အရိုးကျန်းမာရေးအတွက် ရင်းနှီးမြှုပ်နှံခြင်း
ကိုထိုက်
အရိုးသိပ်သည်းဆ ဖြစ်နိုင်သမျှများများရှိနေအောင် ငယ်ရွယ်စဉ် စောစီးစွာကတည်းက ရင်းနှီး မြှုပ်နှံမှုပြု ထားခြင်းဖြင့် အသက်ကြီးလာသည့် အခါ အကျိုးရလဒ် ကောင်းခံစားနိုင်ကြမည်။ သန်မာသော အရိုး၊ကျန်းမာသော အရိုးဖြစ်အောင် ဂရုစိုက်တည်ဆောက်ထာ ခြင်းသည် အငြိမ်းစား ယူချိန် အတွက် ဘဏ်မှာ ကြိုတင်ငွေ စု ထားခြင်းနှင့်ဆင်တူသည်။ လုပ်နိုင် ကိုင်နိုင်စဉ်ကတည်း က ကြိုတင်ငွေစုဆောင်း ထားပါက အငြိမ်းစား ယူသည့်အခါ စိတ် အေးချမ်းသာ နေခွင့် ရမည်။ အလားတူပင် ငယ်ရွယ်သန်စွမ်းစဉ်က တည်းက အရိုးများ သန်မာအောင် ဂရုစိုက်ခဲ့ပါက ဂရုမစိုက်ခဲ့သူများနှင့် ယှဉ် လျှင် ကြီးလာသည့်အခါ အရိုးများ ခိုင်မာကာ အရိုးဆိုင်ရာ ကျန်းမာရေးပြဿနာ ကြုံရနည်းသွားမည်။
လူငယ်တွေဟာ အရိုး ကျန်းမာရေး ဂရုမစိုက်ကြဘူး။ အရိုးဆိုတာ ကျန်းမာအောင် ဂရုစိုက်ရတဲ့ အရာလို့ သိပ်မခံယူကြဘူး။ တစ်ကယ်ဆိုရင် အရိုး ကျန်းမာရေး ဂရု စိုက်ဖို့ အကောင်းဆုံးအချိန်ဟာ ငယ်တုန်း ရွယ်တုန်း အချိန်ပဲဆိုတာ သိသင့်ကြတယ်။ အသက်ကြီးလာလေ အရိုး ကျန်းမာရေးက ညံ့ဖျင်းလာလေပဲ။ အသက်ကြီးမှ အရိုး သန်မာအောင် လုပ်ဖို့က ခက်သွားပြီ ဟု အရိုး အထူးကု ဆရာဝန် တစ်ဦး ဖြစ်သော ဒေါက်တာ လီဆာအန် ဖရေဆာ က ပြော သည်။ ကယ်လ်ဆီယမ် ဖော့စဖိတ်ဓာတ် နှင့် တစ်သျှူးများကို ကော်ကဲ့သို့ တွဲစပ်ပေးသောကောလိပ်ဂျင်ဓာတ်များဖြင့် အရိုး ကို အဓိက ဖွဲ့စည်းထားသည်။ ငယ်ရွယ်စဉ်မှာ အရိုးများသည် အသစ်အသစ်များ ဖြစ်ထွန်း သည်။ ရှိပြီးသား အရိုးများကိုလည်း ပိုသန် စွမ်းအောင် ဆဲလ် အသစ်များ က ထပ်လောင်း အားဖြည့်ပေးသည်။ ထိုနည်းဖြင့် လူကို အသက် (၃၀) ၀န်း ကျင်ထိ လိုအပ်သော ခန္ဓာကိုယ်ပုံသဏ္ဍာန် ပေါ်ပေါက်လာအောင် အရိုးများ အသစ်ဖြစ် ခြင်း၊ ရှိပြီးသားနေရာမှာ ထပ်လောင်းအား ဖြည့်ခြင်းများ လုပ်ပေးသည်။ အသက်(၃၀) ရှေ့ပိုင်း တောက်လျှောက် အရိုး သိပ်သည်းဆသည် ထပ်လောင်းဖြည့် ပေးသည့် အပိုင်းက ယုတ်လျော့ ပျက်စီးခြင်း အပိုင်းထက် ပိုများသည်။ အရိုးဆဲလ်များ အသစ်ဖြစ်ထွန်းနှုန်းက ပျက်စီးနှုန်းထက်များနေ သည်။ သို့ဖြစ်ရာ ငယ်ရွယ်စဉ်အချိန်တွင် အရိုးနှင့် ပတ်သက်လျှင် အမြတ် ထွက်ကြသည်ဟု ဆိုနိုင်သည်။ အသက်(၃၀) ကျော်ပိုင်းရောက်ပြီး အရိုး အသစ်ဖြစ်ထွန်းမှု အမြင့်ဆုံး ကာလကို ကျော် သွားပြီး နောက်တွင်ကား အရှုံးပေါ်သည့်ဘက်က များလာတော့သည်။ အရိုး ဆဲလ်များ အသစ်ဖြစ်ထွန်း နှုန်း သည် ပျက်စီးယိုယွင်းနှုန်းကို လိုက်မမီဘဲဖြစ်သွားသည်။ ထိုသို့ဖြစ်၍ စိတ်ဓာတ်ကျရန်တော့ မရှိ။ အသစ်ဖြစ်ထွန်း နှုန်း ရပ်သွားခြင်းမဟုတ်။ နှေး သွားခြင်းသာဖြစ်ရာ အရိုးထိခိုက်လျှင် ငယ်ငယ်ကလောက် မြန်မြန်ပြန်မကောင်းခြင်းမျိုးကို ဆိုလိုသည်။
အရိုး ကျန်းမာရေးကို ငယ်စဉ်မှာ ဂရုမစိုက်ခဲ့သူများသည် ကြီးလာသည့်အခါ အရိုး သိပ်သည်းဆနည်းကာ အရိုးပွလာပြီး ကျိုးလွယ်သည့် အန္တရာယ် ကြီးမားလာသည်။ အရိုးသိပ်သည်းဆနည်းပါးခြင်းကြောင့် အရိုးပွရောဂါ ဖြစ်ပွားနိုင်သလို အခြားသော အကြောင်းချက်များကလည်း အရိုးပွခြင်း အပေါ် လွှမ်းမိုးမှု ရှိသည်။ အသက်အရွယ်၊ ကျား၊ မ ကွဲပြားမှု၊ မိသားစု အရိုးဆိုင်ရာမျိုးရိုးဆက်ခံမှု၊ အသောက်အစား ဓလေ့၊ အရိုးကျိုးဖူးသည့် နောက် ကြောင်းရာဇ၀င်များကလည်း လူတစ် ယောက် အသက်ကြီးလာချိန်တွင် အရိုးပွရောဂါ ဖြစ်ပွားနိုင်ခြေ အနည်း အများကို လွှမ်းမိုးမှုရှိသည်။ အရိုးပွခြင်း လက္ခဏာအဖြစ် ခပ်ဖြည်းဖြည်း ပြုတ်ကျသည့်တိုင် လက်ကောက် ၀တ်များ အက်သွားခြင်း၊ တင်ပါး ဆုံရိုး၊ ခါးရိုးများ အက်သွားခြင်း မျိုးကြုံရ တတ် သည်။ အရိုးသိပ်သည်းဆ မြင့်မားမှသာ တော်ရုံ လောက်နှင့် အရိုးကျိုးခြင်း အန္တရာယ် ကို ကာကွယ် နိုင်မည်။ အရိုးသိပ်သည်းဆ မြင့်မားအောင်မည် သို့ ဆောင်ရွက် ရမည်၊ မည်သည့် အချက်များ လိုက်နာရမည်ကို မိမိပြနေကျ ကျွမ်းကျင်ဆရာဝန်နှင့် တိုင်ပင်ဆွေးနွေးပါ။ သက်ဆိုင်ရာ ကျွမ်းကျင် ဆရာဝန်က လူတစ် ဦးချင်းအလိုက် လိုက်ဖက်မည့် လမ်းညွှန်ချက်များပေးနိုင်သည်။
Ref: Banking on bone health (rdasia.com)
The Messenger
-------------------------------------------------
ကိုမျိုး (lwanmapyay.blogspot.com)