သက်သတ်လွတ် သမားတွေအတွက် အာဟာရပြည့်ဝတဲ့ အစားအစာများ

အသီးအရွက်ကို ကြိုက်နှစ်သက် လို့ပဲဖြစ်ဖြစ်၊ အသားငါးကို မကြိုက်လို့ပဲဖြစ်ဖြစ် သက်သတ်လွတ် စားသူတွေ အများကြီးရှိကြပါတယ်။ တချို့က ရာသက်ပန် စားသလို တချို့က တစ်လ (သို့မဟုတ်) တစ်ပတ် စသဖြင့် အချိန်သတ်မှတ်ပြီး စားကြတာလည်း ရှိပါတယ်။ ဗုဒ္ဓဘာသာဝင် အများစုကလည်း အဓိဌာန်ဝ င်ဘာဝနာပွားများတဲ့ အခါတွေမှာ သက်သတ်လွတ် စားလေ့ ရှိကြပါတယ်။ အသီးအရွက် ချည်းပဲစားရင် အာဟာရ မပြည့်ဝနိုင်ပဲ ကျန်းမာရေး ထိခိုက်နိုင်တယ်လို့ ထင်မြင်ယူဆပြီး သက်သတ်လွတ် စားချင်ပေမဲ့ မစားဖြစ်သူတွေ၊ သားသမီးက သက်သတ်လွတ် စားနေလို့ အာဟာရမပြည့်မှာ စိုးရိမ်နေသူတွေနဲ့ သက်သတ်လွတ် စားနေသူအားလုံးအတွက် အသားငါးတွေကနေ ရရှိနိုင်တဲ့ အာဟာရတွေပါ စုံလင်စွာ ပါဝင်တဲ့ ဟင်းသီးဟင်းရွက် (၅) မျိုးအကြောင်းဖော်ပြပေးလိုက်ပါတယ်။

(၁) နှံစားသီးနှံ - သက်သတ်လွတ် စားသူတွေဟာ ကြက်ဥ ဘဲဥနဲ့ နို့ထွက်ပစ္စည်းတွေကို မစားတဲ့အတွက် ဗီတာမင် B12 ကို လုံလောက်စွာ ရရှိနိုင်ဖို့ နှံစားသီးနှံတွေကို စားသင့်ပါတယ်။ ဆန်စပါး၊ ပေါင်မုန့်လိုမျိုး ဂျုံထွက်ပစ္စည်း၊ ပြောင်းဖူး၊ ကွေကာအုတ် စတဲ့နှံစားသီးနှံထွက် စားစရာတွေဟာ အရသာရှိပြီး ခန္ဓာကိုယ်အတွက် လိုအပ်တဲ့ အာဟာရကို ပြည့်ဝစေပါတယ်။

(၂) ပဲ - ပဲမှာ ပရိုတင်းဓါတ်နဲ့ သံဓါတ် ပြည့်ဝစွာ ပါရှိပါတယ်။ ပဲပြုတ်၊ ပဲပေါင်း၊ ပဲနှပ်စတဲ့ ပုံစံအမျိုးမျိုး လုပ်စားနိုင်ပြီး လွယ်ကူရိုးရှင်းကာ စားကောင်းတဲ့ စားစရာပဲဖြစ်ပါတယ်။ ပဲပြုတ်ကို ကြက်သွန်နီ ပါးပါးလှီးထည့်ပြီး ပဲဆီရွှဲရွှဲလေးနဲ့သုပ်စားတာဟာ သက်သတ်လွတ် သမားတွေအတွက် ခံတွင်းမြိန်စေတဲ့အပြင် အာဟာရလည်း ပြည့်ဝစေပါတယ်။

(၃) တို့ဟူး - မြန်မာနိုင်ငံမှာ လူကြိုက်များတဲ့ တို့ဟူးနှစ်မျိုးကတော့ တို့ဟူးဖြူ နဲ့ တို့ဟူးဝါ တို့ဖြစ်ပါတယ်။ တို့ဟူးဝါကို ကုလားပဲနဲ့ ပြုလုပ်တာဖြစ်ပြီး အသုပ်သုပ်စားလို့ရသလို ကြော်စားခြင်း၊ တို့ဖူးနွေးလုပ်စားခြင်းတို့လည်း ပြုလုပ်ကြပါတယ်။ တို့ဟူးဖြူကို ပဲပိစပ်ပဲနဲ့ ပြုလုပ်တာဖြစ်ပြီး အများစုက ပဲပြားလို့ခေါ်ကြပါတယ်။ ပဲပြားကို ပဲပင်ပေါက်ဖြင့်ကြော်စားခြင်း၊ ပဲပြားဟင်းရည် လုပ်သောက်ခြင်း၊ ပဲပြားဆီပြန် ဟင်းချက်ခြင်း စသဖြင့် အရသာရှိစွာ အမျိုးစုံလုပ်စားကြပါတယ်။ တို့ဟူးမှာ ပရိုတင်းဓါတ်၊ ဇင့်ဓါတ်၊ သံဓါတ်နဲ့ ကယ်လစီယမ်ဓါတ် တို့ပြည့်စုံစွာ ပါဝင်တာကြောင့် အသားငါး အစားထိုး သက်သတ်လွတ်ဟင်းလျာတစ်ခု ပဲဖြစ်ပါတယ်။

(၄) အာလူး - အာလူးကို ကျန်းမာရေးနဲ့အညီညွတ်ဆုံး အစားအစာအဖြစ် ကမ္ဘာတ၀ှမ်းလုံးက သတ်မှတ် ထားကြပါတယ်။ အာလူးမှာ ပိုတက်စီယမ်၊ ဆိုဒီယမ်၊ ကာဘိုဟိုက်ဒရိတ်နဲ့ ပရိုဓါတ်တို့ ပြည့်ဝစွာ ပါရှိပါတယ်။ အာလူးထောင်း၊ အာလူးသုပ်၊ အာလူးဖုတ် စတာတွေဟာ လုပ်ရလည်း လွယ်ကူပြီး အမြဲတမ်း စားကောင်းတဲ့အပြင် သွားရည်စာလိုမျိုး စားလေ့ရှိကြတဲ့အစားအစာ တစ်မျိုးလည်း ဖြစ်ပါတယ်။

(၅) အစိမ်းရောင် အသီးအရွက်များ - အစိမ်းရောင် အသီးအရွက်တွေဟာ ကျန်းမာရေး အတွက်စားကို စားသင့်တဲ့ နံပတ်(၁) အစားအစာဖြစ်ပါတယ်။ အစိမ်းရောင် အသီးအရွက်တွေဟာ ဗီတာမင်များစွာ၊ ဓါတ်သတ္တုများစွာ ပါဝင်တဲ့အပြင် အစာအိမ်နဲ့အူလမ်းကြောင်းကို ရှင်းလင်းပေးတဲ့ အမျှင်တွေလည်း ပါဝင်ပါတယ်။ အစိမ်းရောင် အသီးအရွက်တွေဟာ နှလုံးရောဂါ၊ ဆီးချိုရောဂါနဲ့ ကင်ဆာရောဂါကို ကာကွယ်ပေးပါတယ်။

Author: Crystal Win

Yangon Life

http://yangonlife.com.mm/mm/article/13714

--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+

ဆက်စပ်ဖတ်ရှုရန် အကြောင်းအရာများ...