ဒုက္ခကို အရောင်ဆိုးထားတယ်
နေရာတကာမှာ တွေ့နေကြားနေသိနေရသည်။ အစားအစာနှင့်ဆိုးဆေး ဆိုးဆေးနှင့်အစားအစာ ဆိုးတဲ့သူဆိုးလို့ စားသူတွေကစားကြသလား။ စားတဲ့သူတွေအကြိုက်လိုက်ပြီး ဆိုးတဲ့သူတွေက ဆိုးကြသလား သည်သံသရာကိုတော့ဖြင့် မစောကြောလိုတော့ပါ။ ဆေးမဆိုးထားသော အစားအစာဆိုတာ ဘယ်မှာလဲဟု မေးရမလိုပင်။ ဟုတ်သည် လူတွေကလည်း အစားအသောက်မှာပင် အရောင်လွင်မှ အရောင်လှမှ ကြိုက်တတ်သည်။ လှတာမက်ရင် ညစာခက်မည်။ ဒါပေသည့် ယခုအခါတော့ဖြင့် အားလုံးသတိထားကြရတော့မည်။ ဟာ ဒီလောက်လေးနှင့် ဘာများဖြစ်မှာမို့လို့လဲဟု တချို့က မေးကောင်းမေးလိမ့်မည်။ ယခုခေတ်က သက်သေ သက်ကာယနှင့် လုပ်သောခေတ်ဖြစ်သည်။ ဘလိုင်းမဟုတ်။ သုတေသန စာတမ်းတွေကလည်းထွက်သည်။ ဆက်လက်၍လည်း လုပ်ကြဦးမည်။
လက်ဖက်ခြောက်မှာလည်း တွေ့သည်။ လက်ဖက်မှာလည်း တွေ့သည်။ အချိုရည်တွေမှာလည်း တွေ့သည်။ ဇီးထုတ်ချိုချည်တွေမှာလည်း တွေ့သည်။ အသီးအရွက်တချို့မှာလည်း တွေ့သည်။ နေရာတိုင်းမှာ သူ့မျက်နှာ၊ သူမပါလျှင်မပြီး ဆရာကြီးဆိုတာလိုဖြစ်လာသည်။ တကယ်ပဲ ဆေးသကြားတွေလို ဆရာကြီးဖြစ်လာသည်။
တစ်ချိန်က အလွန်နာမည်ကြီးခဲ့သော သီချင်းတစ်ပုဒ်ထဲကလို ယခုအခါလည်း ထိုသို့ပင် ဒုက္ခတွေကို အရောင်ဆိုးထားသော ဖြစ်ရပ်များ ပေါ်ပေါက်နေပြီဖြစ်သည်။ သတင်းတစ်ပုဒ်ထဲမှာပါသလိုပင် အစားအသောက်များတွင် ဆိုးဆေးပါမပါ စည်ပင်နှင့် ဆေးဝါးနှင့် အစားအသောက်ကွပ်ကဲရေးအဖွဲ့တို့ ပူးပေါင်းကာ ကြီးကြပ်လုပ်ကိုင်သွားကြတော့မည်ဟု သိရသောအခါ ၀မ်းသာမိသည်။ ဟုတ်သည်။ စာဖတ်သူများလည်း အနည်းနှင့်အများတော့ သိကြပြီဖြစ်မည်ထင်သည်။ ဆိုးဆေးပါသော အစားအသောက်များပင် ဖြစ်သည်။ ကျွန်ုပ်တို့သည် ကိုယ့်ကိုကိုယ်ပင် သတိမထားမိကြချေ။ သည်အစား အသောက်တွေနှင့် ရင်းနှီးကျွမ်းဝင်ခဲ့ကြပြီ။ ခန္ဓာကိုယ်ထဲမည်မျှလောက် ၀င်နေကြပြီလဲ။ ခက်သည်ကလည်း လူတွေပင်ဖြစ်သည်။ ဘယ်အရာမဆို လှတာ အရောင်အသွေးတောက်ပတာ အမြင်တင့်တယ်တာလေးတွေကို သဘောတွေ့ချင်ကြတယ်။ အစားအသောက်တွင်လည်း ထိုနည်းလည်းကောင်းပင်ဖြစ်သည်။ ထို့ကြောင့်ပင် စားသောက် ကုန်ထုတ်လုပ်သည် သူတွေကလည်း စားသုံးသူအကြိုက်လိုက်ကာ ထုတ်လုပ်ဖြန့်ချိလာကြရသည်။ ဆိုးဆေးတွေက နေရာတကာမှာ မင်းမူလာကြသည်။ မိမိတို့ နေ့စဉ်စားသောက်နေကြသော အစားအသောက်များတွင်ကော ဆိုးဆေးများ ဘယ်လောက်ပါနေပြီလဲ။
အရောင် အရောင် လူတွေသိပ်သိပ်ကြိုက်ကြပါသော အရောင်တွေကြောင့် လောကကြီးလှမလာပါဘဲ လောကကို အလှဆင်ခြင်းမဟုတ်ဘဲ လောကထဲကလူတွေ မရဏခံတွင်းဝသို့ရောက်အောင် တဖြည်းဖြည်းချင်း ပို့ဆောင်ပေးနေသောအရာပါလား။
အရောင်တွေကလည်း အမှတ်မဲ့နေကြလို့သာ သိသာသည်။ စားပြီးသွားသည်နှင့် လက်မှာ ပါးစပ်နူတ်ခမ်းတွေမှာ စွန်းထင်ကျန်နေခဲ့သည်။
အရောင်တွေကြောင့် စားချင်စဖွယ်ဖြစ်သလို ရောဂါတွေလည်း ၀င်လွယ်လာကြသည်။ အလှကြိုက်သော လူသားတွေက လူတွင်မက အစားအသောက်တွေကိုပါ အရောင်ခြယ်လာကြသည်။ သည်တော့ ရောဂါတွေလည်း ကျယ်လာကြတော့သည်။ အရောင်တွေမှာ စားသောက်ကုန်များတွင် သူ့ပမာဏနှင့် သုံးရသောအရောင်ကြောင့် ခွင့်ပြုမထားသော ဆိုးဆေးများ စက်မူ ကုန်ုထုတ်လုပ်ငန်းများတွင်သုံးသော ဆိုးဆေးများကို သုံးလာကြသည်။
ဘယ်လိုအစားအသောက်တွေမှာ အရောင်တွေဆိုးကာ ဘယ်နည်းဘယ်ပုံ ဒုက္ခတွေပေးနေကြသနည်း။ စားနေကျပဲ ခုကျမှ ဘာတွေများတစခန်းထနေကြတာလဲဟု မေးဖွယ်ရှိသည်။
မျှစ်တို့၏မာယာဟု ဆိုရလောက်အောင် ဈေးတွင် မျှစ်ဘယ်နှမျိုးရနိုင်သနည်း။ သိရသလောက် မျှစ်တွင်အနီနှင့် အ၀ါဟူ၍ ကြားဖူးသည်။ သည်နှစ်မျိုးလုံး ဆေးဆိုးထားသည်ဟု ယခင်ကလုံးဝမသိခဲ့၊ ညံ့လိုက်ပါဘိသာဂိရယ်ဟု ဆိုနိုင်သည်။ ယခုတော့ မျှစ်တို့၏မာယာက ထိုနှစ်မျိုးလုံး ဆိုးဆေးနှင့်ပါပဲဟု သိလာရတော့သည်။ (နောင်ပိုင်းတွင် မျှစ်တို့၏မာယာဟု စာတစ်ပုဒ်လောက်တော့ ရေးရဦးမည်)
နောက်ကော ဘာအစားအသောက်တွေနည်း၊ ပုစွန်ခြောက်၊ လက်ဖက်ခြောက်၊ ချိုချဉ်ထုပ်၊ အချိုရည်များစွာ သည်တော့ ဘာတွေများစားရမှာနည်းဟု စောဒကတက်ဖွယ်ရာရှိသည်။ ဟုတ်ပါသည်။ ဒါတွေနဲ့ကျွမ်းဝင်ခဲ့ကြသည်။ ဒါပေမယ့် ခုတော့သိလာရပြီ၊ သည်တော့ သတိထားကြရတော့မည် မဟုတ်ပါလော။ ဆိုးဆေးများကြောင့် အသည်း၊ အစာအိမ်၊ ဦးနှောက်နှင့်အာရုံကြော၊ ကျောက်ကပ်၊ ဆီးအိမ်၊ စတာတွေမှာ ဥပါဒ်တွေပေးလာကြောင်း ဆေးပညာအထောက်အထားတွေ တွေ့ရှိလာကြသည်။ သည်တော့လည်း သည်လို ကျန်းမာရေးဆိုင်ရာဆိုးကျိုးတွေကို သိလာမှတော့ ဆင်ခြင်ဖို့ အားလုံးမှာ တာဝန်ရှိလာကြသည်။ အယူအဆတွေ၊ ခံယူချက်တွေ၊ အမူအကျင့်တွေ ပြောင်းလဲပြုပြင်ဖို့ ကြိုးစားကြရတော့မည်ပေါ့။ ဘယ်သူတွေမှာ တာဝန်ရှိသနည်း။ အားလုံးမှာ တာဝန်ရှိပါသည်။ ဒုက္ခများမှ ရှောင်ရှားနိုင်ကြပါစေ။ အရောင်လှလှများမှပေးသော ဒုက္ခလှလှများမှ ကင်းဝေးနိုင်ကြပါစေ။
ဒေါက်တာသက်နိုင်မောင် (HEALTH CARE JOURNAL)