ရေနွေးကြမ်းနှင့် ကျန်းမာရေး...

photo:google

လက်ဖက်သည် တရုတ်ပြည်တွင် လွန်ခဲ့သော နှစ်ပေါင်းလေးထောင်ကျော်ကတည်းက သုံးစွဲခဲ့တဲ့ ရိုးရာ အစားအစာ တစ်ခုပါ. . . . အနီးအနားမှ မြန်မာ၊ ဂျပန်၊ ကိုရီးယားမှသည် တကမ္ဘာလုံးသို့ ပျံ့နှံ့သွားပြီး လက်ဖက်၏ ကောင်းကျိုးများကို ယနေ့ထိတိုင် တစ်ခုပြီး တစ်ခု ဖော်ထုတ်ဆဲ ဖြစ်ပါသည်. . . . ယေဘုယျအားဖြင့် လက်ဖက်စိမ်း (Green Tea) နှင့် လက်ဖက်ညို (Brown Tea) ဟု နှစ်မျိုးခွဲထားသော်လည်း ပင်ရင်းမှာ လက်ဖက်တစ်မျိုးတည်း သာဖြစ်ပါသည်.

လက်ဖက် တစ်မျိုးတည်းအား ပြန်ပြင်ထုတ်လုပ်သည့် အပေါ်မူတည်၍ အမျိုးမျိုးကွဲပြားသွားသလို အာနိသင်လည်း ကွဲပြားသွားပါသည်. ယခု ကျွန်မတို့သောက်တဲ့ ရေနွေးကြမ်းသည် လက်ဖက်စိမ်းဖြစ်ပါတယ်. . . . အစိမ်းရောင် မဖြစ်ပဲ ၀ါဖန့်ဖန့် ဖြစ်နေခြင်းက တာရှည် အထားခံအောင် ပြုပြင်ပြောင်းလဲမှုကြောင့်ပါ. . . . . လက်ဖက်ညို ကတော့ ကျွန်မတို့ အခုသောက်နေတဲ့ လက်ဖက်ရည်အချိုပါ တကယ်တော့ လက်ဖက်ညိုကို သကြား၊ နို့ဆီများနှင့်ရောနှောတဲ့ အချိုးပေါ် မူတည်ပြီး ချိုဆိမ့်၊ ပေ့ါကျ ၊ ချိုပျစ် ၊ ပုံမှတ် တို့ ဖြစ်လာပြီး ပြောင်းလဲခေါ်ဝေါ်ခြင်းဖြစ်ပါတယ်. . .

တကယ်တေ့ာ ရေနွေးကြမ်းမှာ သာ ကာတီချင် (Catechins)ဆိုတဲ့ အင်တီအောက်ဆီးဒင့်များတာပါ. . လက်ဖက်ရည် အချိုမှာတော့ အဲဒီကာတီချင်ဓာတ် အရမ်းနည်းပါတယ်. . . . ဒါပေမယ့် ကဖင်း Caffeine ဓာတ်ကတော့ လက်ဖက်ရည် အချိုမှာ များများပါပြီး ရေနွေးကြမ်းမှာ နည်းနည်းပဲ ပါပါတယ်. . . ဒါကြောင့် လက်ဖက်ရည် အချိုက သောက်ချင်စိတ်စွဲစေပြီး ရေနွေးကြမ်းက သိပ်မစွဲတာပါ. . . . .

အထွေထွေကျန်းမာရေးအတွက် ရေနွေးကြမ်းရဲ့ ကောင်းကျိုးပြုမူများသည် စာဖွဲ့လျှင် ကုန်နိုင်စရာမရှိပါ. ကောင်းကျိုးတွေ တစ်ခုပြီး တစ်ခု တွေ့ရှိလေ့လာနေဆဲပါ. . . အဓိကအကြောင်းကတော့ အင်တီ အောက်ဆီးဒင့် အကောင်းစားဖြစ်တဲ့ ကာတီချင် (Catechins) ကြောင့်ပါ။

ကင်ဆာဖြစ်ပွားနှုန်းကိုလျော့ပါးစေပါတယ်။အဆစ်အမျက်ကိုက်ခဲရောင်ရမ်းမှုကို သက်သာ စေတယ်။ သွေးထဲက ကိုလက်စထရော အဆီတွေကျစေတယ်။ နှလုံးရောဂါဖြစ်ပွားမှုကို ကာကွယ်တယ်။ ကိုယ်ခံအား ကို ကောင်းစေတယ်။ ဘော်ဒီဝိတ်လည်း ကျစေတယ်။ သွားပိုးစားတာလည်းကာကွယ်တယ်။ အသက်ကြီးသူ တွေမှာကြုံတတ်တဲ့ အယ်လ်ဇိုင်းမားဆိုတဲ့ စိတ်ကစဥ့်ကလျား ရောဂါကိုလည်း လျော့ကျစေတယ်။

မကောင်းတာလေးတစ်ခုကတော့ ရေနွေးကြမ်းမှာ ကဖင်းဓာတ်အနည်းငယ်ပါတော့ အိပ်မပျော်တာမျိူး ကြုံရတတ်တာလေးပါ။ ထို့ကြောင့် ညအိပ်ခါနီး ရေနွေးကြမ်းသိပ် မသောက်သင့်ပါ. . .

ဒေါက်တာကျော်ကျော် ( အထူးအရေပြားအထူးကု) 

ayeyarwaddylibrary

ဆက်စပ်ဖတ်ရှုရန် အကြောင်းအရာများ...