မီးဖွားပြီး စိတ်ကျဝေဒနာ ဘာကြောင့်ဖြစ်ရသလဲ
Health Updates Journal No. 88
ကလေးမွေးပြီးတဲ့အခါ ဟော်မုန်းအပြောင်းအလဲဖြစ်ခြင်း၊ အိပ်ရေးပျက်ခြင်းတို့ကြောင့် စိတ်ခံစားမှု ပြောင်းလဲတတ်ပါတယ်။ ရက်သတ္တပတ် အနည်းငယ်ခန့် ၀မ်းနည်းခြင်း၊ ကြေကွဲလွယ်ခြင်း၊ အပြစ်ရှိ သကဲ့သို့ ခံစားရခြင်း၊ မျှော်လင့်ချက်မဲ့ခြင်း စသည့် ခံစားချက်တွေဖြစ်တတ်ပါတယ်။ မီးဖွားပြီး စိတ်ကျဝေဒနာခံစားရတဲ့အခါ တွေ့ရတတ်တဲ့ လက္ခဏာတွေကတော့ အိပ်မပျော်ခြင်း၊ အအိပ်လွန်ခြင်း၊ ခံတွင်းပျက်ခြင်း၊ အစားလွန်ခြင်း၊ စိတ်ကြွခင်း၊ စိတ်ကျခြင်း စိတ်အပြောင်းအလဲမြန်ခြင်း တို့ဖြစ်တတ် တယ်။
အချို့အမျိုးသမီးတွေမှာ မီးဖွားပြီးစအချိန် သိုင်းရွိုက်အကျိတ်လုပ်ငန်းများ ယာယီရပ်ဆိုင်းသွားတဲ့ အတွက် စိတ်ကျတတ်သလို အမျိုးသမီးဟော်မုန်းများ ရုတ်တရက်ကျဆင်းတဲ့အတွက် စိတ်ကျ တတ်ပါတယ်။
မီးဖွားပြီးစိတ်ကျဝေဒနာဖြစ်တဲ့အခါ သိမှုအပြုအမူကုထုံးလို့ခေါ်တဲ့ Cognitive Behaviour Therapy (CBT) အသုံးပြုပြီး စကားပြောကုသပေးရသလို ဆေးဝါးဖြင့်ကုသဖို့လိုတဲ့အခါမှာလည်း စိတ်ကျရောဂါ ကုသဆေးတွေ ပေးရပါတယ်။ စိတ်ကျရောဂါကုသဆေးအချို့ဟာ မိခင်နို့မှတစ်ဆင့် ရင်သွေးငယ်ထံ ရောက်တတ်တဲ့ အတွက် စိတ်ကျရောဂါဆေးများကို ဆရာဝန်နှင့်တိုင်ပင်၍ သောက်သုံးသင့်ပါတယ်။
မီးဖွားပြီးမကြာခင် စိတ်ဓါတ်ကျလာတဲ့အခါ မိသားစုနှင့် မိတ်ဆွေများထံမှ အကူအညီရယူပါ။ အနားယူပါ။ မိတ်ဆွေများထဲမှ မီးဖွားပြီးစ မိခင်များနှင့် တိုင်ပင်ဆွေးနွေးပါ။ ကလေး ထိန်းငှားပြီး မိမိကိုယ်ကိုပိုဂရုစိုက်ပါ။
ဇော်ကို
Source:WebMD
Health Updates Journal