အသင့်စား အာလူးချောင်းကြော်များ မီးလောင်ခြင်းမှာ အသုံးပြုသည့် ဆီကြောင့်ဟုဆို

အာလူးချောင်းကြော်များအား မီးရှို့ကြည့်စဉ် ဓာတ်ပုံ-ဂျေမောင်မောင်(အမရပူရ)

လူမှုကွန်ရက်ပေါ်တွင် ပျံ့နှံ့နေသော Oishi Snack အာလူးချောင်းကြော်ကို မီးရှို့လျှင် မီးတောက်ခြင်းမှာ မုန့်တွင်ပါသော စားအုန်းဆီကြောင့်ဖြစ်ကြောင်း Myanmar Liwayway Food Industries ကုမ္ပဏီ ၏ စက်ရုံ ဒါရိုက်တာ ဦးအောင်ကြည်စိုးက ပြောသည်။

အာလူးချောင်းကြော်များ မီးတောက်လောင်မှုကို နေပြည်တော်သို့ စစ်ဆေးချက်ပို့ပြီး ယင်းထက်ပို၍ အသေးစိတ်စစ်ဖွဲ့ရန် စီစဉ်ထားကြောင်း၊ အစားအသောက်နှင့် ဆေးဝါးကွပ်ကဲရေးဌာန(FDA)မှ တာဝန်ရှိ သူတစ်ဦးက ပြန်လည်ဖြေကြားသည်။

‘‘Oishi Snack ကိစ္စ စစ်ဆေးတဲ့ ဆရာမက ရန်ကုန်ရုံးခွဲကပါ။ ခုအစည်းအဝေးတက်နေတယ်။ Oishi ကိစ္စက စစ်ဆေးနေတဲ့အဆင့်သာရှိပါသေးတယ်’’ဟု FDA ရုံးတာဝန်ရှိသူတစ်ဦးက ပြောသည်။

လူမှုကွန်ရက်ဖေ့စ်ဘွတ်ခ်တွင် Oishi Snack အာလူးချောင်းကြော်တစ်ခုကို မီးရှို့ထားရာ ဖယောင်းတိုင်၌ မီးတောက်လောင်နေသည့်ပုံသဏ္ဌာန် ဖြစ်ပေါ်နေသည့် ဓာတ်ပုံတစ်ပုံ ပျံ့နှံ့နေခြင်းဖြစ်ပြီး ကျန်းမာရေး အတွက် မသင့်လျော်၍ ရှောင်ရှားရန် သတိပေးစာများပါ ရေးသားထားသည်။

‘‘ဒါ သဘာဝပဲလေ။ ဆီကြော်တဲ့ မုန့်မျိုးကတော့ မီးလောင်တာပဲ။ တခြားမုန့်တွေလည်း လောင်တာပဲ။ အာလူးကြော်မှာက ဆီပါနေတာကို’’ဟု ဦးအောင်ကြည်စိုးကပြောသည်။

အာလူးချောင်းကြော်၌ ပါဝင်သည့် ကုန်ကြမ်းသည် ကျန်းမာရေးနှင့် ညီညွတ်ကြောင်း (FDA)၏ ခွင့်ပြုချက် ရရှိပြီးဖြစ်၍ စားသုံးသူများမစိုးရိမ်ရန် အထက်ပါပုဂ္ဂိုလ်ကပြောသည်။

‘‘အဓိကက ပြန်ကြော်ဆီတွေကြောင့်ဖြစ်တတ်တယ်။ တစ်ခါကြော်ပြီး အငွေ့ထွက်သွားပြီးရင် ပြန်မသုံး ရတော့ဘူး။ နောက်ထပ်အစားအစာကို ပြန်ကြော်ဆီသုံးမယ်ဆိုရင် အဲဒီအထဲမှာ ပြန်ကြော်ဆီတွေက စိမ့်ဝင်ပြီး အင်မတန်ဒုက္ခပေးနိုင်တယ်။ အဆီပိတ်၊ အ၀လွန်၊ အစာအိမ်လမ်းကြောင်းနဲ့ပတ်သက်တဲ့ ကင်ဆာတွေအထိပါ ဖြစ်နိုင်တယ်’’ဟု အလုံမြို့နယ်၊ ၀င်းဆေးခန်းမှ ဒေါက်တြာ့မင့်ဦးက သုံးသပ်ပြောကြား သည်။

Oishi Snack အာလူးချောင်းကြော်အပြင် အခြား Snack ထုပ်အတွင်းရှိ အာလူးချောင်းကြော်များကို မီးရှို့ကြည့်ရာတွင်လည်း မီးတောက်လောင်သည်ကို စမ်းသပ်တွေ့ရှိရသည်။

အသင့်စားအာလူးချောင်းကြော်များတွင် နေကြာဆီ၊ နှမ်းဆီ၊ မြေပဲဆီ၊ သံလွင်ဆီများကို သုံးရပြီး တိရစ္ဆာန် အဆီများနှင့် စားအုန်းဆီများက ကျန်းမာရေးနှင့်မညီညွတ်ကြောင်း စိတ်ချရသည့် နေကြာဆီ၊ နှမ်းဆီများကို ပင် နောက်တစ်ကြိမ် ပြန်ကြော်ဆီအဖြစ် မသုံးသင့်ကြောင်း ဆရာဝန်အချို့ကအကြံပြုသည်။

Author:ဇေနွေထွန်း၊ ယမင်း
7DAY DAILY

ဆက်စပ်ဖတ်ရှုရန် အကြောင်းအရာများ...