Ooredoo မှ စွန့်ဦးတီထွင် IT ပညာရှင်များအား ကျပ်သိန်းတစ်ထောင်စီ ထောက်ပံ့မည်
![](https://blogger.googleusercontent.com/img/b/R29vZ2xl/AVvXsEiVofNlqUsfOtGg4oG7F2KnBPbotPGL6c4owlvs6Hef6YhrWUeCJ8L9NA3CZxMy0TY-pREhbwNV1LyCkV93zTq3oCHzZCSmCdFUKZcYFE8kqyWbUfd7Det7_mzHhlN_0GyWReV49RExb9-R/s1600/other_ooredoo_a5bfc.jpg)
Ooredoo မှ လုပ်ငန်းသစ်များ ပျိုးထောင် ပေးရန် စွန့်ဦးတီထွင် IT ပညာရှင် များအား ကျပ်သိန်း တစ်ထောင် စီ ထောက်ပံ့ပေး မည်ဖြစ်ကြောင်း ယင်း ကုမ္ပဏီက ထုတ်ပြန်သည်။ IT နှင့်ပတ်သက်သော ပြည်သူများ အကျိုး ရှိစေမည့် ဆန်းသစ် တီထွင်မှုများ ပြုလုပ် နိုင်မည့် သူများအား ငွေကြေး ထောက်ပံ့ရုံ သာမက အထောက်အကူပြု ပစ္စည်းများ၊ နည်းပညာ သင်ကြားပေးမှုများနှင့် ရုံးခန်း စသည်တို့ကို ကူညီ ထောက်ပံ့ မည် ဖြစ်ကြောင်း Ooredoo မြန်မာ မှသိရသည်။ ““ကျွန်တော်တို့ လုပ်ငန်း ဆောင်ရွက်နေတဲ့ ဒေသတိုင်း မှာ နယ်မြေခံ စွန့်ဦးတီထွင်သူတွေဟာ ထူးခြား ဆန်းသစ်တဲ့ ICT လုပ်ငန်း နဲ့ မိုဘိုင်း Application တွေ ဖန်တီး နေကြတယ်။ ဒါပေမဲ့ သူတို့မှာ ဈေးကွက်ထဲထိ ရောက်အောင် ဒါမှမဟုတ် ကျယ်ကျယ် ပြန့်ပြန့် မဆောင်ရွက်နိုင်ဘူး။ ဒါကြောင့် IT ပညာရှင် အသစ် တွေ ပြုစု ပျိုးထောင် ပေးခြင်းဖြစ်တယ်”” ဟု Ooredoo မြန်မာ၏ အလုပ်အမှုဆောင် အရာရှိချုပ် Ross Cormack ကပြောသည်။
ကူညီမှုများ အတွက် Ooredoo ၏ ထောက်ပံ့မှုဖြင့် ဖွဲ့စည်းထားသော Idea Box အဖွဲ့မှ ကူညီမည်ဖြစ်ပြီး ယင်းအဖွဲ့၏ အဓိကရည် ရွယ်ချက်မှာ နည်းပညာ ဖွံ့ဖြိုးတိုးတက်မှုနှင့် 3G ကွန်ရက် ထိုးဖောက်မှုမှ နေ၍ အကျိုးအမြတ်များ ရယူနိုင်ရန် ဖြစ်သည်။ ထောက်ပံ့ ပေးမည့် အကူအညီများကို လေးလမှ ခြောက်လ အတွင်း ဖြည့်ဆည်း ကူညီပေးသွားမည် ဖြစ်ကြောင်း သိရသည်။ ယင်းကဲ့သို့ ထောက်ပံရာတွင် IT ပညာရှင် တစ်ဦးလျှင် ကျပ်သိန်း တစ်ထောင် ထောက်ပံ့မည် ဖြစ်ပြီး လူဦးရေကိုမူ လျှောက်လွှာ အပေါ်မူတည်၍ ရွေး ချယ် ကန့်သတ် သွားမည် ဖြစ်ကြောင်း သိရသည်။
““ဒီနိုင်ငံမှာ တကယ်တော်တဲ့ လူတွေ အများကြီး ရှိပါတယ်။ အခုလို ထောက်ပံ့မှုတွေ ရှိလာတဲ့ အခါ လူငယ်တွေ အနေနဲ့လည်း အမှန်တကယ် အသုံးချဖို့ လိုအပ်သလို အရည်အချင်း ရှိတဲ့သူတွေကြောင့် ကိုယ့်နိုင်ငံက မိုဘိုင်းကဏ္ဍ အတွက် အများကြီး အထောက်အကူ ပေးနိုင်မှာပါ””ဟု မြန်မာနိုင်ငံ ကွန်ပျူတာ လုပ်ငန်းရှင်များ အသင်း ဥက္ကဋ္ဌ ဒေါက်တာ ထွန်းသူရသက် ကပြောသည်။ အဆိုပါ ထောက်ပံ့မှုများဖြင့် လုပ်ငန်း ဆောင်ရွက်မည့် လူငယ်များ အနေဖြင့် www.ideabox.com.mm မှတစ်ဆင့် လျှောက် ထား နိုင်ပြီး၊ လျှောက်လွှာ ပိတ်ရက်မှာ ဇွန်လ (၁၃) ရက်နေ့ဖြစ်သည်။ ရွေးချယ် ခံရသူများအား ဇွန်လ (၂၇) ရက်နေ့တွင် ထုတ်ပြန် ကြေညာပေး သွားမည်ဖြစ်ကြောင်း သိရသည်။
The Messenger Journal
-------------------------------------------------
ကိုမျိုး (lwanmapyay.blogspot.com)