရောဂါ ဖြစ်သူတွင် ဒွါရကိုးပေါက်မှ သွေးများ ယိုစီးထွက်လာတတ်သည်။ မျက်လုံးများကပင် သွေးများ ယိုစီးလာနိုင်သည်။ ထိုဗိုင်းရပ်စ်သည် လူ၏ကိုယ်ခန္ဓာအတွင်းရှိ သွေးဖြူဥများကို ပျက်စီးစေ သောကြောင့် ထိုသို့ ဖြစ်ရခြင်း ဖြစ်သည်။ သာမန်အားဖြင့် ထိုဗိုင်းရပ်စ် ကူးစက်နေကြောင်း သိမြင်နိုင် စွမ်း မရှိပေ။ ၉၀ ရာခိုင်နှုန်းမှာ သေလုမြောပါး ဖြစ်နေချိန်မှသာ ရောဂါဖြစ်နေမှန်း သိရှိကြရသည်။

ယခုအချိန်အထိ အီဘိုလာဖြစ် လာလျှင် မည်သို့ကုသရမှန်း မသိနိုင်သေးပေ။ ရောဂါဖြစ်နေကြောင်း မသင်္ကာဖွယ်ရာ တွေ့ရှိလျှင် ကြိုတင်ကုသမှုများ ပြုလုပ်နိုင်ကြောင်း အမေရိကန် ပြည်ထောင်စုရှိ CDC အဖွဲ့က ဆိုသည်။ ကုသနည်းမှာ ရောဂါဖြစ်နေသည်ဟု ထင်ရသူအား အောက်ဆီဂျင်နှင့် သွေးပေါင်ချိန်ကို ထိန်းပေးခြင်း၊ သွေးအနေအထားကို ပြုပြင်ပြောင်းလဲပေးခြင်းဖြင့် ရောဂါကို ထိန်းထားနိုင်သည်ဟု ယင်း အဖွဲ့က ဆိုသည်။ သို့သော် ယင်းကုသနည်းမှာ စိတ်ချရသည့် အနေအထားတွင် မရှိသေး။ ရောဂါပြင်းထန် လာလျှင် သေရန်သာ များသည်။

ဆီရရာလီယွန်တွင် အီဘိုလာ တိုက်ဖျက်ရေးကို ဦးဆောင်လှုပ်ရှားနေသည့် ဆရာဝန်တစ်ဦးသည် မကြာမီက သေဆုံးသွားခဲ့ရသည်။ သူသည် လိုင်ဘေးရီးယားတွင် အမေရိကန် ကျန်းမာရေး ဝန်ထမ်းနှစ် ဦးနှင့်အတူ အီဘိုလာ တိုက်ဖျက်ရေးအတွက် တက်ကြွစွာ ပါဝင်လှုပ်ရှားနေသူ ဖြစ်သည်။ သတိကြီးစွာ ထားပြီး ဆောင်ရွက်နေသည့် သူ့လို ဆရာဝန်တစ်ဦးပင် သေဆုံးခဲ့ရသည့်အပြင်၊ ရာပေါင်းများစွာ အီဘိုလာ အရေးတွင် ပါဝင်လှုပ်ရှားနေသည့် ကျန်းမာရေး လုပ်သားများလည်း အသက်ပေးခဲ့ကြရသည်။

အီဘိုလာရောဂါ ဖြစ်ပွားမှုကို ၁၉၇၆ ခုနှစ်လောက်ကတည်းက ခြေရာခံမိသည်။ ၁၉၇၆ ခုနှစ် မတ်လက ဂီနီနိုင်ငံတွင် ထိုရောဂါဖြစ်သူကို ပထမဆုံး တွေ့ရှိခဲ့ရခြင်း ဖြစ်ပြီး၊ WHO သုတေသီများက အသီးစား လင်းနို့တစ်မျိုးကို စားသုံးခဲ့ခြင်းကြောင့် ဖြစ်ကြောင်း ထိုစဉ်ကတည်းက ထုတ်ဖော် ပြောကြားခဲ့သည်။ ဂီနီနိုင်ငံအစိုးရက မိမိတို့နိုင်ငံအတွင်း ပြည်သူများကို လင်းနို့သား မစားကြရန် အမိန့်ထုတ်ခဲ့သော်လည်း အိမ်နီးချင်းနိုင်ငံများ ဖြစ်သည့် လီယွန်နှင့် လစ်ဗျားနိုင်ငံတို့တွင် မတားဆီးနိုင်ခဲ့ပေ။ အထူးသဖြင့် ထိုနိုင်ငံ များရှိ ကျေးလက်ဒေသများတွင် ကျန်းမာရေး စောင့်ရှောက်မှုနှင့် အလှမ်းဝေးသောကြောင့် အီဘိုလာသည် ထိုနိုင်ငံများ အတွင်းသို့ ရောက်ရှိလာခဲ့ရသည်။ နိုင်ဂျီးရီးယားနိုင်ငံ မရောက်မီ ဒေသပေါင်း ၆၀ တွင် အီဘိုလာ ပျံ့နှံခဲ့ပြီး ဖြစ်ကြောင်း WHO က ဆိုသည်။

အာဖရိကတိုက်အတွင်း အချို့သော ကျေးရွာများသို့ ကျန်းမာရေး လုပ်သားများ ဝင်ရောက်နိုင်မှု မရှိခြင်း ကြောင့်လည်း အီဘိုလာ ရောဂါဝေဒနာ မည်မျှ ခံစားနေရကြောင်း မသိနိုင်ခဲ့ပေ။ အစ္စလာမ်ဘာသာ ကိုးကွယ်သည့် ကျေးရွာများတွင် အစဉ်အလာအရ သေဆုံးသူတစ်ဦးကို ရေချိုးပေးပြီး သန့်စင်အောင် လုပ်ပေးကြခြင်းကြောင့် ထိုမှတစ်ဆင့် ကူးစက်နိုင်သည့် ပမာဏမှာ များပြားလှသည်။ ထို့ပြင် အချို့သော ကျေးရွာများတွင် ရောဂါဖြစ်သူများကို တစ်ရွာမှတစ်ရွာ သယ်ဆောင်သွားပြီး တိုင်းရင်းဆေးဆရာများ၊ နတ်ဆရာများနှင့် ပြသကုသနေခြင်းကလည်း ကူးစက်မှုအရှိန်ကို မြှင့်တင်နေသလို ဖြစ်သည်။

အာဖရိကမှတစ်ဆင့် အီဘိုလာသည် ပျံ့နှံ့လာပြီ ဖြစ်ကြောင်း သတင်းတွေ ထွက်လာမှ နိုင်ငံတကာသည် စိုးရိမ်ထိတ်လန့်လာပြီး ကာကွယ်ရန် ပြင်ဆင်ကြသော်လည်း၊ မိမိတို့နိုင်ငံများအတွင်း ကူးစက်သူ မည်မျှ ရောက်နေပြီဆိုခြင်းကို သိနိုင်ရန် ခဲယဉ်းလှသည်။ အနောက်အာဖရိကနှင့် ဥရောပသို့ ပြေးဆွဲနေသော လေကြောင်းခရီးစဉ်များကို ပိတ်ကြသည်။ လိုင်ဘေးရီးယားတွင်လည်း နယ်ခြားဒေသများကို လူဝင် လူထွက် ပိတ်လိုက်ကြသည်။ သို့သော် လာဂို့စ်တွင် သေဆုံးသွားသော အမေရိကန်သည် လစ်ဗျားမှ ဂါနာ၊ တိုဂိုမှ လာဂို့စ်သို့ ခရီးစဉ်တစ်ခုပြီး တစ်ခု ပြောင်းခဲ့သူဖြစ်သည်။ သူက တစ်ဆင့် မည်မျှ ရောဂါတွေ ပေးခဲ့ကြောင်း မည်သူမျှ မသိနိုင်ပေ။

ထို့ကြောင့် အမေရိကန် ဗဟိုရောဂါ ထိန်းချုပ်ရေးနှင့် ကာကွယ်ကုသရေးအဖွဲ့ (CDC) က အီဘိုလာသည် လေယာဉ်စီးပြီး ခရီးနှင်နေကြောင်း ထုတ်ဖော် ပြောကြားခဲ့ခြင်း ဖြစ်သည်။ အီဘိုလာသည် အာဖရိကမှ သည် အမေရိက၊ ဥရောပ၊ အာရှအထိပါ ခရီးနှင်နေသည်။ သေမှ သိသော ရောဂါဖြစ်နေသည့်အပြင် ကူးစက်မှုနှုန်း မြန်ကာ၊ သိလျှင်လည်း သေရသည့်ရောဂါ ဖြစ်နေသောကြောင့် သတိနှင့်ယှဉ် ကြိုတင် ကာကွယ်သင့်သော ရောဂါဆိုး ဖြစ်သည်။

Ref: Ebola 'Just a Flight Away', Bruce Loudon

The Voice Journal

--------------------------------------
ကိုမျိုး(lwanmapyay.blogspot.com) လွမ်းမပြေ သုတရပ်ဝန်း | Facebook

ဆက်စပ်ဖတ်ရှုရန် အကြောင်းအရာများ...