သတိပြုကာကွယ် ပဋိဇီဝဆေးယဉ်ပါးမှု အန္တရာယ်
ယနေ့ ကမ္ဘာပေါ်တွင် ပဋိဇီဝဆေးကို ပုံစံအမျိုးမျိုးဖြင့် အသုံးပြုနေကြပါသည်။ လူထုဆေး ပညာတွင်သာ မက တိရစ္ဆာန်မွေးမြူရေးနှင့် တိရစ္ဆာန်ဆေး ပညာ တွင်လည်း တွင်တွင် ကျယ်ကျယ် အသုံးပြုလျက်ရှိ သည်။ ခေတ် မီဖွံ့ဖြိုး တိုးတက် လာသည်နှင့် အမျှ နောက်ဆုံး ထွက်ရှိသည့် ပဋိဇီဝဆေးများ ကို ဈေးကွက်တွင် အလွယ်တကူ ရရှိနိုင်ပေသည်။
နေမကောင်းဖြစ်ပါက ဆေးခန်းသွားပြီး ဆရာဝန် ဆီပြသရန် ဝန်လေး တတ်သည်မှာ လူ့မနော ပင်ဖြစ် တော့သည်။ လမ်းဘေးမှဆေးဆိုင်မှ အလွယ်တကူပင် ဝယ်ယူတတ်ကြသည်။ ဆေးသက်တမ်းလည်း မကြည့်၊ မည်သည့်ဆေး ပေးလိုက် မှန်းမသိကြဘဲ မနက်တစ်ကြိမ်၊ နေ့လယ်တစ်ကြိမ်၊ အိပ်ရာဝင်ခါနီး တစ်ကြိမ်သောက် ဆိုပြီးသာ သိကြ၏။ ကိစ္စများမြောင် လူတို့ဘောင်တွင် စားဝတ်နေရေးအတွက် လုံး ပန်းနေကြရင်း ပဋိဇီဝဆေး၏ ခုခံနိုင်စွမ်းအား များပြားလာမှုကို သတိမပြုမိကြပေ။
စာရေးသူသည် ထိုင်းနိုင်ငံ ချင်းမိုင် တက္ကသိုလ်၌ ၂၀၁၁ ခုနှစ်မှ ၂၀၁၃ ခုနှစ်အထိ Faculty of Veteri-nary Medicine တွင် ပဋိဇီဝဆေးခုခံနိုင်မှုနှင့် ပတ်သက်၍ တိရစ္ဆာန်ဆေးပညာ ဆိုင်ရာ ပြည်သူ့ကျန်းမာ ရေး ဘာသာဖြင့် မဟာဘွဲ့ ရရှိခဲ့ပါသည်။
ထို့ကြောင့် ပြည်သူများပဋိဇီဝဆေးခုခံနိုင်မှုနှင့်ပတ်သက်၍ သိရှိစေရန်အတွက် ရေးသားတင်ပြလိုက်ရ ပါသည်။ ဗိုင်းရပ်(စ်) ပိုး၊ ဗက်တီးရီးယားပိုးနှင့် သန်ကောင်ပိုးတို့ကြောင့် တိရစ္ဆာန်များအပါအဝင် လူတို့ တွင်အမျိုးမျိုးသောရောဂါများ ဖြစ်ပေါ်တတ်၏။ ဗိုင်းရပ်စ်ပိုးကြောင့်ဖြစ်သော ရောဂါကိုဆေးသောက် ခြင်းဖြင့် မကုသနိုင်သော်လည်း ဘက်တီးရီးယားပိုးကြောင့် ရောဂါများဖြစ်ပေါ်ခဲ့ပါက ပဋိဇီဝဆေးဝါးကို အသုံးပြုနိုင် ပါသည်။
ထို့ကြောင့် ပဋိဇီဝဆေးသည် လက်နက်ကြီးသဖွယ်ဖြစ်နေတော့သည်။ ဆရာဝန်၏ညွှန်ကြားချက်ကို လွဲမှား စွာသောက်သုံးခြင်း၊ ဆေးပတ်လည်အောင် သောက်သုံးမှုမရှိခြင်းတို့ကြောင့် ပဋိဇီဝဆေးယဉ်ပါး မှုဖြစ်စေ သလို ပဋိဇီဝဆေးကြွင်းဆေးကျန်များသည် လူတို့စားသုံးသော အသား၊ ငါး၊ နို့နှင့် ဥတို့မှတစ် ဆင့် ပဋိဇီဝဆေး ယဉ်ပါးခြင်းဖြစ်စေနိုင်ပါသည်။ ပဋိဇီဝဆေးကို ခုခံနိုင်သည့်မျိုးရိုးဗီဇသည် ရေထဲမှ တစ်ဆင့်၊ မွေးမြူရေးတိရစ္ဆာန်များမှတစ်ဆင့်နှင့် ရှားပါးစွာပင်မြေကြီးမှတစ်ဆင့်ကူးစက်တတ်ပေသည်။
ထို့အတူပင် တိရစ္ဆာန်မွေးမြူသူများသည်လည်း လွန်ခဲ့သည့်နှစ်များစွာကပင် စွဲမှတ်နေကြသည်မှာ ပဋိဇီဝဆေးကို ကုသဖို့ထက်ကာကွယ်ရန်အတွက် အများဆုံးအသုံးပြုကြသည်။ မွေးမြူရေးခြံများတွင် ပဋိဇီဝဆေး အသုံးမပြုနှင့်ဟု ဆိုလိုခြင်းမဟုတ်ပါ။ မွေးမြူရေးနယ်ပယ်၌ ပဋိဇီဝဆေးကို ကုသမှုပေး သော ပမာဏထက် တိရစ္ဆာန်များကိုလျှော့ကျွေးသောအခါ တိရစ္ဆာန်များ၏ အသားထွက်မှုပမာဏ မြင့် တက်လာ သည်ဟုနားလည်ထားကြသော်လည်း မွေးမြူသူများမှာ နားလည်မှုလွဲမှားခြင်းကြောင့်လည်း ကောင်း၊ မိမိခြံသို့ရောဂါဝင်ရောက်ခြင်းကို စိုးရိမ်သည့်အတွက်ကြောင့်လည်းကောင်း၊ ပဋိဇီဝဆေးကို ရေ၌ဖြစ်စေ၊ အစာထဲ၌ဖြစ်စေ လိုသည်ထက်ပို၍အသုံးပြုမှုကြောင့် ပဋိဇီဝဆေးခုံခံနိုင်မှုများ တိရစ္ဆာန် များ၏ ကိုယ် တွင်ဖြစ်ပေါ်လာပြီး ပဋိဇီဝဆေး အကြွင်းအကျန်များသည် လူတို့စားသုံးသော အသားမှ တစ်ဆင့် လူသား တို့ကိုယ်ထဲသို့ ရောက်ရှိလာသည်။
ထို့ကြောင့်မွေးမြူရေးနှင့် ကုသရေးဦးစီးဌာနမှ ဝန်ထမ်းများသည် အစိုးရမဟုတ်သောနိုင်ငံတကာအဖွဲ့ အစည်းများ၏ ပံ့ပိုးကူညီမှုဖြင့်မွေးမြူရေးခြံများ၌ ပဋိဇီဝဆေးများ အသုံးပြုမှုကိုပညာပေးဟောပြော ခြင်း၊ စစ်ဆေးခြင်း၊ အသား၊ ငါး၊ နို့နှင့်ဥမှတစ်ဆင့် ပဋိဇီဝဆေးကြွင်းဆေးကျန်များ ဝင်ရောက်မှုမရှိစေ ရန်အတွက် ပဋိဇီဝဆေးပေးထားသည့် တိရစ္ဆာန်များကို ကန့်သတ်ရက်ထားပြီးမှသာ ရောင်းချစေခြင်း၊ နိုင်ငံတကာ စံချိန် စံနှုန်းများနှင့်အညီ အသုံးပြုခွင့်မရှိသည့် မွေးမြူရေးသုံး ပဋိဇီဝဆေးဝါးများကို စစ် ဆေးခြင်းနှင့် တင်ပို့ရောင်းချ မှုကို တားမြစ်ခြင်းတို့ကို ပြည်သူလူထုသို့ ပဋိဇီဝဆေးယဉ်ပါးမှုမဖြစ်ပေါ် အောင် ဆောင်ရွက်လျက်ရှိပါသည်။
ထို့ပြင်ဈေးကွက်တွင် ရောင်းချလျက်ရှိသည့် အသား၊ ငါး၊ နို့နှင့်ဥတို့ကို နမူနာပစ္စည်းများရယူပြီး တိရ စ္ဆာန်ရောဂါ စစ်ဆေးရေး ဓာတ်ခွဲခန်းများ၌ ပဋိဇီဝဆေးကြွင်း ဆေးကျန်များပါရှိမှု ရှိ/မရှိကို စစ်ဆေးပေး လျက်ရှိပါသည်။
ဆေးယဉ်ပါးမှုဆိုသည်မှာ ပြီးခဲ့သည့်အကြိမ်က သောက်လိုက်သည့် ပဋိဇီဝဆေး၏ အာနိသင်အစွမ်းကို ခံနိုင်ရည်ရှိလာပြီး ဆေးဘယ်လောက်သောက်သောက် ရောဂါမပျောက်တော့ပေ။ ဆရာဝန်၏ညွှန် ကြားချက် အတိုင်း သောက်တဲ့သူက ရှားသည်။ စာရေးသူလည်း ရံဖန်ရံခါဆေးသောက် ရန်မေ့တတ် ၏။ နောက်ပြီး ဆေးပတ်လည်အောင် မသောက်၊ ခံစားနေရသည့် ဝေဒနာသက်သာလျှင် ဆေးကို မသောက် တော့ဘဲ ဆရာဝန်ပေးလိုက်သည့် ပလတ်စတစ် အိတ်အတိုင်း ပစ်ထားတတ်သည်။ ထို့ကြောင့် ပဋိဇီဝ ဆေးခုခံနိုင်မှုသည် တဖြည်းဖြည်း ကြီးထွားလာသည်။
ပဋိဇီဝဆေးကို ခုခံနိုင်သောမျိုးရိုးဗီဇသည်လည်း လက်ဆင့်ကမ်းတတ်သော သဘောရှိသည့် အတွက် နှစ် များစွာကပင် တဖြည်းဖြည်းပြောင်းလဲလာ၍ နောက်ဆုံးပေါ်မျိုးဆက် ဗက်တီးရီးယားများပေါ်ထွက် လာပါ သည်။ နောက်ဆုံးပေါ်မျိုးဆက် ဗက်တီးရီးယားများကို နှိမ်နင်းနိုင်သည့်ပဋိဇီဝဆေးများကို ကုမ္ပဏီများက အပြိုင်အဆိုင်ထုတ်လုပ်ပြီး ရောင်းချကြ၏။ စာဖတ်သူများ နားလည်အောင်ရှင်းပြရလျှင် ပဋိဇီဝဆေးမှာ ဗက်တီးရီးယားပိုးကို သတ်သည့်ဆေးနှင့် ဗက်တီးရီးယားပိုး ဆက်လက်မပွားအောင် ပြုလုပ်သည့် ပဋိဇီဝဆေးဆိုပြီး နှစ်မျိုးရှိသည်။ ကျွန်တော်တို့ခံစားရတာ သက်သာပြီဟုဆေးဖြတ်လိုက် ချိန်တွင် တချို့ ဘက်တီးရီးယားပိုးများမှာ ကျွန်တော်တို့ ခန္ဓာကိုယ်ထဲတွင် ကျန်ရှိနေတတ်၏။ ထို့ ကြောင့် ဘက်တီးရီးယား ပိုးများသည် ပျော်ပျော်ပါးပါးပင် ပဋိဇီဝဆေးယဉ်ပါးခြင်းဖြစ်လာသည်။
ဆေးယဉ်ပါးခြင်းတွင် သာမန်ရောဂါဖြစ်သူများတွင် မသိသာဘဲ ငှက်ဖျားရောဂါသည်များ၊ တီဘီရောဂါ သည်များ၊ ခုခံအား ကျဆင်းသည့်ရောဂါ HIV/AIDS ရောဂါသည်များ၊ ကလေးငယ်များနှင့် ကိုယ်ဝန် ဆောင်မိခင်များတွင် အလွန်အရေးကြီးပြီး အသက်သေဆုံးနိုင်သည် အထိ ဖြစ်တတ်ပါ သည်။ ဆေးယဉ် ပါးသော တီဘီရောဂါကို မြန်မာနိုင်ငံတွင် တီဘီရောဂါဖြစ်ပွားသူ လူ ၁၀ ယောက်လျှင် တစ်ယောက် တွေ့ရသည်ဟု သိရပါသည်။
အရှေ့တောင်အာရှနိုင်ငံများ၌ တတိယမျိုးဆက်ဖြစ်သည့် Cephalosporins ပဋိဇီဝဆေး၏ ဆေးယဉ် ပါးမှုမှာ ကမ္ဘာ့ကျန်းမာရေးအဖွဲ့ (WHO) ၏တင်ပြချက်အရ E.coli တွင် ပဋိဇီဝဆေးယဉ်ပါးမှုသည် ၆၈ ရာခိုင်နှုန်း၊ Klebsiella တွင် ပဋိဇီဝဆေးယဉ်ပါးမှုသည် ရှစ်ရာခိုင်နှုန်း၊ Staph တွင် ပဋိဇီဝဆေးယဉ်ပါး မှုသည် ၂၆ ရာခိုင်နှုန်းနှင့် Gonorrhea တွင် ပဋိဇီဝဆေးယဉ်ပါးမှုသည် ငါးရာခိုင်နှုန်း အသီးသီးရှိသည် ဟု သုတေသနမှတ်တမ်းများအရ သိရသည်။ ခေတ်မီတိုးတက်သည့် အမေရိကန်ပြည်ထောင်စုပင် တခြားနိုင်ငံ သို့သွားရောက်ပြီး ဝမ်းလျှောရောဂါဖြစ်ခဲ့သော အမေရိကန်ခရီးသွား ၃၀၀၀၀ မှ ၈၀၀၀၀ တွင် ပဋိဇီဝဆေး ယဉ်ပါးမှုကိုတွေ့ရှိကြောင်း သိရသည်။
ထို့ကြောင့် ပဋိဇီဝဆေးယဉ်ပါးမှု မဖြစ်စေရန် သိထားသင့်သော အချက်များကို ဝေမျှရလျှင်
- အနာသိလျှင် ဆေးရှိသည်ဆိုသကဲ့သို့ နေမကောင်းဖြစ်လျှင် ပဋိဇီဝဆေးကို လိုအပ်မှသာ သောက် သုံးပါ။
- နာမကျန်းဖြစ်ခဲ့ပါက ဘက်တီးရီးယားပိုးကို စစ်ဆေးပြီး တိကျသည့် ပဋိဇီဝဆေးကို သောက်ပါ။
- ပဋိဇီဝဆေးကို မှန်မှန်ကန်ကန် ဆရာဝန်၏ ညွှန်ကြားချက်အတိုင်းသောက်ပါ။
- ဆေးပတ်လည်အောင်သောက်ပါ။
- သက်သာပြီဟု ယူဆပြီးဆေးသောက်ခြင်းကို ရပ်မပစ်ပါနှင့်။
- မိမိကျန်ရှိနေသည့် ဆေးကိုသိမ်းထားပြီး တခြားသူများ နာမကျန်းဖြစ်သောအခါ ဆေးသောက်ရန်မျှ ဝေခြင်း မပြုပါနှင့်။
- ကျန်ရှိနေသည့်ဆေးဝါးများကို ဆက်လက် သိမ်းထားခြင်း မပြုလုပ်ရန် အကောင်းဆုံးဖြစ်သည်။
- ဆရာဝန်ထံပြသမှု မခံယူဘဲ မိမိဘာသာ ပဋိဇီဝဆေးကို မသောက် သုံးသင့်ပါ။
- ပဋိဇီဝဆေးများ၌ ဘေးထွက်ဆိုးကျိုး Side Effect ရှိသည်ကို သတိပြုပါ။
- ဝယ်ယူလာသည့် သား၊ ငါးများကို ရေဖြင့်ပြောင်စင်အောင်ဆေးကြောပြီး ဘက်တီးရီးယားပိုးများသည် အပူချိန်မြင့်မြင့်တွင် အသက်မရှင်နိုင်သည့်အတွက် ကျက်အောင်ကြော်လှော်ချက်ပြုတ်ပါ။
အချုပ်ဆိုရသော် ပဋိဇီဝဆေးယဉ်ပါးမှုဖြစ်ခဲ့လျှင် ဆေးကုသမှုပေးသောအခါ နှောင့်နှေးကြန့်ကြာတတ် ပြီး ဆေးရုံတွင် အချိန်ကြာကြာ ဆေးကုသမှုခံယူရသောကြောင့် အချိန်ကုန်၍ ဆေးကုသမှုစရိတ်များ ပိုမိုကုန်ကျလာကာ ပြည်သူလူထု၏ မိသားစုဝင်ငွေလျော့ကျ လာစေနိုင်ပါသည်။
ထို့ကြောင့် မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၊ မွေးမြူရေးနှင့် ကုသရေး ဦးစီးဌာနမှ ဝန်ထမ်း များသည် တာဝန်ကျရာဒေသများတွင် ဝန်ကြီးဌာန၏ မူဝါဒဖြစ်သော စားနပ်ရိက္ခာ ဖူလုံရေး၊ အစားအစာ ဘေးကင်းလုံခြုံမှုရှိစေရေးနှင့် ကျေးလက်နေပြည်သူတစ်ဦးချင်း ဝင်ငွေတိုးတက်လာပြီး စဉ်ဆက်မပြတ် ဖွံ့ဖြိုးတိုးတက်စေရေးတို့ကို အဓိကထား၍ ဆောင်ရွက်လျက်ရှိပါသည်။
ကျန်းမာခြင်းသည် လာဘ်ကြီးတစ်ပါး ဆိုသကဲ့သို့ ပြည်သူလူထု ကျန်းမာပျော်ရွှင်၍ တစ်ဦးချင်းဝင်ငွေ တိုးတက်လာပြီး ခေတ်မီဖွံ့ဖြိုးတိုးတက်သည့် ဒီမိုကရေစီနိုင်ငံတော်သစ်ကြီး တည်ဆောက်ရာတွင် အုတ်တစ်ချပ် သဲတစ်ပွင့်အနေဖြင့် ပြည်သူလူထုသို့ ကျန်းမာရေး အသိပညာများကို ဝေငှရင်း တဖြည်း ဖြည်းကျယ်ပြန့်လာသော ပဋိဇီဝဆေးယဉ်ပါးမှုကို သတိပြုကာကွယ်ကြပါစို့။ ။
ကြေးမုံသတင်းစာ
ဖေဖော်ဝါရီလ (၂၈) ရက်၊ ၂၀၁၅ ခုနှစ်
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+